ಸಿನೆಮಾ ಸೋತ ಹೃತಿಕ್‌ ಮಾಜಿ ಪ್ರೇಯಸಿ ಬಾಲಿವುಡ್‌ಗೆ ವಿದಾಯ, 38ವರ್ಷಕ್ಕೆ ಅಜ್ಜಿ, ಕ್ಯಾನ್ಸರ್ ವಿರುದ್ಧ ಹೋರಾಡಿ ಗೆದ್ಲು

ಈಕೆ ಬಾಲಿವುಡ್‌ ನಟಿ, ಸಿನೆಮಾ ಸೋತ ಬಳಿಕ ಚಿತ್ರರಂಗದಿಂದ ದೂರವಾದಳು. ಕ್ಯಾನ್ಸರ್‌ ವಿರುದ್ಧ ಹೋರಾಡಿ ಜಯಿಸಿರುವ ಈಕೆಗೆ ಈಗ 45 ವರ್ಷ. ಹೃತಿಕ್‌ ರೋಷನ್‌ ಜೊತೆಗೆ ಡೇಟಿಂಗ್ ಮಾಡಿದ ನಟಿ ಎರಡು ಮದುವೆಯಾಗಿ ವಿಚ್ಚೇದನ ಪಡೆದಿದ್ದಾಳೆ. ಇಬ್ಬರು ಮೊಮ್ಮಕ್ಕಳನ್ನು ಹೊಂದಿರುವ ನಟಿ 38 ವಯಸ್ಸಿಗೆ ಅಜ್ಜಿಯಾದಳು.  

ಬಾಲಿವುಡ್ ನಟ ಹೃತಿಕ್ ರೋಷನ್ ಪ್ರಸ್ತುತ ದೀಪಿಕಾ ಪಡುಕೋಣೆ ಅವರ ಮುಂಬರುವ ಚಿತ್ರ 'ಫೈಟರ್'ಗಾಗಿ ಸಾಕಷ್ಟು ಸುದ್ದಿ ಮಾಡುತ್ತಿದ್ದಾರೆ. ಹೃತಿಕ್ ರೋಷನ್ ಅವರು ತಮ್ಮ ವೃತ್ತಿಜೀವನದಲ್ಲಿ ಅನೇಕ ಹಿಟ್ ಚಲನಚಿತ್ರಗಳನ್ನು ನೀಡಿದ ಅತ್ಯುತ್ತಮ ನಟರಲ್ಲಿ ಒಬ್ಬರು. ಆದರೆ, 2010 ರಲ್ಲಿ, ಜನರು ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿದ್ದ ಚಲನಚಿತ್ರವನ್ನು ಬಿಡುಗಡೆ ಮಾಡಲಾಯಿತು, ಆದರೆ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಶೋಚನೀಯವಾಗಿ ಸೋತಿತು. ಈ ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ನಟಿಯೊಬ್ಬರು ಫ್ಲಾಪ್ ಚಿತ್ರದ ನಂತರ ಕೆಲಸ ಮಾಡಲಿಲ್ಲ. 

2010ರಲ್ಲಿ ತೆರೆಕಂಡ ಅನುರಾಗ್ ಬಸು ನಿರ್ದೇಶನದ 'ಕೈಟ್‌' ಚಿತ್ರದ ಬಗ್ಗೆ ಮಾತನಾಡುತ್ತಿದ್ದೇವೆ. ಈ ಚಿತ್ರವನ್ನು ರಾಕೇಶ್ ರೋಷನ್ ಬರೆದು ನಿರ್ಮಿಸಿದ್ದಾರೆ ಮತ್ತು ಹೃತಿಕ್ ರೋಷನ್, ಬಾರ್ಬರಾ ಮೋರಿ, ಕಂಗನಾ ರನೌತ್ ಮತ್ತು ಕಬೀರ್ ಬೇಡಿ ನಟಿಸಿದ್ದರು.

ಉತ್ತಮ ಆರಂಭದ  ಪಡೆದ 'ಕೈಟ್ಸ್'  ಸಿನೆಮಾವನ್ನು 82 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ಮಾಡಲಾಗಿತ್ತು. ಆದರೆ ಈ ಚಿತ್ರ ಕೇವಲ 48.56 ಕೋಟಿ ರೂಪಾಯಿಗಳ ನಿವ್ವಳ ಕಲೆಕ್ಷನ್  ಪಡೆದು, ಸೋಲು ಕಂಡಿತು. ಇದರಿಂದಾಗಿ ನಿರ್ಮಾಪಕರು 40 ರಿಂದ 45 ಕೋಟಿ ರೂಪಾಯಿ ನಷ್ಟ ಅನುಭವಿಸಿದರು.

ಹೃತಿಕ್ ರೋಷನ್ ಅವರ ದೊಡ್ಡ ಫ್ಲಾಪ್ ಚಿತ್ರಗಳಲ್ಲಿ  'ಕೈಟ್ಸ್'  ಕೂಡ ಒಂದು. ಅದರ ತಾರಾ ಬಳಗದ ಕಾರಣದಿಂದ ಬಿಡುಗಡೆಯ ಪೂರ್ವ ಪ್ರಚಾರದ ಹೊರತಾಗಿಯೂ, ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಸರಾಸರಿಗಿಂತ ಕಡಿಮೆ ಗಳಿಕೆಯಾಗಿ ಹೊರಹೊಮ್ಮಿತು.

ಈ ಚಿತ್ರದ ನಂತರ, ಬಾರ್ಬರಾ ಮೋರಿ ಅವರೊಂದಿಗಿನ ಹೃತಿಕ್ ರೋಷನ್ ಅವರ ಸಂಬಂಧದ ಬಗ್ಗೆ  ವದಂತಿಗಳು ಹಬ್ಬಿತು.  ಮಾತ್ರವಲ್ಲ  'ಕೈಟ್ಸ್' ನಟ ಹೃತಿಕ್ ರೋಷನ್ ಮತ್ತು ಅವರ ಮಾಜಿ ಪತ್ನಿ ಸುಸ್ಸಾನೆ ಖಾನ್ ನಡುವಿನ ಅಂತರವು ಬಹಳಷ್ಟು ಹೆಚ್ಚಾಯಿತು.

barbara mori

ಬಾರ್ಬರಾ ಮೋರಿ 'ಕೈಟ್ಸ್' ಚಿತ್ರದಲ್ಲಿನ ತನ್ನ ನಟನೆಯಿಂದ ಬಾಲಿವುಡ್‌ ನಲ್ಲಿ   ಗುರುತಿಸಿಕೊಳ್ಳಲು ಸಾಧ್ಯವಾಗದೇ ಇರಬಹುದು. ಆದರೆ ನಟಿಯ ವೈಯಕ್ತಿಕ ಜೀವನವು ಬಹಳಷ್ಟು ಸುದ್ದಿ ಮಾಡಿದೆ. 'ಕೈಟ್ಸ್' ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡುವಾಗ ಹೃತಿಕ್ ರೋಷನ್ ಮತ್ತು ಬಾರ್ಬರಾ ನಡುವಿನ ಆತ್ಮೀಯತೆ ಎಷ್ಟು ಬೆಳೆಯಿತೆಂದರೆ ಸೂಪರ್ ಸ್ಟಾರ್ ನಟಿಗೆ ಹೃತಿಕ್‌ 2 ಕೋಟಿ ರೂಪಾಯಿ ಮೌಲ್ಯದ ಐಷಾರಾಮಿ ವ್ಯಾನಿಟಿ ವ್ಯಾನ್ ಅನ್ನು ಉಡುಗೊರೆಯಾಗಿ ನೀಡಿದ್ದರು. 

'ಕೈಟ್ಸ್' ಚಿತ್ರದ ಮೂಲಕ ಬಾಲಿವುಡ್ ವೃತ್ತಿಜೀವನವನ್ನು ಪ್ರಾರಂಭಿಸಿದ ಮೆಕ್ಸಿಕನ್ ನಟಿ ಬಾರ್ಬರಾ ಮೋರಿ, ಚಿತ್ರವು ಫ್ಲಾಪ್ ಆದ ನಂತರ ತುಂಬಾ ನಿರಾಶೆಗೊಂಡರು. ಮಾತ್ರವಲ್ಲ ನಂತರ ಅವರಿಗೆ ಉದ್ಯಮದಲ್ಲಿ ಯಾವುದೇ ಕೆಲಸ ಸಿಗಲಿಲ್ಲ. ಆಕೆಯ ಹೆಸರು ಬಾಲಿವುಡ್‌ನಲ್ಲಿ ಹಲವರಿಗೆ ತಿಳಿದಿಲ್ಲ. ಬಾರ್ಬರಾ ಮೋರಿ ನಂತರ ಸ್ತನ ಕ್ಯಾನ್ಸರ್ ಗೆ ಒಳಗಾದರು. ಆದರೆ ಈಗ ಚೇತರಿಸಿಕೊಂಡಿದ್ದಾರೆ. 

ಬಾರ್ಬರಾ ಮೋರಿಯ ಮಗ ಸೆರ್ಗಿಯೋ ಮೇಯರ್ ಮೋರಿ ನವೆಂಬರ್ 2016 ರಲ್ಲಿ ಮಿಲಾ ಎಂಬ ಮಗಳು ಹೊಂದಿದ. ಹೀಗಾಗಿ ಬಾರ್ಬರಾ ಮೋರಿ 38 ನೇ ವಯಸ್ಸಿಗೆ ಅಜ್ಜಿ ಸ್ಥಾನ ಪಡೆದಳು. ಈಗ ಆಕೆಗೆ 45 ವರ್ಷವಾಗಿದ್ದು, ಮಗನಿಗೆ ಇಬ್ಬರು ಮಕ್ಕಳಿದ್ದಾರೆ.

ಕ್ಯಾನ್ಸರ್ ಅನ್ನು ಸೋಲಿಸಿದ ನಂತರ, ಬಾರ್ಬರಾ ಮೋರಿ ಮಹಿಳೆಯರಿಗೆ ಆರಂಭಿಕ ತಪಾಸಣೆಯ ಬಗ್ಗೆ ಅರಿವು ಮೂಡಿಸಿದರು. ಬಾರ್ಬರಾ ಬಾಲಿವುಡ್‌ನಲ್ಲಿ ಕೆಲಸ ಮಾಡದಿದ್ದರೂ, ಅಕೆ ಇನ್ನೂ ತನ್ನ ಮೆಕ್ಸಿಕನ್ ದೇಶದ ಚಲನಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಾಳೆ. ಇತ್ತೀಚೆಗೆ ಅವರ 'ಪರ್ಡಿಡೋಸ್ ಎನ್ ಲಾ ನೊಚೆ' ಚಿತ್ರ ಬಿಡುಗಡೆಯಾಯಿತು. 

ವೈಯಕ್ತಿಕ ಜೀವನದದಲ್ಲಿ ನಟಿ ಬಾರ್ಬರಾ ಮೋರಿ ಎರಡು ಬಾರಿ ಮದುವೆಯಾಗಿದ್ದಾರೆ. 1996 ರಲ್ಲಿ ಬಾರ್ಬರಾ ಮೋರಿ ಅವರು ನಟ ಸೆರ್ಗಿಯೋ ಮೇಯರ್ ಅವರೊಂದಿಗೆ ಸಂಬಂಧ ಹೊಂದಿದ್ದರು. ಇಬ್ಬರ ಸಂಬಂಧದಲ್ಲಿ 1998 ರಲ್ಲಿ ಸೆರ್ಗಿಯೋ ಮೇಯರ್ ಮೋರಿ ಎಂಬ ಮಗ ಜನಿಸಿದ. ಸ್ವಲ್ಪ ಸಮಯದ ನಂತರ ದಂಪತಿಗಳು ಬೇರ್ಪಟ್ಟರು. 2016 ರಲ್ಲಿ, ಅವರು ಬೇಸ್‌ಬಾಲ್ ಆಟಗಾರ ಕೆನ್ನೆತ್ ರೇ ಸಿಗ್ಮನ್ ಅವರನ್ನು ವಿವಾಹವಾದರು. 2017 ರಲ್ಲಿ ದಂಪತಿಗಳು ವಿಚ್ಛೇದನ ಪಡೆದರು.