ಕ್ಷಯರೋಗ ಬಂತೆಂದು ನಟಿಯನ್ನು ತೊರೆದ ಗಂಡ-ಕುಟುಂಬ, ನರಳಿದ ಸಹ ನಟಿಗೆ ನೆರವಾಗಿದ್ದು ಸಲ್ಮಾನ್ ಖಾನ್‌

ಈ ದುರಂತ ಜೀವನ ಕಥೆ ಹೊಂದಿರುವ ಇವರೇ 1990ರ ದಶಕದ ಚಲನಚಿತ್ರವಾದ ‘ವೀರಗತಿ’ಯಲ್ಲಿ ಖ್ಯಾತನಟ ಸಲ್ಮಾನ್ ಖಾನ್ ಜೊತೆ ನಟಿಸಿದ್ದ ಪೂಜಾ ದಾದ್ವಾಲ್.  ಕ್ಷಯರೋಗ ಮತ್ತು ಶ್ವಾಸಕೋಶದ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದಾರೆ.

ಜನವರಿ 5, 1977 ರಂದು ಜನಿಸಿದ ಪೂಜಾ ಮುಂಬೈ ಮೂಲದವರು. ಪೂಜಾ ತನ್ನ ಶಾಲಾ ಕಾಲೇಜು ಶಿಕ್ಷಣವನ್ನು ಮುಂಬೈನಲ್ಲಿ ಮುಗಿಸಿದಳು. ಬಾಲ್ಯದಿಂದಲೂ ಪೂಜಾಗೆ ನಟನೆಯತ್ತ ಒಲವಿತ್ತು. ತನ್ನ ಕೌಶಲ್ಯವನ್ನು ತೀಕ್ಷ್ಣಗೊಳಿಸಲು ಪೂಜಾ ನಟನಾ ಸಂಸ್ಥೆಯನ್ನು ಸೇರಿಕೊಂಡಳು ಮತ್ತು ಶಾಲೆಯ ನಂತರ,  ತನ್ನ ಅಧ್ಯಯನದೊಂದಿಗೆ ನಟನಾ ತರಗತಿಗಳನ್ನು ಕೂಡ ನಿರ್ವಹಿಸುತ್ತಿದ್ದಳು. 

ಒಂದು ದಿನ, ತನ್ನ ಆಕ್ಟಿಂಗ್ ಕ್ಲಾಸ್ ಸಮಯದಲ್ಲಿ, ಪೂಜಾಗೆ ಸಿನಿಮಾದ ಆಫರ್ ಬಂದಿತು. 17 ನೇ ವಯಸ್ಸಿನಲ್ಲಿ, ಪೂಜಾ ಅವರು ಸಲ್ಮಾನ್ ಖಾನ್ ಜೊತೆಗಿನ ಆಕ್ಷನ್ ಚಿತ್ರ, ವೀರಗತಿ (1995) ನಲ್ಲಿ  ನಟಿಸುವ ಮೂಲಕ ಬಾಲಿವುಡ್‌ ಗೆ ಚೊಚ್ಚಲ ಪ್ರವೇಶ ಪಡೆದರು.

ಆದರೆ  ವೀರಗತಿ ಗಲ್ಲಾಪೆಟ್ಟಿಗೆಯಲ್ಲಿ ಶೋಚನೀಯವಾಗಿ ಸೋತಿತು. ಮತ್ತು ಪೂಜಾ ಅವರ ವೃತ್ತಿಜೀವನವು ಉತ್ತಮ ಸ್ಥಾನದಿಂದ ಪ್ರಾರಂಭವಾಗಲಿಲ್ಲ. ವೀರಗತಿ ನಂತರ, ಪೂಜಾ ಇತರ ಕೆಲವು  ಚಿತ್ರಗಳಿಗೆ ಸಹಿ ಹಾಕಿದ್ದಾರೆ. 

ಪೂಜಾಗೆ ಸಿನಿಮಾಗಳಲ್ಲಿ ಉತ್ತಮ ಅವಕಾಶಗಳು ಸಿಗದ ಕಾರಣ ಕಿರುತೆರೆಯತ್ತ ಮುಖ ಮಾಡಿದರು.  ಆಶಿಕಿ (1999) ಮತ್ತು ಘರಾನಾ (2001) ಎಂಬ ಎರಡು ಜನಪ್ರಿಯ ಶೋ ನಲ್ಲಿ ಭಾಗವಹಿಸಿದರು. ಎರಡು ಹಿಟ್ ಶೋಗಳಲ್ಲಿ ನಟಿಸಿದ್ದರೂ ಪೂಜಾಗೆ ಸಿನಿಮಾಗಳಿಂದ ಉತ್ತಮ ಆಫರ್ ಗಳು ಬರುತ್ತಿರಲಿಲ್ಲ. ಹೀಗಾಗಿ ಜೀವನದಲ್ಲಿ ಸೆಟಲ್ ಆಗಲು ನಿರ್ಧರಿಸಿದ ಪೂಜಾ ಮದುವೆಯಾಗಿ ಪತಿಯೊಂದಿಗೆ ಗೋವಾಕ್ಕೆ ಶಿಫ್ಟ್ ಆದರು. ಗೋವಾದಲ್ಲಿ, ಪೂಜಾ ತನ್ನ ಗಂಡನ ಕ್ಯಾಸಿನೊವನ್ನು ಸಹ ನಿರ್ವಹಿಸುತ್ತಿದ್ದರು. 

2018 ರಲ್ಲಿ, ಪೂಜಾ ಅನಾರೋಗ್ಯಕ್ಕೆ ಒಳಗಾಗಿದ್ದರು ಮತ್ತು ಅಸ್ವಸ್ಥರಾಗಿದ್ದರು. ಆರೋಗ್ಯ ತಪಾಸಣೆಯ ನಂತರ ಆಕೆಗೆ ತೀವ್ರ ಕ್ಷಯರೋಗ ಇರುವುದು ಪತ್ತೆಯಾಯಿತು. ಪೂಜಾ ಅವರ ಆರೋಗ್ಯದ ಬಗ್ಗೆ ತಿಳಿದ ತಕ್ಷಣ ಪೂಜಾ ಅವರ ಅತ್ತೆ  ಮತ್ತು ಅವರ ಪತಿ  ತಮ್ಮ ಸಂಬಂಧವನ್ನು ಕೊನೆಗೊಳಿಸಿದರು, ಅವಳನ್ನು ಮುಂಬೈನಲ್ಲಿ ಒಂಟಿಯಾಗಿ ಬಿಟ್ಟರು. ಪೂಜಾಗೆ ಜೀವನದಲ್ಲಿ ಏನೂ ಇರಲಿಲ್ಲ, ಉತ್ತಮ ಆರೋಗ್ಯ, ಹಣ, ಕೆಲಸ ಅಥವಾ ಕುಟುಂಬ ಎಲ್ಲವನ್ನೂ ಕಳೆದುಕೊಂಡಿದ್ದರು.

ಪೂಜಾಳ ಹಿತೈಷಿ ರಾಜಿಂದರ್ ಸಿಂಗ್, ಪೂಜಾಳನ್ನು ಮತ್ತೆ ಮುಂಬೈಗೆ ಕರೆತಂದು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದರು. ಈ ಹಂತದಲ್ಲಿ, ಪೂಜಾ ತನ್ನ ದೇಹದ ತೂಕವನ್ನು ತೀವ್ರವಾಗಿ ನಲುಗಿ ಹೋಗಿತ್ತು. ತನ್ನ ಕಷ್ಟದ ಸಮಯದಲ್ಲಿ ಸಲ್ಮಾನ್ ಖಾನ್, ರವಿ ಕಿಶನ್ ಮತ್ತು ರಾಜಿಂದರ್ ಸಿಂಗ್ ಈ ಮೂವರು ಮಾತ್ರವೇ  ಸಹಾಯ ಮಾಡಬಹುದು ಎಂದು ಬಲವಾಗಿ ನಂಬಿದರು.

ಯೂಟ್ಯೂಬ್‌ನಲ್ಲಿ ವಿಡಿಯೋ ಸಂದೇಶದ ಮೂಲಕ ಪೂಜಾ ಸಲ್ಮಾನ್‌ ಖಾನ್‌ ಹಣಕಾಸಿನ ನೆರವು ಕೋರಿದರು. ಬಳಿಕ ಸಲ್ಮಾನ್ ಸಂದೇಶವನ್ನು ಸ್ವೀಕರಿಸಿದರು ಮತ್ತು ಮುಂದಿನ ಆರು ತಿಂಗಳ ಕಾಲ ನಟ ಸಲ್ಮಾನ್‌ ಅವರ ಪೂರ್ತಿ ಚಿಕಿತ್ಸೆಯನ್ನು ನೋಡಿಕೊಂಡರು. ‘ಚಾರಿಟಿ ಬೀಯಿಂಗ್ ಹ್ಯೂಮನ್ ಫೌಂಡೇಶನ್ ಸಂಸ್ಥಾಪಕರಾಗಿರುವ ಸಲ್ಮಾನ್ ಖಾನ್ ಭಾರತದಲ್ಲಿ ಶಿಕ್ಷಣ & ಆರೋಗ್ಯ ಸೇವೆಗಳನ್ನು ಒದಗಿಸುತ್ತಿದ್ದಾರೆ.

ಪೂಜಾ ಮತ್ತೆ ಚಲನಚಿತ್ರಗಳಲ್ಲಿ ಬರಲು ಬಯಸಿದ್ದರು. ಮತ್ತು ಕಷ್ಟದಲ್ಲಿರುವಾಗ, ಅವರು  10X10 ವಸತಿ ಸಮಚ್ಚಯದಲ್ಲಿ ವಾಸಿಸುತ್ತಿದ್ದರು. ಪೂಜಾಗೆ ಬಾಡಿಗೆ ಕಟ್ಟಲು ಸಾಧ್ಯವಾಗದ ಕಾರಣ ಅಲ್ಲಿ ಮನೆ ಕೆಲಸ ಮಾಡುತ್ತಿದ್ದರು. 2020 ರಲ್ಲಿ, ಪೂಜಾ ಪಂಜಾಬಿ ಚಿತ್ರ, ಶುಕರನ: ಗುರು ನಾನಕ್ ದೇವ್ ಜಿ ಕಾ ಮೂಲಕ ನಟನೆಯಲ್ಲಿ ಪುನರಾಗಮನ ಮಾಡಿದರು. ಆದರೆ ಚಿತ್ರವು ಫ್ಲಾಪ್ ಆಯ್ತು. ಇಂದು, ಪೂಜಾ ತನ್ನ ಬದುಕಿಗಾಗಿ ಟಿಫಿನ್ ಮಾಡಿ ಮಾರುತ್ತಾರೆ. ಒಂದಲ್ಲ ಒಂದು ದಿನ ಪೂರ್ಣ ಬಲದಿಂದ ಹಿಂತಿರುಗುವ ಭರವಸೆಯಲ್ಲಿದ್ದಾರೆ.