ಭವಿಷ್ಯದ ಸಮೃದ್ಧಿಯ ಸೂಚನೆ ನೀಡುತ್ತವೆ ಈ ಕನಸುಗಳು..
ಕೆಲವು ಕನಸುಗಳು ಭಯಾನಕವಾಗಿ ಕಾಣುತ್ತವೆ ಆದರೆ ಅವು ಸಂತೋಷ ಮತ್ತು ಸಮೃದ್ಧಿಯನ್ನು ಸೂಚಿಸುತ್ತವೆ. ಹೀಗೆ ಭವಿಷ್ಯದ ಸಮೃದ್ಧಿಯ ಸಂಕೇತಗಳನ್ನು ನೀಡುವ ಕನಸುಗಳ ಬಗ್ಗೆ ಇಲ್ಲಿ ಹೇಳಲಾಗಿದೆ.
Followಮಾನವ ಜೀವನದಲ್ಲಿ ಕನಸು ಕಾಣುವುದು ಸಾಮಾನ್ಯ ಪ್ರಕ್ರಿಯೆ. ಆದರೆ ಸಮುದ್ರಶಾಸ್ತ್ರದಲ್ಲಿ, ನಿಮ್ಮ ಕನಸುಗಳು ಕೇವಲ ಒಂದು ಪ್ರಕ್ರಿಯೆಯಾಗಿರುವುದಿಲ್ಲ, ಆದರೆ ಅವನ್ನು ಭವಿಷ್ಯದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಪ್ರಾಚೀನ ಕಾಲದಲ್ಲಿ, ರಾಜರು ಮತ್ತು ಚಕ್ರವರ್ತಿಗಳು ತಮ್ಮ ಆಳ್ವಿಕೆಯಲ್ಲಿ ಆಸ್ಥಾನದಲ್ಲಿ ಕನಸಿನ ತಜ್ಞರನ್ನು ನೇಮಿಸುತ್ತಿದ್ದರು. ಇದರಿಂದ ಅವರು ನೋಡುವ ಕನಸಿನ ಬಗ್ಗೆ ಸರಿಯಾಗಿ ತಿಳಿದುಕೊಳ್ಳಬಹುದು, ಅದರ ರಹಸ್ಯವನ್ನು ಅರ್ಥ ಮಾಡಿಕೊಳ್ಳಬಹುದು ಎಂದು ಭಾವಿಸಲಾಗುತ್ತಿತ್ತು.
ಕೆಲವು ಕನಸುಗಳು ನಿಮ್ಮ ತುಟಿಗಳಲ್ಲಿ ನಗುವನ್ನು ತರುತ್ತವೆ ಮತ್ತು ಕೆಲವು ಕನಸುಗಳು ನಿಮ್ಮ ಆತಂಕವನ್ನು ಹೆಚ್ಚಿಸುತ್ತವೆ. ಅಂದರೆ, ಸ್ವಪ್ನಶಾಸ್ತ್ರದ ಪ್ರಕಾರ, ನಿಮ್ಮ ಪ್ರತಿಯೊಂದು ಕನಸು ಏನನ್ನಾದರೂ ಹೇಳುತ್ತದೆ. ಕೆಲವು ಕನಸುಗಳು ಭಯಾನಕವಾಗಿ ಕಾಣುತ್ತವೆ, ಆದರೆ ಅವು ಸಂತೋಷ ಮತ್ತು ಸಮೃದ್ಧಿಯನ್ನೂ ಸೂಚಿಸುತ್ತಿರಬಹುದು. ಯಾವ ಕನಸುಗಳು ಭವಿಷ್ಯದ ಸಮೃದ್ಧಿಯ ಸಂಕೇತಗಳನ್ನು ನೀಡುತ್ತವೆ ಎಂದು ನೋಡೋಣ.
ಪ್ರಕಾಶಮಾನವಾದ ಸೂರ್ಯನ ಬೆಳಕನ್ನು ನೋಡುವುದು
ಸ್ವಪ್ನ ಶಾಸ್ತ್ರದ ಪ್ರಕಾರ, ನಿಮ್ಮ ಕನಸಿನಲ್ಲಿ ನೀವು ಪ್ರಕಾಶಮಾನವಾದ ಸೂರ್ಯನ ಬೆಳಕನ್ನು ನೋಡುತ್ತಿದ್ದರೆ, ಸಂತೋಷ ಪಡಿ. ವಾಸ್ತವವಾಗಿ ಈ ಕನಸು ಎಂದರೆ ನೀವು ಉದ್ಯೋಗದಲ್ಲಿ ಬಡ್ತಿ ಪಡೆಯಲಿದ್ದೀರಿ ಎಂದರ್ಥ. ಎಲ್ಲಿಂದಲಾದರೂ ಹಠಾತ್ ಹಣದ ಲಾಭದ ಸಾಧ್ಯತೆಗಳಿವೆ. ಜೀವನದಲ್ಲಿ ಪ್ರಗತಿಯ ಹಾದಿ ಸುಗಮವಾಗಲಿದೆ.
ಶುಕ್ರ ಮಂಗಳ ಯುತಿಯಿಂದ ಈ ರಾಶಿಗಳಿಗೆ ಮಹಾ ಲಾಭ
ಕನಸಿನಲ್ಲಿ ಟೋಪಿ ಧರಿಸಿರುವುದನ್ನು ನೋಡುವುದು
ನಿಮ್ಮ ಕನಸಿನಲ್ಲಿ ನೀವೇ ಟೋಪಿ ಧರಿಸಿರುವುದನ್ನು ನೋಡಿದರೆ, ಈ ಕನಸು ನೀವು ಶೀಘ್ರದಲ್ಲೇ ಲಾಭವನ್ನು ಪಡೆಯಲಿದ್ದೀರಿ ಎಂದು ತೋರಿಸುತ್ತದೆ. ಕೆಲಸದ ಸ್ಥಳದಲ್ಲಿ ನಿಮ್ಮ ಪ್ರಭಾವ ಹೆಚ್ಚಾಗಲಿದೆ. ಶೀಘ್ರದಲ್ಲೇ ನೀವು ಹೊಸ ಜನರನ್ನು ಭೇಟಿಯಾಗುತ್ತೀರಿ, ಅವರು ನಿಮಗೆ ಪ್ರಯೋಜನವನ್ನು ನೀಡುತ್ತಾರೆ. ನಿಮ್ಮ ಗೌರವವೂ ಹೆಚ್ಚಾಗುತ್ತದೆ ಎಂದು ಈ ಕನಸು ಹೇಳುತ್ತದೆ.
ಕನಸಿನಲ್ಲಿ ಶಾಪಿಂಗ್ ಮಾಡುವುದು
ನೀವು ಮಾರುಕಟ್ಟೆಯಲ್ಲಿ ಶಾಪಿಂಗ್ ಮಾಡುತ್ತಿರುವುದನ್ನು ನೀವು ನೋಡಿದರೆ, ಈ ಕನಸು ನಿಮಗೆ ತುಂಬಾ ಮಂಗಳಕರವಾಗಿರುತ್ತದೆ. ಇದರರ್ಥ ಮುಂಬರುವ ದಿನಗಳಲ್ಲಿ ಎಲ್ಲವೂ ನಿಮಗೆ ಒಳ್ಳೆಯದಾಗಲಿದೆ. ಆರ್ಥಿಕ ಬಿಕ್ಕಟ್ಟಿನಿಂದ ಮುಕ್ತಿ ಪಡೆಯಲಿದ್ದೀರಿ. ಲಾಭ ಮತ್ತು ಪ್ರಗತಿಯ ಹಾದಿಯೂ ಸುಗಮವಾಗಲಿದೆ.
ಹಾರುವುದನ್ನು ನೋಡುವುದು
ನಿಮ್ಮ ಕನಸಿನಲ್ಲಿ ನೀವು ವಿಮಾನದಲ್ಲಿ ಹಾರುತ್ತಿರುವುದನ್ನು ನೋಡಿದರೆ, ಇದರರ್ಥ ನೀವು ಪ್ರಯಾಣಕ್ಕೆ ಹೋಗಬಹುದು ಮತ್ತು ಮುಂಬರುವ ಸಮಯವು ನಿಮಗೆ ಸಂತೋಷ ಮತ್ತು ಸಮೃದ್ಧಿಯ ಸಮಯವಾಗಿರುತ್ತದೆ. ಅದೇ ಸಮಯದಲ್ಲಿ, ನೀವು ಶೀಘ್ರದಲ್ಲೇ ಯಶಸ್ಸಿನ ಮೆಟ್ಟಿಲುಗಳನ್ನು ಏರಲಿದ್ದೀರಿ ಎಂದೂ ಅರ್ಥೈಸಬಹುದು.
ಚಂದ್ರಗ್ರಹಣದ ಬಳಿಕ ಹೆಚ್ಚಲಿದೆ ಸಮುದ್ರದುಬ್ಬರ; ಸುನಾಮಿ ಸಾಧ್ಯತೆ
ಕನಸಿನಲ್ಲಿ ಹಲ್ಲಿಯನ್ನು ನೋಡುವುದು
ಕನಸಿನಲ್ಲಿ ಹಲ್ಲಿಯನ್ನು ನೋಡುವುದನ್ನು ಸಮುದ್ರಶಾಸ್ತ್ರದಲ್ಲಿ ಮಂಗಳಕರ ಕನಸು ಎಂದು ಪರಿಗಣಿಸಲಾಗುತ್ತದೆ. ನಿಮ್ಮ ಜೀವನದಲ್ಲಿ ಸಂತೋಷವು ಶೀಘ್ರದಲ್ಲೇ ಬರಲಿದೆ ಎಂದು ಈ ಕನಸು ತೋರಿಸುತ್ತದೆ. ಹಲ್ಲಿಯ ಕನಸು ಶತ್ರುಗಳನ್ನು ತೊಡೆದು ಹಾಕುವುದನ್ನೂ ಸೂಚಿಸುತ್ತದೆ.
ಕೆಲಸ ಕಳೆದುಕೊಳ್ಳುವುದು
ನೀವು ಕಚೇರಿಯಲ್ಲಿ ಕೆಲಸದಿಂದ ವಜಾವಾದಂತೆ ಕನಸು ಬಿದ್ದರೆ, ನೀವು ಬಡ್ತಿ ಪಡೆಯಲಿದ್ದೀರಿ ಎಂದರ್ಥ. ನೀವು ಉತ್ತಮ ಮತ್ತು ಹೊಸ ಅವಕಾಶಗಳನ್ನು ಸಹ ಪಡೆಯಬಹುದು.
