ತಿರುಮಲ ತಿರುಪತಿ ದೇವಸ್ಥಾನಂ ಬೋರ್ಡ್ (ಟಿಟಿಡಿ) ಏಪ್ರಿಲ್ನಲ್ಲಿ ನಿಗದಿಯಾಗಿರುವ ವಿವಿಧ ದರ್ಶನಗಳಿಗೆ ಟಿಕೆಟ್ಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದ್ದು, ಇಂದಿನಿಂದ ಎರಡು ದಿನಗಳ ಕಾಲ ಆನ್ಲೈನ್ ಬುಕಿಂಗ್ಗಳು ಪ್ರಾರಂಭವಾಗಿವೆ.
ತಿರುಪತಿ (ಜ.23): ತಿರುಮಲ ತಿರುಪತಿ ದೇವಸ್ಥಾನಂ ಬೋರ್ಡ್ (ಟಿಟಿಡಿ) ಏಪ್ರಿಲ್ನಲ್ಲಿ ನಿಗದಿಯಾಗಿರುವ ವಿವಿಧ ದರ್ಶನಗಳಿಗೆ ಟಿಕೆಟ್ಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದ್ದು, ಇಂದಿನಿಂದ ಆನ್ಲೈನ್ ಬುಕಿಂಗ್ಗಳು ಪ್ರಾರಂಭವಾಗಿದೆ. ಇದು ಎರಡು ದಿನಗಳವರೆಗೆ ಮುಂದುವರಿಯಲಿವೆ. ಭಕ್ತರು ಇಂದು ವಿಶೇಷ ದರ್ಶನ ಟಿಕೆಟ್ಗಳನ್ನು ಆನ್ಲೈನ್ನಲ್ಲಿ ಪಡೆಯಬಹುದು, ಬೆಳಿಗ್ಗೆ 10 ಗಂಟೆಗೆ ಅಂಗ ಪ್ರದಕ್ಷಿಣೆ ಟೋಕನ್ಗಳು ಮಾರಾಟವಾಗಿದ್ದು, 11 ಗಂಟೆಗೆ ಶ್ರೀವಾಣಿ ದರ್ಶನ ಟಿಕೆಟ್ಗಳು ಮತ್ತು ಮಧ್ಯಾಹ್ನ 3 ಗಂಟೆಗೆ ವೃದ್ಧರು ಮತ್ತು ಅಂಗವಿಕಲರಿಗೆ ದರ್ಶನ ಟಿಕೆಟ್ಗಳನ್ನು ಬಿಡುಗಡೆ ಮಾಡಿದೆ.
ಇದಲ್ಲದೆ, ಟಿಟಿಡಿ ನಾಳೆ ಬೆಳಿಗ್ಗೆ 10 ಗಂಟೆಯಿಂದ ಪ್ರಾರಂಭವಾಗುವ 300 ರೂ.ಗಳ ವಿಶೇಷ ಪ್ರವೇಶ ದರ್ಶನ ಟಿಕೆಟ್ಗಳನ್ನು ನೀಡಲಿದೆ. ಇತ್ತೀಚೆಗೆ ತಿರುಮಲದಲ್ಲಿ ವೈಕುಂಠದ್ವಾರ ದರ್ಶನದ ನಂತರ ಭಕ್ತರ ಸಂಖ್ಯೆ ಸ್ಥಿರವಾಗಿ ಹೆಚ್ಚುತ್ತಿದೆ. ವರದಿಯಾಗಿರುವಂತೆ, ಭಕ್ತರು ಪ್ರಸ್ತುತ ಆರು ವಿಭಾಗಗಳಲ್ಲಿ ಸರತಿ ಸಾಲಿನಲ್ಲಿ ನಿಂತು ದೇವರ ದರ್ಶನ ಪಡೆಯುತ್ತಿದ್ದಾರೆ. ಇದರಿಂದಾಗಿ ಟೋಕನ್ ಇಲ್ಲದೆ ಶ್ರೀವಾರಿಯ ದರ್ಶನ ಪಡೆಯಲು ಸುಮಾರು 8 ಗಂಟೆಗಳ ಕಾಲ ಕಾಯುವ ಸಮಯ ಬಂದಿದೆ.
ತಿರುಪತಿಯಲ್ಲಿ ಈ ದಿನದಿಂದ ಸಿಗಲು ಆರಂಭವಾಗಲಿದೆ ಸರ್ವದರ್ಶನ ಟೋಕನ್, ಮಾಹಿತಿ ನೀಡಿದ ಟಿಟಿಡಿ
ಇನ್ನೊಂದು ಅಪ್ಡೇಟ್ನಲ್ಲಿ ಟಿಟಿಡಿ ಅಧಿಕಾರಿಗಳು ಬುಧವಾರ ಒಟ್ಟು 62,223 ಭಕ್ತರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ, 19,704 ಮಂದಿ ಮುಡಿ ಅರ್ಪಿಸಿದ್ದಾರೆ ಎಂದು ವರದಿ ಮಾಡಿದ್ದಾರೆ. ದಿನದ ಹುಂಡಿ ಆದಾಯ ₹3.1 ಕೋಟಿ ಎಂದು ದಾಖಲಾಗಿದೆ.
ತಿರುಮಲದಲ್ಲಿ ಎಗ್ ಬಿರಿಯಾನಿ ಸೇವನೆ: ತಮಿಳುನಾಡು ಭಕ್ತರಿಗೆ ಎಚ್ಚರಿಕೆ ನೀಡಿ ಕಳಿಸಿದ ಪೊಲೀಸ್!
ಜನವರಿ 23 ರಿಂದ ತಿರುಮಲಕ್ಕೆ ಭೇಟಿ ನೀಡುವ ಭಕ್ತರಿಗೆ ಹಿಂದಿನ ಪದ್ಧತಿಯಂತೆ ಸರ್ವದರ್ಶನ ಟೋಕನ್ಗಳು ಲಭ್ಯವಿರಲಿದೆ ಎಂದು ಟಿಟಿಡಿ ಈಗಾಗಲೇ. ಅಲಿಪಿರಿ ಬಳಿಯ ಭೂದೇವಿ ಸಂಕೀರ್ಣ, ರೈಲ್ವೆ ನಿಲ್ದಾಣದಲ್ಲಿರುವ ವಿಷ್ಣು ನಿವಾಸ ಮತ್ತು ಬಸ್ ನಿಲ್ದಾಣದಲ್ಲಿರುವ ಶ್ರೀನಿವಾಸಂ ಕೌಂಟರ್ಗಳು ಸೇರಿದಂತೆ ಗೊತ್ತುಪಡಿಸಿದ ಸ್ಥಳಗಳಲ್ಲಿ ಟೋಕನ್ಗಳನ್ನು ಸಂಗ್ರಹಿಸಬಹುದು. ಈ ತಿಂಗಳ 10 ರಿಂದ 19 ರವರೆಗೆ ವೈಕುಂಠ ದರ್ಶನ ಅವಧಿ ಇದ್ದ ಕಾರಣಕ್ಕಾಗಿ ಎಂದಿನ ಸರ್ವದರ್ಶನ ಟಿಕೆಟ್ಅನ್ನು ರದ್ದು ಮಾಡಲಾಗಿತ್ತು. ವೈಕುಂಠ ದ್ವಾರ ದರ್ಶನ ಟಿಕೆಟ್ ಇದ್ದವರಿಗೆ ಮಾತ್ರವೇ 10 ರಿಂದ 19ರವರೆಗೆ ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಅವಕಾಶ ನೀಡಲಾಗಿತ್ತು.
