ಐಡಿಯಾ ಇದ್ರೆ ಬ್ಯುಸಿನೆಸ್ ಆರಂಭಿಸೋಕೆ ಸರ್ಕಾರ ಕೊಡುತ್ತೆ ₹30 ಲಕ್ಷ; ಇದು ಯಾರಿಗೆಲ್ಲಾ ಸಿಗುತ್ತೆ?

ಸ್ಟಾರ್ಟ್‌ಅಪ್ ಕಂಪನಿ ಶುರು ಮಾಡೋಕೆ ಬಂಡವಾಳ ಬೇಕೇ ಬೇಕು. ಐಡಿಯಾ ಗೆಲ್ಲುತ್ತೆ ಅನ್ನೋ ನಂಬಿಕೆ ಇದ್ರೆ ಮಾತ್ರ ಯಾರಾದ್ರೂ ಹಣ ಹಾಕ್ತಾರೆ. ಬ್ಯಾಂಕುಗಳು ಆಸ್ತಿ ಇಟ್ಟು ಸಾಲ ಕೇಳಿದ್ರೆ ಮಾತ್ರ ಕೊಡುತ್ತೆ. ಐಡಿಯಾ ಚೆನ್ನಾಗಿದ್ರೂ, ಆಸ್ತಿ ಇಲ್ಲ ಅಂದ್ರೆ ಯಾರೂ ಲೋನ್ ಕೊಡಲ್ಲ. ಹೀಗೆ ಐಡಿಯಾ ಇರೋ ಉದ್ಯಮಿಗಳಿಗೆ ಸಹಾಯ ಮಾಡೋಕೆ ಸರ್ಕಾರ ಮುಂದೆ ಬಂದಿದೆ.

ಸ್ಟಾರ್ಟ್‌ಅಪ್ ಇಂಡಿಯಾ ಸೀಡ್ ಫಂಡ್ ಸ್ಕೀಮ್ (SISFS) ಅನ್ನೋದು ಕೇಂದ್ರ ಸರ್ಕಾರದ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ ಒಂದು ಯೋಜನೆ. 2021 ರಲ್ಲಿ ಶುರುವಾದ ಈ ಸ್ಕೀಮ್, ಹೊಸದಾಗಿ ಸ್ಟಾರ್ಟ್‌ಅಪ್ ಶುರು ಮಾಡುವವರಿಗೆ ಹಣಕಾಸಿನ ನೆರವು ನೀಡುತ್ತೆ. ಹೊಸ ಐಡಿಯಾಗಳಿಗೆ ಉತ್ತೇಜನ ಕೊಡೋಕೆ ಈ ಸ್ಕೀಮ್. ಇದು ಸ್ಟಾರ್ಟ್‌ಅಪ್‌ಗಳಿಗೆ ಒಳ್ಳೆಯ ವಾತಾವರಣ ನಿರ್ಮಿಸುತ್ತೆ.

ಕೇಂದ್ರ ಸರ್ಕಾರದ ಕೈಗಾರಿಕಾ ಮತ್ತು ಆಂತರಿಕ ವಾಣಿಜ್ಯ ಉತ್ತೇಜನ ಸಚಿವಾಲಯ, ಸ್ಟಾರ್ಟ್‌ಅಪ್ ಇಂಡಿಯಾ ಸೀಡ್ ಫಂಡ್ ಸ್ಕೀಮ್‌ಗೆ 945 ಕೋಟಿ ರೂಪಾಯಿ ಕೊಟ್ಟಿದೆ. ಈ ಸ್ಕೀಮ್ ಮೂಲಕ ದೇಶದಾದ್ಯಂತ ಇರೋ ಅರ್ಹರಿಗೆ ಸ್ಟಾರ್ಟ್‌ಅಪ್ ಶುರು ಮಾಡೋಕೆ ಹಣ ಸಿಗುತ್ತೆ. ನಿಮ್ಮ ಐಡಿಯಾ ಸರ್ಕಾರದ ಕಮಿಟಿಗೆ ಇಷ್ಟ ಆದ್ರೆ, ಅದಕ್ಕೆ ಬೇಕಾದ ಹಣ ಸಿಗುತ್ತೆ.

ಐಡಿಯಾ ಚೆನ್ನಾಗಿದ್ರೂ, ಹಣ ಇಲ್ಲದೆ ಸ್ಟಾರ್ಟ್‌ಅಪ್‌ಗಳು ಸತ್ತು ಹೋಗ್ತಿವೆ. ಈ ಸ್ಕೀಮ್‌ನಿಂದ ಸಿಗೋ ಹಣ ಸ್ಟಾರ್ಟ್‌ಅಪ್‌ಗಳಿಗೆ ಒಂದು ಉತ್ತೇಜನ. ಇದರಿಂದ ಉದ್ಯೋಗ ಸೃಷ್ಟಿ ಕೂಡ ಆಗುತ್ತೆ.

ತಜ್ಞರ ಸಲಹಾ ಸಮಿತಿ

ಕೇಂದ್ರ ಸರ್ಕಾರದ ಕೈಗಾರಿಕಾ ಮತ್ತು ಆಂತರಿಕ ವಾಣಿಜ್ಯ ಉತ್ತೇಜನ ಸಚಿವಾಲಯ (DPIIT) ಒಂದು ತಜ್ಞರ ಸಲಹಾ ಸಮಿತಿ (EAC) ರಚಿಸುತ್ತೆ. ಈ ಸಮಿತಿ ಸ್ಟಾರ್ಟ್‌ಅಪ್ ಇಂಡಿಯಾ ಸೀಡ್ ಫಂಡ್ ಸ್ಕೀಮ್‌ನ ಮೇಲ್ವಿಚಾರಣೆ ಮಾಡುತ್ತೆ. ಯಾವ ಸ್ಟಾರ್ಟ್‌ಅಪ್‌ಗಳಿಗೆ ಹಣ ಕೊಡಬೇಕು ಅಂತ ಈ ಸಮಿತಿ ನಿರ್ಧರಿಸುತ್ತೆ.

ಯಾವ ಸ್ಟಾರ್ಟ್‌ಅಪ್‌ಗಳಿಗೆ ಹಣ ಸಿಗುತ್ತೆ?

ಸಾಮಾಜಿಕ ಪರಿಣಾಮ, ತ್ಯಾಜ್ಯ ನಿರ್ವಹಣೆ, ನೀರು ನಿರ್ವಹಣೆ, ಶಿಕ್ಷಣ, ಕೃಷಿ, ಆಹಾರ ಸಂಸ್ಕರಣೆ, ಬಯೋಟೆಕ್ನಾಲಜಿ, ಆರೋಗ್ಯ, ಇಂಧನ, ಭದ್ರತೆ, ಬಾಹ್ಯಾಕಾಶ, ರೈಲ್ವೆ, ತೈಲ ಮತ್ತು ಅನಿಲ ಕ್ಷೇತ್ರಗಳಲ್ಲಿ ಹೊಸ ಐಡಿಯಾಗಳನ್ನ ತರೋ ಸ್ಟಾರ್ಟ್‌ಅಪ್‌ಗಳಿಗೆ ಹೆಚ್ಚಿನ ಆದ್ಯತೆ. ಈ ಸ್ಟಾರ್ಟ್‌ಅಪ್ ಕಂಪನಿಗೆ ಸರ್ಕಾರದ ಬೇರೆ ಯಾವುದೇ ಯೋಜನೆಯಿಂದ 10 ಲಕ್ಷಕ್ಕಿಂತ ಹೆಚ್ಚು ಹಣ ಸಿಕ್ಕಿರಬಾರದು. .

ಕಂಪನಿಗಳ ಕಾಯ್ದೆ-2013, SEBI (ICDR) ನಿಯಮಗಳ ಪ್ರಕಾರ, ಸ್ಟಾರ್ಟ್‌ಅಪ್‌ನಲ್ಲಿ ಭಾರತೀಯ ಪ್ರವರ್ತಕರ ಪಾಲು ಕನಿಷ್ಠ 51% ಇರಬೇಕು. ಈ ಅರ್ಹತೆಗಳಿದ್ರೆ, ವರ್ಷಕ್ಕೆ 5% ಬಡ್ಡಿದರದಲ್ಲಿ 30 ಲಕ್ಷದವರೆಗೆ ಸಾಲ ಸಿಗುತ್ತೆ.