ಸರ್ದಾರ್ ವಲ್ಲಭಭಾಯಿ ಪಟೇಲ್ ಶ್ಲಾಘಿಸಿ ಎಮೋಷನಲ್‌ ಪೋಸ್ಟ್ ಹಂಚಿಕೊಂಡ ಕಂಗನಾ ರಣಾವತ್
ತನ್ನ ಬಹು ನಿರೀಕ್ಷಿತ ಆಕ್ಷನ್ ಡ್ರಾಮಾ ತೇಜಸ್ (Tejas) ಬಿಡುಗಡೆಗೂ ಮುನ್ನ, ಕಂಗನಾ ರಣಾವತ್ (Kanagana Ranaut) ಮಂಗಳವಾರ ಗುಜರಾತ್‌ನ ಕೆವಾಡಿಯಾ ಬಳಿಯಿರುವ ಏಕತಾ ಪ್ರತಿಮೆಗೆ ( Statue of Unity) ಭೇಟಿ ನೀಡಿ ಭಾರತದ ಮೊದಲ ಉಪ ಪ್ರಧಾನಿ ಮತ್ತು ಗೃಹ ಸಚಿವ ಸರ್ದಾರ್ ವಲ್ಲಭಭಾಯಿ ಪಟೇಲ್ ( Vallabhbhai Patel) ಅವರಿಗೆ ಗೌರವ ಸಲ್ಲಿಸಿದರು.ಈ ಸಮಯದ ಕಂಗನಾರ ಫೋಟೋಗಳು ವೈರಲ್ ಆಗಿವೆ.
ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರ ಮೇಲೆ ಮುಸುಕಿನ ದಾಳಿ ಜೊತೆ ಪಟೇಲ್ ಅವರ ಬಗ್ಗೆ ಹೊಗಳಿಕೆಯ ಸುದೀರ್ಘ ಪೋಸ್ಟ್ಅನ್ನು ಪ್ರತಿಮೆಯತ್ತ ನೋಡುತ್ತಿರುವ ಫೋಟೋ ಜೊತೆಕಂಗನಾ ರಣಾವತ್ ಹಂಚಿಕೊಂಡಿದ್ದಾರೆ.
'ಏಕತೆಯ ಪ್ರತಿಮೆಗೆ ಭೇಟಿ ನೀಡುವುದು ಆಳವಾದ ರೋಮಾಂಚನಕಾರಿ ಅನುಭವ. ಭಾರತದ ಮೊದಲ ಆಯ್ಕೆಯಾದ ಪ್ರಧಾನ ಮಂತ್ರಿ ಸರ್ದಾರ್ ವಲ್ಲಭಭಾಯಿ ಪಟೇಲ್ ಇಂಗ್ಲೀಷ್‌ ಅಷ್ಟೊಂದು ಚೆನ್ನಾಗಿಲ್ಲದ ಕಾರಣ ಅವರಿಗೆ ಅರ್ಹವಾದ ಕುರ್ಚಿಯನ್ನು ತೆಗೆದುಕೊಳ್ಳಲು ಅವಕಾಶ ನೀಡಲಿಲ್ಲ. ಆದರೆ ಶಿವನು ಸತಿಯ ವಿಘಟಿತ ದೇಹವನ್ನು ಹಿಡಿದಂತೆ ರಾಷ್ಟ್ರವನ್ನು ತನ್ನ ತೆಕ್ಕೆಯಲ್ಲಿ ಹಿಡಿದಿದ್ದರೂ ಇಂದು ನಾವು ತಿಳಿದಿರುವ ಭಾರತದ ಸಮಗ್ರತೆಯ ಹಿಂದಿನ ಕಾರಣ ಅವರು' ಎಂದು ಕಂಗನಾ ಬರೆದಿದ್ದಾರೆ.
ಈ ಅನ್‌ಸಾಂಗ್‌ ರಾಷ್ಟ್ರೀಯ ನಾಯಕ ನನ್ನಲ್ಲಿ ಮತ್ತು ಮುಂಬರುವ ತೇಜಸ್‌ನ ನನ್ನ ಇಡೀ ತಂಡದಲ್ಲಿ ಹೆಮ್ಮೆ ಮತ್ತು ರಾಷ್ಟ್ರೀಯತೆಯ ಮನೋಭಾವವನ್ನು ಹುಟ್ಟುಹಾಕಿದ್ದಾರೆ ಎಂದು ಕಂಗನಾ ಸೇರಿಸಿದ್ದಾರೆ
ಅವರು ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ವೀಡಿಯೊವನ್ನು ಪೋಸ್ಟ್ ಮಾಡಿದ್ದು ಹಿನ್ನಲೆಯಲ್ಲಿ ವಂದೇ ಮಾತರಂನ ವಾದ್ಯಗಳ ಆವೃತ್ತಿಯೊಂದಿಗೆ ಪ್ರತಿಮೆಯನ್ನು ಒಳಗೊಂಡಿದೆ.
'ಕಾರಲ್ಲಿ ಪ್ರತಿಮೆ ನನಗೆ ಬಹಿರಂಗವಾದಾಗ ಈ ಬಿಜಿಎಂ (ವಂದೇ ಮಾತರಂ ಇನ್‌ಸ್ಟ್ರುಮೆಂಟಲ್) ನನ್ನ ತಲೆಯಲ್ಲಿ ಆಡಲಾರಂಭಿಸಿತು. ವಿಶ್ವದ ಅತಿ ದೊಡ್ಡ ಪ್ರತಿಮೆ ಅದರ ಎತ್ತರವು ಸುಮಾರು 70 ಅಂತಸ್ತಿನ ಕಟ್ಟಡವಾಗಿದೆ' ಎಂದು ಅವರು ಸ್ಟೋರಿಯಲ್ಲಿ ಬರೆದಿದ್ದಾರೆ.
ಸರ್ವೇಶ್ ಮೇವಾರಾ ಅವರ ನೀರ್ದೇಶನದ ತೇಜಸ್ ಕಾಲ್ಪನಿಕ ಭಾರತೀಯ ವಾಯುಪಡೆಯ ಪೈಲಟ್‌ನ ಕಥೆಯನ್ನು ಹೇಳುತ್ತದೆ. ರೋನಿ ಸ್ಕ್ರೂವಾಲಾ ಅವರು ಬಂಡವಾಳ ಹೂಡಿರುವ ಈ ಚಿತ್ರದಲ್ಲಿ ಅಂಶುಲ್ ಚೌಹಾಣ್, ವರುಣ್ ಮಿತ್ರ, ಆಶಿಶ್ ವಿದ್ಯಾರ್ಥಿ ಮತ್ತು ವಿಶಾಕ್ ನಾಯರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದು ಅಕ್ಟೋಬರ್ 27 ರಂದು ತೆರೆಗೆ ಬರಲಿದೆ.
