ನಿನ್ನ ಕೋಟ್ಯಂತರ ಅಭಿಮಾನಿಗಳಲ್ಲಿ ನಾನೂ ಒಬ್ಬ ಅಪ್ಪಾ.. ಮಗನ ಭಾವುಕ ಪತ್ರಕ್ಕೆ ಅಲ್ಲು ಅರ್ಜುನ್ ಕಣ್ಣೀರು! ಪತ್ರದಲ್ಲೇನಿದೆ?

'ಪುಷ್ಪ 2' ಚಿತ್ರ ಬುಧವಾರ (ಡಿಸೆಂಬರ್ 4) ಸಂಜೆಯಿಂದ ಚಿತ್ರಮಂದಿರಗಳಲ್ಲಿ ಸದ್ದು ಮಾಡಲು ಶುರುಮಾಡಿದೆ. ಪ್ರೀಮಿಯರ್ ಶೋಗಳಿಂದಲೇ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಮೊದಲಾರ್ಧವನ್ನು ಸುಕುಮಾರ್ ಹೆಚ್ಚಾಗಿ ಡ್ರಾಮಾ ಮತ್ತು ಎಲಿವೇಷನ್ ದೃಶ್ಯಗಳೊಂದಿಗೆ ನಿರೂಪಿಸಿದ್ದಾರೆ. ಎರಡನೇ ಅರ್ಧದಲ್ಲಿ ಸ್ವಲ್ಪ ನಿಧಾನಗತಿಯಿದ್ದರೂ, ಜಾತ್ರೆ ಸನ್ನಿವೇಶ ಮತ್ತು ಕ್ಲೈಮ್ಯಾಕ್ಸ್ ಅದ್ಭುತವಾಗಿದೆ.

ಸಾಮಾನ್ಯ ಪ್ರೇಕ್ಷಕರಿಗೆ ಹಬ್ಬದೂಟದಂತೆ ಸುಕುಮಾರ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಅಲ್ಲು ಅರ್ಜುನ್ ಪ್ರತಿ ದೃಶ್ಯಕ್ಕೂ ಪ್ರಾಣಪಣವಾಗಿ ಅಭಿನಯಿಸಿದ್ದಾರೆ. ಬನ್ನಿ ಅವರ ಶ್ರದ್ಧೆಯನ್ನು ಎಲ್ಲರೂ ಶ್ಲಾಘಿಸುತ್ತಿದ್ದಾರೆ. ಚಿತ್ರತಂಡಕ್ಕೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಆದರೆ ಒಬ್ಬ ವ್ಯಕ್ತಿಯಿಂದ ಬಂದ ಭಾವುಕ ಶುಭಾಶಯಗಳು ಬನ್ನಿಯನ್ನು ಭಾವುಕರನ್ನಾಗಿಸಿವೆ. ಅದು ಬೇರೆ ಯಾರೂ ಅಲ್ಲ, ಅವರ ಮುದ್ದಿನ ಮಗ ಅಲ್ಲು ಅಯಾನ್.

ಅಲ್ಲು ಅಯಾನ್ ಮತ್ತು ಅಲ್ಲು ಆರ್ಹಾ ಇಬ್ಬರೂ 'ಪುಷ್ಪ 2' ಚಿತ್ರದ ಬಿಡುಗಡೆ ಪೂರ್ವ ಕಾರ್ಯಕ್ರಮದಲ್ಲಿ ಮುದ್ದಾಗಿ ಮಾತನಾಡಿದ್ದರು. ಈಗ ಅಯಾನ್ ತನ್ನ ಚಿಕ್ಕ ಕೈಗಳಿಂದ ಪತ್ರ ಬರೆದಿದ್ದಾನೆ. ಅದನ್ನು ಅಲ್ಲು ಅರ್ಜುನ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಮಗನ ಪತ್ರ ಹೃದಯಸ್ಪರ್ಶಿ ಎಂದು ಬರೆದುಕೊಂಡಿದ್ದಾರೆ. ಅಯಾನ್ ಪತ್ರದಲ್ಲಿ ಏನು ಬರೆದಿದ್ದಾನೆಂದು ನೋಡೋಣ.

“ನಿನ್ನ ಯಶಸ್ಸಿನ ಬಗ್ಗೆ ನನಗೆ ಎಷ್ಟು ಹೆಮ್ಮೆ ಇದೆ ಅಂತ ಹೇಳೋಕೆ ಈ ಪತ್ರ ಬರೀತಿದ್ದೀನಿ ಅಪ್ಪಾ” ಅಂತ ಅಯಾನ್ ಪತ್ರ ಶುರುಮಾಡಿದ್ದಾನೆ. “ಇವತ್ತು ನನಗೆ ತುಂಬಾ ಸ್ಪೆಷಲ್ ಡೇ. ಯಾಕಂದ್ರೆ ಪ್ರಪಂಚದಲ್ಲೇ ಒಬ್ಬ ದೊಡ್ಡ ನಟನ ಸಿನಿಮಾ ರಿಲೀಸ್ ಆಗ್ತಿದೆ. ನನಗೆ ಮಿಶ್ರ ಭಾವನೆಗಳಿವೆ. 'ಪುಷ್ಪ 2' ಸಿನಿಮಾ ಮಾತ್ರ ಅಲ್ಲ, ಸಿನಿಮಾ ಮೇಲಿನ ನಿನ್ನ ಶ್ರದ್ಧೆನೂ ತೋರಿಸುತ್ತೆ. ನನ್ನ ಜೀವನದಲ್ಲಿ ನೀನೆಂದೂ ಹೀರೋ ಅಪ್ಪಾ. ನಿನ್ನ ಕೋಟಿ ಅಭಿಮಾನಿಗಳಲ್ಲಿ ನಾನೂ ಒಬ್ಬ” ಅಂತ ಅಯಾನ್ ಭಾವುಕನಾಗಿ ಬರೆದಿದ್ದಾನೆ.

“ಪುಷ್ಪ ಅಂದ್ರೆ ಬೆಂಕಿ ಅಲ್ಲ, ಕಾಡ್ಗಿಚ್ಚು” ಅಂತ ಅಲ್ಲು ಅರ್ಜುನ್ ಡೈಲಾಗನ್ನೂ ಅಯಾನ್ ಪತ್ರದಲ್ಲಿ ಉಲ್ಲೇಖಿಸಿದ್ದಾನೆ. “ಚಿಕ್ಕ ಹುಡುಗ ಬರೆದ ಪತ್ರ, ಏನಾದ್ರೂ ತಪ್ಪಿದ್ರೆ ದೊಡ್ಡ ಮನಸ್ಸಿನಿಂದ ಕ್ಷಮಿಸಿ” ಅಂತ ಅಲ್ಲು ಅರ್ಜುನ್ ಕೇಳಿಕೊಂಡಿದ್ದಾರೆ.