- Home
- Automobile
- Car News
- EV Car Battery Care: ಎಲೆಕ್ಟ್ರಿಕ್ ಕಾರು ಖರೀದಿಸಿದ್ದೀರಾ? ಬ್ಯಾಟರಿ ಹೆಚ್ಚು ಬಾಳಿಕೆ ಬರಲು ಇಲ್ಲಿವೆ ಸಿಂಪಲ್ ಟಿಪ್ಸ್
EV Car Battery Care: ಎಲೆಕ್ಟ್ರಿಕ್ ಕಾರು ಖರೀದಿಸಿದ್ದೀರಾ? ಬ್ಯಾಟರಿ ಹೆಚ್ಚು ಬಾಳಿಕೆ ಬರಲು ಇಲ್ಲಿವೆ ಸಿಂಪಲ್ ಟಿಪ್ಸ್
ಎಲೆಕ್ಟ್ರಿಕ್ ಕಾರಿನ ಬ್ಯಾಟರಿ ಲೈಪ್ ಹೆಚ್ಚಲು ನೀವು ಕಾರನ್ನು ಸರಿಯಾಗಿ ಮೆಂಟೈನ್ ಮಾಡುವುದು ಮುಖ್ಯ. ಬ್ಯಾಟರಿ ಬಳಿಕೆಯನ್ನ ಹೆಚ್ಚಿಸುವ, ಖರ್ಚು ಕಡಿಮೆ ಮಾಡುವ EV Car ಹೇಗೆ ಮೆಂಟೈನ್ ಮಾಡಬೇಕು ಎಂಬ ಸಲಹೆಗಳು ಇಲ್ಲಿ ಕೊಡಲಾಗಿದೆ.
EV Battery Care Simple Tips to Increase Your Electric Car s Battery Life
ಇತ್ತೀಚಿನ ದಿನಗಳಲ್ಲಿ ಪೆಟ್ರೋಲ್ ಡೀಸೆಲ್ ಕಾರುಗಳಿಗಿಂತ ಎಲೆಕ್ಟ್ರಿಕ್ ಕಾರುಗಳನ್ನು ಜನರು ಹೆಚ್ಚು ಖರೀದಿಸುತ್ತಿದ್ದಾರೆ. ಕೆಲವರು ಎಲೆಕ್ಟ್ರಿಕ್ ಕಾರು ಖರೀಸಲು ಹಿಂದೇಟು ಹಾಕ್ತಾರೆ. ಇವರು ಯಾಕೆ ಎಲೆಕ್ಟ್ರಿಕ್ ವಾಹನ ಖರೀಸಲು ಮುಂದಾಗುವುದಿಲ್ಲ? ಏಕೆಂದರೆ ಎಲೆಕ್ಟ್ರಿಕ್ ಕಾರು ಖರೀದಿಸುವುದರಿಂದ ಅದರ ಬ್ಯಾಟರಿ ಬೇಗನೆ ಖಾಲಿಯಾಗುತ್ತೆ, ಅಥವಾ ಬ್ಯಾಟರಿ ಸ್ಫೋಟಗೊಳ್ಳುವ ಹೆದರಿಕೆ,
ಎಲೆಕ್ಟ್ರಿಕ್ ಕಾರು ಖರೀದಿಸಲು ಕೆಲವರು ಹಿಂದೇಟು ಏಕೆ?
ದೀರ್ಘ ಪ್ರಯಾಣಕ್ಕೆ ತೊಂದರೆಯಾಗುವುದೆಂಬುದು. ಕಂಪನಿಗಳು ಈಗ ದೀರ್ಘ ಬ್ಯಾಟರಿ ವಾರಂಟಿಗಳನ್ನು ನೀಡುತ್ತಿವೆ. ಅಲ್ಲದೇ ಒಮ್ಮೆ ಚಾರ್ಜ್ ಮಾಡಿದ ಬಳಿಕ ನಾಲ್ಕೂರು ಐದುನೂರು ಕಿಮೀ ಚಲಿಸಬಲ್ಲ ಕಾರುಗಳು ಮಾರುಕಟ್ಟೆಗೆ ಬಂದಿವೆ. ಆದರೂ ನಿಮ್ಮ ಎಲೆಕ್ಟ್ರಿಕ್ ಕಾರು ವರ್ಷಗಳ ಕಾಲ ಚೆನ್ನಾಗಿ ಓಡಬೇಕೆಂದು ಎಂದು ಪ್ರತಿಯೊಬ್ಬರು ಬಯಸುತ್ತಾರೆ. ಅದು ಕೂಡ ಸಾಧ್ಯವಾಗಬೇಕಾದರೆ ನೀವು ಸರಿಯಾದ ಮೆಂಟೇನ್ ಮಾಡುವುದು ಅಗತ್ಯ. ನಿಜ ಹೇಳಬೇಕೆಂದರೆ, ಎಲೆಕ್ಟ್ರಿಕ್ ವಾಹನಗಳ ನಿರ್ವಹಣೆ ಸುಲಭ, ಕೆಲವು ಸರಳ ಅಭ್ಯಾಸಗಳು ಬೇಕಾಗುತ್ತವೆ. ಅವು ಏನು ಎಂಬುದು ಈ ಲೇಖನದಲ್ಲಿ ತಿಳಿಯೋಣ.
ಎಲೆಕ್ಟ್ರಿಕ್ ಕಾರಿನ ಬ್ಯಾಟರಿ ಚಾರ್ಜ್ ಯಾವಾಗ, ಹೇಗೆ ಮಾಡಬೇಕು?
ಬ್ಯಾಟರಿಯು ಎಲೆಕ್ಟ್ರಿಕ್ ಕಾರಿನ ಪ್ರಮುಖ ಅಂಶವಾಗಿದೆ, ಆದ್ದರಿಂದ ಸರಿಯಾದ ಬಳಕೆ ಬಹಳ ಮುಖ್ಯ. ಬ್ಯಾಟರಿಯನ್ನು 20% ರಿಂದ 80% ರ ನಡುವೆ ಇಡುವುದು ಉತ್ತಮ. ಪ್ರತಿ ಬಾರಿಯೂ ಅದನ್ನು 100% ಗೆ ಚಾರ್ಜ್ ಮಾಡುವ ಅಗತ್ಯವಿಲ್ಲ, ಮತ್ತು ಬ್ಯಾಟರಿ ಸಂಪೂರ್ಣವಾಗಿ ಖಾಲಿಯಾಗಬಾರದು. ಬ್ಯಾಟರಿ 20% ಕ್ಕಿಂತ ಕಡಿಮೆಯಾದರೆ, ಅದನ್ನು ರೀಚಾರ್ಜ್ ಮಾಡುವುದು ಉತ್ತಮ. ಇದು ಬ್ಯಾಟರಿಯ ಮೇಲೆ ಕಡಿಮೆ ಒತ್ತಡವನ್ನುಂಟು ಮಾಡುತ್ತದೆ ಮತ್ತು ಅದರ ಜೀವಿತಾವಧಿಯನ್ನು ಹೆಚ್ಚಿಸುತ್ತದೆ.
ಎಲೆಕ್ಟ್ರಿಕ್ ಕಾರುಗಳಿಗೆ ವೇಗದ ಚಾರ್ಜಿಂಗ್ ಯಾವಾಗ ಬಳಸಬೇಕು?
ಇತ್ತೀಚಿನ ದಿನಗಳಲ್ಲಿ, ಹೆಚ್ಚಿನ EV ಗಳು ವೇಗದ ಚಾರ್ಜಿಂಗ್ ಅನ್ನು ನೀಡುತ್ತವೆ, ಇದು ಕಾರನ್ನು ಬೇಗನೆ ಚಾರ್ಜ್ ಮಾಡಲು ಅನುವು ಮಾಡಿಕೊಡುತ್ತದೆ. ಈ ಫೀಚರ್ ತುಂಬಾ ಉಪಯುಕ್ತವಾಗಿದೆ, ವಿಶೇಷವಾಗಿ ನೀವು ಆತುರದಲ್ಲಿರುವಾಗ ಅಥವಾ ದೀರ್ಘ ಪ್ರಯಾಣದಲ್ಲಿರುವಾಗ ಬೇಗ ಚಾರ್ಜಿಂಗ್ ಆಗುವುದು ಮುಖ್ಯ. ಆದರೆ ಒಂದು ವಿಷಯ ನೆನಪಿಡಬೇಕು; ವೇಗದ ಚಾರ್ಜಿಂಗ್ ಯಾವಾಗಲೂ ಸೂಕ್ತವಲ್ಲ. ಇದು ಕಡಿಮೆ ಅವಧಿಯಲ್ಲಿ ಬ್ಯಾಟರಿಗೆ ಹೆಚ್ಚಿನ ಶಕ್ತಿಯನ್ನು ಒದಗಿಸುತ್ತದೆ, ಇದು ಶಾಖವನ್ನು ಹೆಚ್ಚಿಸುತ್ತದೆ. ಈ ಶಾಖವು ಕ್ರಮೇಣ ಬ್ಯಾಟರಿಯ ಹೆಲ್ತ್ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ, ದೈನಂದಿನ ಬಳಕೆಗೆ ಸಾಮಾನ್ಯ ಚಾರ್ಜಿಂಗ್ ಉತ್ತಮವಾಗಿದೆ.
ಎಲೆಕ್ಟ್ರಿಕ್ ಕಾರು: ಬ್ಯಾಟರಿ ಬಾಳಿಕೆ ಬರಲು ಈ ಸ್ಥಳದಲ್ಲಿ ಪಾರ್ಕಿಂಗ್ ಬೆಸ್ಟ್
ಶಾಖವು ಮನುಷ್ಯರ ಮೇಲೆ ಮಾತ್ರವಲ್ಲದೆ ನಿಮ್ಮ ಕಾರಿನ ಮೇಲೂ ಪರಿಣಾಮ ಬೀರುತ್ತದೆ. ವಿಶೇಷವಾಗಿ ಎಲೆಕ್ಟ್ರಿಕ್ ಕಾರ್ ಬ್ಯಾಟರಿಗಳು ತೀವ್ರ ಶಾಖದಿಂದ ಬೇಗನೆ ಪರಿಣಾಮ ಬೀರುತ್ತವೆ. ಆದ್ದರಿಂದ, ಯಾವಾಗಲೂ ನಿಮ್ಮ ಕಾರನ್ನು ನೆರಳಿನಲ್ಲಿ ಅಥವಾ ಮುಚ್ಚಿದ ಪಾರ್ಕಿಂಗ್ ಸ್ಥಳದಲ್ಲಿ ನಿಲ್ಲಿಸಿ. ಬಿಸಿಲಿನಲ್ಲಿ ನಿಲ್ಲಿಸಿದ ಕಾರು ಅದರ ಬ್ಯಾಟರಿಯನ್ನು ಹೆಚ್ಚು ಬಿಸಿಯಾಗಿಸಬಹುದು ಮತ್ತು ಅದೇ ಸಮಯದಲ್ಲಿ ಅದನ್ನು ಚಾರ್ಜ್ ಮಾಡುವುದರಿಂದ ಹಾನಿ ಹೆಚ್ಚಾಗುತ್ತದೆ. ತಂಪಾದ, ಆಶ್ರಯ ಪ್ರದೇಶದಲ್ಲಿ ಪಾರ್ಕಿಂಗ್ ಬ್ಯಾಟರಿ ಬಾಳಿಕೆ ಬರುತ್ತೆ ಇದು ಉತ್ತಮ ಕಾರಿನ ಕಾರ್ಯಕ್ಷಮತೆ ಹೆಚ್ಚಿಸುತ್ತೆ.
ಬ್ಯಾಟರಿ ಬಾಳಿಕೆ ಬರಲು ಎಲೆಕ್ಟ್ರಿಕ್ ಕಾರು ಚಾಲನೆ ಹೀಗಿರಲಿ
ನೀವು ಕಾರನ್ನು ಹೇಗೆ ಓಡಿಸುತ್ತೀರಿ ಎಂಬುದು ನಿಮ್ಮ ಬ್ಯಾಟರಿಯ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಎಲೆಕ್ಟ್ರಿಕ್ ಕಾರುಗಳು ತ್ವರಿತ ವೇಗವರ್ಧನೆಗೆ ಹೆಸರುವಾಸಿಯಾಗಿದೆ, ಆದರೆ ಆಗಾಗ್ಗೆ ಅತಿಯಾದ ವೇಗ, ಹಠಾತ್ ಬ್ರೇಕಿಂಗ್ ಮಾಡುವುದು ಸೂಕ್ತವಲ್ಲ. ಈ ರೀತಿಯ ಚಾಲನೆಯು ಬ್ಯಾಟರಿಯ ಮೇಲೆ ಅತಿಯಾದ ಒತ್ತಡವನ್ನುಂಟು ಮಾಡುತ್ತದೆ. ಬ್ಯಾಟರಿ ಲೈಫ್ ಕಡಿಮೆ ಮಾಡುತ್ತದೆ. ಬದಲಾಗಿ, ಸರಾಗವಾಗಿ ಮತ್ತು ಆರಾಮವಾಗಿ ಚಾಲನೆ ಮಾಡುವುದು ಉತ್ತಮ. ಅನೇಕ EVಗಳು Regenerative Braking ಸಿಸ್ಟಂಗಳನ್ನು ಹೊಂದಿವೆ, ಇದು ಬ್ರೇಕ್ ಮಾಡುವಾಗ ಬ್ಯಾಟರಿಯನ್ನು ಸ್ವಲ್ಪಮಟ್ಟಿಗೆ ರೀಚಾರ್ಜ್ ಮಾಡುತ್ತದೆ. ಬುದ್ಧಿವಂತಿಕೆಯಿಂದ ಚಾಲನೆ ಮಾಡುವುದು ಬ್ಯಾಟರಿಯ ಜೀವಿತಾವಧಿಯನ್ನು ವಿಸ್ತರಿಸಲು ಮತ್ತು ವ್ಯಾಪ್ತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
