ಭಾರತದ ಅತಿ ಹೆಚ್ಚು ಗಳಿಕೆ ಮಾಡಿದ ಅಡಲ್ಟ್ಸ್‌ ಓನ್ಲೀ ಮೂವಿ; OMG 2, ಕಾಶ್ಮೀರ್ ಫೈಲ್ಸ್ ಅಲ್ಲ!

'ವಯಸ್ಕರ ಮಾತ್ರ' ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಕಲೆಕ್ಷನ್ ಮಾಡಲು ಸಾಧ್ಯವಿಲ್ಲ ಅನ್ನೋ ಕಾಲವೊಂದಿತ್ತು. ಕಳೆದ ದಶಕದಲ್ಲಿ ಭಾರತೀಯ ಚಲನಚಿತ್ರಗಳಿಗೆ ಹೆಚ್ಚಿನ ಸಂಖ್ಯೆಯ ಎ-ರೇಟೆಡ್ ಚಲನಚಿತ್ರಗಳು ಹಿಟ್ ಆಗುವುದರೊಂದಿಗೆ ಎಲ್ಲವೂ ಬದಲಾಗಲಾರಂಭಿಸಿತು. ಆದರೆ 2023ರಲ್ಲಿ ವಯಸ್ಕರ ಮಾತ್ರ ಚಿತ್ರವೊಂದು ಬ್ಲಾಕ್‌ಬಸ್ಟರ್‌ ಸಿನ್ಮಾವಾಗಿ ಮಾರ್ಪಟ್ಟಿವೆ. ಬಾಕ್ಸಾಫೀಸಿನಲ್ಲಿ ಬರೋಬ್ಬರಿ 1000 ಕೋಟಿ ರೂ. ಗಳಿಸಿದೆ. 

ಸಂದೀಪ್ ರೆಡ್ಡಿ ವಂಗಾ ಅವರ 'ಅನಿಮಲ್' ಭಾರತದಲ್ಲಿ ಇದುವರೆಗೆ ತಯಾರಾದ ಅತಿ ಹೆಚ್ಚು ಗಳಿಕೆಯ ಎ-ರೇಟೆಡ್ ಚಲನಚಿತ್ರವಾಗಿದೆ. ಜನವರಿ 11ರ ಹೊತ್ತಿಗೆ, ರಣಬೀರ್ ಕಪೂರ್ ಮತ್ತು ಬಾಬಿ ಡಿಯೋಲ್ ಅಭಿನಯದ ಚಿತ್ರವು ವಿಶ್ವಾದ್ಯಂತ 900 ಕೋಟಿ ರೂ. ಗಳಿಸಿದೆ, ಇದರಲ್ಲಿ ಭಾರತದಲ್ಲಿ ಮಾತ್ರ 550 ರೂ. ಕೋಟಿ ನಿವ್ವಳ ಲಾಭವನ್ನು ಗಳಿಸಿದೆ. 

ಅನಿಮಲ್, ಬಾಕ್ಸ್ ಆಫೀಸ್ ಕಲೆಕ್ಷನ್ ಗದರ್ 2 (691 ಕೋಟಿ ರೂ. ) ಮತ್ತು ಬಾಹುಬಲಿ 1 (650 ಕೋಟಿ ರೂ.) ನಂತಹ ಬ್ಲಾಕ್‌ಬಸ್ಟರ್‌ಗಳಿಂದ ಹೆಚ್ಚಿದೆ.  ಮಾತ್ರವಲ್ಲ  ಅದರ 551 ರೂ. ಕೋಟಿಗಳ ದೇಶೀಯ ಸಂಗ್ರಹವು ಶಾರುಖ್ ಖಾನ್ ಅವರ ಹಿಟ್ ಸಿನಿಮಾ ಪಠಾನ್ (543 ಕೋಟಿ ರೂ ) ಗಿಂತ ಹೆಚ್ಚಾಗಿದೆ.

2023 ರಲ್ಲಿ ಇತರ ಮೂರು ಎ-ರೇಟೆಡ್ ಚಲನಚಿತ್ರಗಳು ಭಾರತದಾದ್ಯಂತ ಉತ್ತಮ ಗಳಿಕೆಯನ್ನು ಗಳಿಸಿದವು. ಪ್ರಭಾಸ್ ಅಭಿನಯದ ತೆಲುಗು ಆಕ್ಷನ್ ಥ್ರಿಲ್ಲರ್ ಸಲಾರ್ 600 ಕೋಟಿ ರೂ. ಗಳಿಸಿದೆ.

ಸುದೀಪ್ತೋ ಸೇನ್ ಅವರ 'ದಿ ಕೇರಳ ಸ್ಟೋರಿ' 300 ಕೋಟಿ ರೂ. ದಾಟಿದೆ. ಅಕ್ಷಯ್ ಕುಮಾರ್ ಮತ್ತು ಪಂಕಜ್ ತ್ರಿಪಾಠಿ ಅಭಿನಯದ OMG 2, ಎ-ರೇಟಿಂಗ್ ಹೊರತಾಗಿಯೂ 221 ಕೋಟಿ ರೂ ಗಳಿಸಿತು.

ಇತ್ತೀಚಿನ ವರ್ಷಗಳಲ್ಲಿ, ಹಿಂದಿಯಲ್ಲಿ ಬಿಡುಗಡೆಯಾದ ಹಲವಾರು ಎ-ಪ್ರಮಾಣಿತ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಕಲೆಕ್ಷನ್ ಮಾಡಿವೆ. 100 ಕೋಟಿ ಕ್ಲಬ್‌ನಲ್ಲಿರುವ ಕೆಲವು ಚಿತ್ರಗಳಲ್ಲಿ ದಿ ಕಾಶ್ಮೀರ್ ಫೈಲ್ಸ್ (ರೂ. 341 ಕೋಟಿ), ಗ್ರ್ಯಾಂಡ್ ಮಸ್ತಿ (ರೂ. 148 ಕೋಟಿ), ವೀರೆ ದಿ ವೆಡ್ಡಿಂಗ್ (ರೂ. 139 ಕೋಟಿ), ಮತ್ತು ದಿ ಡರ್ಟಿ ಪಿಕ್ಚರ್ (ರೂ. 117 ಕೋಟಿ) ಸೇರಿವೆ.