ನಾನ್‌ವೆಜ್‌ ಪ್ರಿಯರಾ ? ಬೆಂಗಳೂರಲ್ಲಿ ಬೆಸ್ಟ್ ದೊನ್ನೆ ಬಿರಿಯಾನಿ ಇಲ್ಲೆಲ್ಲಾ ಸಿಗುತ್ತೆ ನೋಡಿ
ವೀಕೆಂಡ್ ಬಂದ್ರೆ ಸಾಕು ಬಿರಿಯಾನಿ ತಿನ್ಬೇಕು ಅಂತಾಗುತ್ತೆ. ವಾರಪೂರ್ತಿ ಕೆಲಸದ ಒತ್ತಡದಲ್ಲಿ ಹೈರಾಣಾಗಿ ಹೋಗಿರುವಾಗ ಮನೆಯಲ್ಲಿಯೇ ಅಡುಗೆ ಮಾಡುವಷ್ಟು ತಾಳ್ಮೆಯಂತೂ ಇಲ್ಲ. ಹೀಗಿರುವಾಗ ನಾನ್‌ವೆಜ್‌ ಬಿರಿಯಾನಿ ಪ್ರಿಯರ ಫೇವರಿಟ್ ದೊನ್ನೆ ಬಿರಿಯಾನಿ. ಬೆಂಗಳೂರಲ್ಲಿ ಎಲ್ಲೆಲ್ಲಿ ಸಿಗುತ್ತೆ ? ಇಲ್ಲಿದೆ ಕಂಪ್ಲೀಟ್ ಡೀಟೈಲ್ಸ್‌.
ವೀಕೆಂಡ್ ಬಂದ್ರೆ ಸಾಕು ನಾನ್‌ವೆಜ್‌ ಪ್ರಿಯರು ಬಿರಿಯಾನಿ ತಿನ್ನೋಕೆ ಬೆಸ್ಟ್ ಹೊಟೇಲ್ ಯಾವ್ದು ಅಂತ ಹುಡುಕ್ತಿರ್ತಾರೆ. ಹೀಗಾಗಿ ವೀಕೆಂಡ್ ನಲ್ಲಿ ನಾನ್ ವೆಜ್ ಹೋಟೆಲ್ ನಲ್ಲಿ ಫುಲ್ ರಶ್ ಇರುತ್ತೆ. ಅದರಲ್ಲೂ ದೊನ್ನೆ ಬಿರಿಯಾನಿ ಹಲವರ ಫೇವರಿಟ್. ನೀವು ಯಾವುದೇ ನಾನ್ ವೆಜ್ ಪ್ರಿಯರನ್ನು ಕೇಳಿ ಫೇವರೇಟ್ ಫುಡ್ ಯಾವ್ದು ಅಂತ ಬಿರಿಯಾನಿ ಅಂತಾರೆ. ಮುಖ್ಯವಾಗಿ ದೊನ್ನೆ ಬಿರಿಯಾನಿ (biryani) ಎಂದರೆ ಜನರಿಗೆ ಅದೇನೋ ಕ್ರೇಜ್. ಹಾಗಿದ್ರೆ ಬೆಂಗಳೂರಿನಲ್ಲಿ ಬೆಸ್ಟ್ ದೊನ್ನೆ ಬಿರಿಯಾನಿ ಸಿಗುವ ಸ್ಥಳ ಯಾವುದೆಲ್ಲಾ ತಿಳ್ಕೊಳ್ಳೋಣ.
1. ಶಿವಾಜಿ ಮಿಲಿಟರಿ ಹೋಟೆಲ್
ಶಿವಾಜಿ ಮಿಲಿಟರಿ ಹೋಟೆಲ್ ಸ್ವಾದಿಷ್ಟಕರವಾದ ದೊನ್ನೆ ಬಿರಿಯಾನಿಯನ್ನು ಉಣಬಡಿಸುತ್ತದೆ. ಉಪಾಹಾರ (Breakfast), ಮಧ್ಯಾಹ್ನದ ಊಟ ಅಥವಾ ರಾತ್ರಿಯ ಊಟ ಆಗಿರಲಿ ಇಲ್ಲಿನ ರುಚಿಕರ ಬಿರಿಯಾನಿಯು ನಿಮ್ಮನ್ನು ನಿರಾಶೆಗೊಳಿಸುವುದಿಲ್ಲ ಆದರೆ ನೀವು ಬೇಗನೆ ಅಲ್ಲಿಗೆ ಹೋಗುವುದನ್ನು ಖಚಿತಪಡಿಸಿಕೊಳ್ಳಿ ಏಕೆಂದರೆ ಇಲ್ಲಿ ನೆರೆದಿರುವ ಜನಸಮೂಹದ ನೂಕುನುಗ್ಗಲನ್ನು (Crowd) ನೀವು ಸಹಿಸಿಕೊಳ್ಳಬೇಕಾಗುತ್ತದೆ.ನಿ.
ಎಲ್ಲಿ: ಶಿವಾಜಿ ಮಿಲಿಟರಿ ಹೋಟೆಲ್, ನಂ. 718, 1 ನೇ ಸಿ ಮೇನ್, 45 ನೇ ಕ್ರಾಸ್, 8 ನೇ ಬ್ಲಾಕ್, ಜಯನಗರ
ಯಾವಾಗ: ಬೆಳಿಗ್ಗೆ 8:30ರಿಂದ ಮಧ್ಯಾಹ್ನ 3ರ ವರೆಗೆ
ಬೆಲೆ: ಇಬ್ಬರಿಗೆ 300 ರೂ.
National Fried Rice Day: ಸುಯಿ ರಾಜವಂಶದಲ್ಲಿ ಶುರುವಾಗಿತ್ತಂತೆ ಫ್ರೈಡ್‌ ರೈಸ್ ತಯಾರಿ
2. ರಂಗಣ್ಣ ಮಿಲಿಟರಿ ಹೋಟೆಲ್
ರಂಗಣ್ಣ ಮಿಲಿಟರಿ ಹೋಟೆಲ್‌ನಲ್ಲಿ ಎಲ್ಲರೂ ಇಷ್ಟಪಡುವ ವಿಷಯವೆಂದರೆ ಇಲ್ಲಿನ ದೊನ್ನೆ ಬಿರಿಯಾನಿ ಹೆಚ್ಚು ಮಸಾಲೆ (Spicy)ಯುಕ್ತವಾಗಿರುವುದಿಲ್ಲ. ಜನಸಂದಣಿಯನ್ನು ತಪ್ಪಿಸಲು ವಾರದ ದಿನದ ಮಧ್ಯಾಹ್ನದ (Afternoon) ವೇಳೆಗೆ ಸ್ಥಳಕ್ಕೆ ಹೋಗಲು ನಾವು ಶಿಫಾರಸು ಮಾಡುತ್ತೇವೆ.
ಎಲ್ಲಿ: ರಂಗಣ್ಣ ಮಿಲಿಟರಿ ಹೋಟೆಲ್, 61, 1 ನೇ ಮಹಡಿ, ಇಂಡಿಯನ್ ಆಯಿಲ್ ಪೆಟ್ರೋಲಿಯಂ ಎದುರು, ಕೃಷ್ಣ ರಾಜೇಂದ್ರ ರಸ್ತೆ, 7 ನೇ ಬ್ಲಾಕ್, ಜಯನಗರ
ಯಾವಾಗ: ಬೆಳಿಗ್ಗೆ 7:30 ರಿಂದ ಸಂಜೆ 4 ರವರೆಗೆ ಮತ್ತು ಸಂಜೆ 7 ರಿಂದ ರಾತ್ರಿ 10 ರವರೆಗೆ
ಬೆಲೆ: ಇಬ್ಬರಿಗೆ 250 ರೂ
3. ಹೊಸ ಗೋವಿಂದ್ ರಾವ್ ಮಿಲಿಟರಿ ಹೋಟೆಲ್
ದೊನ್ನೆ ಬಿರಿಯಾನಿಯ ಮೇಲಿನ ನಿಮ್ಮ ಪ್ರೀತಿಯು ನಿಜವಾಗಿದ್ದರೆ, ಹೊಸ ಗೋವಿಂದ್ ರಾವ್ ಹೊಟೇಲ್‌ಗೆ ಹೋಗಲು ಮರೆಯಬೇಡಿ. ಅದ್ಭುತವಾದ ರುಚಿಯಿರುವ ದೊನ್ನೆ ಬಿರಿಯಾನಿ ಮಟನ್ ಚಾಪ್ಸ್‌ನೊಂದಿಗೆ ದೊರಕುತ್ತದೆ.
ಎಲ್ಲಿ: ನ್ಯೂ ಗೋವಿಂದ್ ರಾವ್ ಮಿಲಿಟರಿ ಹೋಟೆಲ್, 7, ಕಾಟನ್‌ಪೇಟೆ ಮುಖ್ಯ ರಸ್ತೆ, ಸುದಾ ಲಾಡ್ಜ್ ಎದುರು, ಅಕ್ಕಿಪೇಟೆ, ಕಾಟನ್‌ಪೇಟೆ
ಯಾವಾಗ: ಬೆಳಿಗ್ಗೆ 6 ರಿಂದ ಮಧ್ಯಾಹ್ನ 3:30 ಮತ್ತು ಸಂಜೆ 7 ರಿಂದ ರಾತ್ರಿ 11 ರವರೆಗೆ
ಬೆಲೆ: ಇಬ್ಬರಿಗೆ 350 ರೂ.
4. SGS ನಾನ್‌ವೆಜ್‌ ಗುಂಡುಪಲಾವ್
ನಗರದಲ್ಲಿನ ಇತರ ದೊನ್ನೆ ಬಿರಿಯಾನಿಗಳಿಗಿಂತ ಭಿನ್ನವಾಗಿ, SGS ತನ್ನ ಆವೃತ್ತಿಯನ್ನು ಉದ್ದ-ಧಾನ್ಯದ ಬಾಸ್ಮತಿ ಅಕ್ಕಿಯೊಂದಿಗೆ ತಯಾರಿಸುತ್ತದೆ. ಹೊಟೇಲ್ ಇರುವ ಸ್ಥಳವು ಮರೆಯಾಗಿರುವಂತೆ ತೋರುತ್ತಿದ್ದರೂ, ಎರಡು ಮಹಡಿಗಳು ಯಾವಾಗಲೂ ತುಂಬಿರುತ್ತವೆ. ನೀವು ಇಲ್ಲಿಗೆ ಹೋದರೆ ಅದ್ಭುತವಾದ ಗುಂಡು ಪಲಾವ್ ಸವಿದು ಬರಬಹುದು.
ಎಲ್ಲಿ: SGS ನಾನ್‌ವೆಜ್‌ಗುಂಡುಪಾಲವ್, ಮ್ಯೂಸಿಯಂ ರಸ್ತೆ, ಶಾಂತಲಾ ನಗರ, ಅಶೋಕ್ ನಗರ
ಯಾವಾಗ: ಬೆಳಿಗ್ಗೆ 10 ರಿಂದ ಮಧ್ಯಾಹ್ನ 2.30 ಮತ್ತು ಸಂಜೆ 6 ರಿಂದ ರಾತ್ರಿ 9.30
ಬೆಲೆ: ಇಬ್ಬರಿಗೆ 400 ರೂ.
ಯಾವಾಗ್ಲೂ ಪಿಜ್ಜಾ, ಬರ್ಗರ್ ತಿನ್ತಿರ್ಬೇಕು ಅಂತನಿಸುವುದು ಯಾಕೆ?
5. ಹಳ್ಳಿ ಜೊನ್ನೆ ಬಿರಿಯಾನಿ
ಹಳ್ಳಿ ಜೊನ್ನೆ ಬಿರಿಯಾನಿಯು ಇತರ ಹೊಟೇಲ್‌ನಂತೆ ಹೆಚ್ಚು ಜನಪ್ರಿಯವಾಗಿಲ್ಲ, ಆದರೆ ಸೌಮ್ಯವಾದ ಮಸಾಲೆ ಸೇರಿಸಿರುವ ಬಿರಿಯಾನಿಯನ್ನು ಇಷ್ಟಪಡುವವರಿಗೆ ಪ್ರಿಯವಾಗಬಹುದು. ನೀವು ಹೆಚ್ಚು ಮಸಾಲೆ ಬಯಸಿದರೆ ಇಲ್ಲಿನ ಚಿಕನ್ ಫ್ರೈ ಅನ್ನು ಆರ್ಡರ್ ಮಾಡಬಹುದು.
ಎಲ್ಲಿ: ಹಳ್ಳಿ ಜೊನ್ನೆ ಬಿರಿಯಾನಿ, #44, 4, 13ನೇ ಮುಖ್ಯ ರಸ್ತೆ, ಬಿಎಚ್‌ಎಸ್ ಕಾಲೇಜು ಎದುರು, 4ನೇ ಟಿ ಬ್ಲಾಕ್ ಪೂರ್ವ, ಕೆವಿ ಲೇಔಟ್, ಜಯನಗರ
ಯಾವಾಗ: ಬೆಳಿಗ್ಗೆ 7 ರಿಂದ ಸಂಜೆ 4.30 ಮತ್ತು ಸಂಜೆ 7 ರಿಂದ ರಾತ್ರಿ 10.30
ಬೆಲೆ: ಇಬ್ಬರಿಗೆ 400 ರೂ.
6. ಶ್ರೀ ಮಾರುತಿ ಮಿಲಿಟರಿ ಹೋಟೆಲ್
ರಾಜಾಜಿನಗರದಲ್ಲಿರುವ ಕಡಿಮೆ ಪ್ರಸಿದ್ಧವಾಗಿರುವ ಶ್ರೀ ಮಾರುತಿ ಮಿಲಿಟರಿ ಹೋಟೆಲ್‌ನಲ್ಲಿ ಅತಿ ರುಚಿಕರವಾದ ದೊನ್ನೆ ಬಿರಿಯಾನಿ ದೊರಕುತ್ತದೆ. ಹೆಚ್ಚು ರುಚಿಕರ (Taste)ವಾಗಿರುವ ಬಿರಿಯಾನಿಯನ್ನು ನೀವು ಮಟನ್ ಫ್ರೈ ಅಥವಾ ಪೆಪ್ಪರ್ ಚಿಕನ್‌ನೊಂದಿಗೆ ಸವಿಯಬಹುದು. ಒಂದು ಸಾರಿ ಇಲ್ಲಿನ ಬಿರಿಯಾನಿಯನ್ನು ಸವಿದರೆ ನೀವು ಮತ್ತೆ ಮತ್ತೆ ಅಲ್ಲಿಗೆ ತೆರಳುವುದು ಖಂಡಿತ.
ಎಲ್ಲಿ: ಶ್ರೀ ಮಾರುತಿ ಮಿಲಿಟರಿ ಹೋಟೆಲ್, ನಂ. 122/1, ಕೇತಾರಾಮನಹಳ್ಳಿ, 1ನೇ ಬ್ಲಾಕ್, ರಾಜಾಜಿ ನಗರ
ಯಾವಾಗ: ಬೆಳಿಗ್ಗೆ 6 ರಿಂದ ರಾತ್ರಿ 11 ರವರೆಗೆ
ಬೆಲೆ: ಇಬ್ಬರಿಗೆ 300 ರೂ.
