ಒಂದೇ ಚಿತ್ರದಲ್ಲಿ ನಟಿಸಿ ಭರ್ತಿ 1800 ಕೋಟಿ ಗಳಿಸಿದ ನಟ; ಆ ನಂತ್ರ ಆರು ವರ್ಷದಿಂದ ಮಾಡಿದ ಸಿನ್ಮಾವೆಲ್ಲಾ ಫ್ಲಾಪ್‌!

ಚಲನಚಿತ್ರೋದ್ಯಮದಲ್ಲಿ ಅನೇಕ ತಾರೆಯರು ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಚಲನಚಿತ್ರಗಳನ್ನು ನೀಡುವ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದಾರೆ. ಸತತವಾಗಿ ಸಿನಿಮಾಗಳು ಸೋತ ನಂತರವೂ ನಿರಂತರವಾಗಿ ಕೆಲಸ ಮಾಡಿ ಸಕ್ಸಸ್ ಆಗಿ ಸೂಪರ್‌ಸ್ಟಾರ್‌ಗಳಾಗಿದ್ದಾರೆ. ಅಂಥಾ ನಟರಲ್ಲೊಬ್ಬರು ದೇಶ-ವಿದೇಶಗಳಲ್ಲಿ ಕೋಟ್ಯಾಂತರ ಅಭಿಮಾನಿಗಳನ್ನು ಗಳಿಸಿರೋ ಈ ಸೂಪರ್‌ಸ್ಟಾರ್‌.

ಸಿನಿಮಾಗಳಿಂದಲೇ ಬರೋಬ್ಬರಿ 1800 ಕೋಟಿ ಗಳಿಸಿದ ನಟ. ಇವರು ನಟಿಸಿದ ಸಿನಿಮಾವೊಂದು ಬ್ಲಾಕ್‌ಬಸ್ಟರ್ ಆಗಿತ್ತು. ಆದರೆ ಆ ನಂತರ ಭರ್ತಿ 6 ವರ್ಷದಲ್ಲಿ ನಟ ಒಂದೇ ಒಂದು ಹಿಟ್ ನೀಡಿಲ್ಲ. ನಟಿಸಿದ ಹೈ ಬಜೆಟ್‌ನ ಎಲ್ಲಾ ಸಿನಿಮಾಗಳು ಸಾಲು ಸಾಲಾಗಿ ಸೋತಿವೆ. ಆ ನಟ ಮತ್ಯಾರೂ ಅಲ್ಲ. ಪ್ರಭಾಸ್‌.

ಪ್ರಭಾಸ್, ತಮ್ಮ ವೃತ್ತಿಜೀವನದಲ್ಲಿ 'ಬಾಹುಬಲಿ'ಯಂಥಾ ಸೂಪರ್‌ಹಿಟ್ ಸಿನಿಮಾವನ್ನು ಮಾಡಿರುವ ಹಾಗೆಯೇ 'ಆದಿಪುರುಷ'ದಂಥಾ ಸೂಪರ್‌ಫ್ಲಾಪ್‌ ಸಿನಿಮಾವನ್ನು ಸಹ ಮಾಡಿದ್ದಾರೆ. ಬಾಹುಬಲಿಯ ಸಕ್ಸಸ್‌ನ ನಂತರ ಕಳೆದ ಆರು ವರ್ಷಗಳಲ್ಲಿ ಯಾವುದೇ ಹಿಟ್ ನೀಡದ ಪ್ರಭಾಸ್ ಕಳೆದ ಕೆಲವು ವರ್ಷಗಳಲ್ಲಿ ತಮ್ಮ ಅಭಿಮಾನಿಗಳ ನಿರೀಕ್ಷೆಯನ್ನು ಪೂರೈಸುವಲ್ಲಿ ವಿಫಲರಾಗಿದ್ದಾರೆ.

ಪ್ರಭಾಸ್ ಅವರ ಪೂರ್ಣ ಹೆಸರು ಉಪ್ಪಲಪತಿ ವೆಂಕಟ ಸೂರ್ಯನಾರಾಯಣ ಪ್ರಭಾಸ್ ರಾಜು. ಅವರು ತೆಲುಗು ಚಲನಚಿತ್ರಗಳಿಂದ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಪ್ರಭಾಸ್ ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾಗಿದ್ದಾರೆ. 2015 ರಿಂದ ಅವರನ್ನು ಫೋರ್ಬ್ಸ್ ಇಂಡಿಯಾ ಸೆಲೆಬ್ರಿಟಿ 100 ಪಟ್ಟಿಯಲ್ಲಿ ಸೇರಿಸಲಾಗಿದೆ.

ಪ್ರಭಾಸ್ 2002 ರಲ್ಲಿ ತೆಲುಗು ಚಿತ್ರ ಈಶ್ವರ್ ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದರು. ಇದು ಥಿಯೇಟರ್‌ನಲ್ಲಿ ಜನರಿಂದ ಸಾಮಾನ್ಯ ಪ್ರತಿಕ್ರಿಯೆ ಗಳಿಸಿತು. ಅವರ ಎರಡನೇ ಚಿತ್ರ 'ರಾಘವೇಂದ್ರ' ಬಾಕ್ಸ್ ಆಫೀಸ್‌ನಲ್ಲಿ ಸೋತಿತು. ಇದಾದ ಬಳಿಕ ಪ್ರಭಾಸ್‌, ಸಾಹಸ ಪ್ರಣಯ ವರ್ಷಮ್ (2004) ನೊಂದಿಗೆ ಯಶಸ್ಸನ್ನು ಪಡೆದರು. ಪ್ರಭಾಸ್ ತಮ್ಮ ವೃತ್ತಿ ಜೀವನದಲ್ಲಿ ಇದುವರೆಗೆ 6 ಫ್ಲಾಪ್ ಚಿತ್ರಗಳನ್ನು ನೀಡಿದ್ದಾರೆ.

ಪ್ರಭಾಸ್‌ ಅತ್ಯುತ್ತಮ ಚಿತ್ರಗಳು ಛತ್ರಪತಿ (2005), ಬುಜ್ಜಿಗಡು (2008), ಬಿಲ್ಲಾ (2009), ಡಾರ್ಲಿಂಗ್ (2010), ಮಿಸ್ಟರ್ ಪರ್ಫೆಕ್ಟ್ (2011), ಮತ್ತು ಮಿರ್ಚಿ (2013). 2015ರಲ್ಲಿ, ಪ್ರಭಾಸ್ ರಾಜಮೌಳಿ ಅವರ ಎಪಿಕ್ ಆಕ್ಷನ್ ಡ್ರಾಮಾ 'ಬಾಹುಬಲಿ: ದಿ ಬಿಗಿನಿಂಗ್' ಅನ್ನು ಮಾಡಿದರು, ಇದು ಸಾರ್ವಕಾಲಿಕ ದಾಖಲೆ ಮಾಡಿತು. ಬಾಹುಬಲಿ ಅತಿ ಹೆಚ್ಚು ಗಳಿಕೆಯ ಹದಿಮೂರನೇ ಭಾರತೀಯ ಚಲನಚಿತ್ರವಾಗಿದೆ.

ಅದರ ಮುಂದುವರಿದ ಭಾಗವಾದ ಬಾಹುಬಲಿ 2: ದಿ ಕನ್‌ಕ್ಲೂಷನ್ (2017) ಎಲ್ಲಾ ಭಾಷೆಗಳಲ್ಲಿ 1,000 ಕೋಟಿ ರೂಪಾಯಿಗಳನ್ನು ಗಳಿಸಿದ ಮೊದಲ ಭಾರತೀಯ ಚಲನಚಿತ್ರವಾಗಿದೆ. ಸಾರ್ವಕಾಲಿಕವಾಗಿ ಎರಡನೇ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರವಾಗಿದೆ. . ಬಾಹುಬಲಿ 2 ವಿಶ್ವಾದ್ಯಂತ ಸುಮಾರು 1800 ಕೋಟಿ ಗಳಿಸಿದೆ. 

ಆದರೆ ಬಾಹುಬಲಿ 2 ರಿಂದ ಹಿಟ್‌ಗಾಗಿ ಹಂಬಲಿಸುತ್ತಿದ್ದ ಪ್ರಭಾಸ್ ಕಳೆದ 6 ವರ್ಷಗಳಿಂದ ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಚಿತ್ರಗಳನ್ನು ನೀಡುತ್ತಿದ್ದಾರೆ. ಅವರ ಕೊನೆಯ ಚಿತ್ರ ಆದಿಪುರುಷ ವಿಪತ್ತು ಮತ್ತು ಅದಕ್ಕೂ ಮೊದಲು ರಾಧೆ ಶ್ಯಾಮ್ (2022) ಗಲ್ಲಾಪೆಟ್ಟಿಗೆಯಲ್ಲಿ ವಿಫಲವಾಯಿತು. 2019 ರಲ್ಲಿ ಬಿಡುಗಡೆಯಾದ ಪ್ರಭಾಸ್ ಅವರ ಸಾಹೋ ಕೂಡ ಸೂಪರ್ ಫ್ಲಾಪ್ ಆಗಿತ್ತು.