ಐಶ್ವರ್ಯಾರಂತೆ ರಶ್ಮಿಕನಾ ಹಿಂದಿ ಮಂದಿ ಸ್ವೀಕರಿಸಲ್ಲ, ಆಕೆ ಸೌತ್ ಸಿನಿಮಾ ಮಾಡೋದೆ ಬೆಸ್ಟ್; KRK ಟ್ವೀಟ್ ವೈರಲ್

ನಟಿ ರಶ್ಮಿಕಾ ಮಂದಣ್ಣ ಸದ್ಯ ಹಿಂದಿ ಸಿನಿಮಾರಂಗದಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯ ಮಿಷನ್ ಮಜ್ನು ಸಿನಿಮಾದ ಪ್ರಮೋಷನ್ ನಲ್ಲಿ ರಶ್ಮಿಕಾ ನಿರತರಾಗಿದ್ದಾರೆ. ಸಿದ್ಧಾರ್ಥ್ ಮಲ್ಹೋತ್ರ ಜೊತೆ ರಶ್ಮಿಕಾ ನಟಿಸಿದ್ದಾರೆ. ಮೊದಲ ಬಾರಿಗೆ ಸಿದ್ಧಾರ್ಥ್ ಮತ್ತು ರಶ್ಮಿಕಾ ಒಟ್ಟಿಗೆ ಅಭಿಮಾನಿಗಳ ಮುಂದೆ ಬರ್ತಿದ್ದಾರೆ. ಇಬ್ಬರನ್ನೂ ತೆರೆಮೇಲೆ ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. 

ಪುಷ್ಪ ಸಿನಿಮಾದ ಸಕ್ಸಸ್ ಬಳಿಕ ರಶ್ಮಿಕಾ ಬೇಡಿಕೆ ಹೆಚ್ಚಾಗಿದೆ. ಸೌತ್ ನಿಂದ ಬಾಲಿವುಡ್‌ಗೆ ಜಿಗಿದ ರಶ್ಮಿಕಾ ಹಿಂದಿಯಲ್ಲೂ ಅನೇಕ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮೊದಲ ಸಿನಿಮಾ ಗುಡ್‌ಬೈ ರಿಲೀಸ್ ಆಗಿದ್ದು ಬಾಕ್ಸ್ ಆಫೀಸ್ ನಲ್ಲಿ ಹೀನಾಯ ಸೋಲು ಕಂಡಿದೆ. ಆದರೂ ರಶ್ಮಿಕಾ ಹವಾ ಏನು ಕಡಿಮೆಯಾಗಿಲ್ಲ. 
 

ಸದ್ಯ ಸಿದ್ಧಾರ್ಥ್ ಮಲ್ಹೋತ್ರ ಜೊತೆ ರಶ್ಮಿಕಾ ಹಿಂದಿಯ ಮಿಷನ್ ಮಜ್ನು ಸಿನಿಮಾದ ಪ್ರಮೋಷನ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗಷ್ಟೆ ಮಿಷನ್ ಮಜ್ನು ಸಿನಿಮಾದ ಹಾಡು ರಿಲೀಸ್ ಆಗಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ರೊಮ್ಯಾಂಟಿಕ್ ಹಾಡು ಇದಾಗಿದ್ದು ಅಭಿಮಾನಿಗಳ ಹೃದಯ ಗೆದ್ದಿದೆ. 

ವಿಮರ್ಷಕ, ವಿವಾದಗಳ ಮೂಲಕವೇ ಸದಾ ಸದ್ದು ಮಾಡುವ ಕೆ ಆರ್ ಕೆ ನಟಿ ರಶ್ಮಿಕಾ ಮಂದಣ್ಣ ಬಗ್ಗೆ ಮಾಡಿರುವ ಟ್ವೀಟ್ ವೈರಲ್ ಆಗಿದೆ. ರಶ್ಮಿಕಾ ಸೌತ್ ಸಿನಿಮಾಗಳನ್ನು ಮಾತ್ರ ಮಾಡಿದರೆ ಒಳ್ಳೆದು, ಬಾಲಿವುಡ್ ಮಂದಿ ಅವರನ್ನು ಸ್ವೀಕರಿಸಲ್ಲ ಎಂದು ಹೇಳಿದ್ದಾರೆ. 

'ರಶ್ಮಿಕಾ ಅವರ ಲುಕ್ ನೋಡಿದ್ರೆ ದಕ್ಷಿಣ ಭಾರತ ಮತ್ತು ಭೋಜ್‌ಪುರಿ ಸಿನಿಮಾಗಳನ್ನು ಮಾತ್ರ ಮಾಡಿದ್ರೆ ಒಳ್ಳೆಯದು. ಹಿಂದಿ ಸಿನಿಮಾ ಆಕೆಯ ತಪ್ಪು ಆಯ್ಕೆ. ಐಶ್ವರ್ಯಾ ರೈ, ಮಾದುರಿ ದೀಕ್ಷಿತ್, ಕರೀನಾ ಹಾಗೆ ರಶ್ಮಿಕಾರನ್ನೂ ಸ್ವೀಕರಿಸಲ್ಲ' ಎಂದು ಹೇಳಿದರು.    

ಇತ್ತೀಚಿಗಷೆ ನಡೆದ ಈವೆಂಟ್ ನಲ್ಲಿ ಸೌತ್ ಮತ್ತು ಬಾಲಿವುಡ್ ನಡುವಿನ ವ್ಯತ್ಯಾಸದ ಬಗ್ಗೆ ರಶ್ಮಿಕಾ ಮಾತನಾಡಿದ್ದರು. ಆಗ ಬಾಲಿವುಡ್‌ನಲ್ಲಿ ರೊಮ್ಯಾಂಟಿಕ್ ಹಾಡು ಹೆಚ್ಚಾಗಿದೆ ಎಂದು ಹೇಳಿದರು. 'ಬಾಲಿವುಡ್ ಹಾಡುಗಳು ಹೆಚ್ಚು ರೊಮ್ಯಾಂಟಿಕ್ ಆಗಿ ಇರುತ್ತವೆ. ಸೌತ್‌ನಲ್ಲಿ ಹೆಚ್ಚು ಮಾಸ್, ಮಸಾಲ ಹಾಗೂ ಐಟಂ ಹಾಡುಗಳು ಇರುತ್ತವೆ' ಎಂದು ಹೇಳಿದರು.