'ಗೂಗ್ಲಿ' ನಟಿ ಕೃತಿ ಕರಬಂಧ ಮದುವೆಯಲ್ಲಿ 'ಗಾಯತ್ರಿ ಮಂತ್ರದ ಶೇರ್ವಾನಿ' ಧರಿಸಿದ ಪತಿ ಪುಲ್ಕಿತ್ ಸಾಮ್ರಾಟ್

ಪುಲ್ಕಿತ್ ಮತ್ತು ಕೃತಿ ತಮ್ಮ ವಿಶೇಷ ದಿನಕ್ಕಾಗಿ ವಿಶೇಷ ಬಟ್ಟೆಗಳನ್ನು ಧರಿಸಿದ್ದರು. ಹೂವಿನ ವಿನ್ಯಾಸದೊಂದಿಗೆ ಗುಲಾಬಿ ಬಣ್ಣದ ಲೆಹೆಂಗಾದಲ್ಲಿ ನಟಿ ಮೋಡಿಮಾಡುವಂತೆ ತೋರುತ್ತಿದ್ದರೆ, ನಟಿಯ ತೆಳುವಾದ ಮೇಕ್ಅಪ್ ಅವರ ಸಾಂಪ್ರದಾಯಿಕ ವಧುವಿನ ನೋಟಕ್ಕೆ ಗ್ಲಾಮರನ್ನು ಹೆಚ್ಚಿಸುವಂತಿತ್ತು. 
 

ಪುಲ್ಕಿತ ಕೂಡ ಕಸೂತಿಯನ್ನು ಒಳಗೊಂಡಿರುವ ಪಾಚಿ ಬಣ್ಣದ ಹಸಿರು ಶೆರ್ವಾನಿಯನ್ನು ಧರಿಸಿದ್ದರು. ಆದರೆ, ಪುಲ್ಕಿತ್ ಅವರ ಶೇರ್ವಾನಿಯು ಸಂಸ್ಕೃತದಲ್ಲಿ ಕೆತ್ತಲಾದ ಗಾಯತ್ರಿ ಮಂತ್ರದೊಂದಿಗೆ ದಾರದ ಕಸೂತಿಯನ್ನು ಒಳಗೊಂಡಿತ್ತು ಎಂಬುದು ವಿಶೇಷವಾಗಿದೆ.
 

ಕೃತಿಯ ಆಭರಣಗಳ ಆಯ್ಕೆಯು ಕಲ್ಲಿನಿಂದ ಅಲಂಕರಿಸಲ್ಪಟ್ಟ ಭಾರವಾದ ಕುಂದನ್ ಲೇಯರ್ಡ್ ನೆಕ್ಲೇಸ್, ಹೊಂದಿಕೆಯಾಗುವ ಕಿವಿಯೋಲೆಗಳು, ಮಾಂಗ್ಟಿಕ್ಕಾ ಮತ್ತು ಗಾತ್ರದ ಮೂಗುತಿಯನ್ನು ಒಳಗೊಂಡಿತ್ತು.

ಒಂದು ಫೋಟೋದಲ್ಲಿ, ಕೃತಿ ತನ್ನ ಪತಿಯ ಹಣೆಗೆ ಮುತ್ತಿಡುವುದನ್ನು ನೋಡಬಹುದು. ಇನ್ನೊಂದರಲ್ಲಿ, ಜನರು ಅವರಿಗೆ ಹರ್ಷೋದ್ಗಾರದ ಮೂಲಕ ವಧು-ವರರ ಮೇಲೆ ಗುಲಾಬಿ ಹೂವಿನ ದಳಗಳನ್ನು ಅವರ ಮೇಲೆ ಸುರಿಸುತ್ತಿದ್ದುದನ್ನು ಕಾಣಬಹುದು. ಎಲ್ಲರ ಹರ್ಷೋದ್ಘಾರದ ನಡುವೆ ಇಬ್ಬರೂ ಕೈ-ಕೈ ಹಿಡಿದು ಹೋಗುತ್ತಿದ್ದಾರೆ. 
 

ಇನ್ನು ಕೃತಿ ಕರಬಂಧ ಚಿತ್ರಗಳನ್ನು ಪೋಸ್ಟ್‌ ಮಾಡುತ್ತಿದ್ದಂತೆ ಬಾಲಿವುಡ್ ಸೆಲೆಬ್ರಿಟಿಗಳು ಮತ್ತು ಅಭಿಮಾನಿಗಳು ಕಾಮೆಂಟ್‌ಗಳ ಮೂಲಕ ನವವಿವಾಹಿತರನ್ನು ಅಭಿನಂದಿಸಿದ್ದಾರೆ.
 

ನಟಿ ಕೃತಿ ಸನೋನ್ ಅವರು 'ನಿಮ್ಮಿಬ್ಬರಿಗೆ ಅಭಿನಂದನೆಗಳು' ಎಂದು ಬರೆದು ತಮ್ಮ ಹೃತ್ಪೂರ್ವಕ ಶುಭಾಶಯಗಳನ್ನು ವ್ಯಕ್ತಪಡಿಸಿದರು. ಹೆಚ್ಚುವರಿಯಾಗಿ, ಸಂಜಯ್ ಕಪೂರ್, ಅರ್ಮಾನ್ ಮಲಿಕ್, ಮತ್ತು ಮಲೈಕಾ ಅರೋರಾ ಕೂಡ ದಂಪತಿಗಳಿಗೆ ಶುಭ ಹಾರೈಸಿದರು.
 

ನಟಿಯರಾದ ಕಾಜಲ್ ಅಗರ್‌ವಾಲ್, ರಾಕುಲ್ ಪ್ರೀತ್ ಸಿಂಗ್, ಪೂಜಾ ಹೆಗ್ಡೆ, ಮಲೈಕಾ ಅರೋರಾ, ಅನನ್ಯಾ ಪಾಂಡೆ, ನೂಪೂರ್ ಸನೋನ್, ನಟ ಬಾಬಿ ಡಿಯೋಲ್ ಮತ್ತಿತರರು ಕಂಗ್ರಾಜುಲೇಷನ್ಸ್‌ ಎಂದು ಶುಭ ಹಾರೈಸಿದ್ದಾರೆ.
 

ಸುಮಾರು ಐದು ವರ್ಷಗಳ ಡೇಟಿಂಗ್‌ನಲ್ಲಿ, ಈ ಜೋಡಿ ತಮ್ಮ ಸಂಬಂಧವನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ಯಲು ನಿರ್ಧರಿಸಿದರು, ಅವರು ಖಾಸಗಿಯಾಗಿ ಉಂಗುರಗಳನ್ನು ವಿನಿಮಯ ಮಾಡಿಕೊಂಡರು. ದಂಪತಿಗಳು ತಮ್ಮ ಸುಂದರವಾದ ಉಂಗುರಗಳನ್ನು ಪ್ರದರ್ಶಿಸುವ ಚಿತ್ರಗಳನ್ನು ಸಹ ಪೋಸ್ಟ್ ಮಾಡಿದ್ದಾರೆ.
 

ಪುಲ್ಕಿತ್ ಸಾಮ್ರಾಟ್ ಮತ್ತು ಕೃತಿ ಸನನ್ 2019ರಲ್ಲಿ ಪಾಗಲ್ಪಂತಿ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಪರಸ್ಪರ ಪ್ರೀತಿಸುತ್ತಾ ಡೇಟಿಂಗ್ ಮಾಡುವುದಕ್ಕಲೆ ಪ್ರಾರಂಭಿಸಿದರು.