ತುಷಾರ್‌ ಕಪೂರ್‌ ಮಗನ ಬರ್ತ್‌ಡೇ ಪಾರ್ಟಿಯಲ್ಲಿ ನ್ಯಾನಿ ಜೊತೆ ಹಾಜರಾದ ಕರೀನಾ ಕಪೂರ್‌ ಮಕ್ಕಳು!

ಬಾಲಿವುಡ್‌ನ ಸಿಂಗಲ್‌ ಡ್ಯಾಡ್‌ ತುಷಾರ್‌ ಕಪೂರ್‌  (Tusshar Kapoor) ತಮ್ಮ ಮಗನ ಏಳನೇ ಹುಟ್ಟುಹಬ್ಬದ ಪಾರ್ಟಿಯನ್ನು ಹೋಸ್ಟ್ ಮಾಡಿದ್ದರು. ರಾಣಿ ಮುಖರ್ಜಿ, ತೈಮೂರ್ ಅಲಿ ಖಾನ್ ಮತ್ತು ಜಹಾಂಗೀರ್ ಅವರು ತುಷಾರ್ ಕಪೂರ್ ಅವರ ಪುತ್ರ ಲಕ್ಷ್ಯ ಅವರ ಸೂಪರ್ ಮಾರಿಯೋ ಥೀಮ್‌ ಹುಟ್ಟುಹಬ್ಬದ ಸಮಾರಂಭದಲ್ಲಿ ಭಾಗವಹಿಸಿದ್ದಾರೆ. ಈ ಸಮಯದ ಫೋಟೋಗಳು ಸಖತ್‌ ವೈರಲ್ಲ ಆಗಿವೆ 

ಗುರುವಾರ ನಡೆದ ತುಷಾರ್ ಕಪೂರ್ ಅವರ ಪುತ್ರ ಲಕ್ಷ್ಯ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ಕರೀನಾ ಕಪೂರ್ ಅವರ ಮಕ್ಕಳಾದ ತೈಮೂರ್ ಮತ್ತು ಜಹಾಂಗೀರ್ ಅಲಿ ಖಾನ್‌ನಿಂದ ಹಿಡಿದು ರಾಣಿ ಮುಖರ್ಜಿಯವರೆಗೆ  ಹಲವು ಸೆಲೆಬ್ರೆಟಿಗಳು ಭಾಗವಹಿಸಿದ್ದರು.

ನಟ ತುಷಾರ್ ಕಪೂರ್ ಗುರುವಾರ ತಮ್ಮ ಪುತ್ರ ಲಕ್ಷ್ಯ ಅವರ ಹುಟ್ಟುಹಬ್ಬವನ್ನು ಆಯೋಜಿಸಿದ್ದರು ಮತ್ತು ಅವರ ಹಲವಾರು ಉದ್ಯಮ ಸ್ನೇಹಿತರು ಮತ್ತು ಅವರ ಮಕ್ಕಳನ್ನು ಪಾರ್ಟಿಗೆ ಆಹ್ವಾನಿಸಿದ್ದರು.

ಲಕ್ಷ್ಯ ಈ ವರ್ಷ ಏಳು ವರ್ಷಕ್ಕೆ ಕಾಲಿಟ್ಟಿದ್ದಾನೆ. ತುಷಾರ್ ಹೋಸ್ಟ್ ಆಗಿ ಸರಳವಾದ ಕಪ್ಪು ಟಿ-ಶರ್ಟ್ ಮತ್ತು ಕಂದು ಪ್ಯಾಂಟ್ ಧರಿಸಿದ್ದರು.  ಬರ್ತ್‌ಡೇ ಬಾಯ್‌ ಹೆಸರನ್ನು ಹೊಂದಿರುವ ಹಿನ್ನೆಲೆಯಲ್ಲಿ ಅವರು ಲಕ್ಷ್ಯ ಜೊತೆಗೆ ವರ್ಣರಂಜಿತ ಬ್ಯಾನರ್‌ನೊಂದಿಗೆ ಪೋಸ್ ನೀಡಿದರು.

7  ವರ್ಷದ ಲಕ್ಷ್ಯ ಬಿಳಿ ಟಿ-ಶರ್ಟ್, ಕೆಂಪು ಶಾರ್ಟ್ಸ್ ಮತ್ತು ಹಳದಿ ಡ್ರೆಸ್‌ನಲ್ಲಿ ಸೂಪರ್ ಮಾರಿಯೋ ಥೀಮ್‌ಗೆ ಚೆನ್ನಾಗಿ ಮ್ಯಾಚ್‌ ಆಗುವಂತೆ ತೋರುತ್ತಿತ್ತು. ತುಷಾರ್ ಅವರ ಸಹೋದರಿ ಏಕ್ತಾ ಕಪೂರ್, ಅವರ ಮಗ ರವಿ ಕಪೂರ್ ಜೊತೆ ಪಾರ್ಟಿಗೆ ಆಗಮಿಸಿದ್ದರು.

ಪೋಷಕರಾದ ಜೀತೇಂದ್ರ ಮತ್ತು ಶೋಭಾ ಕಪೂರ್ ಸಹ ಪಾರ್ಟಿಯಲ್ಲಿ ಹಾಜರಿದ್ದರು ಹಾಗೂ ಜೀತೇಂದ್ರ ಮೊಮ್ಮಗನೊಂದಿಗೆ ಫೋಟೋಗಳಿಗೆ ಪೋಸ್ ನೀಡಿದರು.

ತೈಮೂರ್ ಮತ್ತು ಜೇಯ್ ಅವರ ನ್ಯಾನಿ ಜೊತೆಗೆ  ಬಂದಿದ್ದರು. 'ಜನ್ಮದಿನದ ಶುಭಾಶಯಗಳು ಡಾರ್ಲಿಂಗ್ ಲಕ್ಷ್. ನೀನು ಜೀವನದಲ್ಲಿ ಅತ್ಯಂತ ಅದ್ಭುತವಾದ ವಿಷಯಗಳನ್ನು ಬಯಸುತ್ತೇವೆ' ಎಂದು ಕರೀನಾ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಗಳಲ್ಲಿ ಲಕ್ಷ್ಯಗೆ ವಿಶ್ ಮಾಡಿ ಫೋಟೋ ಹಂಚಿಕೊಂಡಿದ್ದರು.

ರಾಣಿ ಮುಖರ್ಜಿ ಅವರು ಗ್ರೀನ್ ಕೋ-ಆರ್ಡರ್ ಸೆಟ್‌ನಲ್ಲಿ ಪಾರ್ಟಿಯಲ್ಲಿ ಭಾಗವಹಿಸಿದ್ದರು ಮತ್ತು  ಅವಳು ದೊಡ್ಡ ಕನ್ನಡಕವನ್ನೂ ಧರಿಸಿದ್ದರು. ನಟಿ ರಿಧಿ ಡೋಗ್ರಾ ಕೂಡ ಕಾಣಿಸಿಕೊಂಡಿದ್ದಾರೆ. 

ತುಷಾರ್ 2022 ರ ಮರ್ಡರ್ ಮಿಸ್ಟರಿ, ಮಾರಿಚ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಪ್ರಚಾರದ ನಡುವೆ, 'ಈಗ ನಾನು ಹೆಚ್ಚಿನ ಸಿನಿಮಾಗಳನ್ನು ಪಡೆಯಲು ಆಶಿಸುತ್ತೇನೆ. ನಾನು ಅವನೊಂದಿಗೆ ಯಾವಾಗಲೂ ಇರಬೇಕಾಗಿಲ್ಲ, ಅವನು ಈಗ ಸಾಕಷ್ಟು ಸ್ವತಂತ್ರನಾಗಿದ್ದಾನೆ. ಹೇಗಾದರೂ, ನನ್ನ ಬಿಡುವಿನ ದಿನಗಳಲ್ಲಿ ಅಥವಾ ನನ್ನ ಶೂಟಿಂಗ್ ನಂತರ ನಾನು ಅವನೊಂದಿಗೆ ಇರುತ್ತೇನೆ' ಎಂದು  ತುಷಾರ್ ಹೇಳಿದ್ದರು.