ಮಗಳು ಬಂದಿದ್ದಾಳೆ, ಆದ್ರೂ ಆಲಿಯಾ ರಣಬೀರ್ ಹೋಳಿ ಆಡೋಲ್ವಂತೆ? ಯಾಕೋ?

ಬೆಬೋ ಎಂದೇ ಖ್ಯಾತರಾಗಿರುವ ಕರೀನಾ ಕಪೂರ್ ಹೋಳಿ ಹಬ್ಬವನ್ನು ಆಚರಿಸುವುದಿಲ್ಲ. ಅವರ ಪ್ರಕಾರ ಅವರೊಬ್ಬರೇ ಅಲ್ಲ, ಅವರ ಕುಟುಂಬದಲ್ಲಿ ಯಾರೂ ಹೋಳಿ ಆಚರಿಸುವುದಿಲ್ಲ. ಇದಕ್ಕೆ ಕಾರಣವನ್ನು ವಿವರಿಸಿದ ಕರೀನಾ,'ನಾವು ಎಂದಿಗೂ ಹೋಳಿ ಆಚರಿಸುವುದಿಲ್ಲ. ನಮ್ಮ ಅಜ್ಜ ತೀರಿಕೊಂಡಾಗಿನಿಂದ ನಮ್ಮ ಜೀವನದಲ್ಲಿ ಬಣ್ಣಗಳು ಮಾಯವಾಗಿವೆ. ಅಂದಿನಿಂದ ನಾವು ಯಾರೂ ಹೋಳಿ ಆಚರಿಸುವುದಿಲ್ಲ' ಎಂದು ಕರೀನಾ ಹೇಳಿದ್ದರು. ಕರೀನಾ ಕಪೂರ್ ಅವರ ಹೋಳಿ ಹಬ್ಬವನ್ನು ಆಚರಿಸುವುದಿಲ್ಲ. ಅವರ ಅಜ್ಜ ರಾಜ್‌ಕಪೂರ್‌ ತೀರಿಕೊಂಡ ನಂತರ ಕಪೂರ್‌ ಫ್ಯಾಮಿಲಿಯಲ್ಲಿ ಹೋಳಿ ಆಚರಿಸುವುದಿಲ್ಲ.  ಆದರೆ ಈ ವರ್ಷ ಕರೀನಾ ಕಪೂರ್‌ ತಮ್ಮ ಮಕ್ಕಳ ಜೊತೆ ಹೋಳಿ ಆಚರಿಸಿ ಪೋಟೋ ಹಂಚಿಕೊಂಡಿದ್ದಾರೆ.

ಆಲಿಯಾ ಭಟ್ ಹೋಳಿ ಆಚರಿಸುವುದಿಲ್ಲ. ಅವರ ಪ್ರಕಾರ, ಆಕೆಯ ಚರ್ಮವು ತುಂಬಾ ಸೂಕ್ಷ್ಮ. ರಾಸಾಯನಿಕ ಬಣ್ಣಗಳು ಅದನ್ನು ಮತ್ತಷ್ಟು ಹಾನಿಗೊಳಿಸಬಹುದು. ಸಂದರ್ಶನವೊಂದರಲ್ಲಿ, 'ನಾನು ಬಾಲ್ಯದಲ್ಲಿ ಹೋಳಿ ಆಡುತ್ತಿದ್ದೆ, ಆದರೆ ಈಗ ನನಗೆ ಸ್ವಲ್ಪ ಭಯ. ಬಣ್ಣಗಳು ಚರ್ಮಕ್ಕೆ ಅಲರ್ಜಿ ಉಂಟುಮಾಡುತ್ತವೆ, ಆದ್ದರಿಂದ ನಾನು ಹೋಳಿ ಆಚರಿಸುವುದಿಲ್ಲ' ಎಂದು ಹೇಳಿದ್ದರು.

ಹೋಳಿಯ  ಅತ್ಯಂತ ಜನಪ್ರಿಯವಾದ 'ಬಲಂ ಪಿಚ್ಕರಿ' ಹಾಡನ್ನು ನೀಡಿದ ರಣಬೀರ್ ಕಪೂರ್ ಹೋಳಿ ಆಚರಣೆಯಿಂದ ದೂರ ಉಳಿದಿದ್ದಾರೆ. ಅವರು ನೀರನ್ನು ವ್ಯರ್ಥ ಮಾಡಲು ಇಷ್ಟಪಡುವುದಿಲ್ಲ. ಈ ಕಾರಣದಿಂದಲೇ ಅವರು ಈ ಬಣ್ಣದ ಹಬ್ಬವನ್ನು ಆಚರಿಸುವುದಿಲ್ಲವಂತೆ.

ರಣವೀರ್ ಸಿಂಗ್ ಹೋಳಿ ಆಚರಿಸಲು ಇಷ್ಟಪಡುವುದಿಲ್ಲ. ಇದಕ್ಕೆ ಕಾರಣ ಸ್ವಚ್ಛತೆ . 'ನಾನು ಹೋಳಿ ಆಚರಿಸುವುದಿಲ್ಲ. ನಾನು ಸ್ವಚ್ಛತೆಯ  ಒಸಿಡಿ ಹೊಂದಿದ್ದೇನೆ. ಇದೇ ಕಾರಣಕ್ಕೆ ನಾನು ಹೋಳಿ ಆಚರಿಸುವುದಿಲ್ಲ' ಎಂದಿದ್ದಾರೆ.
 

ಜಾನ್ ಅಬ್ರಹಾಂ ಹೋಳಿ ಆಚರಣೆಯಿಂದ ದೂರವಂತೆ. 'ನಾನು ಹೋಳಿ ಆಚರಿಸುವುದಿಲ್ಲ, ಜನರು ಹೋಳಿಯನ್ನು ದುರುಪಯೋಗಪಡಿಸಿಕೊಳ್ಳುತ್ತಾರೆ ಮತ್ತು ತುಂಬಾ ವಿಕೃತರಾಗಿದ್ದಾರೆ, ಆದ್ದರಿಂದ ನಾನು ಅದನ್ನು ಆಚರಿಸುವ ವಿಧಾನವನ್ನು ನಿಜವಾಗಿಯೂ ಗೌರವಿಸುವುದಿಲ್ಲ'  ಎಂದು ಹೇಳಿದರು. 'ನೀವು ಮರಗಳನ್ನು ಕಡಿಯುತ್ತೀರಿ, ನೀವು ಪ್ರಕೃತಿ ನಾಶ ಮಾಡುತ್ತಿದ್ದೀರಿ, ನೀವು ಧರ್ಮದ ಹೆಸರಿನಲ್ಲಿ ಎಲ್ಲವನ್ನೂ ನಾಶಪಡಿಸುತ್ತಿದ್ದೀರಿ. ಆದ್ದರಿಂದ ನಾನು ಹೋಳಿ ಆಡುವುದನ್ನು ಆನಂದಿಸುವುದಿಲ್ಲ' ಎಂದು  ಜಾನ್ ಮತ್ತಷ್ಟು ಹೇಳಿದರು.
 

ದಕ್ಷಿಣ ಭಾರತ ಚಿತ್ರರಂಗದಿಂದ ಬಾಲಿವುಡ್ ಗೆ ಬಂದ ತಾಪ್ಸಿ ಪನ್ನು ಮನೆಯಲ್ಲಿ ಹೋಳಿ ಹಬ್ಬದ ಸಂಭ್ರಮವಿಲ್ಲ.'ಮನೆಯಲ್ಲಿ ಹೋಳಿ ಆಚರಣೆ ಅಷ್ಟೇನೂ ಇಲ್ಲ. ನನ್ನ ತಂದೆ-ತಾಯಿ ಬಣ್ಣಗಳನ್ನು ಆಚರಿಸುವುದಿಲ್ಲ. ಹಾಗಾಗಿ ಯೂನಿಟ್ ಇರುವ ಹೋಟೆಲ್‌ನಲ್ಲಿ ಉಳಿದುಕೊಂಡು ಹೋಳಿ ಆಚರಿಸುತ್ತೇನೆ' ಎಂದು ಸಂಭಾಷಣೆಯಲ್ಲಿ ಹೇಳಿದ್ದರು.

ಕರಣ್ ಜೋಹರ್ ಹೋಳಿ ಆಚರಿಸಲು ಇಷ್ಟಪಡುವುದಿಲ್ಲ. ಇದರ ಹಿಂದೆ ಅವರ ಬಾಲ್ಯದ ಕಹಿ ಘಟನೆ ಇದೆ .'ನಾನು 10 ವರ್ಷದವನಿದ್ದಾಗ, ಯಾರೋ ನನ್ನ ಮೇಲೆ ಕೊಳೆತ ಮೊಟ್ಟೆಯನ್ನು ಎಸೆದರು. ಇದು ನನ್ನ ಕೊನೆಯ ಹ್ಯಾಪಿ ಹೋಳಿ. ಹಾಗಾಗಿ ನಾನು ನಿಮಗೆ ವರ್ಣರಂಜಿತ ಮತ್ತು ಮೊಟ್ಟೆಯಿಲ್ಲದ ಹೋಳಿಯನ್ನು ಬಯಸುತ್ತೇನೆ' ಎಂದು  ಅವರು ಸಂಭಾಷಣೆಯಲ್ಲಿ ಹೇಳಿದರು.