ಸೂಪರ್‌ ಸ್ಟಾರ್‌ ಪ್ರಭಾಸ್ ಫ್ಯಾಮಿಲಿ ಬ್ಯಾಕ್‌ಗ್ರ್ಯಾಂಡ್‌ ಬಗ್ಗೆ ನಿಮಗೆಷ್ಟು ಗೊತ್ತು?

ಸೌತ್ ಸೂಪರ್ ಸ್ಟಾರ್ ಪ್ರಭಾಸ್ (Prabhas) ಅವರ ಬಹು ನಿರೀಕ್ಷಿತ ಚಿತ್ರ ರಾಧೆ ಶ್ಯಾಮ್ (Radhe Shyam) ಶುಕ್ರವಾರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ತೆಲುಗು, ಹಿಂದಿ, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಚಿತ್ರ ಬಿಡುಗಡೆಯಾಗಿತ್ತು. ಈ ಚಿತ್ರದ ಮೂಲಕ ನಿರ್ಮಾಪಕರು ಹೊಸ ಪ್ರೇಮಕಥೆಯನ್ನು ಮುನ್ನೆಲೆಗೆ ತಂದಿದ್ದಾರೆ. ಅಷ್ಟೇ ಅಲ್ಲ, ಪ್ರಭಾಸ್ ತಮ್ಮ ಕಂಫರ್ಟ್ ಝೋನ್‌ನ ಹೊರಗೆ ಹೊಸದನ್ನು ತೋರಿಸಲು  ಪ್ರಯತ್ನಿಸಿದ್ದಾರೆ. ಅಂದಹಾಗೆ, 42 ವರ್ಷದ ಪ್ರಭಾಸ್ ಬಗ್ಗೆ ಜನರಿಗೆ ಸಾಕಷ್ಟು ತಿಳಿದಿದೆ ಆದರೆ ಅವರ ಕುಟುಂಬದ ಬಗ್ಗೆ ಹೆಚ್ಚು  ತಿಳಿದಿಲ್ಲ. ಅವರ ಕುಟುಂಬದ ಸದಸ್ಯರ ಬಗ್ಗೆ  ಇಲ್ಲಿದೆ ಮಾಹಿತಿ.

ಪ್ರಭಾಸ್ ಹೆಚ್ಚಾಗಿ ಆಕ್ಷನ್ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಆದ್ದರಿಂದ ಅವರನ್ನು ರೋಮ್ಯಾಂಟಿಕ್ ಡ್ರಾಮಾ ರಾಧೆ ಶ್ಯಾಮ್‌ನಲ್ಲಿ ನೋಡಲು ಸಾಕಷ್ಟು ಇಂಟರೆಸ್ಟಿಂಗ್‌ ಅನಿಸುತ್ತದೆ. ಕೆ ಕೆ ರಾಧಾಕೃಷ್ಣ ಕುಮಾರ್ ಅವರ ಈ ಚಿತ್ರವನ್ನು ಸುಮಾರು 350 ಕೋಟಿ ಬಜೆಟ್‌ನಲ್ಲಿ ಸಿದ್ಧಪಡಿಸಲಾಗಿದೆ. 

ಪ್ರಭಾಸ್ ಕುಟುಂಬದ ಬಗ್ಗೆ  ಹೇಳುವುದಾರೆ, ಅವರ ತಂದೆ ನಿರ್ಮಾಪಕ ಸೂರ್ಯನಾರಾಯಣ ರಾಜು ಮತ್ತು ತಾಯಿಯ ಹೆಸರು ಶಿವಕುಮಾರಿ. ಸೂರ್ಯನಾರಾಯಣ ರಾಜು ಅವರು ತೆಲುಗು ಚಲನಚಿತ್ರಗಳ ಪ್ರಸಿದ್ಧ ನಿರ್ಮಾಪಕರು. ಕೃಷ್ಣವೇಣಿ, ಅಮರ ದೀಪಂ, ಮಧುರ ಸ್ವಪ್ನಂ, ತ್ರಿಶೂಲಂ, ಧರ್ಮ ಅಧಿಕಾರಿ ಮತ್ತು ಬಿಲ್ಲ ಚಿತ್ರಗಳನ್ನು ನಿರ್ಮಿಸಿದ್ದಾರೆ. ಅದೇ ಸಮಯದಲ್ಲಿ ಪ್ರಭಾಸ್ ತಾಯಿ ಶಿವಕುಮಾರಿ ಗೃಹಿಣಿ.

ಪ್ರಭಾಸ್ ಅವರ ಪೂರ್ಣ ಹೆಸರು ಪ್ರಭಾಸ್ ರಾಜು ಉಪ್ಪಲಪಾಟಿ. ಆದರೆ, ಹೆಚ್ಚಿನವರಿಗೆ ಪ್ರಭಾಸ್ ಎಂಬ ಹೆಸರೇ ಗೊತ್ತು. ಪ್ರಭಾಸ್‌ಗೆ ಒಬ್ಬ ಅಕ್ಕ ಮತ್ತು ಅಣ್ಣ ಇದ್ದಾರೆ. ಅಕ್ಕನ ಹೆಸರು ಪ್ರಗತಿ. ಮೂವರು ಒಡಹುಟ್ಟಿದವರಲ್ಲಿ ಪ್ರಭಾಸ್ ಕಿರಿಯವರು.

ಪ್ರಭಾಸ್ ಅವರ ಅಣ್ಣನ ಹೆಸರು ಪ್ರಬೋಧ್ ಮತ್ತು ಅವರು ಸಾಫ್ಟ್‌ವೇರ್ ಇಂಜಿನಿಯರ್. ಸದ್ಯ ಗೋವಾದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಪ್ರಭಾಸ್ ಒಮ್ಮೆ ತಮ್ಮ ಅಣ್ಣನಿಗೆ ಸಿನಿಮಾದಲ್ಲಿ ಕೆಲಸ ಮಾಡುವಂತೆ ಕೇಳಿದರು. ಆದರೆ ಅವರು ನಿರಾಕರಿಸಿದರು.

ಖ್ಯಾತ ನಟ ಮತ್ತು ನಿರ್ಮಾಪಕ ಕೃಷ್ಣಂ ರಾಜು ಉಪ್ಪಲಪಾಟಿ ಪ್ರಭಾಸ್ ಅವರ ಚಿಕ್ಕಪ್ಪ. ಹಲವು ಚಿತ್ರಗಳಲ್ಲಿ ನಟಿಸಿರುವ ಇವರು ಕೆಲವು ಚಿತ್ರಗಳನ್ನು ನಿರ್ಮಿಸಿದ್ದಾರೆ. ಕೃಷ್ಣಂ ರಾಜು ಅವರನ್ನು ದಕ್ಷಿಣದಲ್ಲಿ ರೆಬೆಲ್ ಸ್ಟಾರ್ ಎಂದೂ ಕರೆಯುತ್ತಾರೆ.

ಪ್ರಭಾಸ್ ಅವರ ಚಿಕ್ಕಪ್ಪ ಕೃಷ್ಣಂ ರಾಜು ಅವರು ಅಟಲ್ ಬಿಹಾರಿ ವಾಜಪೇಯಿ ಅವರ ಮೂರನೇ ಸರ್ಕಾರದಲ್ಲಿ ಸಚಿವರಾಗಿದ್ದರು. ಕೃಷ್ಣಂ ರಾಜು ಅವರು 2000 ರಿಂದ 2001 ರವರೆಗೆ ಅಟಲ್‌ಜಿ ಸರ್ಕಾರದಲ್ಲಿ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವರಾಗಿ ಸೇವೆ ಸಲ್ಲಿಸಿದ್ದರು. ನಂತರ ಅವರು ಚಿರಂಜೀವಿ ಅವರ ಪ್ರಜಾರಾಜ್ಯಂ ಪಕ್ಷಕ್ಕೆ ಸೇರಿದರು.

ಪ್ರಭಾಸ್ ತಮ್ಮ ಆರಂಭಿಕ ಶಿಕ್ಷಣವನ್ನು ಭೀಮಾವರಂನ ಡಿಎನ್ಆರ್ ಶಾಲೆಯಲ್ಲಿ ಮಾಡಿದರು. ಇದಾದ ಬಳಿಕ ಹೈದರಾಬಾದಿನ ಶ್ರೀ ಚೈತನ್ಯ ಕಾಲೇಜಿನಲ್ಲಿ ಬಿ.ಟೆಕ್ ಪದವಿ ಪಡೆದರು. ಟೆಕ್ ಕ್ಷೇತ್ರಕ್ಕೆ ಹೋಗದೆ ನಟನೆಯ ಜಗತ್ತನ್ನು ಆಯ್ದುಕೊಂಡರು.

ಇತ್ತೀಚೆಗಷ್ಟೇ ಜ್ಯೋತಿಷಿಯೊಬ್ಬರು ಪ್ರಭಾಸ್ ಈ ವರ್ಷ ಮದುವೆಯಾಗಲಿದ್ದಾರೆ ಎಂದು ಭವಿಷ್ಯ ನುಡಿದಿದ್ದರು. ಅದೇ ಸಮಯದಲ್ಲಿ, ಪ್ರಭಾಸ್ ಅವರ ಲವ್ ಲೈಫ್ ಬಗ್ಗೆಯೂ ಒಂದು ಭವಿಷ್ಯವು ತಪ್ಪಾಗಿದೆ ಎಂದು ಸಾಬೀತಾಗಿದೆ.

ಇದಕ್ಕೂ ಮೊದಲು ಪ್ರಭಾಸ್ ಮದುವೆಯ ಬಗ್ಗೆ ಅನೇಕ ಬಾರಿ ಸುದ್ದಿಗಳು ಬಂದಿದ್ದವು, ಆದರೆ ಪ್ರತಿಯೊಂದೂ ವದಂತಿ ಎಂದು ಸಾಬೀತಾಗಿದೆ. ಒಂದೊಮ್ಮೆ ಅವರು ಇದನ್ನು ಸೌತ್ ನಟಿ ಅನುಷ್ಕಾ ಶೆಟ್ಟಿ ಜೊತೆ ಮದುವೆಯಾಗಲಿದ್ದಾರೆ ಎಂಬ ಸುದ್ದಿಯೂ ಬಹಿರಂಗವಾಗಿದೆ. 

ಇನ್ನು ಸಂದರ್ಶನವೊಂದರಲ್ಲಿ ಪ್ರಭಾಸ್ ಅವರೇ ಬಾಹುಬಲಿ ನಂತರ ಮದುವೆಯಾಗುವುದಾಗಿ ಮನೆಯವರಿಗೆ ಹೇಳಿದ್ದೆ ಎಂದು ಹೇಳಿದ್ದರು. ಆದಾಗ್ಯೂ, ಮದುವೆಯ ಬಗ್ಗೆ ಇನ್ನೂ ಯಾವುದೇ ಅಧಿಕೃತ ವಿಷಯ ಬಹಿರಂಗಪಡಿಸಲಾಗಿಲ್ಲ.

2002 ರಲ್ಲಿ 'ಈಶ್ವರ' ಚಿತ್ರದ ಮೂಲಕ ಪ್ರಭಾಸ್ ಪಾದಾರ್ಪಣೆ ಮಾಡಿದರು. ಇದರ ನಂತರ ಅವರು 'ರಾಘವೇಂದ್ರ' (2003), 'ವರ್ಷಂ' (2004), 'ಚಕ್ರಮ್' (2005), 'ಯೋಗಿ' (2007), 'ಏಕ್ ನಿರಂಜನ್' (2009), 'ರೆಬೆಲ್' (2012), 'ಬಾಹುಬಲಿ'  ದಿ ಬಿಗಿನಿಂಗ್'. ' (2015) ಮತ್ತು ಬಾಹುಬಲಿ: ದಿ ಕನ್‌ಕ್ಲೂಷನ್ ಮತ್ತು ಸಾಹೋ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.