ಅಂಬಾನಿ ಫ್ಯಾಮಿಲಿಯ ಭಾವಿ ಸೊಸೆ Radhika Merchant ಯಾರಿದು ?

ನೀತಾ (Nita) ಮತ್ತು ಮುಖೇಶ್ ಅಂಬಾನಿಯವರ (Mukesh Ambani) ಕಿರಿಯ ಪುತ್ರ ಅನಂತ್ ಅಂಬಾನಿಯವರ (Anant Ambani) ಮದುವೆಯಾಗಲಿರುವ ಹುಡುಗಿ  ರಾಧಿಕಾ ಮರ್ಚೆಂಟ್  (Radhika Merchant) ಅವರ 'ಅರಂಗೇತ್ರಂ' ಅಥವಾ 'ರಂಗಪ್ರವೇಶ  ಭಾನುವಾರ, ಜೂನ್ 05 ರಂದು ನಡೆಯಿತು. ಇದು ಅವರ ಮೊದಲ ವೇದಿಕೆಯ ಪ್ರದರ್ಶನವಾಗಿದೆ ಮತ್ತು ಅನೇಕ ಸೆಲೆಬ್ರೆಟಿಗಳು ಈ ಈವೆಂಟ್‌ನಲ್ಲಿ ಭಾಗವಹಿಸಿದ್ದರು. ಅಷ್ಟಕ್ಕೂ ಯಾರಿದು ರಾಧಿಕಾ ಮರ್ಚೆಂಟ್? 

ರಾಧಿಕಾ ಮರ್ಚೆಂಟ್, ಭಾರತೀಯ ಶಾಸ್ತ್ರೀಯ ನೃತ್ಯಗಾರ್ತಿ, ಮುಖೇಶ್ ಮತ್ತು ನೀತಾ ಅಂಬಾನಿ ಮತ್ತು ಮರ್ಚೆಂಟ್ ಕುಟುಂಬದವರು ಪ್ರಸ್ತುತಪಡಿಸಿದ ಅರಂಗೇತ್ರಂನೊಂದಿಗೆ ತಮ್ಮ ರಂಗಪ್ರವೇಶವನ್ನು ಮಾಡಿದ್ದಾರೆ. 

ರಾಧಿಕಾ ಅವರ ನೃತ್ಯದ ಮೂಲಕ ಭಾವನೆಗಳನ್ನು ವ್ಯಕ್ತಪಡಿಸುವ ಸಾಮರ್ಥ್ಯ, ಜೊತೆಗೆ ಹಲವಾರು ನೃತ್ಯ ಮುದ್ರೆಗಳು ಪ್ರೇಕ್ಷಕರನ್ನು ವಿಸ್ಮಯಗೊಳಿಸಿದವು. ಅಷ್ಟಕ್ಕೂ ರಾಧಿಕಾ ಮರ್ಚೆಂಟ್ ಯಾರು? ರಾಧಿಕಾ ಮರ್ಚೆಂಟ್ ಅಂಬಾನಿ ಕುಟುಂಬದ ಪಾರ್ಟಿಗಳಲ್ಲಿ ಆಗಾಗ್ಗೆ ಇರುತ್ತಾರೆ

ರಾಧಿಕಾ ಮರ್ಚೆಂಟ್ ನೀತಾ ಮತ್ತು ಮುಖೇಶ್ ಅಂಬಾನಿಯವರ ಕಿರಿಯ ಮಗ ಅನಂತ್ ಅಂಬಾನಿಯ ಫಿಯಾನ್ಸಿ.  ರಾಧಿಕಾ ಮರ್ಚೆಂಟ್ ಎನ್‌ಕೋರ್ ಹೆಲ್ತ್‌ಕೇರ್‌ನ ಸಿಇಒ ವೀರೆನ್ ಮರ್ಚೆಂಟ್ ಮತ್ತು ಶೈಲಾ ಮರ್ಚೆಂಟ್ ಅವರ ಪುತ್ರಿ. 

ಮರ್ಚೆಂಟ್ ಕ್ಯಾಥೆಡ್ರಲ್ ಮತ್ತು ಜಾನ್ ಕಾನನ್ ಶಾಲೆಗಳು ಮತ್ತು ಮುಂಬೈನ ಎಕೋಲ್ ಮೊಂಡಿಯೇಲ್ ವರ್ಲ್ಡ್ ಸ್ಕೂಲ್‌ನಲ್ಲಿ ಶಿಕ್ಷಣ ಮುಗಿಸಿದ ರಾಧಿಕಾ ನ್ಯೂಯಾರ್ಕ್ ವಿಶ್ವವಿದ್ಯಾಲಯದಿಂದ ರಾಜಕೀಯ ಮತ್ತು ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

ರಾಧಿಕಾ ಅವರು ಗುರು ಭಾವನಾ ಠಾಕರ್ ಅವರ ಮಾರ್ಗದರ್ಶನದಲ್ಲಿ ಶ್ರೀ ನಿಭಾ ಆರ್ಟ್ಸ್‌ನಲ್ಲಿ ಭಾರತೀಯ ಶಾಸ್ತ್ರೀಯ ನೃತ್ಯವನ್ನು ಅಧ್ಯಯನ ಮಾಡಿದರು. ಶ್ರೀ ನಿಭಾ ಆರ್ಟ್ಸ್  25 ವರ್ಷಗಳಿಂದ ಮುಂಬೈನಲ್ಲಿ ನೆಲೆಗೊಂಡಿರುವ  ನೃತ್ಯ ಅಕಾಡೆಮಿಯಾಗಿದೆ.

ಮರ್ಚೆಂಟ್ ಅಂಬಾನಿ  ಕುಟುಂಬದ ಭಾವಿ ಸೊಸೆಯಾಗಲಿದ್ದಾರೆ ಮತ್ತು  ಅವರು ನೀತಾ ಮತ್ತು ಅವರ ಮಗಳು ಇಶಾ ಅವರೊಂದಿಗೆ ನಿಕಟ ಸಂಬಂಧವನ್ನು ಹೊಂದಿದ್ದಾರೆ. 

2018 ರಲ್ಲಿ   ಆನಂದ್ ಪಿರಮಲ್ ಅವರೊಂದಿಗೆ ಇಶಾ ಅವರ ವಿವಾಹದ ಸಂಗೀತ ಸಮಾರಂಭದ ಸಮಯದಲ್ಲಿ, ಅವರು ಇಶಾ ಮತ್ತು ಶ್ಲೋಕಾ ಮೆಹ್ತಾ ಅವರೊಂದಿಗೆ  ರಾಧಿಕಾ ಸಹ ಪ್ರದರ್ಶನ ನೀಡಿದರು.

ಅಂಬಾನಿ ಕಿರಿಯ ಪುತ್ರ ಅನಂತ್ ಅವರನ್ನು ಕಳೆದ ವರ್ಷ ರಿಲಯನ್ಸ್ ನ್ಯೂ ಎನರ್ಜಿ ಸೋಲಾರ್ ಮತ್ತು ರಿಲಯನ್ಸ್ ನ್ಯೂ ಸೋಲಾರ್ ಎನರ್ಜಿ ನಿರ್ದೇಶಕರನ್ನಾಗಿ ನೇಮಿಸಲಾಗಿತ್ತು. ಈ ನಡುವೆ, ಅನೇಕ ಮಾಧ್ಯಮ ಮೂಲಗಳ ಪ್ರಕಾರ, ರಾಧಿಕಾ ಮತ್ತು ಅನಂತ್ ಅವರು 2019ರ ಖಾಸಗಿ ಸಮಾರಂಭದಲ್ಲಿ ವಿವಾಹವಾಗಿದ್ದಾರೆ. ಮತ್ತೊಂದೆಡೆ, ಅಂಬಾನಿ ಮತ್ತು ಮರ್ಚೆಂಟ್‌ ಕುಟುಂಬ ಈ  ವರದಿಯನ್ನು ಪರಿಶೀಲಿಸಿಲ್ಲ.