ಬಾಲಿವುಡ್‌ನ ಅತಿ ಹೆಚ್ಚು ಶ್ರೀಮಂತ ಪಟ್ಟಿಯಲ್ಲಿ ಆಮೀರ್ ಖಾನ್‌ಗೆ ಐದನೇ ಸ್ಥಾನ

ಶಾರುಖ್ ಖಾನ್ ಬಾಲಿವುಡ್‌ನ ಅತ್ಯಂತ ಶ್ರೀಮಂತ ನಟ. ವರದಿಗಳ ಪ್ರಕಾರ, ಅವರ ನಿವ್ವಳ ಮೌಲ್ಯ ಸುಮಾರು 690 ಮಿಲಿಯನ್ ಡಾಲರ್ ಅಂದರೆ 5490 ಕೋಟಿ ರೂ. ಇದರಲ್ಲಿ ಮುಂಬೈ ಮತ್ತು ದುಬೈನಲ್ಲಿರುವ ಅವರ ಬಂಗಲೆಗಳು, ಐಷಾರಾಮಿ ವಾಹನಗಳು ಮತ್ತು ಅಲಿಬಾಗ್‌ನಲ್ಲಿರುವ ಅವರ ಫಾರ್ಮ್‌ಹೌಸ್ ಅನ್ನು ಒಳಗೊಂಡಿದೆ. ಒಂದು ಚಿತ್ರಕ್ಕೆ ಸುಮಾರು 100 ಕೋಟಿ ರೂ ಸಂಭಾವನೆ ಪಡೆಯುವ ಶಾರುಖ್‌ ಅವರ ಬ್ರಾಂಡ್ ಎಂಡಾರ್ಸ್‌ಮೆಂಟ್‌ ಶುಲ್ಕ ಸುಮಾರು 5.50-10 ಕೋಟಿ ಎಂದು ಹೇಳಲಾಗುತ್ತದೆ.

ಅಮಿತಾಬ್ ಬಚ್ಚನ್ ಬಾಲಿವುಡ್‌ನ ಎರಡನೇ ಶ್ರೀಮಂತ ನಟ. ಅವರ ಸಂಪತ್ತು 455 ಮಿಲಿಯನ್‌ ಡಾಲರ್‌ಗಿಂತ ಹೆಚ್ಚು ಅಂದರೆ ಸುಮಾರು 3620 ಕೋಟಿಗಳು. ಇದು ಮುಂಬೈ ಮತ್ತು ಇತರ ಸ್ಥಳಗಳಲ್ಲಿ ಅವರ ನಾಲ್ಕು ಮನೆಗಳು ಮತ್ತು ಐಷಾರಾಮಿ ಕಾರುಗಳನ್ನು ಒಳಗೊಂಡಿದೆ. ಅಮಿತಾಬ್ ಬಚ್ಚನ್ ಚಲನಚಿತ್ರಗಳಿಗೆ ಸುಮಾರು 12 ಕೋಟಿ ರೂಪಾಯಿಗಳನ್ನು ವಿಧಿಸುತ್ತಾರೆ, ಹಾಗೂ  ಬ್ರಾಂಡ್ ಎಂಡಾರ್ಸ್‌ಮೆಂಟ್‌ಗಳಿಗೆ ಅವರ ಶುಲ್ಕ ಸುಮಾರು 3 ರಿಂದ 8 ಕೋಟಿ ರೂಪಾಯಿಗಳು.
 

ಸಲ್ಮಾನ್ ಖಾನ್ ಬಾಲಿವುಡ್ ನ ಮೂರನೇ ಶ್ರೀಮಂತ ನಟ. ಅವರ ಆಸ್ತಿ  360 ಮಿಲಿಯನ್‌ ಡಾಲರ್‌ಗಿಂತ ಹೆಚ್ಚು ಅಂದರೆ ಸುಮಾರು 2864 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಸಲ್ಮಾನ್ ಖಾನ್ ಅವರ ಆಸ್ತಿಗಳಲ್ಲಿ ಅವರ ಮುಂಬೈ ಮನೆ, ಬೀಯಿಂಗ್ ಹ್ಯೂಮನ್ ಇನ್‌ಸ್ಟಿಟ್ಯೂಟ್, ಪನ್ವೆಲ್ ಫಾರ್ಮ್‌ಹೌಸ್ ಮತ್ತು ಐಷಾರಾಮಿ ವಾಹನಗಳು ಸೇರಿವೆ. ಸಲ್ಮಾನ್ ಖಾನ್ ಚಲನಚಿತ್ರಗಳಿಗೆ ಸುಮಾರು 125 ಕೋಟಿ ರೂಪಾಯಿಗಳನ್ನು ಮತ್ತು ಬ್ರಾಂಡ್ ಎಂಡಾರ್ಸ್‌ಮೆಂಟ್‌ಗಳಿಗೆ ಸುಮಾರು 4-10 ಕೋಟಿ ರೂಪಾಯಿಗಳನ್ನು ವಿಧಿಸುತ್ತಾರೆ.
 

ಬಾಲಿವುಡ್ ಶ್ರೀಮಂತ ನಟರ ಪಟ್ಟಿಯಲ್ಲಿ ಅಕ್ಷಯ್ ಕುಮಾರ್ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಅವರ ಒಟ್ಟು ಆಸ್ತಿಯನ್ನು 25 ಮಿಲಿಯನ್‌ ಡಾ;ಲರ್‌ಗಿಂತ ಹೆಚ್ಚು ಅಂದರೆ ಸುಮಾರು 2586 ಕೋಟಿ ಎಂದು ಪರಿಗಣಿಸಲಾಗಿದೆ. ಅಕ್ಷಯ್ ಅವರ ಆಸ್ತಿಯು ಮುಂಬೈನಲ್ಲಿರುವ ಅವರ ಮನೆ, ಅವರ ಐಷಾರಾಮಿ ಕಾರುಗಳು ಮತ್ತು ಬೈಕ್‌ಗಳ ಸಂಗ್ರಹವನ್ನು ಒಳಗೊಂಡಿದೆ. ಅಕ್ಷಯ್ ಕುಮಾರ್ ಭಾರತದ ಅತ್ಯಂತ ದುಬಾರಿ ನಟರಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಅವರು ಪ್ರತಿ ಚಿತ್ರಕ್ಕೆ ಸುಮಾರು 135 ಕೋಟಿ ರೂ. ಬ್ರಾಂಡ್ ಎಂಡಾರ್ಸ್‌ಮೆಂಟ್‌ಗೆ ಅವರ ಶುಲ್ಕ ಸುಮಾರು 8-10 ಕೋಟಿ ರೂ ಚಾರ್ಜ್‌ ಮಾಡುತ್ತಾರೆ.

ಈ ಪಟ್ಟಿಯಲ್ಲಿ ಆಮೀರ್ ಖಾನ್ 5 ನೇ ಸ್ಥಾನದಲ್ಲಿದ್ದಾರೆ. ಅವರ ಒಟ್ಟು ಆಸ್ತಿ ಸುಮಾರು 225 ಮಿಲಿಯನ್ ಡಾಲರ್ ಅಂದರೆ 1790 ಕೋಟಿ ರೂ. ಇದರಲ್ಲಿ ಅವರ 60 ಕೋಟಿ ರೂಪಾಯಿ ಮೌಲ್ಯದ ಐಷಾರಾಮಿ ಮನೆ ಮತ್ತು ಐಷಾರಾಮಿ ಕಾರುಗಳಂತಹ ಬೆಲೆಬಾಳುವ ವಸ್ತುಗಳು ಸೇರಿವೆ. ಆಮೀರ್ ಖಾನ್ ಒಂದು ಚಿತ್ರಕ್ಕೆ ಸುಮಾರು 60-70 ಕೋಟಿ ಚಾರ್ಜ್ ಮಾಡುತ್ತಾರೆ ಮತ್ತು  ಅವರ ಬ್ರ್ಯಾಂಡ್ ಎಂಡಾರ್ಸ್‌ಮೆಂಟ್ ಶುಲ್ಕ ಸುಮಾರು 5-7 ಕೋಟಿ.