ತಾನು ಮತ್ತೆ ತಾಯಿಯಾಗಲು ಏಕೆ ಸಾಧ್ಯವಾಗಲಿಲ್ಲ ಬಹಿರಂಗಪಡಿಸಿದ್ದ Mahima Chaudhary
ಬಾಲಿವುಡ್ ನಟಿ ಮಹಿಮಾ ಚೌಧರಿ (Mahima Chaudhary) ಇತ್ತೀಚೆಗೆ ಕ್ಯಾನ್ಸರ್ ನಿಂದ ಚೇತರಿಸಿಕೊಂಡಿದ್ದಾರೆ. ಆದರೆ, ಗುರುವಾರದವರೆಗೆ (ಜೂನ್ 9) ಮಹಿಮಾ ಮತ್ತು ಕೆಲವು ಆಪ್ತರನ್ನು ಹೊರತುಪಡಿಸಿ ಈ ವಿಷಯ ಯಾರಿಗೂ ತಿಳಿದಿರಲಿಲ್ಲ. ಈ ಸುದ್ದಿಯನ್ನು ಅನುಪಮ್ ಖೇರ್ ((Anupam Kher) ಸಾಮಾಜಿಕ ಮಾಧ್ಯಮದಲ್ಲಿ ತಿಳಿಸಿದಾಗ, ಮಹಿಮಾರ ಅಭಿಮಾನಿಗಳು ಆಘಾತಕ್ಕೊಳಗಾದರು. ಅಂದಹಾಗೆ, ಮಹಿಮಾ ಅವರ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡುತ್ತಾ, ಅವರು ಅನೇಕ ಏಳುಬೀಳುಗಳನ್ನು ಕಂಡಿದ್ದಾರೆ. ಮಹಿಮಾ 15 ವರ್ಷದ ಮಗಳ ತಾಯಿ. ಆದರೆ ಆಕೆಗೆ ಮತ್ತೊಂದು ಮಗುವಿಗೆ ಜನ್ಮ ನೀಡಲು ಸಾಧ್ಯವಾಗಲಿಲ್ಲ ಮತ್ತು ಅದಕ್ಕೆ ಕಾರಣವನ್ನು ಮಹಿಮಾ ಅವರೇ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದಾರೆ.
ಕಳೆದ ವರ್ಷ ಮನರಂಜನಾ ಸುದ್ದಿ ವೆಬ್ಸೈಟ್ನೊಂದಿಗಿನ ಸಂಭಾಷಣೆಯಲ್ಲಿ ಮಹಿಮಾ ತನ್ನ ಮದುವೆಯಲ್ಲಿನ ಸಮಸ್ಯೆಗಳ ಬಗ್ಗೆ ಕುಟುಂಬ ಮತ್ತು ಸ್ನೇಹಿತರಿಗೆ ಹೇಳಲಿಲ್ಲ ಎಂದು ಹೇಳಿದ್ದರು.
'ಖಂಡಿತವಾಗಿಯೂ ನೀವು ನಿಮ್ಮ ಪೋಷಕರಿಗೆ ಹೇಳುವುದಿಲ್ಲ, ನೀವು ಜನರಿಗೆ ಹೇಳುವುದಿಲ್ಲ, ಏಕೆಂದರೆ ನೀವು ಅದನ್ನು ಸಮಸ್ಯೆ ಎಂದು ಭಾವಿಸುತ್ತೀರಿ ಮತ್ತು ನೀವು ಹಿಂದೆ ಸರಿಯುತ್ತೀರಿ. ಕೆಲವು ಸಮಸ್ಯೆಗಳು ಮತ್ತೆ ಉದ್ಭವಿಸುತ್ತವೆ ಮತ್ತು ನೀವು ಹೇಳದೆ ಮತ್ತೆ ಹಿಂದೆ ಸರಿಯುತ್ತೀರಿ' ಎಂದು ಅವರು ಹೇಳುತ್ತಾರೆ.
'ಆಗ ನಾನು ಗರ್ಭಿಣಿಯಾಗಿದ್ದೆ. ಎರಡನೆ ಬಾರಿ ಗರ್ಭಪಾತ ಆಯ್ತು, ಆಮೇಲೆ ಇನ್ನೊಂದು ಗರ್ಭಪಾತ ಆಯ್ತು, ಆ ಜಾಗದಲ್ಲಿ ನನಗೆ ನೆಮ್ಮದಿ ಇಲ್ಲದ್ದರಿಂದ ಇಷ್ಟೆಲ್ಲಾ ಆಯಿತು, ಪ್ರತಿ ಬಾರಿ ಶೋ ಅಥವಾ ಇವೇಂಟ್ಗೆ ಹೋಗುವಾಗ ನನ್ನ ಮಗಳನ್ನು ಅಮ್ಮನ ಮನೆಯಲ್ಲಿ ಡ್ರಾಪ್ ಮಾಡಿ ಬರಬೇಕಿತ್ತು. ನಾನು ಎರಡು ದಿನ ಅಲ್ಲಿ ನೆಮ್ಮದಿಯಾಗಿರುತ್ತಿದೆ' ಎಂದು ಮಹಿಮಾ ಹೇಳಿದ್ದರು
ಮಹಿಮಾ ಪ್ರಕಾರ, ಕಷ್ಟದ ಸಮಯದಲ್ಲಿ ಪತಿ ಬಾಬಿ ಮುಖರ್ಜಿ ಅವರನ್ನು ಬೆಂಬಲಿಸಲಿಲ್ಲ. ಆದರೆ ಅವರಿಗೆ ತಾಯಿ ಮತ್ತು ಸಹೋದರಿಯ ಬೆಂಬಲ ಸಿಕ್ಕಿತು. ಮದುವೆಯಲ್ಲಿ ತಾನು ಎದುರಿಸುತ್ತಿರುವ ಸಮಸ್ಯೆಗಳನ್ನು ತನ್ನ ತಾಯಿಗೆ ಹೇಳಿದಾಗ ಅವಳು ಬೆಂಬಲ ನೀಡಿದ್ದರು ಎನ್ನುತ್ತಾರೆ ನಟಿ.
'ನೀನು ಕಷ್ಟಪಡುವುದನ್ನು ನಾನು ನೋಡಿದ್ದೇನೆ .ನಿನ್ನ ಏರಿಳಿತಗಳನ್ನು ನೋಡಿದ್ದೇನೆ, ನೀನು ಏಕೆ ನಿನ್ನನ್ನು ಸಾಯಿಸಿಕೊಳ್ಳುತ್ತಿರುವೆ? ಹಾಗಿಲ್ಲದಿದ್ದರೆ, ಸ್ವಲ್ಪ ದಿನ ಇಲ್ಲಿಯೇ ಇರು, ನಿನಗೆ ಉತ್ತಮವಾಗಿದೆಯೇ ಎಂದು ನೋಡು ಎಂದು ತಾಯಿ ಹೇಳುತ್ತಿದ್ದರು' ಎಂದು ಮಹಿಮಾ ಬಹಿರಂಗ ಪಡಿಸಿದ್ದರು
1997 ರಲ್ಲಿ ನಿರ್ದೇಶಕ ಸುಭಾಷ್ ಘಾಯ್ ಅವರ ಶಾರುಖ್ ಖಾನ್ ಅಭಿನಯದ 'ಪರ್ದೇಸ್' ಚಿತ್ರದ ಮೂಲಕ ಬಾಲಿವುಡ್ಗೆ ಪಾದಾರ್ಪಣೆ ಮಾಡಿದ ಮಹಿಮಾ ಚೌಧರಿ.
ಮಹಿಮಾ ಚೌಧರಿ 2006 ರಲ್ಲಿ ಚಲನಚಿತ್ರ ನಿರ್ಮಾಪಕ ಬಾಬಿ ಮುಖರ್ಜಿ ಅವರನ್ನು ವಿವಾಹವಾದರು. ಸುಮಾರು ಒಂದೂವರೆ ವರ್ಷಗಳ ನಂತರ, ಅವರು ಮಗಳು ಅರಿಯಾನಾಗೆ ಜನ್ಮ ನೀಡಿದರು.
ಮಹಿಮಾ ಮತ್ತು ಬಾಬಿ 2013 ರಲ್ಲಿ ವಿಚ್ಛೇದನ ಪಡೆದರು. ಆದರೆ, ಭಿನ್ನಾಭಿಪ್ರಾಯಗಳಿಂದಾಗಿ ಇಬ್ಬರೂ 2011ರಿಂದ ಪ್ರತ್ಯೇಕವಾಗಿ ವಾಸಿಸಲು ಆರಂಭಿಸಿದ್ದರು. ಮಹಿಮಾ ತನ್ನ ಮಗಳನ್ನು ಒಂಟಿ ತಾಯಿಯಾಗಿ ಬೆಳೆಸಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.