ನ್ಯೂಯಾರ್ಕ್ನ ತನ್ನ ನೆಚ್ಚಿನ ಸ್ಥಳದಲ್ಲಿ ಪತಿ Vicky Kaushal ಜೊತೆ Katrina Kaif
ಬಾಲಿವುಡ್ನ ಮೋಸ್ಟ್ ಅಡರೋಬಲ್ ಕಪಲ್ಗಳಲ್ಲಿ ಒಬ್ಬರಾದ ಕತ್ರಿನಾ ಕೈಫ್ (Katrina Kaif ) ಮತ್ತು ವಿಕ್ಕಿ ಕೌಶಲ್ (Vicky Kaushal) ಪ್ರಸ್ತುತ ನ್ಯೂಯಾರ್ಕ್ನಲ್ಲಿ ಹಾಲಡೇ ಎಂಜಾಯ್ ಮಾಡುತ್ತಿದ್ದಾರೆ. ಇಬ್ಬರೂ ತಮ್ಮ ಪ್ರವಾಸದ ಫೋಟೋಗಳನ್ನು Instagram ನಲ್ಲಿ ಹಂಚಿಕೊಂಡಿದ್ದಾರೆ. ವಿಕ್ಕಿ ಮತ್ತು ಕತ್ರಿನಾರ ಫೋಟೋಗೆ ಫ್ಯಾನ್ಸ್ ಫುಲ್ ಫಿದಾ ಆಗಿದ್ದು, ಫೋಟೋಗಳು ಸಖತ್ ಲೈಕ್ ಗಳಿಸುತ್ತಿದ್ದು ವೈರಲ್ ಆಗಿವೆ. ಇಲ್ಲಿವೆ ವಿಕ್ಕಿ ಮತ್ತು ಕತ್ರಿನಾರ ಹಾಲಿಡೇ ಫೋಟೋಗಳು.
ಸೋಮವಾರ ಬೆಳಿಗ್ಗೆ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಇಬ್ಬರೂ ತಮ್ಮ ಟ್ರಿಪ್ನ ಫೋಟೋಗಳನ್ನು ಹಂಚಿಕೊಳ್ಳಲು Instagram ಮೋರೆ ಹೋಗಿದ್ದಾರೆ. ಈ ಮೂಲಕ ಅಭಿಮಾನಿಗಳಿಗೆ ಕಪಲ್ ಟ್ರೀಟ್ ನೀಡಿದ್ದಾರೆ.
ವಿಕ್ಕಿ ಕೌಶಲ್ ತಮ್ಮ ಇನ್ಸ್ಟಾಗ್ರಾಮ್ ಪೇಜ್ನಲ್ಲಿ ಒಂದು ಫೋಟೋ ಹಂಚಿಕೊಂಡಿದ್ದು ಅದರಲ್ಲಿ ದಂಪತಿಗಳಿಬ್ಬರೂ ಕ್ರಾಸ್ವಾಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಬ್ಬರು ಮುಖದಲ್ಲೂ ಸಂತೋಷ ಎದ್ದು ಕಾಣುತ್ತಿದೆ. ಈ ಫೋಟೋದಲ್ಲಿ ಕತ್ರಿನಾ ಪ್ರಕಾಶಮಾನವಾದ ಹಸಿರು ಶರ್ಟ್, ನೀಲಿ ಜೀನ್ಸ್ ಮತ್ತು ಬೀಜ್ ಕೋಟ್ ಧರಿಸಿದ್ದಾರೆ. ವಿಕ್ಕಿ ನೀಲಿ ಜೀನ್ಸ್ನಲ್ಲಿ ಬಿಳಿ ಟಿ-ಶರ್ಟ್ ಮತ್ತು ಕ್ಯಾಪ್ ಹೊಂದಿರುವ ಡೆನಿಮ್ ಜಾಕೆಟ್ ಧರಿಸಿದ್ದಾರೆ. ಫೋಟೋಗೆ ನಟ ' ಶುಗರ್ ರಶ್' ಎಂದು ಕ್ಯಾಪ್ಷನ್ ಬರೆದಿದ್ದಾರೆ.
ಮದುವೆಯವರೆಗೂ ತಮ್ಮ ಸಂಬಂಧವನ್ನು ಗೌಪ್ಯವಾಗಿಟ್ಟಿದ್ದರೂ ಈಗ ಈ ಜೋಡಿ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಪ್ರೀತಿಯನ್ನು ಬಹಿರಂಗವಾಗಿ ತೋರಿಸಿದ್ದಾರೆ. ಕತ್ರಿನಾ ತಮ್ಮ ಪೇಜ್ನಲ್ಲಿ ಮೂರು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಕತ್ರಿನಾ ಅವರು ತಮ್ಮ ಫೇವರೇಟ್ ರೆಸ್ಟೋರೆಂಟ್ ಬಬ್ಬಿಗೆ ಪತಿ ವಿಕ್ಕಿ ಕೌಶಲ್ ಅವರನ್ನು ಕರೆದುಕೊಂಡು ಹೋಗಿದ್ದಾರೆ ಮತ್ತು ಇಬ್ಬರೂ ಅಲ್ಲಿ ಕ್ರೀಮ್ ಮತ್ತು ಸಿರಪ್ ತುಂಬಿದ ಪ್ಯಾನ್ಕೇಕ್ಗಳನ್ನು ಸವಿದಿರುವುದು ಫೋಟೊಗಳಲ್ಲಿ ತಿಳಿಯುತ್ತದೆ.
ಕತ್ರಿನಾ ಅವರು ತಮ್ಮ ಪೋಸ್ಟ್ಗೆ ಎವೆರಿಥಿಂಗ್ನ ಹೋಮ್, ನನ್ನ ನೆಚ್ಚಿನ ಸ್ಥಳ Bubby' ಎಂದು ಶೀರ್ಷಿಕೆ ನೀಡಿದ್ದಾರೆ. ಕತ್ರಿನಾ ಮತ್ತು ವಿಕ್ಕಿ NYC ನಲ್ಲಿ ಒಟ್ಟಿಗೆ ತಮ್ಮ ಗುಣಮಟ್ಟದ ಸಮಯವನ್ನು ಕಳೆಯುವುದರಲ್ಲಿ ನಿರತರಾಗಿದ್ದಾರೆ.
ಈ ಜೋಡಿ ಡಿಸೆಂಬರ್ನಲ್ಲಿ ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿ ಆಪ್ತರು ಮತ್ತು ಕುಟುಂಬದವರ ಸಮ್ಮುಖದಲ್ಲಿ ವಿವಾಹವಾದರು. ಮದುವೆಯ ನಂತರ, ಅವರು ಮಾಲ್ಡೀವ್ಸ್ಗೆ ಸಣ್ಣ ಹನಿಮೂನ್ಗೆ ಹೋದರು, ಒಂದೆರಡು ತಿಂಗಳ ನಂತರ ಥೈಲ್ಯಾಂಡ್ಗೆ ಪ್ರವಾಸ ಕೈಗೊಂಡರು ಮತ್ತು ಈಗ ನ್ಯೂಯಾರ್ಕ್ನಲ್ಲಿದ್ದಾರೆ.
ಕತ್ರಿನಾ ಕೊನೆಯದಾಗಿ ಕಳೆದ ವರ್ಷ ಸೂರ್ಯವಂಶಿ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಜೊತೆ ಕಾಣಿಸಿಕೊಂಡಿದ್ದರು. ಮುಂಬರುವ ಯೋಜನೆಗಳಲ್ಲಿ ಫೋನ್ ಭೂತ್, ಮೆರ್ರಿ ಕ್ರಿಸ್ಮಸ್, ಟೈಗರ್ 3 ಮತ್ತು ಅಲಿ ಅಬ್ಬಾಸ್ ಜಾಫರ್ ಜೊತೆಗಿನ ಸೂಪರ್ ಹೀರೋ ಚಲನಚಿತ್ರ ಸೇರಿವೆ.
ಶೂಜಿತ್ ಸಿರ್ಕಾರ್ ನಿರ್ದೇಶಿಸಿದ ಸರ್ದಾರ್ ಉಧಮ್ ವಿಕ್ಕಿಯ ಕೊನೆಯ ಬಿಡುಗಡೆಯಾಗಿದೆ. ಅವರು ಇತ್ತೀಚೆಗೆ ಲಕ್ಷ್ಮಣ್ ಉಟೇಕರ್ ನಿರ್ದೇಶನದ ಸಾರಾ ಅಲಿ ಖಾನ್ ಅವರೊಂದಿಗೆ ಚಿತ್ರದ ಚಿತ್ರೀಕರಣದಲ್ಲಿದ್ದಾರೆ. ಅವರು ಮೇಘನಾ ಗುಲ್ಜಾರ್ ಅವರೊಂದಿಗೆ ಸ್ಯಾಮ್ ಮಾನೆಕ್ಷಾ ಬಯೋಪಿಕ್ ಮತ್ತು ಶಶಾಂಕ್ ಖೈತಾನ್ ಅವರೊಂದಿಗೆ ಗೋವಿಂದ ನಾಮ್ ಮೇರಾ ಯೋಜನೆ ಹೊಂದಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.