'ಅದ್ಯಾಕೋ ಗೊತ್ತಿಲ್ಲ, ಪ್ರತಿ ಬಾರಿ ತಪ್ಪು ಪುರುಷನಿಗೇ ಬೀಳುತ್ತೇನೆ' ಖ್ಯಾತ ನಟಿಯ ಅಳಲು

ಪ್ರತಿ ಬಾರಿ ಅದು ಸರಿಯಾದ ಆಯ್ಕೆಯಲ್ಲ ಎಂದು ತೋರಿಸುವ ಸೂಚನೆಗಳಿದ್ದವು. ಹಾಗಿದ್ದೂ, ತಪ್ಪು ಪುರುಷರಿಗೇ ಬಿದ್ದಿದ್ದೇನೆ ಎಂದು ನೊಂದಿದ್ದಾರೆ ಬಾಲಿವುಡ್‌ನ ಈ ಖ್ಯಾತ ನಟಿ. 

ಸಂಜಯ್ ಲೀಲಾ ಬನ್ಸಾಲಿಯವರ ವೆಬ್ ಸೀರೀಸ್ ಹೀರಾಮಂಡಿ: ದಿ ಡೈಮಂಡ್ ಬಜಾರ್ ನಲ್ಲಿ ಮನೀಶಾ ಕೊಯಿರಾಲಾ ಮಲ್ಲಿಕಾ ಜಾನ್ ಆಗಿ ಎಲ್ಲರ ಮನಸ್ಸನ್ನು ಗೆದ್ದಿದ್ದಾರೆ.

ತಮ್ಮ ಈ ಪಾತ್ರಕ್ಕಾಗಿ ಅಪಾರ ಪ್ರಶಂಸೆ ಗಳಿಸುತ್ತಿದ್ದಾರೆ. ಬಹಳ ವರ್ಷಗಳ ಬಳಿಕ ನಟನೆಗೆ ಹಿಂತಿರುಗಿದ ಸಂತಸ ಅನುಭವಿಸುತ್ತಿದ್ದಾರೆ. 

ಇತ್ತೀಚಿನ ಸಂದರ್ಶನವೊಂದರಲ್ಲಿ, ನಟಿ ತನ್ನ ಹಿಂದಿನ ಸಂಬಂಧಗಳ ಬಗ್ಗೆ ತೆರೆದುಕೊಂಡಿದ್ದಾರೆ. ತಾನು ಯಾವಾಗಲೂ ತನ್ನ ಜೀವನದಲ್ಲಿ ತಪ್ಪು ಪುರುಷರೊಂದಿಗೆ ಡೇಟಿಂಗ್ ಮಾಡಿದೆ ಎಂದು ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿದ ಮನಿಷಾ, 'ನಾನು ತಪ್ಪು ಪುರುಷರಿಗೆ ಮಾತ್ರ ಏಕೆ ಬಿದ್ದೆ ಎಂದು ನಾನು ಸೂಕ್ಷ್ಮವಾಗಿ ಪರಿಶೀಲಿಸಿದ್ದೇನೆ. ನಾನು ಮತ್ತೆ ಮತ್ತೆ ಇದನ್ನು ಏಕೆ ಮಾಡುತ್ತಿದ್ದೇನೆ ಅಥವಾ ನನ್ನಲ್ಲಿ ಏನಾದರೂ ತಪ್ಪಾಗಿದೆಯೇ ಎಂದು ನಾನು ಯೋಚಿಸುತ್ತಿದ್ದೆ' ಎಂದಿದ್ದಾರೆ. 

'ನಾನು ಈಗ ಐದರಿಂದ ಆರು ವರ್ಷಗಳಿಂದ ಏಕಾಂಗಿಯಾಗಿದ್ದೇನೆ, ಏಕೆಂದರೆ ನಾನು ಇನ್ನೂ ನನ್ನ ಮೇಲೆ ಸಾಕಷ್ಟು ಕೆಲಸ ಮಾಡುತ್ತಿದ್ದೇನೆ. ನನ್ನ ವ್ಯಕ್ತಿತ್ವದಲ್ಲೇ ಏನಾದರೂ ತಪ್ಪಿದೆಯೇ ಎಂದು ಆತ್ಮವಿಮರ್ಶೆ ಮಾಡಿಕೊಳ್ಳುತ್ತಿದ್ದೇನೆ' ಎಂದಿದ್ದಾರೆ. 

ಗುಪ್ತ್, ಬಾಂಬೆ ಸೇರಿದಂತೆ ಜನಪ್ರಿಯ ಚಿತ್ರಗಳ ಜನಪ್ರಿಯ ಮುಖವಾಗಿದ್ದ ನೇಪಾಳಿ ಚೆಲುವೆ ಮನಿಷಾ, 2012ರಲ್ಲಿ ಸಾಮ್ರಾಟ್ ದಲಾಲ್‌ರನ್ನು ಮದುವೆಯಾಗುವ ಮುನ್ನ 11ಕ್ಕೂ ಹೆಚ್ಚು ಜನರೊಂದಿಗೆ ವಿಫಲ ಡೇಟಿಂಗ್ ನಡೆಸಿದ್ದರು. 

ದಲಾಲ್‌ಗೆ ಕೂಡಾ ಮದುವೆಯಾಗಿ ಎರಡೇ ವರ್ಷಕ್ಕೆ ವಿಚ್ಚೇದನ ನೀಡಿದ ನಟಿ, ಸಂಬಂಧಗಳ ವಿಚಾರದಲ್ಲಿ ಸದಾ ಸಮಸ್ಯೆ ಎದುರಿಸಿದ್ದಾರೆ.

ಸದಾ, ತಮ್ಮ ಚಿತ್ರಗಳಿಗಾಗಿ ಮಾತ್ರವಲ್ಲದೆ, ಸಂಬಂಧಗಳಿಗಾಗಿಯೂ ಸುದ್ದಿಯಲ್ಲಿದ್ದ ಮನಿಷಾ, ಕೇವಲ ತಪ್ಪು ಆಯ್ಕೆಗಳೇ ತನ್ನದಾಗಿದ್ದಕ್ಕೆ ಪಶ್ಚಾತ್ತಾಪ ಪಟ್ಟಿದ್ದಾರೆ. 

'ನಾನು ಹೊರಗಿನವಳಾಗಿದ್ದೆ, ನಾನು ನೇಪಾಳದಿಂದ ಬಂದಿದ್ದೆ ಮತ್ತು ಯಾರಿಗೂ ತಿಳಿದಿರಲಿಲ್ಲ, ನಾನು ಶಾಲೆಯಿಂದ ಹೊರಗಿದ್ದೆ, ಮತ್ತು ಸರಿಯೋ ತಪ್ಪೋ ತಿಳಿದಿರಲಿಲ್ಲ' ಈ ಎಲ್ಲವೂ ತನ್ನ ತಪ್ಪು ಆಯ್ಕೆಗಳಿಗೆ ಕಾರಣವಿರಬಹುದೆಂದು ನಟಿ ಹೇಳಿದ್ದಾರೆ. 

'ಒಬ್ಬ ಗೆಳೆಯ ಅಥವಾ ಪಾಲುದಾರನು ಒಂಟಿತನವನ್ನು ತುಂಬುತ್ತಾನೆ ಎಂದು ನಾನು ಭಾವಿಸಿದೆ, ಆದರೆ ಅದು ಎಂದಿಗೂ ಸಂಭವಿಸಲಿಲ್ಲ,' ಎಂದು ನಟಿ ಬೇಜಾರು ಮಾಡಿಕೊಂಡಿದ್ದಾರೆ. 

ಆರಂಭದಲ್ಲಿ ಎಲ್ಲರೂ ಸಂಬಂಧಗಳ ಬಗ್ಗೆ ತುಂಬಾ ರೋಮ್ಯಾಂಟಿಕ್ ಆಗಿ ಮಾತನಾಡುತ್ತಾರೆ ಮತ್ತು ಅದು ಸಂಭವಿಸಿದಾಗ ಪ್ರತಿ ಬಾರಿಯೂ ಕೆಂಪು ಧ್ವಜವಿತ್ತು, ಆದರೆ ಸಮಯ ಮತ್ತು ವಯಸ್ಸಿನೊಂದಿಗೆ ನಾನು ನನ್ನ ಸುತ್ತಲೂ ಹಲವಾರು ಅನಗತ್ಯ ಜನರನ್ನು ಸಂಗ್ರಹಿಸಿದ್ದೇನೆ ಎಂದು ನಾನು ಅರಿತುಕೊಂಡೆ ಎಂದು ನಟಿ ಹೇಳಿದ್ದಾರೆ.