ಸನಾ ಖಾನ್‌ - ಮಮತಾ ಕುಲಕರ್ಣಿ: ಧರ್ಮಕ್ಕಾಗಿ ಗ್ಲಾಮರ್‌ ಲೋಕಕ್ಕೆ ಬೈ ಹೇಳಿದವರು!

ಸನಾ  ಇತ್ತೀಚೆಗೆ ಗುಜರಾತ್ ನ ಸೂರತ್‌ನಲ್ಲಿ ಮೌಲಾನಾ ಅನಸ್ ಮುಫ್ತಿಯನ್ನು ವಿವಾಹವಾದರು. ಹಾಗೂ ನಟನಾ ಜಗತ್ತಿಗೆ ವಿದಾಯ ಹೇಳಿದ್ದರು. 

ಮಮತಾ ಕುಲಕರ್ಣಿ:
90 ರ ಬಾಲಿವುಡ್ ನಟಿ ಮಮತಾ ಕುಲಕರ್ಣಿ ತಮ್ಮ ಬೋಲ್ಡ್‌ನೆಸ್‌ನಿಂದ  ಪ್ರೇಕ್ಷಕರ ಹೃದಯದಲ್ಲಿ ನೆಲೆಸಿದ್ದರು. ಟಾಪ್‌ಲೆಸ್ ಫೋಟೋಶೂಟ್ಮಾಡುವ ಮೂಲಕಸಖತ್‌ ಸುದ್ದಿಯಾಗಿದ್ದರು ಈ ನಟಿ. ನಿರ್ಮಾಪಕರು ಮತ್ತು ನಿರ್ದೇಶಕರು ತಮ್ಮ ಚಿತ್ರದಲ್ಲಿ ಮಮತಾ ಕುಲಕರ್ಣಿಯನ್ನು ಹೊಂದಬೇಕೆಂಬ ಇಚ್ಛೆಯನ್ನು ವ್ಯಕ್ತಪಡಿಸುತ್ತಿದ್ದರು. ಇಲ್ಲಿಂದಲೇ ನಟಿ ಕೆರಿಯರ್‌ನ ಹೊಸ ಹಾದಿ ಪ್ರಾರಂಭವಾಯಿತು. ಆದರೆ, ಕೀರ್ತಿ ಮತ್ತು ಸ್ಟಾರ್ಡಮ್  ತ್ಯಜಿಸಿ ವರ್ಷಗಳ ನಂತರ, ಅವರು ಆಧ್ಯಾತ್ಮಿಕದ ಕಡೆಗೆ ಧುಮುಕಿದರು. 

ಅವರ ಹೆಸರನ್ನು ಭೂಗತ ಜಗತ್ತಿನ ಡಾನ್ ಚೋಟಾ ರಾಜನ್ ಜೊತೆ ಕೇಳಿಬಂದಿದೆ. ಇದು ಮಾತ್ರವಲ್ಲ, ಡ್ರಗ್ಸ್‌ ಡೀಲರ್‌ ವಿಜಯ್ ಗೋಸ್ವಾಮಿಯೊಂದಿಗೆ ಸಂಬಂಧ ಹೊಂದಿದ್ದು  ಇಬ್ಬರೂ ಮದುವೆಯಾದರು ಎಂದು ವರದಿಯಾಗಿದೆ. ಕಳ್ಳಸಾಗಾಣಿಕೆಯಲ್ಲಿ ಸಿಕ್ಕಿಬಿದ್ದ ನಂತರ ವಿಕ್ಕಿ ಜೈಲಿಗೆ ಹೋದರು ಮತ್ತು ನಟಿ ಭಕ್ತಿಯಲ್ಲಿ ಮುಳುಗಿಹೋದರು ಎಂದು ಹೇಳಲಾಗುತ್ತದೆ. ಅವರು 'ಯೋಗಿನ್‌ನ ಆತ್ಮಚರಿತ್ರೆ' ಎಂಬ ಪುಸ್ತಕವನ್ನು ಬರೆದಿದ್ದಾರೆ.

ಜೈರಾ ವಾಸಿಮ್:
'ದಂಗಲ್' ಖ್ಯಾತಿಯ ನಟಿ ಜೈರಾ ವಾಸಿಮ್ ತನ್ನ ನಟನೆಯಿಂದ ಬಾಲಿವುಡ್‌ನಲ್ಲಿ ಛಾಪು ಮೂಡಿಸಿದ್ದಾರೆ.  ಆದರೆ ಆಷ್ಟೇ ಶೀಘ್ರದಲ್ಲಿ ಜೈರಾ ಚಿತ್ರರಂಗದಿಂದ ದೂರವಾಗಿದ್ದರು. ದಂಗಲ್ ಸೀಕ್ರೆಟ್ ಸೂಪರ್ಸ್ಟಾರ್' ಮತ್ತು 'ದಿ ಸ್ಕೈ ಈಸ್ ಪಿಂಕ್' ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡ ಜೈರಾ, 'ತಾನು ಈಗ ಧರ್ಮದ ಪ್ರಚಾರದತ್ತ ಗಮನ ಹರಿಸುತ್ತೇನೆ' ಎಂದು ಬರೆದಿದ್ದಾರೆ. ಅವರ ನಿರ್ಧಾರ ಎಲ್ಲರಿಗೂ  ಆಶ್ಚರ್ಯ ಮೂಡಿಸಿದೆ. 

ಸೋಫಿಯಾ ಹಯಾತ್:
ಬಿಗ್ ಬಾಸ್ ನಲ್ಲಿ ಭಾಗವಹಿಸಿದ ಸೋಫಿಯಾ ಹಯಾತ್ ಅವರು ಅನೇಕ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.  ಈಗ ಸಿನಿಮಾ ಜಗತ್ತನ್ನು  ತೊರೆದಿದ್ದು  ತನ್ನನ್ನು ಸನ್ಯಾಸಿನಿ ಎಂದು ಕರೆಯುತ್ತಾರೆ ಸೋಫಿಯಾ. ಅವರು ಸನ್ಯಾಸಿನಿಯಾಗಿ ಅನೇಕ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. 

ಬರ್ಖಾ ಮದನ್:
1994 ರಲ್ಲಿ ಮಿಸ್ ಇಂಡಿಯಾ ಫೈನಲಿಸ್ಟ್ ಆಗಿದ್ದ   ಬಾರ್ಖಾ ಮದನ್  2012 ರಲ್ಲಿ  ಸಿನಿಮಾ ಹಾಗೂ ಗ್ಲಾಮರ್‌ನಿಂದ ದೂ ಸರಿಯಲು ನಿರ್ಧರಿಸಿ ಬೌದ್ಧಧರ್ಮದ ನನ್‌ ಆದರು. ಬರ್ಖಾ ಮದನ್ ಬೌದ್ಧಧರ್ಮದಿಂದ ಹೆಚ್ಚು ಪ್ರಭಾವಿತರಾಗಿ ಅಂದಿನಿಂದ ಅವರು  ಸನ್ಯಾಸಿನಿಯಾಗಿ ವಾಸಿಸುತ್ತಿದ್ದಾರೆ. 

ಅನು ಅಗರ್ವಾಲ್:
ಆಶಿಕಿ ಫೇಮ್‌ನ  ಅನು ಅಗರ್ವಾಲ್  ಅಪಘಾತಕ್ಕೆ ಬಲಿಯಾದಾಗ  ಜೀವನ ಬದಲಾಯಿತು. ಅವರು ಅಪಘಾತದ ನಂತರ ಸುಮಾರು ಒಂದು ತಿಂಗಳ ಕಾಲ ಕೋಮಾದಲ್ಲಿದ್ದರು. ನಂತರ ಚೇತರಿಸಿಕೊಂಡಾಗ, ಅವರು ಆಧ್ಯಾತ್ಮಿಕತೆಯ ಮಾರ್ಗವನ್ನು ಆರಿಸಿಕೊಳ್ಳಲು ನಿರ್ಧರಿಸುತ್ತಾರೆ.  ಈಗ ಅನು ಯೋಗ ಮಾಡಿ ಆಧ್ಯಾತ್ಮಿಕ ಜೀವನವನ್ನು ನೆಡೆಸುತ್ತಾರೆ.