ಅಮಿತಾಬ್ -ಸಲ್ಮಾನ್: ಖಾಸಗಿ ವಿಮಾನದ ಮಾಲೀಕರು ಈ ಸೆಲೆಬ್ರಿಟಿಗಳು !

ಬಾಲಿವುಡ್ (Bollywood) ಸೆಲೆಬ್ರೆಟಿಗಳು ಲಕ್ಷುರಿಯಸ್‌ ತಮ್ಮ  ಲೈಫ್‌ ಸ್ಟೈಲ್‌ಗೆ ಫೇಮಸ್‌ ಆಗಿದ್ದಾರೆ. ಸಿನಿಮಾಳ ಜೊತೆಗೆ ಇತರ ಮೂಲಗಳಿಂದ ಕೋಟ್ಯಂತರ ರೂಪಾಯಿಗಳನ್ನು ಗಳಿಸುವ ಈ ಸೆಲೆಬ್ರಿಟಿಗಳು ತಮ್ಮ ಲಕ್ಷುರಿಯ ವಿಷಯದಲ್ಲಿ ಯಾವುದೇ ರೀತಿಯಲ್ಲಿ ರಾಜಿ ಮಾಡಿಕೊಳ್ಳುವುದಿಲ್ಲ. ಈ ಕಾರಣಕ್ಕಾಗಿಯೇ ಇವರು  ತಮ್ಮದೇ ಆದ  ಖಾಸಗಿ ಜೆಟ್‌ಗಳಲ್ಲಿ (Private Jet) ಪ್ರಯಾಣಿಸಲು ಇಷ್ಟಪಡುತ್ತಾರೆ. ಅಮಿತಾಬ್ ಬಚ್ಚನ್ (Mitabh Bachchan) ರಿಂದ ಸಲ್ಮಾನ್ ಖಾನ್ (Salman Khan), ಶಾರುಖ್ ಖಾನ್ (Shah Rukh Khan) ಮತ್ತು ಅಕ್ಷಯ್ ಕುಮಾರ್ (Akshay Kumar) ವರೆಗೆ, ಹಲವು ಬಾಲಿವುಡ್‌ ಸ್ಟಾರ್ಸ್‌  ಪ್ರೇವೈಟ್‌ ಜೆಟ್‌  ಹೊಂದಿದ್ದಾರೆ. ತಮ್ಮದೇ ಸ್ವಂತ ಜೆಟ್ ಹೊಂದಿರುವ ಸಿನಿಮಾ ನಟರು ಯಾರಾರು?ಮಾಹಿತಿಗಾಗಿ ಮುಂದೆ ಓದಿ. 

ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಅವರು ನಟನೆಗೆ ಮಾತ್ರವಲ್ಲದೆ ಅವರ ಐಷಾರಾಮಿ ಜೀವನಶೈಲಿಗೆ ಹೆಸರುವಾಸಿಯಾಗಿದ್ದಾರೆ. ಬಿಗ್ ಬಿ ತನ್ನದೇ ಖಾಸಗಿ ಜೆಟ್ ನಲ್ಲಿ ಪ್ರಯಾಣಿಸುತ್ತಾರೆ. ಕುಟುಂಬದೊಂದಿಗೆ ಪ್ರಯಾಣ ,ಮಾಡಲು ಬಿಗ್‌ ಬಿ  ಇದನ್ನು ಹೆಚ್ಚಾಗಿ ಬಳಸುತ್ತಾರೆ. ಪ್ರಸ್ತುತ, ಬಿಗ್ ಬಿ ರಿಯಾಲಿಟಿ ಶೋ ಕೆಬಿಸಿ 13 ಅನ್ನು ಆಯೋಜಿಸುತ್ತಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಬ್ಯುಸಿಯಾಗಿರುವ  ಬಾಲಿವುಡ್ ಸ್ಟಾರ್‌ಗಳ  ಅಕ್ಷಯ್ ಕುಮಾರ್ ಒಬ್ಬರು. ಅವರ ಬಹಳಷ್ಟು ಸಿನಿಮಾಗಳು ಮುಂಬರುವ ಸಮಯದಲ್ಲಿ ಬಿಡುಗಡೆಯಾಗಲಿವೆ. ಮುಂಬೈನಲ್ಲಿ  ಐಷಾರಾಮಿ ಬಂಗಲೆಯನ್ನು ಹೊಂದಿರುವ ಅಕ್ಷಯ್‌ ಕುಮಾರ್‌ ತನ್ನ ಸ್ವಂತ ಖಾಸಗಿ ಜೆಟ್ ಅನ್ನು ಹೊಂದಿದ್ದಾರೆ. ಅದರಲ್ಲಿ ಅವರು ಕುಟುಂಬದೊಂದಿಗೆ ವೇಕೆಷನ್‌ ಹೋಗುತ್ತಾರೆ.

ತಮ್ಮ 200 ಕೋಟಿ ರೂಪಾಯಿಗಳ ಬಂಗಲೆ ಮನ್ನತ್ ಗೆ ಹೆಸರುವಾಸಿವಾಗಿರುವ ಶಾರುಖ್ ಖಾನ್  ತನ್ನದೇ ಆದ ಖಾಸಗಿ ವಿಮಾನವನ್ನು ಹೊಂದಿದ್ದಾರೆ. ಅದರಲ್ಲಿ ಅವರು ತನ್ನ ಸಹನಟರೊಂದಿಗೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಾರೆ. ಶಾರುಖ್ ಇದನ್ನು ಸಾಮಾನ್ಯವಾಗಿ ಚಿತ್ರಗಳ ಚಿತ್ರೀಕರಣ ಅಥವಾ ಪ್ರಚಾರಕ್ಕಾಗಿ ಬಳಸುತ್ತಾರೆ. ಪ್ರಸ್ತುತ, ಶಾರುಖ್ ಡ್ರಗ್ಸ್ ಪ್ರಕರಣದಲ್ಲಿ ಜೈಲಿನಲ್ಲಿರುವ  ತನ್ನ ಮಗ ಆರ್ಯನ್ ಖಾನ್ ಗೆ ಜಾಮೀನು ಪಡೆಯಲು ಪ್ರಯತ್ನಿಸುತ್ತಿದ್ದಾರೆ.

ಬಾಲಿವುಡ್‌ನ ಟಾಪ್‌ ನಟಿಯರಲ್ಲಿ ಒಬ್ಬರಾಗಿರುವ ಕರಾವಳಿ ಚೆಲುವೆ ಶಿಲ್ಪಾ ಶೆಟ್ಟಿಯು ಖಾಸಗಿ ಜೆಟ್ ಅನ್ನು ಹೊಂದಿದ್ದಾರೆ,   ಅವರು ಆಗಾಗ ತನ್ನ ಪತಿ ಮತ್ತು ಕುಟುಂಬದೊಂದಿಗೆ ರಜಾದಿನಗಳನ್ನು ಕಳೆಯಲು ಹೋಗಲು ತಮ್ಮ ಜೆಟ್‌ ಬಳಸುತ್ತಾರೆ. ಶಿಲ್ಪಾ ಅವರ ಪತಿ ರಾಜ್ ಕುಂದ್ರಾ ಪ್ರಸಿದ್ಧ ಉದ್ಯಮಿ. ಶಿಲ್ಪಾ ಡ್ಯಾನ್ಸ್ ರಿಯಾಲಿಟಿ ಶೋ ಸೂಪರ್ ಡ್ಯಾನ್ಸರ್ 4 ರ ತೀರ್ಪುಗಾರರಾಗಿ ಕಾಣಿಸಿಕೊಂಡಿದ್ದಾರೆ

ಬಾಲಿವುಡ್‌ನ ಇನ್ನೊಬ್ಬ ಸೂಪರ್‌ ಸ್ಟಾರ್‌ ಸಲ್ಮಾನ್ ಖಾನ್ ಕೂಡ ತನ್ನದೇ ಖಾಸಗಿ ಜೆಟ್ ಹೊಂದಿದ್ದಾರೆ. ಸಲ್ಮಾನ್ ವಿದೇಶಕ್ಕೆ ದಬಾಂಗ್ ಪ್ರವಾಸ ಮಾಡಿವಾಗಲೆಲ್ಲಾ, ತಮ್ಮ ಜೆಟ್ ಅನ್ನು ಬಳಸುತ್ತಾರೆ. ಪ್ರಸ್ತುತ, ಅವರು ಮುಂಬೈನಲ್ಲಿ ಟೈಗರ್ 3 ಚಿತ್ರದ ಚಿತ್ರೀಕರಣದಲ್ಲಿದ್ದಾರೆ.

ಅಜಯ್ ದೇವಗನ್‌ ಅವರಿಗೆ ಕೂಡ ಅವರದೇ ಖಾಸಗಿ ಜೆಟ್  ಇದೆ. ಅಜಯ್ ತನ್ನ ಸ್ವಂತ ಜೆಟ್‌ನಲ್ಲಿ ಪ್ರಯಾಣಿಸಲು ಹೆಚ್ಚಾಗಿ ಇಷ್ಟಪಡುತ್ತಾರೆ. ಅವರು  ತನ್ನ ಸ್ವಂತ ಜೆಟ್‌ನಲ್ಲಿ ತನ್ನ ಕುಟುಂಬದೊಂದಿಗೆ ರಜೆಯ ಮೇಲೆ ಹೋಗುತ್ತಾರೆ. ಮುಂಬರುವ ಸಮಯದಲ್ಲಿ ಅಜಯ್ ಅನೇಕ ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಗ್ಲೋಬಲ್‌ ಸ್ಟಾರ್‌ ಪ್ರಿಯಾಂಕಾ ಚೋಪ್ರಾ ತನ್ನ ಖಾಸಗಿ ಜೆಟ್‌ನಲ್ಲಿ ಭಾರತ ಮತ್ತು ಅಮೆರಿಕ ನಡುವೆ ಪ್ರಯಾಣಿಸುತ್ತಾರೆ. ಇದರ ಹೊರತಾಗಿ, ಅವಳು ತನ್ನ ಪತಿ ನಿಕ್ ಜೊನಾಸ್ ಅಥವಾ ಸ್ನೇಹಿತರೊಂದಿಗೆ ರಜೆಯ ಮೇಲೆ ಹೋಗಲು ಇದನ್ನು ಬಳಸುತ್ತಾರೆ. ಪ್ರಸ್ತುತ, ಪ್ರಿಯಾಂಕಾರಿಗೆ ಯಾವುದೇ ಬಾಲಿವುಡ್ ಸಿನಿಮಾದ ಅಫರ್‌ ಇಲ್ಲ. 

ಮಾಜಿ  ಪೋರ್ನ್ ಸ್ಟಾರ್ ಬಾಲಿವುಡ್ ನಟಿ ಸನ್ನಿ ಲಿಯೋನ್ ಕೂಡ ಖಾಸಗಿ ಜೆಟ್ ನ ಮಾಲೀಕರಾಗಿದ್ದಾರೆ. ಸನ್ನಿ ಲಿಯೋನ್‌ ಅವರು ತಮ್ಮ ಪತಿ ಡೇನಿಯಲ್ ವೆಬರ್ ಮತ್ತು ಮಕ್ಕಳ ಜೊತೆ ಭಾರತದಿಂದ ಅಮೆರಿಕಕ್ಕೆ ತಮ್ಮ ಖಾಸಗಿ ವಿಮಾನದಲ್ಲಿ ಪದೇ ಪದೇ ಪ್ರಯಾಣಿಸುತ್ತಾರೆ.