ಈ ಚಿತ್ರದ ಚಿತ್ರೀಕರಣಕ್ಕೆ ಮದ್ಯ ಸೇವಿಸಿ ಬರುತ್ತಿದ್ದ ಶಾರುಖ್ ಖಾನ್..!

ಶಾರೂಖ್ ಖಾನ್ ಉತ್ತಮ ನಟ ಎಂಬುದರಲ್ಲಿ ಎರಡು ಮಾತಿಲ್ಲ. ಬಾಲಿವುಡ್‌ನ ಬಾದ್‌ಶಾ ಆಗಿದ್ದು ಸುಮ್ಮನೆಯೂ ಅಲ್ಲ. ವಿವಾದಗಳಿಂದ ದೂರವೇ ಉಳಿದು 30 ವರ್ಷಗಳ ಕಾಲ ಚಿತ್ರೋದ್ಯಮದಲ್ಲಿರುವುದು ಸುಲಭವಲ್ಲ. ಆದರೆ ಈ ಎಲ್ಲವನ್ನೂ ಸಾಧಿಸಿರುವ ನಟನ ಕುರಿತ ಅಪರೂಪದ, ಬಹುತೇಕ ಯಾರಿಗೂ ತಿಳಿಯದ ವಿಷಯವೊಂದು ಈಗ ಹೊರಬಿದ್ದಿದೆ.

ಅದೇ ಚಿತ್ರವೊಂದರ ಶೂಟಿಂಗ್‌ಗೆ ಶಾರೂಖ್ ಮದ್ಯ ಸೇವಿಸಿ ಬರುತ್ತಿದ್ದರು ಎಂಬುದು. ಹೀಗೆ ಶಾರೂಖ್ ಕುಡಿದು ಬರುತ್ತಿದ್ದುದು, ಸದಾ ಮದ್ಯದ ಅಮಲಿನಲ್ಲೇ ತೇಲುವ ಪಾತ್ರವಾಗಿದ್ದ ದೇವದಾಸ್‌ಗಾಗಿ.

2002 ರಲ್ಲಿ ಬಿಡುಗಡೆಯಾದ  ಶಾರುಖ್ ಖಾನ್ ಅವರ ಚಿತ್ರ ದೇವದಾಸ್ ಸೂಪರ್ ಡೂಪರ್ ಹಿಟ್. ಚಿತ್ರದಲ್ಲಿ ಕಿಂಗ್ ಖಾನ್ ಅವರ ನಟನೆಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು. ಆದರೆ, ಸಂಜಯ್ ಲೀಲಾ ಬನ್ಸಾಲಿ ಚಿತ್ರದ ದೇವದಾಸ್ ಚಿತ್ರೀಕರಣದ ವೇಳೆ ಶಾರುಖ್ ಖಾನ್ ಮದ್ಯ ಸೇವಿಸಿದ್ದು, ವಿಷಯ ತಿಳಿದು ನಿರ್ದೇಶಕರೂ ಅಚ್ಚರಿಗೊಂಡಿದ್ದಾರೆ.

ಇಂದಿಗೂ ಕೂಡ ಅಭಿಮಾನಿಗಳು ಈ ಚಿತ್ರವನ್ನು ಬಹಳ ಆಸಕ್ತಿಯಿಂದ ವೀಕ್ಷಿಸುತ್ತಿದ್ದಾರೆ. ಅದು ದೇವದಾಸ್‌ನ ಪಾರೋ ಅಥವಾ ಚಂದ್ರಮುಖಿ ಆಗಿರಲಿ, ಚಿತ್ರದ ಪ್ರತಿಯೊಂದು ಪಾತ್ರವೂ ಸೂಪರ್‌ಹಿಟ್ ಆಗಿತ್ತು. ಶಾರುಖ್ ಖಾನ್ ಜೊತೆಗೆ ಐಶ್ವರ್ಯಾ ರೈ ಮತ್ತು ಮಾಧುರಿ ದೀಕ್ಷಿತ್ ಅವರ ನಟನೆಯನ್ನು ಹೆಚ್ಚು ಪ್ರಶಂಸಿಸಲಾಯಿತು.

ಶಾರೂಖ್ ವೃತ್ತಿಜೀವನದ ಮೈಲಿಗಲ್ಲು
ಈ ಚಿತ್ರವು ಶಾರುಖ್ ಅವರ ವೃತ್ತಿಜೀವನದಲ್ಲಿ ಒಂದು ಮೈಲಿಗಲ್ಲು. ದೇವದಾಸ್‌ನಲ್ಲಿ, ಕಿಂಗ್ ಖಾನ್ ತನ್ನ ಗೆಳತಿಯನ್ನು ಆಳವಾಗಿ ಪ್ರೀತಿಸುವ ಮತ್ತು ಅವಳಿಂದ ಅಗಲಿಕೆಯ ದುಃಖದಿಂದ ಹಗಲು ರಾತ್ರಿ ಮದ್ಯದ ಅಮಲಿನಲ್ಲಿ ಇರುವ ಪ್ರೇಮಿಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಶಾರುಖ್ ಖಾನ್ ಈ ಪಾತ್ರವನ್ನು ಬಹಳ ಉತ್ಸಾಹದಿಂದ ನಿರ್ವಹಿಸಿದ್ದಾರೆ.

ಚಿತ್ರೀಕರಣಕ್ಕೂ ಮುನ್ನ ಮದ್ಯ ಸೇವನೆ
ಕಿಂಗ್ ಖಾನ್ ಸಂಪೂರ್ಣವಾಗಿ ದೇವದಾಸ್ ಪಾತ್ರದಲ್ಲಿ ಮಗ್ನರಾಗಿದ್ದರು. ದೊಡ್ಡ ಪರದೆಯ ಮೇಲೆ ಈ ಪಾತ್ರವನ್ನು ಚಿತ್ರಿಸಲು, ಶಾರುಖ್ ಕುಡುಕ ದೃಶ್ಯಗಳ ಮೊದಲು ಮದ್ಯಪಾನ ಮಾಡುತ್ತಿದ್ದರು. ಇದನ್ನು ಶಾರುಖ್ ಖಾನ್ ಅವರ ಸಹನಟ ಟಿಕು ತಲ್ಸಾನಿಯಾ ಬಹಿರಂಗಪಡಿಸಿದ್ದಾರೆ. 

ಡಿಜಿಟಲ್ ಕಾಮೆಂಟರಿಗೆ ನೀಡಿದ ಸಂದರ್ಶನದಲ್ಲಿ ಅವರು, 'ಶಾರುಖ್ ಖಾನ್ ತುಂಬಾ ಪ್ರತಿಭಾವಂತ ವ್ಯಕ್ತಿ. ಅವರು ತಮ್ಮ ಪಾತ್ರಗಳಿಗಾಗಿ ತುಂಬಾ ಶ್ರಮಿಸುತ್ತಾರೆ. ದೇವದಾಸ್‌ನ ಕೆಲವು ತೀವ್ರವಾದ ದೃಶ್ಯಗಳಲ್ಲಿ ಶಾರುಖ್ ರಮ್ ಕುಡಿಯುತ್ತಿದ್ದರು, ಇದರಿಂದಾಗಿ ಪ್ರೇಕ್ಷಕರು ಅವರ ಕಣ್ಣುಗಳಲ್ಲಿ ಸತ್ಯವನ್ನು ನೋಡಬೇಕೆನ್ನುವುದು ಅವರ ಇಚ್ಚೆಯಾಗಿತ್ತು' ಎಂದಿದ್ದಾರೆ.

ಟಿಕು ತಲ್ಸಾನಿಯಾ ಮತ್ತಷ್ಟು ಹೇಳುತ್ತಾರೆ, 'ನಾವೆಲ್ಲರೂ ಬಿಸಿಲಿನ ಶಾಖದಲ್ಲಿ ಶೂಟಿಂಗ್ ಮಾಡುತ್ತಿದ್ದೆವು. ಈ ಬಿಸಿಲಿನ ತಾಪದಲ್ಲಿ ಶಾರುಖ್ ಖಾನ್ ರಮ್ ನ ಹಲವು ಶಾಟ್ ಗಳನ್ನು ಕುಡಿಯುತ್ತಿದ್ದರು. ನಾನು ಅವರನ್ನು ಕೇಳಿದೆ, ನೀವು ಏನು ಮಾಡುತ್ತಿದ್ದೀರಿ?ಎಂದು.

'ಆಗ ಅವರು ಕುಡುಕನಾಗಿ ನಟಿಸಲು ಸಾಧ್ಯವಾಗುತ್ತದೆ. ಆದರೆ ನನ್ನ ಕಣ್ಣಲ್ಲಿ ಮದ್ಯವನ್ನು ತೋರಿಸುವುದು ಹೇಗೆ ಎಂದು ಕೇಳಿದರು' ಕಣ್ಣಿನಲ್ಲೂ ತಮ್ಮ ಪಾತ್ರ ಕಾಣಿಸಬೇಕೆಂದು ಶಾರೂಖ್ ಹೀಗೆ ಮಾಡುತ್ತಿದ್ದರಂತೆ.

ಸೂಪರ್‌ಸ್ಟಾರ್‌ನ ಈ ಡೆಡಿಕೇಶನ್ ನೋಡಿ ಸಂಜಯ್ ಲಿಲ್ ಬನ್ಸಾಲಿ ಕೂಡ ಆಶ್ಚರ್ಯಚಕಿತರಾದರು. ಈ ಚಿತ್ರವು 5 ರಾಷ್ಟ್ರೀಯ ಪ್ರಶಸ್ತಿಗಳನ್ನು ಗೆದ್ದಿದೆ.