ಆಲಿಯಾ ಭಟ್ ಕ್ರಿಸ್ಮಸ್ ಪಾರ್ಟಿ: ನೆಟ್ಟಿಗ್ಗರ ಕಣ್ಣಿಗೆ ಬಿದ್ದ ಫ್ಯಾನ್ ಮೇಲಿನ ಧೂಳು
ಭಾನುವಾರ ಮಹೇಶ್ ಭಟ್ ಅವರ ಮನೆಯಲ್ಲಿ ನಡೆದ ಕ್ರಿಸ್ಮಸ್ ಪಾರ್ಟಿಯಲ್ಲಿ (Christmas bash) ಆಲಿಯಾ ಭಟ್ (Alia Bhatt) ಮತ್ತು ರಣಬೀರ್ ಕಪೂರ್ (Ranbir Kapoor) ಅವರು ಕೆಲವು ಮುದ್ದಾದ, ಆತ್ಮೀಯ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಈ ಸಮಯದ ಫೋಟೋಗಳನ್ನು ಆಲಿಯಾ ಭಟ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಕ್ರಿಸ್ಮಸ್ ದಿನದಂದು, ಆಲಿಯಾ ಭಟ್ ಅವರು ಕುಟುಂಬದ ಜೊತೆ ಹಬ್ಬವನ್ನು ಆಚರಿಸಿದ ಕ್ಷಣಗಳ ಕೆಲವು ಫೋಟೋಗಳನ್ನು Instagramನಲ್ಲಿ ಹಂಚಿಕೊಂಡಿದ್ದಾರೆ.
ಆಲಿಯಾ ಮತ್ತು ರಣಬೀರ್ ಕ್ರಿಸ್‌ಮಸ್‌ನಲ್ಲಿ ಆಲಿಯಾರ ಪೋಷಕರಾದ ಮಹೇಶ್ ಭಟ್ ಮತ್ತು ಸೋನಿ ರಜ್ದಾನ್ ಅವರ ಮನೆಯಲ್ಲಿ ಆಚರಿಸಿದ್ದಾರೆ
ಕ್ರಿಸ್ಮಸ್ ಪಾರ್ಟಿಯ ಫೋಟೋಗಳಲ್ಲಿ ಆಲಿಯಾ ಹಳದಿ ಡ್ರೆಸ್‌ ಧರಿಸಿ ಕೂದಲನ್ನು ಬನ್‌ನಲ್ಲಿ ಕಟ್ಟಿರುವುದನ್ನು ಕಾಣಬಹುದು ಮತ್ತು ಎಲ್ಲಾ ಫೋಟೋಗಳಲ್ಲಿ ರೈನ್‌ಡಿರ್‌ ಹೆಡ್‌ಬ್ಯಾಂಡ್ ಧರಿಸಿದ್ದರು.
ಆಲಿಯಾ ಸೋಫಾ ಮೇಲೆ ಪತಿ ರಣಬೀರ್ ಕಪೂರ್ ತೋಳಿನಲ್ಲಿ ಹುದುಗಿ ಕುಳಿತಿದ್ದು ರಣಬೀರ್ ಆಲಿಯಾಗೆ ಚುಂಬಿಸುತ್ತಿರುವುದನ್ನು ಫೋಟೋದಲ್ಲಿ ನೋಡಬಹುದು ಕಪಲ್‌ಗಳ ಈ ರೊಮ್ಯಾಂಟಿಕ್ ಫೋಟೋ ಸಖತ್‌ ಮೆಚ್ಚುಗೆ ಗಳಿಸಿದೆ.
ಆಲಿಯಾ ಮತ್ತು ರಣಬೀರ್ ಅವರ ಜೊತೆ ನಿರ್ದೇಶಕ ಅಯಾನ್ ಮುಖರ್ಜಿ ಮತ್ತು ಆಲಿಯಾ ಅವರ ಸಹೋದರಿ ಶಾಹೀನ್ ಕೂಡ ಮಹೇಶ್ ಭಟ್ ಅವರ ಮನೆಯ ಪಾರ್ಟಿಯಲ್ಲಿ ಸೇರಿಕೊಂಡರು.
ಹಬ್ಬದ ಈ ಫೋಟೋಗಳಲ್ಲಿ, ಆಲಿಯಾರ ಮನೆ ಫ್ಯಾನ್ ಮೇಲೆ ಧೂಳಿರುವುದನ್ನು ಗಮನಿಸಿ ಆಲಿಯಾ ಅವರ ಮನೆಯಲ್ಲೂ ಫ್ಯಾನ್ ಧೂಳು ಆಗಿದೆ ಅಭಿಮಾನಿಯೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ಕ್ರಿಸ್ಮಸ್ ಯಾವಾಗಲೂ ನಮಗೆ ಅತ್ಯಂತ ಸುಂದರವಾದ ರಾನ್ಲಿಯಾ ಫೋಟೋಗಳನ್ನು ನೀಡುತ್ತದೆ ಎಂದು ಮತ್ತೊಬ್ಬ ಅಭಿಮಾನಿ ಕಾಮೆಂಟ್‌ ಮಾಡಿದ್ದಾರೆ.
ನಿರ್ದೇಶಕ ವಾಸನ್ ಬಾಲಾ ಅವರ ಮುಂದಿನ ಜಿಗ್ರಾ ಚಿತ್ರದಲ್ಲಿ ಆಲಿಯಾ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ, ಆಕೆಯ ಖಾತೆಯಲ್ಲಿ ಜೀ ಲೇ ಜರಾ ಕೂಡ ಇದೆ. ಫರ್ಹಾನ್ ಅಖ್ತರ್ ನಿರ್ದೇಶನದ ಈ ಚಿತ್ರದಲ್ಲಿ ಕತ್ರಿನಾ ಕೈಫ್ ಮತ್ತು ಪ್ರಿಯಾಂಕಾ ಚೋಪ್ರಾ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ರಣಬೀರ್ ಪ್ರಸ್ತುತ ಅನಿಮಲ್ ಚಿತ್ರದ ಯಶಸ್ಸಿನಲ್ಲಿ ಮುಳುಗಿದ್ದಾರೆ. ರಣಬೀರ್ ಜೊತೆ ಅನಿಲ್ ಕಪೂರ್, ಬಾಬಿ ಡಿಯೋಲ್, ರಶ್ಮಿಕಾ ಮಂದಣ್ಣ ಮತ್ತು ಟ್ರಿಪ್ತಿ ಡಿಮ್ರಿ ನಟಿಸಿರುವ ಸಂದೀಪ್ ರೆಡ್ಡಿ ವಂಗ ನಿರ್ದೇಶನದ ಈ ಚಿತ್ರವು ಭಾರತದಲ್ಲಿ 500 ಕೋಟಿಗೂ ಹೆಚ್ಚು ಗಳಿಸಿದೆ. ಇದು 2023 ರ ಅತ್ಯಂತ ಯಶಸ್ವಿ ಚಲನಚಿತ್ರಗಳಲ್ಲಿ ಒಂದಾಗಿದೆ.
