Get Rid of Fruit Flies: ಹಣ್ಣುಗಳಲ್ಲಿ ಕೂರುವ ನೊಣಗಳ ಕಾಟ ತಪ್ಪಿಸಲು ಹೀಗೆ ಮಾಡಿ
ಮನೆ (Home)ಯಲ್ಲಿ ವಾರಗಳಿಗಾಗುವಷ್ಟು ಹಣ್ಣು (Fruits), ತರಕಾರಿಗಳನ್ನು ಸಾಮಾನ್ಯವಾಗಿ ಎಲ್ಲರೂ ತಂದಿಡುತ್ತಾರೆ. ಆದರೆ, ನೊಣಗಳ ಕಾಟ ಮಾತ್ರ ಎಂಥವರಿಗೂ ರೇಜಿಗೆ ಹುಟ್ಟಿಸಿಬಿಡುತ್ತದೆ. ಹಾಗಿದ್ರೆ ಹಣ್ಣಿನ ನೊಣ (Fruit Flies)ಗಳನ್ನು ತೊಡೆದುಹಾಕುವ ಸುಲಭ ಉಪಾಯ ಹೇಗೆ ?
ಮನೆಯೆಂದರೆ ಅಲ್ಲಿ ನೊಣ, ಸೊಳ್ಳೆಗಳ ಕಾಟ ಇದ್ದೇ ಇರುತ್ತದೆ. ಆದರೆ ಕೆಲವೊಮ್ಮೆ ಈ ನೊಣಗಳ ಕಾಟ ವಿಪರೀತವಾಗುವುದಿದೆ. ತಂದಿಟ್ಟ ಹಣ್ಣು, ತರಕಾರಿಗಳ ಸುತ್ತವೇ ಸುಳಿದಾಡುತ್ತಿರುತ್ತವೆ. ಇದೇ ಕಾರಣಕ್ಕೆ ಹಲವರು ಮನೆಗೆ ಹೆಚ್ಚು ಹಣ್ಣು (Fruits), ತರಕಾರಿ (Vegetables)ಗಳನ್ನು ತಂದಿಡುವುದಕ್ಕೆ ಹಿಂಜರಿಯುತ್ತಾರೆ. ಬಳಕೆಗೆ ಅಗತ್ಯವಿದ್ದಷ್ಟನ್ನು ಮಾತ್ರ ತಂದಿಡುತ್ತಾರೆ. ಆದ್ರೆ ಕೆಲವೊಮ್ಮೆ ಮನೆಯಲ್ಲಿ ನೊಣವೇ ಇರಲ್ಲಿಲ್ಲ. ದಿಢೀರ್ ಆಗಿ ಈ ನೊಣದ ಕಾಟ ಹೇಗೆ ಶುರುವಾಯ್ತು ಅಂತ ಹಲವರಿಗೆ ಅನಿಸೋದಿದೆ. ಹಾಗಿದ್ರೆ ಮನೆಯಲ್ಲಿ ನೊಣಗಳು ಹೆಚ್ಚಾಗೋದಕ್ಕೆ ಕಾರಣ ಏನು ?
ಹಣ್ಣಿನ ನೊಣಗಳು ಎಲ್ಲಿಂದ ಬರುತ್ತವೆ ?
ಹಣ್ಣಿನ ನೊಣ (Fruit Flies)ಗಳು ಬರಲು ಮನೆಯೊಳಗೇ ಹಲವು ಕಾರಣಗಳಿರುತ್ತವೆ. ಹಣ್ಣಿನ ನೊಣಗಳು ಕೊಳೆತ ಹಣ್ಣುಗಳು ಮತ್ತು ತರಕಾರಿಗಳಿಗೆ ಹೆಚ್ಚು ಆಕರ್ಷಿತವಾಗುತ್ತವೆ ಮತ್ತು ಹೆಚ್ಚಿನ ಫ್ರಕ್ಟೋಸ್ ಪದಾರ್ಥಗಳ ಮೇಲೆ ಬೆಳೆಯುತ್ತವೆ. ಹೆಣ್ಣು ಹಣ್ಣಿನ ನೊಣಗಳು ತಮ್ಮ ಮೊಟ್ಟೆಗಳನ್ನು ಅತಿಯಾಗಿ ಮಾಗಿದ, ಕೊಳೆಯುತ್ತಿರುವ ಅಥವಾ ಕೊಳೆಯುತ್ತಿರುವ ಹಣ್ಣಿನ ಮೇಲ್ಮೈಯಲ್ಲಿ ಅಥವಾ ಒಳಗೆ ಇಡುತ್ತವೆ. ಪ್ರತಿ ಹೆಣ್ಣು ಹಣ್ಣಿನ ನೊಣವು ಒಂದು ಸಮಯದಲ್ಲಿ 500 ಮೊಟ್ಟೆಗಳನ್ನು ಇಡುತ್ತದೆ. ಆ ಕಾರಣಕ್ಕಾಗಿ, ನೀವು ಮೊದಲ ಹಣ್ಣಿನ ನೊಣವನ್ನು ನೋಡಿದ ತಕ್ಷಣ ಕ್ರಮ ತೆಗೆದುಕೊಳ್ಳುವುದು ಮುಖ್ಯವಾಗಿದೆ.
Onion Hacks: ಬರೀ ರುಚಿ ಮಾತ್ರವಲ್ಲ, ಅಡುಗೆ ಮನೆ ಕ್ಲೀನ್ ಮಾಡುತ್ತೆ ಈರುಳ್ಳಿ!
ಹಣ್ಣಿನ ನೊಣಗಳನ್ನು ತೊಡೆದುಹಾಕುವುದು ಹೇಗೆ?
ಅಡುಗೆ ಕೋಣೆಯಲ ಎಲ್ಲಾ ಮೇಲ್ಮೈಗಳನ್ನು ಸ್ವಚ್ಛಗೊಳಿಸುವುದು ಹಣ್ಣಿನ ನೊಣಗಳನ್ನು ತೊಡೆದುಹಾಕಲು ಮಾಡಬೇಕಾದ ಮುಖ್ಯ ಕೆಲಸವಾಗಿದೆ. ಡೈನಿಂಗ್ ಟೇಬಲ್ (Dinning Table), ಸಿಂಕ್ ಡ್ರೈನ್‌ಗಳನ್ನು ಆಹಾರದ ಕಣಗಳಿಂದ ಮುಕ್ತವಾಗಿರಿಸಿ. ನೀವು ಹೀಗೆ ಮಾಡದಿದ್ದರೆ, ಈ ತಾಣಗಳು ಹಣ್ಣಿನ ನೊಣಗಳ ಸಂತಾನೋತ್ಪತ್ತಿಗೆ ಕಾರಣವಾಗುತ್ತದೆ. ತುಂಬಾ ಮಾಗಿದ ಅಥವಾ ಕೊಳೆಯುತ್ತಿರುವ ಹಣ್ಣುಗಳು ಅಥವಾ ತರಕಾರಿ ಇದರ ಯಾವುದೇ ಪದಾರ್ಥಗಳನ್ನು ಎಸೆಯಿರಿ. ಎಲ್ಲಾ ಹಣ್ಣುಗಳು ಮತ್ತು ತರಕಾರಿಗಳನ್ನು ಕೊಳೆತ, ಕೊಳೆಯುವಿಕೆ ಅಥವಾ ಅತಿಯಾದ ಪಕ್ವತೆಯನ್ನು ಪರಿಶೀಲಿಸುತ್ತಿರಿ. ಹಣ್ಣಿನ ನೊಣಗಳು ಈ ಕೊಳೆತ ಮೇಲ್ಮೈಗಳಲ್ಲಿ ಮೊಟ್ಟೆಗಳನ್ನು ಇಡುತ್ತವೆ.
ಆಪಲ್ ಸೈಡರ್ ವಿನೇಗರ್ (Vinegar) ಮತ್ತು ಡಿಶ್ ಸೋಪ್ ಬಳಸಿ. ಒಂದು ಬೌಲ್ ಅಥವಾ ಗ್ಲಾಸ್ ಆಪಲ್ ಸೈಡರ್ ವಿನೇಗರ್ ಹಾಕಿ ಇದಕ್ಕೆ 1 ಡ್ರಾಪ್ ಡಿಶ್ ಸೋಪ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಇದಕ್ಕೆ ಮೇಲಿನಿಂದ ಪ್ಲಾಸ್ಟಿಕ್ ಹೊದಿಕೆಯನ್ನು ಮುಚ್ಚಿ, ರಬ್ಬರ್ ಬ್ಯಾಂಡ್ ನಿಂದ ಗಟ್ಟಿಯಾಗಿಸಿ. ಮೇಲ್ಭಾಗದಲ್ಲಿ ಸಣ್ಣ ರಂಧ್ರಗಳನ್ನು ಇರಿ. ವಿನೇಗರ್ ಪರಿಮಳ ಹಣ್ಣಿನ ನೊಣಗಳನ್ನು ಆಕರ್ಷಿಸುತ್ತದೆ. ಮತ್ತು ನೊಣಗಳು ಒಮ್ಮೆ ಬೌಲ್ ಒಳಗೆ ಬಂದರೆ, ಪ್ಲಾಸ್ಟಿಕ್ ಹೊದಿಕೆಯ ತಡೆಗೋಡೆಯಿಂದ ತಪ್ಪಿಸಿ ಹೋಗಲು ಸಾಧ್ಯವಾಗುವುದಿಲ್ಲ.
Home Remedies : ಆಹ್ವಾನಿಸದೆ ಮನೆಗೆ ಪದೇ ಪದೇ ಬರುವ ಇರುವೆಗೆ ಹೀಗೆ ಹೇಳಿ ಬೈ ಬೈ
ನೊಣಗಳನ್ನು ಹೋಗಲಾಡಿಸಲು ಬಿಯರ್ ಅಥವಾ ವೈನ್ ಮಿಶ್ರಣವನ್ನು ಪ್ರಯತ್ನಿಸಿ. ಹಣ್ಣಿನ ನೊಣಗಳು ಹೆಚ್ಚಾಗಿರುವ ಸ್ಥಳದಲ್ಲಿ ಹಳೆಯ ವೈನ್ ಅಥವಾ ಬಿಯಲ್ ಬಾಟಲ್ ಅನ್ನು ಇಡಿ. ನೊಣಗಳು ಹಳಸಿದ ಪಾನೀಯದಿಂದ ಆಕರ್ಷಿತರಾಗುತ್ತವೆ. ಆದರೆ ಬಾಟಲಿಗೆ ಕಿರಿದಾದ ಬಾಯಿಯಿರುವುದರಿಂದ ಬಾಟಲ್ ಒಳಹೋದ ನೊಣಗಳು ಹೊರಬರಲು ಸಾಧ್ಯವಾಗುವುದಿಲ್ಲ.
ಹಣ್ಣಿನ ನೊಣಗಳು ಮತ್ತು ಸೊಳ್ಳೆಗಳ ನಡುವಿನ ವ್ಯತ್ಯಾಸವೇನು ?
ಹಣ್ಣಿನ ನೊಣಗಳು ಮತ್ತು ಸೊಳ್ಳೆಗಳು ಸಾಮಾನ್ಯವಾಗಿ ನೋಡಲು ಒಂದೇ ಇರುತ್ತವೆ. ಹೀಗಾಗಿ ಥಟ್ಟನೆ ಯಾವುದೆಂದು ತಿಳಿದುಕೊಳ್ಳುವುದು ಕಷ್ಟ. ಸೊಳ್ಳೆಗಳು ಬೂದು ಅಥವಾ ಕಪ್ಪು ಬಣ್ಣದ್ದಾಗಿರುತ್ತವೆ, ಆದರೆ ಹಣ್ಣಿನ ನೊಣಗಳು ತಿಳಿ ಕಂದು ಬಣ್ಣದಿಂದ ಕೆಂಪು ಕಿತ್ತಳೆ ಮತ್ತು ಕಂದು ಬಣ್ಣದಲ್ಲಿರುತ್ತವೆ. ಹಣ್ಣಿನ ನೊಣಗಳು ತುಂಬಾ ಮಾಗಿದ ಹಣ್ಣುಗಳು ಮತ್ತು ಇತರ ಉತ್ಪನ್ನಗಳ ಮೇಲೆ ಕುಳಿತಿರುತ್ತವೆ ಮತ್ತು ಹೆಚ್ಚಿನ ಫ್ರಕ್ಟೋಸ್ ಪದಾರ್ಥಗಳ ಮೇಲೆ ಬೆಳೆಯುತ್ತವೆ. ಮತ್ತೊಂದೆಡೆ, ಶಿಲೀಂಧ್ರ ಕೊಳೆತಗಳು ಮಣ್ಣಿನಲ್ಲಿ ಮತ್ತು ಸಸ್ಯಗಳ ಮೇಲೆ ವಾಸಿಸುತ್ತವೆ..
