ನಿರ್ದೇಶಕ ರಾಮ್ ಗೋಪಾಲ್ ವರ್ಮಾಗೆ 3 ತಿಂಗಳ ಜೈಲು ಶಿಕ್ಷೆ

ರಾಮ್ ಗೋಪಾಲ್ ವರ್ಮ ಅಂದ್ರೆ ಮೊದಲು ನೆನಪಿಗೆ ಬರೋದೆ ವಿವಾದಗಳು. ಚರ್ಚಾಸ್ಪದ ಹೇಳಿಕೆಗಳಿಂದ ವರ್ಮಾ ಸದಾ ಸುದ್ದಿಯಲ್ಲಿರ್ತಾರೆ. ಅವರು ನಿರ್ದೇಶಿಸುವ ಸಿನಿಮಾಗಳೂ ಸಹ ಸಿನಿಮಾ ರಾಜಕೀಯ ವಲಯದಲ್ಲಿ ಚರ್ಚೆಗೆ ಕಾರಣವಾಗ್ತವೆ. ಇದೀಗ ರಾಮ್ ಗೋಪಾಲ್ ವರ್ಮ ಒಂದು ಕೇಸ್‌ನಲ್ಲಿ ಸಿಕ್ಕಿಬಿದ್ದಿದ್ದಾರೆ. ಈ ಕೇಸ್‌ನಲ್ಲಿ ಮುಂಬೈ ಕೋರ್ಟ್ ವರ್ಮಾಗೆ ಮೂರು ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ.

ವಿವರಗಳಿಗೆ ಬರೋದಾದ್ರೆ.. 2018ರಲ್ಲಿ ಮಹೇಶ್ ಚಂದ್ರ ಎಂಬ ವ್ಯಕ್ತಿ ವರ್ಮಾ ಮೇಲೆ ಚೆಕ್ ಬೌನ್ಸ್ ಕೇಸ್ ಹಾಕಿದ್ದರು. ಈ ಕೇಸ್ ವಿಚಾರಣೆ ಇತ್ತೀಚೆಗೆ ನಡೆದಾಗ ಮುಂಬೈ ಕೋರ್ಟ್ ವರ್ಮಾ ಮೇಲೆ ಜಾಮೀನು ರಹಿತ ವಾರೆಂಟ್ ಹೊರಡಿಸಿದೆ. 3 ತಿಂಗಳ ಜೈಲು ಶಿಕ್ಷೆಯ ಜೊತೆಗೆ ಬಾಧಿತರಿಗೆ 3.7 ಲಕ್ಷ ರೂಪಾಯಿ ಪಾವತಿಸಬೇಕೆಂದು ವರ್ಮಾಗೆ ಕೋರ್ಟ್ ಆದೇಶ ನೀಡಿದೆ. ಕೇವಲ ಮೂರು ತಿಂಗಳೊಳಗೆ ಆ ಹಣ ಪಾವತಿಸಬೇಕು. ಇಲ್ಲದಿದ್ರೆ ಇನ್ನೂ 3 ತಿಂಗಳು ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ ಎಂದು ತಿಳಿಸಿದೆ.

ಇನ್ನು ರಾಮ್ ಗೋಪಾಲ್ ವರ್ಮಾಗೆ ಇದು ದೊಡ್ಡ ಶಾಕ್ ಅಂತಾನೆ ಹೇಳ್ಬೇಕು. 2022ರಲ್ಲೇ ವರ್ಮಾ ಈ ಕೇಸ್‌ನಲ್ಲಿ ಜಾಮೀನು ಪಡೆದಿದ್ದರು. ಈಗ ವರ್ಮಾ ಈ ಕೇಸ್‌ನ್ನ ಹೇಗೆ ಎದುರಿಸ್ತಾರೆ ಅನ್ನೋದು ಕುತೂಹಲಕಾರಿಯಾಗಿದೆ. ವರ್ಮಾ ವಿಚಾರಣೆಗೆ ಹಾಜರಾಗದೇ ಇರೋದರ ಬಗ್ಗೆ ಕೋರ್ಟ್ ಗಂಭೀರವಾಗಿ ಪರಿಗಣಿಸಿದೆ.