ದೇವರಿಗಷ್ಟೇ ಅಲ್ಲ ಮನುಷ್ಯರಿಗೂ ಪ್ರಭೆಯಿದೆ; ನಿಮ್ಮ ಪ್ರಭೆಯ ಬಣ್ಣ ಯಾವ್ದು ಗೊತ್ತಾ?
ಪ್ರತಿಯೊಬ್ಬ ಮಾನವರೂ ತಮ್ಮದೇ ಆದ ಪ್ರಭಾವಳಿ ಹೊಂದಿರುತ್ತಾರೆ ಹಾಗೂ ಆ ಪ್ರಭೆಗೆ ತನ್ನದೇ ಆದ ಬಣ್ಣವೂ ಇರುತ್ತದೆ ಎಂದರೆ ಅಚ್ಚರಿಯಾಗಬಹುದು. ಪ್ರತಿಯೊಂದು ರಾಶಿಯ ಜನರಿಗೂ ಅವುಗಳ ಕಾಸ್ಮಿಕ್ ಎನರ್ಜಿಯ ಪ್ರಭಾವದಿಂದ ನಿರ್ದಿಷ್ಟ ಬಣ್ಣದ ಪ್ರಭೆ ರೂಪುಗೊಂಡಿರುತ್ತದೆ.
 )
Followದೇವರ ಭಾವಚಿತ್ರಗಳಲ್ಲಿ ಅವರ ದೇಹದ ಸುತ್ತ ಒಂದು ರೀತಿಯ ಪ್ರಭಾವಳಿಯನ್ನು ಕಾಣುತ್ತೇವೆ. ದೇವರಿಗೆ ಮಾತ್ರವಲ್ಲ, ನಮ್ಮಂತಹ ಸಾಮಾನ್ಯ ಮನುಷ್ಯರು ಸಹ ಪ್ರಭಾವಳಿ ಹೊಂದಿರುತ್ತೇವೆ, ಅದು ಬರಿಕಣ್ಣಿಗೆ ಕಾಣಿಸುವುದಿಲ್ಲ ಅಷ್ಟೇ. ಆ ಪ್ರಭೆಯ ಕಾರಣದಿಂದಾಗಿಯೇ ಕೆಲವರ ಬಳಿ ಹೋದಾಗ ಹೆಚ್ಚು ಆತ್ಮೀಯ, ಆಪ್ತವಾದ ಭಾವನೆ ಮೂಡಬಹುದು, ಹಿತವೆನಿಸಬಹುದು ಅಥವಾ ನಕಾರಾತ್ಮಕ ಭಾವನೆಗಳು ಉಂಟಾಗಿ ಅವರಿಂದ ದೂರ ಸರಿಯಬೇಕು ಎಂದು ಅನಿಸಬಹುದು. ಒಟ್ಟಿನಲ್ಲಿ ಪ್ರಕೃತಿಯ ಪ್ರತಿಯೊಂದು ಜೀವಿಗೂ ತನ್ನದೇ ಆದ ಪ್ರಭೆಯಿರುತ್ತದೆ ಹಾಗೂ ಆ ಪ್ರಭೆಗೆ ಬಣ್ಣವೂ ಇರುತ್ತದೆ. ಆಯಾ ರಾಶಿಯ ಕಾಸ್ಮಿಕ್ ಎನರ್ಜಿ ಆ ಜನರ ಪ್ರಭೆಯ ಬಣ್ಣದ ಮೇಲೆ ಪ್ರಭಾವ ಹೊಂದಿರುತ್ತದೆ.ಈಗ, ರಾಶಿಚಕ್ರಕ್ಕೆ ಅನುಗುಣವಾಗಿ, ಯಾವ ರಾಶಿಯ ಜನರಿಗೆ ಎಂತಹ ಬಣ್ಣದ ಪ್ರಭಾವಳಿ ಇರುತ್ತದೆ ಎನ್ನುವುದನ್ನು ಅರಿತುಕೊಳ್ಳೋಣ.
• ಮೇಷ (Aries)
ಮೇಷ ರಾಶಿಯ ಜನ ತಮ್ಮ ಉತ್ಸಾಹ ಮತ್ತು ಮುನ್ನುಗ್ಗುವ ಸ್ವಭಾವಕ್ಕೆ ಹೆಸರು. ಬೆಂಕಿಯಂತಹ ಸ್ವಭಾವದ ಇವರ ಪ್ರಭೆಯ ಬಣ್ಣ ಬೆಂಕಿಯಂಥದ್ದೇ ಕೆಂಪು (Red). ಇದು ಇವರ ಡೈನಮಿಕ್ ಸ್ವಭಾವವನ್ನು ಪ್ರತಿನಿಧಿಸುತ್ತದೆ.
ಸಂತಾನ ಭಾಗ್ಯವೇ ಇಲ್ಲವೆಂದರೆ ಈ ಜೋತಿಷ್ಯ ಪರಿಹಾರ ಫಾಲೋ ಮಾಡಿ!
• ವೃಷಭ (Taurus)
ವೃಷಭ ರಾಶಿಯ ಜನ ಭೂಮಿ ತತ್ವವನ್ನು ಪ್ರತಿನಿಧಿಸುತ್ತಾರೆ. ಈ ಜನರ ಪ್ರಭೆ ಸಹ ಹಸಿರು (Green) ಬಣ್ಣದಿಂದ ಕೂಡಿರುತ್ತದೆ. ಇದು ಇವರ ಆರೈಕೆ ಮಾಡುವ ಗುಣ ಹಾಗೂ ನೆಲದ ಸಹಜತೆಯನ್ನು ಬಿಂಬಿಸುತ್ತದೆ.
• ಮಿಥುನ (Gemini)
ಬುದ್ಧಿವಂತಿಕೆ ಹಾಗೂ ಕುತೂಹಲ ಮೇಳೈಸಿರುವ ಮಿಥುನ ರಾಶಿಯ ಜನರ ಪ್ರಭೆ ದಟ್ಟ ಹಳದಿ (Yellow) ಬಣ್ಣದಲ್ಲಿರುತ್ತದೆ. ಇವರ ಸಂವಹನದ ಸಾಮರ್ಥ್ಯ ಹಾಗೂ ವ್ಯಕ್ತಪಡಿಸುವಿಕೆಯ ಗುಣವನ್ನು ಇದು ಪ್ರತಿನಿಧಿಸುತ್ತದೆ.
• ಕರ್ಕಾಟಕ (Cancer)
ಭಾವನಾತ್ಮಕ ಜಲ ತತ್ವದ ರಾಶಿ ಕರ್ಕಾಟಕದ ಜನರು ಶಾಂತವಾದ ನೀಲಿ (Blue) ಬಣ್ಣದ ಪ್ರಭೆ ಹೊಂದಿರುತ್ತಾರೆ. ಸೂಕ್ಷ್ಮ ಮನಸ್ಸು ಹಾಗೂ ಪ್ರೀತಿ ತುಂಬಿದ ಗುಣವನ್ನು ಇದು ಪ್ರತಿನಿಧಿಸುತ್ತದೆ.
• ಸಿಂಹ (Leo)
ನೈಸರ್ಗಿಕ ನಾಯಕತ್ವದ ಗುಣ ಹೊಂದಿರುವ ಸಿಂಹ ರಾಶಿಯ ಜನರ ಪ್ರಭಾವಳಿ (Aura) ಚಿನ್ನದ (Gold) ಬಣ್ಣದಿಂದ ಹೊಳೆಯುತ್ತದೆ. ವರ್ಚಸ್ಸು ಮತ್ತು ಆತ್ಮವಿಶ್ವಾಸವನ್ನು ಇದು ಎತ್ತಿ ತೋರುತ್ತದೆ.
• ಕನ್ಯಾ (Virgo)
ಶುದ್ಧತೆ ಮತ್ತು ಮೌಲ್ಯವನ್ನು ಪ್ರತಿಪಾದಿಸುವ ಕನ್ಯಾ ರಾಶಿಯ ಜನರ ಪ್ರಭಾವಳಿ ಶುದ್ಧವಾದ ಬಿಳಿ (White) ಬಣ್ಣದಿಂದ ಕೂಡಿರುತ್ತದೆ. ಇವರು ಜೀವನದ ಕುರಿತು ಹೊಂದಿರುವ ವಿಮರ್ಶಾತ್ಮಕ ಮತ್ತು ವಿಸ್ತೃತ ಧೋರಣೆಯನ್ನು ಇದು ಬಿಂಬಿಸುತ್ತದೆ.
ಈ ರಾಶಿಯವರು ಚುಂಬಿಸುವುದರಲ್ಲಿ ನಿಸ್ಸೀಮರು.. ನೀವು ಪಟ್ಟಿಯಲ್ಲಿದ್ದೀರಾ?
• ತುಲಾ (Libra)
ರಾಶಿಚಕ್ರದ ಪೈಕಿ ಅತ್ಯಂತ ಡಿಪ್ಲೊಮ್ಯಾಟಿಕ್ ರಾಶಿ ಎಂದೇ ಕರೆಸಿಕೊಳ್ಳುವ ತುಲಾ ರಾಶಿಯ ಜನರ ಪ್ರಭೆಯು ತಿಳಿಯಾದ ಗುಲಾಬಿ ಬಣ್ಣ (Pink Color) ಹೊಂದಿದೆ. ಇವರ ಸಾಮರಸ್ಯದ ಗುಣ ಹಾಗೂ ವರ್ಚಸ್ಸಿನ ಗುಣಧರ್ಮವನ್ನು ಇದು ವ್ಯಕ್ತಪಡಿಸುತ್ತದೆ.
• ವೃಶ್ಚಿಕ (Scorpio)
ತೀವ್ರತೆ ಮತ್ತು ನಿಗೂಢತೆಯನ್ನು ಮೇಳೈಸಿಕೊಂಡಿರುವ ವೃಶ್ಚಿಕ ರಾಶಿಯ ಜನರ ಪ್ರಭಾವಳಿ ದಟ್ಟವಾದ ನೇರಳೆ (Deep Purple) ಬಣ್ಣದಿಂದ ಕೂಡಿರುತ್ತದೆ. ಈ ಬಣ್ಣ ನಿಗೂಢ ಮನೋಭಾವ ಮತ್ತು ಪ್ಯಾಷನೇಟ್ ವ್ಯಕ್ತಿತ್ವವನ್ನು ತೋರುತ್ತದೆ.
• ಧನು (Sagittarius)
ಅಪರಿಮಿತ ಆಶಾವಾದಿಯಾಗಿರುವ ಧನು ರಾಶಿಯ ಜನರ ಪ್ರಭೆ ಕೇಸರಿ (Orange) ಬಣ್ಣದಿಂದ ಕೂಡಿರುತ್ತದೆ. ಕೇಸರಿಯ ಹೊಳಪು ಇವರ ಸಾಹಸಾತ್ಮಕ, ಮುಕ್ತ ಚಿಂತನೆ ಹೊಂದಿರುವ ಮನೋಧರ್ಮವನ್ನು ಬಿಂಬಿಸುತ್ತದೆ.
• ಮಕರ (Capricorn)
ಭೂಮಿ ತತ್ವದ ಮಕರ ರಾಶಿಯ ಜನ ಕಂದುಬಣ್ಣದ (Brown) ಪ್ರಭೆಯನ್ನು ಹೊಂದಿದ್ದಾರೆ. ಸ್ಥಿರತೆ ಮತ್ತು ಪ್ರಾಯೋಗಿಕ ಮನೋಭೂಮಿಕೆಯನ್ನು ಇದು ಪ್ರತಿನಿಧಿಸುತ್ತದೆ.
• ಕುಂಭ (Aquarius)
ಸಹಜತೆಯನ್ನು ಮೇಳೈಸಿಕೊಂಡಿರುವ ಕುಂಭ ರಾಶಿಯ ಜನರ ಪ್ರಭಾವಳಿ ನೀಲಿ ಬಣ್ಣದಿಂದ ಕೂಡಿದೆ. ಇದು, ಅನ್ವೇಷಣಾತ್ಮಕ ಹಾಗೂ ಅಸಾಂಪ್ರದಾಯಿಕ ಚಿಂತನೆಯನ್ನು ಬಿಂಬಿಸುತ್ತದೆ.
• ಮೀನ (Pisces)
ಕನಸುಗಾರರಾಗಿರುವ ಮೀನ ರಾಶಿಯ ಜನ ಲ್ಯಾವೆಂಡರ್ (Lavender) ಬಣ್ಣದ ಪ್ರಭಾವಳಿ ಹೊಂದಿದ್ದಾರೆ. ಕಲಾತ್ಮಕ ಮತ್ತು ಸಹಾನುಭೂತಿಯನ್ನು ಇದು ಪ್ರತಿನಿಧಿಸುತ್ತದೆ.
