ಮೂರು ಮಕ್ಕಳ ತಂದೆಯನ್ನು ವರಿಸಿದ ಬಾಲಿವುಡ್ ಈ ಟಾಪ್ ನಟಿ!
ಬಾಲಿವುಡ್ನ ಪ್ರಸಿದ್ಧ ನಟಿಯರಲ್ಲಿ ಒಬ್ಬರಾದ ಜಯಾಪ್ರದಾ ಅವರಿಗೆ 59 ವರ್ಷ. ಏಪ್ರಿಲ್ 3,1962ರಂದು ಆಂಧ್ರ ಪ್ರದೇಶದ ರಾಜಮಂಡ್ರಿಯಲ್ಲಿ ಜನಿಸಿದ ದಕ್ಷಿಣ ಮತ್ತು ಬಾಲಿವುಡ್ನ ಅನೇಕ ಸೂಪರ್ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿದ ಈ ನಟಿಯ ಪರ್ಸನಲ್ ಲೈಫ್ ಸಖತ್ ಇಂಟರೆಸ್ಟಿಂಗ್ ಆಗಿದೆ. ಸಂದರ್ಶನವೊಂದರಲ್ಲಿ ಅವರು ತಮ್ಮ ಜೀವನದ ರಹಸ್ಯಗಳನ್ನು ಬಹಿರಂಗಪಡಿಸಿದರು. ಅನೇಕ ಸೂಪರ್ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿರುವ ದೀರ್ಘಕಾಲದಿಂದ ನಟನೆಯಿಂದ ದೂರ ಉಳಿದಿದ್ದಾರೆ ಮತ್ತು ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ. ಅವರು 14 ವರ್ಷದವರಿದ್ದಾಗ, ಶಾಲೆಯ ವಾರ್ಷಿಕ ಸಮಾರಂಭದಲ್ಲಿ ಅವರ ಡ್ಯಾನ್ಸ್ ನೋಡಿದ ನಿರ್ದೇಶಕರೊಬ್ಬರು ತೆಲುಗು ಚಿತ್ರವೊಂದರಲ್ಲಿ ಡ್ಯಾನ್ಸ್ ನಂಬರ್ನಲ್ಲಿ ಅವಕಾಶ ಕೊಟ್ಟರು. 3-4 ನಿಮಿಷಗಳ ಡ್ಯಾನ್ಸ್ಗೆ 10 ರೂಪಾಯಿ ಸಂಭಾವನೆ ಪಡೆದಿದ್ದರಂತೆ. ಆದರೆ, ಆ ಡ್ಯಾನ್ಸೇ ಅವರನ್ನು ಜನಪ್ರಿಯಗೊಳಿಸಿತು ಮತ್ತು ಹಲವಾರು ಚಿತ್ರಗಳಿಂದ ಆಫರ್ ಪಡೆಯುವಂತೆ ಮಾಡಿತು.
17ನೇ ವಯಸ್ಸಿನಲ್ಲಿ, ಅವರನ್ನು ದಕ್ಷಿಣದ ಹಿಟ್ ನಟಿ ಎಂದು ಪರಿಗಣಿಸಲಾಗುತ್ತಿತ್ತು. 1979ರಲ್ಲಿ 'ಸರ್ಗಮ್' ಚಿತ್ರದ ಮೂಲಕ ಬಾಲಿವುಡ್ಗೆ ಪಾದಾರ್ಪಣೆ ಮಾಡಿದರು.
80ರ ದಶಕದಲ್ಲಿ, ಬಾಲಿವುಡ್ನ ಟಾಪ್ ನಟಿಯರಲ್ಲಿ ಜಯಪ್ರದಾ ಒಬ್ಬರಾಗಿದ್ದರು. ಪ್ರತಿಯೊಬ್ಬ ನಿರ್ದೇಶಕರು ಮತ್ತು ನಿರ್ಮಾಪಕರು ತಮ್ಮ ಚಿತ್ರದಲ್ಲಿ ಜಯಪ್ರದಾರಿಗೆ ಚಾನ್ಸ್ ಕೊಡಲು ಸಿದ್ಧರಾಗಿದ್ದರು.
ಒಂದು ಹಂತದಲ್ಲಿ ಅವರ ಮನೆಯ ಮೇಲೆ ಆದಾಯ ತೆರಿಗೆಯ ರೈಡ್ ಆಯಿತು. ಅದು ಅವರ ಜೀವನದ ಕೆಟ್ಟ ಹಂತವಾಗಿತ್ತು. .
ಆ ದಾಳಿಯ ನಂತರ ವೃತ್ತಿ ಜೀವನದ ಗ್ರಾಫ್ ಕೂಡ ನಿಧಾನವಾಗಿ ಬೀಳಲಾರಂಭಿಸಿತು. ಈ ಸಮಯದಲ್ಲಿ ನಿರ್ಮಾಪಕ ಶ್ರೀಕಾಂತ್ ನಹಾತಾ ಜಯಾಗೆ ಸಹಾಯ ಮಾಡಿದರು.
ಉತ್ತಮ ಸ್ನೇಹಿತರಾಗಿದ್ದ ಜಯಪ್ರದಾ ಮತ್ತು ಶ್ರೀಕಾಂತ್ ನಹತಾ ಕ್ರಮೇಣ ಪರಸ್ಪರ ಹತ್ತಿರವಾದರು. ಇಬ್ಬರೂ ಮದುವೆಯಾಗಲು ಬಯಸಿದ್ದರು. ಆದರೆ ನಹಾತಾ ಆಗಲೇ ಮದುವೆಯಾಗಿ ಮೂರು ಮಕ್ಕಳ ತಂದೆಯಾಗಿದ್ದರು.
ನಹತಾರ ಪ್ರೀತಿಯಲ್ಲಿ ಮುಳುಗಿದ್ದ ಜಯಾಗೆ ಶ್ರೀಕಾಂತ ಮದುವೆಯ ವಿಷಯ ಯಾವುದೇ ಪರಿಣಾಮ ಬೀರಲಿಲ್ಲ. ಅವರ ಸಂಬಂಧದ ಹೆಚ್ಚು ಚರ್ಚೆಯ ವಿಷಯವಾಯಿತು.
ಅಂತಿಮವಾಗಿ ಜಯ ಮತ್ತು ಶ್ರೀಕಾಂತ್ ಮದುವೆಯಾಗಲು ನಿರ್ಧರಿಸಿದರು. ಶ್ರೀಕಾಂತ್ ತಮ್ಮ ಮೊದಲ ಹೆಂಡತಿಗೆ ವಿಚ್ಛೇದನ ನೀಡದೆಯೇ 1986ರಲ್ಲಿ ಜಯಾಪ್ರದಾ ಅವರನ್ನು ವಿವಾಹವಾದರು.
ಈ ಸುದ್ದಿ ಎಲ್ಲರಿಗೂ ಶಾಕ್ ಆಗಿತ್ತು. ಆಷ್ಟೇ ಅಲ್ಲ, ಶ್ರೀಕಾಂತ್ ಮೊದಲ ಪತ್ನಿ ಕೂಡ ಈ ಮದುವೆಯನ್ನು ವಿರೋಧಿಸಲಿಲ್ಲ.
ಅದೇ ಸಮಯದಲ್ಲಿ, ಪತ್ನಿ ಮತ್ತು ಮಕ್ಕಳನ್ನು ಬಿಟ್ಟು ಜಯಾ ಜೊತೆ ಏಕಾಂಗಿಯಾಗಿರಲು ಶ್ರೀಕಾಂತ್ಗೆ ಇಷ್ಟವಿರಲಿಲ್ಲ. ಈ ರೀತಿಯಾಗಿ, ಅವರಿಗೆ ಹೆಂಡತಿಯ ಸ್ಥಾನಮಾನ ಎಂದಿಗೂ ಸಿಗಲಿಲ್ಲ.
ಜಯಾ ಹೆಸರು ಬಾಲಿವುಡ್ ಇತರೆ ನಟರೊಂದಿಗೂ ಥಳಕು ಹಾಕಿ ಕೊಂಡಿತ್ತು.
ಅವರ ವೈವಾಹಿಕ ಜೀವನವೂ ಉತ್ತಮವಾಗಿರಲಿಲ್ಲ. ಇದಕ್ಕೆ ಕಾರಣವೆಂದರೆ, ಮೊದಲ ಹೆಂಡತಿ ಮತ್ತು ಮಕ್ಕಳು ಒಟ್ಟಿಗೆ ವಾಸಿಸುತ್ತಿದ್ದರಿಂದ ಆಕೆಗೆ ಶ್ರೀಕಾಂತ್ ಅವರೊಂದಿಗೆ ಮನೆಯಲ್ಲಿ ವಾಸಿಸಲು ಸಾಧ್ಯವಾಗಲಿಲ್ಲ.
ಜಯಾಪ್ರದಾಗೆ ತನ್ನದೇ ಆದ ಮಕ್ಕಳಿಲ್ಲದ ಕಾರಣ ತನ್ನ ಸಹೋದರಿಯ ಮಗ ಸಿದ್ದನನ್ನು ದತ್ತು ಪಡೆದರು. ಪ್ರಸ್ತುತ ತನ್ನ ದತ್ತು ಪುತ್ರನೊಂದಿಗೆ ವಾಸಿಸುತ್ತಾರೆ. 1994ರಲ್ಲಿ ತೆಲುಗು ದೇಶಂ ಪಕ್ಷದಿಂದ ರಾಜಕೀಯ ಪ್ರವೇಶಿಸಿದರು ನಟಿ.
ರೀಲ್ ಮತ್ತು ನಿಜ ಜೀವನದಲ್ಲಿ ಜಯಾಪ್ರದಾ ಮತ್ತು ಶ್ರೀದೇವಿ ಒಳ್ಳೆಯ ಸ್ನೇಹಿತರು. ಇವರಿಬ್ಬರು ಸಾಕಷ್ಟು ಸಿನಿಮಾಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಇಬ್ಬರ ಜಗಳದ ಬಗ್ಗೆ ಹಲವಾರು ಬಾರಿ ವರದಿಗಳು ಬಂದಿದ್ದರೂ, ಅಂತಹ ದೊಡ್ಡ ವಿಷಯವಾಗಲಿಲ್ಲ.