ಕೆಲ ನಟಿಯರ ಜೊತೆ ನಟಿಸುವುದಕ್ಕೆ ತಮ್ಮ ಪತಿಗೆ ನಿರ್ಬಂಧ ಹೇರಿದ ಬಾಲಿವುಡ್‌ನ ಪತ್ನಿಯರು

ಬಾಲಿವುಡ್ ಸೆಲೆಬ್ರಿಟಿಗಳು ಜಗತ್ತಿನಾದ್ಯಂತ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಸೆಲೆಬ್ರಿಟಿಗಳ ನಟನೆ ಮತ್ತು ಅದ್ಭುತವಾದ ಆನ್-ಸ್ಕ್ರೀನ್ ಪ್ರೆಸೆನ್‌ ಕಾರಣಕ್ಕೆ ಅಭಿಮಾನಿಗಳು ತಮ್ಮ ನೆಚ್ಚಿನ ತಾರೆಯರ ವೈಯಕ್ತಿಕ ಜೀವನವನ್ನು ಸಹ ಗಮನಿಸುತ್ತಾರೆ ಮತ್ತು ಅನುಸರಿಸುತ್ತಾರೆ. ಸಾಮಾನ್ಯವಾಗಿ, ಯಾವುದೇ ಬಾಲಿವುಡ್ ನಟನಟಿಯರ ಸಂಬಂಧವು ಸಾರ್ವಜನಿಕ ದೃಷ್ಟಿಯಿಂದ ತಪ್ಪಿಸಿಕೊಳ್ಳುವುದಿಲ್ಲ.ಗಾಸಿಪ್ ಹಾಗೂ ಕೆಲ ಆತ್ಮೀಯ ಕಾರಣಕ್ಕೆ  ಕೆಲವು ಬಾಲಿವುಡ್ ಪತ್ನಿಯರು ತಮ್ಮ ಗಂಡಂದಿರನ್ನು ನಿರ್ದಿಷ್ಟ ನಟಿಯರೊಂದಿಗೆ ಕೆಲಸ ಮಾಡದಂತೆ ನಿಷೇಧಿಸಿದ್ದಾರೆ. ಅವರು ಯಾರು ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಆಲಿಯಾ ಭಟ್
ನಟಿ ಆಲಿಯಾ ಭಟ್ ನಟ ರಣಬೀರ್ ಕಪೂರ್ ಗಂಡ ಹೆಂಡ್ತಿ  ಹಿಂದಿ ಸಿನಿಮಾ ಲೋಕದ ಚಾಕೊಲೇಟ್ ಹುಡುಗ ಆಗಿರುವ ನಟ ರಣ್‌ಬೀರ್‌ಗೆ ಹಲವು ಪ್ರಸಿದ್ಧ ನಟಿಯರೊಂದಿಗೆ ಸಂಬಂಧ ಇದ್ದಿದ್ದು, ಜಗಜಾಹೀರಾದ ವಿಚಾರ ಆದರೆ ರಣ್‌ಬೀರ್‌ ಮಾಜಿ ಗೆಳತಿಯರಲ್ಲಿ ಒಬ್ಬರಾದ ಕತ್ರಿನಾ ಕೈಫ್ ಜೊತೆ .ತನ್ನ ಪತಿ ರಣ್‌ಬೀರ್‌ ತೆರೆ ಹಂಚಿಕೊಳ್ಳುವುದಕ್ಕೆ ಆಲಿಯಾ ಭಟ್ ಅನುಮತಿ ನೀಡುತ್ತಿಲ್ಲ ಎನ್ನಲಾಗಿದೆ

ಕತ್ರಿನಾ ಕೈಫ್
ದೀಪಿಕಾ ಪಡುಕೋಣೆ ಮತ್ತು ಕತ್ರಿನಾ ಕೈಫ್ ಇಬ್ಬರೂ ರಣಬೀರ್ ಕಪೂರ್ ಅವರ ಮಾಜಿ ಗೆಳತಿಯರು. ನಟಿ ಕತ್ರೀನಾ ಕೈಫ್ ಬಂದ ನಂತರ ರಣ್‌ಬೀರ್ ದೀಪಿಕಾ ಪಡುಕೋಣೆಗೆ ಕೈ ಕೊಟ್ಟರು ಎಂಬ ವರದಿ ಇದೆ. ಹೀಗಿರುವಾಗ ನಟಿ ಕತ್ರಿನಾ ಕೈಫ್‌ ಅವರಿಗೆ  ತನ್ನ ಪತಿ ವಿಕಿ ಕೌಶಲ್, ದೀಪಿಕಾ ಪಡುಕೋಣೆ  ಜೊತೆ ಕೆಲಸ ಮಾಡುವುದು ಇಷ್ಟವಿಲ್ಲವಂತೆ. ಇದೇ ಕಾರಣಕ್ಕೆ ವಿಕ್ಕಿ ಕೌಶಲ್‌ಗೆ ದೀಪಿಕಾ ಜೊತೆ ನಟಿಸುವ ಭಾಗ್ಯ ಇಲ್ಲವಾಗಿದೆ. 

ದೀಪಿಕಾ ಪಡುಕೋಣೆ
ದೀಪಿಕಾ ಪಡುಕೋಣೆ ಮತ್ತು ಕತ್ರಿನಾ ಕೈಫ್ ನಡುವಿನ ಶೀತಲ ಸಮರ ಎಂದಿಗೂ ಸಾರ್ವಜನಿಕವಾಗಿ ಬಹಿರಂಗವಾಗದೇ ಇದ್ದರೂ ಕೂಡ. ಕತ್ರಿನಾ ತನ್ನ ಪತಿಯನ್ನು ದೀಪಿಕಾ ಜೊತೆ ಕೆಲಸ ಮಾಡದಂತೆ ನಿಷೇಧಿಸಿದಂತೆ, ದೀಪಿಕಾ ಪಡುಕೋಣೆ ಕೂಡ ತನ್ನ ಪತಿ ರಣವೀರ್ ಸಿಂಗ್ ಾವರು ಕತ್ರಿನಾ ಕೈಫ್‌ ಜೊತೆ ಕೆಲಸ ಮಾಡಲು ಅನುಮತಿ ನಿರಾಕರಿಸಿದ್ದಾರಂತೆ. 

ಗೌರಿ ಖಾನ್
ಶಾರುಖ್ ಖಾನ್ ಅವರನ್ನು ಬಾಲಿವುಡ್‌ನಲ್ಲಿ ಮಾತ್ರವಲ್ಲದೆ ಪ್ರಪಂಚದಾದ್ಯಂತ ರೋಮ್ಯಾನ್ಸ್ ರಾಜ ಎಂದು ಕರೆಯಲಾಗುತ್ತದೆ. ಆದ್ದರಿಂದ ನಿಸ್ಸಂದೇಹವಾಗಿ, ಅವರ ಪತ್ನಿ ಗೌರಿ ಖಾನ್ ಅವರ ಬಗ್ಗೆ ಅಸುರಕ್ಷಿತರಾಗಿರುವುದು ಸಹಜ. ಗೌರಿಗೆ ಶಾರುಖ್ ಖಾನ್ ಅವರ ಡಾನ್ 2 ಸಹ-ನಟಿ ಪ್ರಿಯಾಂಕಾ ಚೋಪ್ರಾ ಅವರೊಂದಿಗೆ ಗಂಭೀರ ಸಮಸ್ಯೆ ಇತ್ತು. ಹಾಗೂ ಪ್ರಿಯಾಂಕಾ ಜೊತೆ ಶಾರುಖ್‌ ನಟಿಸುವುದು ಗೌರಿಗೆ ಇಷ್ಟವಿರಲಿಲ್ಲ ಎಂದು ತಿಳಿದು ಬಂದಿದೆ. 

ಶಾರುಖ್‌ ಪತ್ನಿ ಗೌರಿಗೆ ಪ್ರಿಯಾಂಕಾ ಚೋಪ್ರಾ ಇಷ್ಟವಾಗಲಿಲ್ಲ ಮತ್ತು ತನ್ನ ಪತಿ ಶಾರುಖ್ ಆ ನಟಿಯೊಂದಿಗೆ ಕೆಲಸ ಮಾಡದಂತೆ ತಡೆದರು ಎಂದು ವರದಿಯಾಗಿದೆ. ಡಾನ್ 2 ಶಾರುಖ್ ಖಾನ್ ಮತ್ತು ಪ್ರಿಯಾಂಕಾ ಒಟ್ಟಿಗೆ ಕೆಲಸ ಮಾಡಿದ ಕೊನೆಯ ಚಿತ್ರವಾಗಿದೆ.

ಕಾಜೋಲ್
ಕಾಜೋಲ್ ಮತ್ತು ಅಜಯ್ ದೇವಗನ್ ಉತ್ತಮ ಜೋಡಿ. ಆದಾಗ್ಯೂ, ಕಾಜೋಲ್ ಅವರನ್ನು ವಿವಾಹವಾಗುವ ಮೊದಲು ಅಜಯ್ ಬಾಲಿವುಡ್ ನಟಿ ಕರಿಷ್ಮಾ ಕಪೂರ್ ಅವರಿಗೆ ಮೋಸ ಮಾಡಿದ್ದಾರೆ ಎಂದು ಹೇಳಲಾಗುತ್ತದೆ. ಫೆಬ್ರವರಿ 24, 1999 ರಂದು ಕಾಜೋಲ್ ಅವರನ್ನು ವಿವಾಹವಾದ ನಂತರವೂ, ಅಜಯ್ ದೇವಗನ್ ಅವರು ಕರಿಷ್ಮಾ ಕಪೂರ್ ಜೊತೆಗಿನ ಸಂಬಂಧದ ಕಾರಣಕ್ಕೆ ಸಾಕಷ್ಟು ಸುದ್ದಿ ಮಾಡಿದ್ದರು. 

ಇದೇ ಕಾರಣಕ್ಕೆ ಕಾಜೋಲ್ ತನ್ನ ಪತಿ ಅಜಯ್ ದೇವಗನ್‌ ನಟಿ ಕರಿಷ್ಮಾ ಕಪೂರ್‌  ಜೊತೆ ಕೆಲಸ ಮಾಡದಂತೆ ನಿಷೇಧಿಸಿದ್ದಾರೆ. ಅಜಯ್ ಮತ್ತು ಕರಿಷ್ಮಾ ಕೊನೆಯದಾಗಿ 1994 ರ ಸುಹಾಗ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. 

ಅಜಯ್ ಮತ್ತೊಮ್ಮೆ ತಮ್ಮ ಸಹ-ನಟಿ ಕಂಗನಾ ರಣಾವತ್ ಅವರೊಂದಿಗಿನ ಡೇಟಿಂಗ್ ವದಂತಿಗಳಿಗಾಗಿ ಸುದ್ದಿಯಲ್ಲಿದ್ದರು. ಈ ಜೋಡಿ ರೆಡಿ, ರಾಸ್ಕಲ್ಸ್ ಮತ್ತು ಟೆಜ್‌ನಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಮತ್ತು ಅವರ ಕೊನೆಯ ಚಿತ್ರ ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ (2010) ಚಿತ್ರೀಕರಣದ ಸಮಯದಲ್ಲಿ, ಕಂಗನಾ ಅವರ ಸಂಬಂಧದ ಬಗ್ಗೆ ಗಂಭೀರವಾಗಿ ಮಾತನಾಡಿದ್ದಾರೆ ಎಂದು ಹೇಳಲಾಗುತ್ತದೆ. ಹೀಗಾಗಿ, ಅಜಯ್ ಅವರ ಪತ್ನಿ ಕಾಜೋಲ್ ಅವರು ಪತಿ  ಅಜಯ್ ದೇವಗನ್‌ ಕಂಗನಾ ಜೊತೆ  ನಟಿಸಬಾರದು ಎಂದು ನಿಷೇಧ ಹೇರಿದ್ದಾರೆ ಎನ್ನಲಾಗಿದೆ. 

ಜಯಾ ಬಚ್ಚನ್
ಅಮಿತಾಬ್ ಬಚ್ಚನ್, ಅವರ ಪತ್ನಿ ಜಯಾ ಭಾದುರಿ ಮತ್ತು ಬಾಲಿವುಡ್ ನಟಿ ರೇಖಾ ನಡುವಿನ ತ್ರಿಕೋನ ಪ್ರೇಮದ ಬಗ್ಗೆ ಯಾರಿಗೆ ತಿಳಿದಿಲ್ಲ? ಅಮಿತಾಬ್ ಮತ್ತು ರೇಖಾ ಅವರ ಕೊನೆಯ ಚಿತ್ರ ಸಿಲ್ಸಿಲಾದಲ್ಲಿ ಅವರ ಅಭಿನಯವು ಅವರ ಲಕ್ಷಾಂತರ ಅಭಿಮಾನಿಗಳಿಗೆ ಸಿಕ್ಕ ಅತ್ಯುತ್ತಮ ಆನ್-ಸ್ಕ್ರೀನ್ ಕೆಮಿಸ್ಟ್ರಿಯಾಗಿತ್ತು. 

ಆದಾಗ್ಯೂ, ವರದಿಗಳ ಪ್ರಕಾರ ಅಮಿತಾಭ್ ಹಾಗೂ ರೇಖಾ ಜೊತೆಗೆ ನಟಿಸಬಾರದು ಎಂದು, ಜಯಾ ಕಂಡೀಷನ್ ಹಾಕಿದ್ದರು ಹೀಗಾಗಿಯೇ  ತಮ್ಮ ಪತಿ ಅಮಿತಾಭ್‌ ರೇಖಾ ಜೊತೆ ಕೆಲಸ ಮಾಡದಂತೆ ತಡೆದಿದ್ದರು ಎಂಬ ಮಾಹಿತಿ ಇದೆ. ಅಂದಿನಿಂದ ಅಮಿತಾಬ್ ಮತ್ತು ರೇಖಾ ಸಾರ್ವಜನಿಕವಾಗಿ ಒಟ್ಟಿಗೆ ಕಾಣಿಸಿಕೊಂಡು ಇಲ್ಲ ಸಿನಿಮಾವನ್ನೂ ಮಾಡಿಲ್ಲ,

ಟ್ವಿಂಕಲ್ ಖನ್ನಾ
ಬಾಲಿವುಡ್‌ನ ಸೂಪರ್-ಎನರ್ಜೆಟಿಕ್ ನಟ ಅಕ್ಷಯ್ ಕುಮಾರ್ 2001 ರಲ್ಲಿ ರಾಜೇಶ್ ಖನ್ನಾ ಮತ್ತು ಡಿಂಪಲ್ ಕಪಾಡಿಯಾ ಅವರ ಮಗಳು ಟ್ವಿಂಕಲ್ ಖನ್ನಾ ಅವರನ್ನು ಮದುವೆಯಾಗುವ ಮೊದಲು ಗೆಳತಿಯರ ದೊಡ್ಡ ಪಟ್ಟಿಯನ್ನು ಹೊಂದಿದ್ದರು. ಮದುವೆಯ ನಂತರವೂ, ಅಕ್ಷಯ್ ಪ್ರಿಯಾಂಕಾ ಚೋಪ್ರಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿಗಳು ಹಬ್ಬಿದ್ದವು. ಈ ವಿಚಾರಗಳಿಂದ ಸಿಡಿಮಿಡಿಗೊಂಡಿದ್ದ ಟ್ವಿಂಕಲ್ ಖನ್ನಾ 2005 ರಲ್ಲಿ ಬರ್ಸಾತ್ ಚಿತ್ರೀಕರಣದ ಸಮಯದಲ್ಲಿ, ತನ್ನ ಪತಿ ಅಕ್ಷಯ್, ಪ್ರಿಯಾಂಕಾ ಜೊತೆ ಕೆಲಸ ಮಾಡದಂತೆ ತಡೆದರು ಎಂಬ ವರದಿ ಇದೆ. 

ಸುಜೇನ್ ಖಾನ್
ಹೃತಿಕ್ ರೋಶನ್ ಮತ್ತು ಸುಸಾನೆ ಖಾನ್ ವಿಚ್ಛೇದನ ಪಡೆದಿದ್ದಾರೆ. ಆದರೆ ಅದಕ್ಕೂ ಮೊದಲು, ಹೃತಿಕ್ ತನ್ನ ಕೈಟ್ಸ್ ಸಹ-ನಟಿ ಬಾರ್ಬರಾ ಮೋರಿ ಅವರೊಂದಿಗೆ ಪ್ರಣಯದಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂಬ ವದಂತಿಗಳಿದ್ದವು. ಆ ಸಮಯದಲ್ಲಿ ಸುಸಾನೆ ವಾರ್ನ್‌ ಮಾಡಿದ ಕಾರಣಕ್ಕೆ, ಹೃತಿಕ್ ಮತ್ತು ಬಾರ್ಬರಾ ಮತ್ತೆ ಆನ್ ಅಥವಾ ಆಫ್-ಸ್ಕ್ರೀನ್‌ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿಲ್ಲ ಎಂಬ ವರದಿ ಇದೆ.