Bollywood Stories : ಶತ್ರುಘ್ನ ಸಿನ್ಹಾ ಜೊತೆ ಆಫೇರ್‌; ಪಾಕಿಸ್ತಾನಿ ಕ್ರಿಕೆಟರ್‌ ಜೊತೆ ಮ್ಯಾರೇಜ್!

ರೀನಾ ರಾಯ್  ಅವರ ಮೊದಲ ಚಿತ್ರ ಹಿಟ್ ಆಗಲಿಲ್ಲ, ಆದರೆ  ಕಡಿಮೆ ಸಮಯದಲ್ಲಿ, ಅವರು ಬಾಲಿವುಡ್‌ನ ಟಾಪ್ ನಟಿಯರಲ್ಲಿ ಒಬ್ಬರಾದರು. ಸಿನಿಮಾಗಳಿಗಿಂತ ಶತ್ರುಘ್ನ ಸಿನ್ಹಾ ಅವರ ಜೊತೆ ಲವ್‌ ಸ್ಟೋರಿಯಿಂದಲೇ  ಹೆಚ್ಚು ಜನಪ್ರಿಯರಾದ ಏಕೈಕ ನಾಯಕಿ ರೀನಾ ರಾಯ್. ಶತ್ರು ಮತ್ತು ರೀನಾ ಹನ್ನೆರಡು ಸಿನಿಮಾಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದರು, ಅವುಗಳಲ್ಲಿ ಹೆಚ್ಚಿನವು ಬಾಕ್ಸ್ ಆಫೀಸ್ ಹಿಟ್ ಆಗಿದ್ದವು.

ಜನವರಿ 2016 ರಲ್ಲಿ ಪ್ರಕಟವಾದ ಶತ್ರುಘ್ನ ಸಿನ್ಹಾ ಅವರ ಜೀವನಚರಿತ್ರೆ 'ಎನಿಥಿಂಗ್ ಬಟ್ ಖಾಮೋಶ್' ಪುಸ್ತಕದಲ್ಲಿ ರೀನಾ ರಾಯ್ ಮತ್ತು ಶತ್ರುಘ್ನ ಸಂಬಂಧದ ಬಗ್ಗೆ ಅನೇಕ ವಿಷಯಗಳನ್ನು ಬರೆಯಲಾಗಿದೆ. ರೀನಾ ರಾಯ್ ಅವರ ಮದುವೆಯ ಬಗ್ಗೆ ಕೇಳಿದ ನಂತರ ಶತ್ರುಘ್ನ ಸಿನ್ಹಾ ಮಗುವಿನಂತೆ ಅತ್ತಿದ್ದರು ಎಂದು ಪುಸ್ತಕದ ಲೇಖಕಿ ಭಾರತಿ ಎಸ್ ಪ್ರಧಾನ್ ಹೇಳುತ್ತಾರೆ.

ಶತ್ರು ಅವರ ಆಪ್ತರಲ್ಲಿ ಒಬ್ಬರಾದ ಪಹ್ಲಾಜ್ ಅವರು 1982 ರಲ್ಲಿ ಅವರು ಶತ್ರು, ರೀನಾ ಮತ್ತು ಸಂಜೀವ್ ಕುಮಾರ್ ಅವರೊಂದಿಗೆ 'ಹತ್ಕಡಿ' ಚಿತ್ರವನ್ನು ನಿರ್ಮಿಸುತ್ತಿದ್ದರು. ಈ ಸಿನಿಮಾಕ್ಕೂ ಮುಂಚೆಯೇ ಶತ್ರು ಮತ್ತು ರೀನಾ ಅವರ ಪ್ರೀತಿ ಬೆಳಕಿಗೆ ಬಂದಿತ್ತು. ಆದರೆ 1980 ರಲ್ಲಿ ಶತ್ರು ಪೂನಂ ಸಿನ್ಹಾಳನ್ನು ವಿವಾಹವಾದರು. 

ಮದುವೆಯ ನಂತರವೂ ರೀನಾ ಅವರೊಂದಿಗಿನ ಅವರ ಸಂಬಂಧವು 7 ವರ್ಷಗಳ ಕಾಲ ನಡೆಯಿತು ಮತ್ತು ಅವರು ರೀನಾ ರಾಯ್ ಅವರನ್ನು ಭೇಟಿಯಾಗುವುದನ್ನು ಮುಂದುವರೆಸಿದರು. ಆದರೆ ಕ್ರಮೇಣ ರೀನಾಗೆ ಶತ್ರು ತನ್ನನ್ನು ಮದುವೆಯಾಗುವುದಿಲ್ಲ ಎಂದು ಭಾವಿಸಲು ಪ್ರಾರಂಭಿಸಿದರು.
 

ಕ್ರಮೇಣ ಅವರ ಸಂಬಂಧವು ಹಳಸಲಾರಂಭಿಸಿತು. ರೀನಾ ಅವರೊಂದಿಗೆ ಚಲನಚಿತ್ರಗಳನ್ನು ಮಾಡಲು ನಿರಾಕರಿಸಿದರು ಎಂದು ಪಹ್ಲಾನ್ ನಿಹಲಾನಿ ಹೇಳುತ್ತಾರೆ. ಅವನು ನನ್ನನ್ನು ಮದುವೆಯಾಗದಿದ್ದರೆ, ಮುಂದಿನ ಎಂಟು ದಿನಗಳಲ್ಲಿ ನಾನು ಯಾರನ್ನಾದರೂ ಮದುವೆಯಾಗುತ್ತೇನೆ ಎಂದು  ಆ ಸಂದರ್ಣದಲ್ಲಿ ಹೇಳಿದ್ದರಂತೆ.

ಶತ್ರುಘ್ನ ಸಿನ್ಹಾ  ಅವರ ಜೊತೆಯ ಸಂಬಂಧ ಕಡಿದ ನಂತರ ರೀನಾ ರಾಯ್ ಅವರು ಪಾಕಿಸ್ತಾನಿ ಕ್ರಿಕೆಟಿಗ ಮೊಹ್ಸಿನ್ ಖಾನ್ ಅವರನ್ನು ವಿವಾಹವಾದರು. ಆದರೆ ಅವರ ಮದುವೆ ಕೆಲವೇ ದಿನದಲ್ಲಿ ಮುರಿದು ಬಿತ್ತು.

ಸಂದರ್ಶನವೊಂದರಲ್ಲಿ, ರೀನಾ ತನ್ನ ಮಾಜಿ ಪತಿ ಮೊಹ್ಸಿನ್ ಜೊತೆಗಿನ ಸಂಬಂಧವನ್ನು ಬಹಿರಂಗಪಡಿಸಿದರು. ಅವರು ತಮ್ಮ ಮಗಳ ತಂದೆಯಾಗಿರುವುದರಿಂದ ಅವರನ್ನು ತುಂಬಾ ಗೌರವಿಸುತ್ತೇನೆ ಮತ್ತು ಅವರು ಇನ್ನೂ ಪರಸ್ಪರ ಸಂಪರ್ಕದಲ್ಲಿದ್ದಾರೆ ಎಂಬ ಸಂಗತಿಯನ್ನು ಹೇಳಿದ್ದರು.

ರೀನಾ ತನ್ನ ಜೀವನದ ಏಳು ವರ್ಷಗಳನ್ನು ನನಗೆ ನೀಡಿದ್ದು ನನ್ನ ಅದೃಷ್ಟ ಎಂದು ಶತ್ರುಘ್ನ ಸಿನ್ಹಾ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಮಿಲಾಪ್ ಸೆಟ್‌ನಲ್ಲಿ ಇಬ್ಬರೂ ಭೇಟಿಯಾದರು. ಇಬ್ಬರೂ ಕೂಡ ಪರಸ್ಪರ ಮದುವೆಯಾಗಲು ಬಯಸಿದ್ದರು, ಆದರೆ ಈ ಸಂಬಂಧ ಮುಂದುವರಿಯಲಿಲ್ಲ.