ದೆಹಲಿಯ ಆಹಾರ ಮಳಿಗೆಯಲ್ಲಿ ಸಿಗ್ತಿದೆ ಸ್ಟ್ರಾಬೆರಿ ಮತ್ತು ಬ್ಲೂಬೆರಿ ಸಮೋಸಾ
ಸಮೋಸಾ ವನ್ನು ಸಾಮಾನ್ಯವಾಗಿ ಎಲ್ರೂ ಇಷ್ಟಪಡೋ ಸ್ನ್ಯಾಕ್ಸ್. ಸಂಜೆ ಟೀ ಜೊತೆ ಸವಿಯಲು ಚೆನ್ನಾಗಿರುತ್ತದೆ. ಸಾಮಾನ್ಯವಾಗಿ ಸಮೋಸಾ ಅಂದ್ರೆ ಬಟಾಣಿ, ಆಲೂಗಡ್ಡೆ ಮೊದಲಾದ ಮಸಾಲ ಮಿಶ್ರಣದೊಂದಿಗೆ ಬರುತ್ತದೆ. ಆದ್ರೆ ದೆಹಲಿಯ ಆಹಾರ ಮಳಿಗೆಯೊಂದರಲ್ಲಿ ತಯಾರಾಗುವ ಸಮೋಸಾ ಇವೆಲ್ಲಕ್ಕಿಂತಲೂ ಕಲರ್‌ಫುಲ್. ಬನ್ನಿ ಆ ಸ್ಪೆಷಲ್ ಸಮೋಸಾದ ಬಗ್ಗೆ ತಿಳಿಯೋಣ.
ಭಾರತ ವಿವಿಧತೆಯಲ್ಲಿ ಏಕತೆ ಇರುವ ದೇಶ. ಇಲ್ಲಿ ಆಯಾ ರಾಜ್ಯಕ್ಕೆ ಅಲ್ಲಿಯ ಭಾಷೆ, ಸಂಸ್ಕೃತಿ. ಆಚಾರ-ವಿಚಾರಗಳು ಇರುವ ಹಾಗೆಯೇ ಪ್ರತ್ಯೇಕವಾದ ಆಹಾರಪದ್ಧತಿಯೂ ಇದೆ. ಭಾರತೀಯರು ಪುರಾತನ ಕಾಲದಿಂದಲೂ ಆಹಾರಪ್ರಿಯರು. ಹೀಗಾಗಿಯೇ ವೆರೈಟಿ ವೆರೈಟಿ ಫುಡ್ ಮಾಡಿ ತಿನ್ನಲು ಇಷ್ಟಪಡುತ್ತಾರೆ. ಹಳೆಯ ಕಾಲದಿಂದಲೂ ಸೇವಿಸಿಕೊಂಡು ಬಂದಿರುವ ಆಹಾರಗಳನ್ನು ಮಾತ್ರವಲ್ಲದೆ ಹೊಸದಾಗಿಯೂ ಏನನ್ನಾದರೂ ಎಕ್ಸಮರಿಮೆಂಟ್ ಮಾಡುತ್ತಲೇ ಇರುತ್ತಾರೆ. ಯಾವುದೋ ಫುಡ್‌ನ್ನು ಇನ್ಯಾವುದರೊಂದಿಗೂ ಸೇರಿಸಿ ಹೊಸ ಕಾಂಬಿನೇಶನ್ ಮಾಡುತ್ತಾರೆ. ಇಂಥಹಾ ಫುಡ್ ಕಾಂಬಿನೇಷನ್ ಕೆಲವೊಮ್ಮೆ ಸಿಕ್ಕಾಪಟ್ಟೆ ವೈರಲ್ ಆಗುತ್ತವೆ. ಆದರೆ ಇನ್ನು ಕೆಲವೊಮ್ಮೆ ಸಿಕ್ಕಾಪಟ್ಟೆ ನೆಗೆಟಿವ್ ಕಮೆಂಟ್ಸ್ ಗಳಿಸುತ್ತವೆ. ಇನ್‌ಸ್ಟ್ರಾಗ್ರಾಂ, ಫುಡ್ ಬ್ಲಾಗರ್ಸ್ ಶುರುವಾದ ನಂತರ ದೇಶದ ಮೂಲೆ ಮೂಲೆಯ ವಿಭಿನ್ನ ರೀತಿಯ ಆಹಾರಗಳು ಎಲ್ಲರಿಗೂ ಪರಿಚಯವಾಗುತ್ತಿದೆ.
ಫುಡ್ (Food)ನಲ್ಲಿ ಎಕ್ಸಪರಿಮೆಂಟ್ ಮಾಡೋದು ಇತ್ತೀಚಿಗೆ ಟ್ರೆಂಡ್ (Trend) ಆಗ್ತಿದೆ. ಯಾವುದೋ ಫುಡ್‌ನ್ನು ಇನ್ಯಾವುದರೊಂದಿಗೂ ಸೇರಿಸಿ ಹೊಸ ಕಾಂಬಿನೇಶನ್ (Combination) ಮಾಡುತ್ತಾರೆ. ಇಂಥಹಾ ಫುಡ್ ಕಾಂಬಿನೇಷನ್ ಕೆಲವೊಮ್ಮೆ ಸಿಕ್ಕಾಪಟ್ಟೆ ವೈರಲ್ (Viral) ಆದರೆ, ಕೆಲವೊಮ್ಮೆ ಸಿಕ್ಕಾಪಟ್ಟೆ ನೆಗೆಟಿವ್ ಕಮೆಂಟ್ಸ್ ಗಳಿಸುತ್ತವೆ. ಸದ್ಯಕ್ಕೆ ಎಲ್ಲರ ಗಮನ ಸೆಳೀತಾ ಇರೋದು ದೆಹಲಿಯ ಆಹಾರ ಮಳಿಗೆಯು ಸ್ಟ್ರಾಬೆರಿ ಮತ್ತು ಬ್ಲೂಬೆರ್ರಿ ಸಮೋಸಾ.
ಯಾವಾಗ್ಲೂ ಪಿಜ್ಜಾ, ಬರ್ಗರ್ ತಿನ್ತಿರ್ಬೇಕು ಅಂತನಿಸುವುದು ಯಾಕೆ?
ಸಮೋಸಾ, ಭಾರತದ ಸಾಂಪ್ರದಾಯಿಕ (Traditional) ತಿಂಡಿಯಾಗಿದೆ. ಸಾಮಾನ್ಯವಾಗಿ ಸಮೋಸಾ ಬಟಾಣಿ, ಆಲೂಗಡ್ಡೆ ಮೊದಲಾದ ಮಸಾಲ ಮಿಶ್ರಣದೊಂದಿಗೆ ಬರುತ್ತದೆ ಆದ್ರೆ ದೆಹಲಿಯ ಆಹಾರ ಮಾರಾಟಗಾರರೊಬ್ಬರು ಸ್ಟ್ರಾಬೆರಿ ಮತ್ತು ಬ್ಲೂಬೆರ್ರಿಗಳಂತಹ ಹಣ್ಣುಗಳ ರುಚಿಗಳನ್ನು ಸೇರಿಸುವ ಮೂಲಕ ಸಾಂಪ್ರದಾಯಿಕ ಪದಾರ್ಥಗಳೊಂದಿಗೆ ಪ್ರಯೋಗಿಸಿದ್ದಾರೆ. ಅಂತರ್ಜಾಲದಲ್ಲಿ ಹರಡುತ್ತಿರುವ ವೈರಲ್ ವೀಡಿಯೊದಲ್ಲಿ ವ್ಯಕ್ತಿಯೊಬ್ಬರು ಗುಲಾಬಿ ಮತ್ತು ನೀಲಿ ಸಮೋಸಾಗಳನ್ನು ತಯಾರಿಸಲು ಬಳಸಿದ ಘಟಕಗಳನ್ನು ಪ್ರದರ್ಶಿಸುವುದನ್ನು ಕಾಣಬಹುದು.
ಗುಲಾಬಿ ಬಣ್ಣಗಳನ್ನು ಸ್ಟ್ರಾಬೆರಿ ಸಮೋಸಾ ಎಂದು ಕರೆಯಲಾಗುತ್ತದೆ ಮತ್ತು ಸ್ಟ್ರಾಬೆರಿ ಮತ್ತು ಜಾಮ್ ತುಂಬುವಿಕೆಯನ್ನು ಹೊಂದಿರುತ್ತದೆ. ನೀಲಿ ಬಣ್ಣಗಳು ಇದೇ ರೀತಿಯಲ್ಲಿ ಬ್ಲೂಬೆರ್ರಿ ಜಾಮ್ ಎಂದು ತೋರುತ್ತಿದ್ದವು. 'ಸಮೋಸಾ ಹಬ್' ಎಂಬುದು ದೆಹಲಿಯಲ್ಲಿರುವ ರೆಸ್ಟೊರೆಂಟ್‌ನ ಹೆಸರು. ಇದು ವಿಚಿತ್ರವಾದ ಸಮೋಸಾಗಳನ್ನು ಒದಗಿಸುತ್ತದೆ. ಬ್ಲೂಬೆರ್ರಿ ಮತ್ತು ಸ್ಟ್ರಾಬೆರಿ ಸಮೋಸಾಗಳು ಡೆಸರ್ಟ್ ಸ್ಪೆಷಾಲಿಟಿ ಎಂದು ಜನಪ್ರಿಯ ವೀಡಿಯೊ ಸೂಚಿಸುತ್ತದೆ. ಆನ್‌ಲೈನ್‌ನಲ್ಲಿ ಜನಪ್ರಿಯವಾಗಿರುವ ಗುಲಾಬಿ ಮತ್ತು ನೀಲಿ ಸಮೋಸಾಗಳ ವೀಡಿಯೊವನ್ನು ನೋಡಿದ ನಂತರ ಕೆಲವು ಸಮೋಸಾ ಉತ್ಸಾಹಿಗಳು ಅಸಮಾಧಾನಗೊಂಡಿದ್ದಾರೆ. ಇಂಟರ್ನೆಟ್‌ನ ಕೆಲವೊಬ್ಬರು ಈ ಡಿಫರೆಂಟ್ ಸಮೋಸಾವನ್ನು ಟೇಸ್ಟ್‌ ಮಾಡಲು ಉತ್ಸುಕರಾಗಿದ್ದರು.
ಮನೆಯಲ್ಲೇ ತಯಾರಿಸಿ ಮಕ್ಕಳಿಗೆ ಇಷ್ಟವಾಗೋ ಡ್ರೈ ಫ್ರೂಟ್ಸ್ ಲಡ್ಡು!
ವೀಡಿಯೊ ಪೋಸ್ಟ್ ಮಾಡಿದ ನಂತರ 32.1K ಲೈಕ್‌ಗಳು, 3M ವೀಕ್ಷಣೆಗಳು ಮತ್ತು ನೂರಾರು ಕಾಮೆಂಟ್‌ಗಳನ್ನು ಪಡೆದುಕೊಂಡಿದೆ. ಕೆಲವು ಸಮೋಸಾ ಅಭಿಮಾನಿಗಳು ಈ ಪಾಕಪದ್ಧತಿಯೊಂದಿಗೆ ಸಂತೋಷಪಡಲಿಲ್ಲ, ಆದರೆ ಇತರರು ಇದನ್ನು ಪ್ರಯತ್ನಿಸಲು ಉತ್ಸುಕರಾಗಿದ್ದರು. ಒಬ್ಬ ಬಳಕೆದಾರರು ' ಸಮೋಸಾ ಎಂಬುದು ಒಂದು ಸ್ಪೆಷಲ್ ಭಾವನೆಯಾಗಿದೆ ಅದನ್ನು ಹಾಳು ಮಾಡಬೇಡಿ' ಎಂದು ಬರೆದುಕೊಂಡಿದ್ದಾರೆ. ಇದೊಂದು ಮೋಜಿನ ಪ್ರಯೋಗ ಎಂದು ಹಲವರು ಭಾವಿಸಿದ್ದಾರೆ. ಇನ್ನೊಬ್ಬ ಬಳಕೆದಾರ ಇ'ದನ್ನು ಪ್ರಯತ್ನಿಸಲು ಕಾಯುತ್ತಿದ್ದೇನೆ' ಎಂದು ಬರೆದುಕೊಂಡಿದ್ದಾರೆ. ಬಣ್ಣದ ಸಮೋಸಾ 'ವಿಶಿಷ್ಟ ಮತ್ತು ವಿಭಿನ್ನವಾಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ' ಕಲರ್‌ಫುಲ್ ಸಮೋಸಾ ತುಂಬಾ ಅದ್ಭುತವಾಗಿದೆ' ಎಂದು ಮೂರನೇ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.
