ನಿಜವಾಗುತ್ತೆಯೇ ಸೌರ ಚಂಡಮಾರುತದ ಬಗ್ಗೆ ಬಾಬಾ ವಾಂಗಾ ಭಯಾನಕ ಭವಿಷ್ಯ? ಬರ್ತಾರಾ ಏಲಿಯನ್ಸ್?
2023ರಲ್ಲಿ ಸಂಭಾವ್ಯ ಸೌರ ಚಂಡಮಾರುತದ ಕುರಿತು ಬಾಬಾ ವಾಂಗಾ ಹೇಳಿದ ಭವಿಷ್ಯವಾಣಿಯು ಈಗಾಗಲೇ ನಿಜವಾಗುತ್ತಿದೆ. ಈ ವರ್ಷಕ್ಕೆ ಬಾಬಾ ಭವಿಷ್ಯಗಳು ಇನ್ನೂ ಏನಿವೆ?
Followಬಾಬಾ ವಾಂಗಾ ಭವಿಷ್ಯವಾಣಿಗಳು ಒಂದರ ಮೇಲೊಂದು ನಿಜವಾಗಿ ಭಯ ಹುಟ್ಟಿಸುತ್ತಿವೆ. ಇದುವರೆಗೂ ಬಾಬಾ ನುಡಿದ ದೊಡ್ಡ ಭವಿಷ್ಯವಾಣಿಗಳಲ್ಲಿ 9/11 ಭಯೋತ್ಪಾದಕ ದಾಳಿ, ಫುಕುಶಿಮಾ ಪರಮಾಣು ದುರಂತ ಮತ್ತು ಐಸಿಸ್‌ನ ಉದಯ ಸೇರಿದಂತೆ ಹಲವು ಘಟನೆಗಳಿದ್ದವು. ಇವೆಲ್ಲವೂ ನಿಜವಾಗಿದ್ದು ಬಾಬಾ ವಾಂಗಾರಿಗೆ ವಿಶ್ವಾದ್ಯಂತ ಖ್ಯಾತಿಯನ್ನು ಗಳಿಸಿಕೊಟ್ಟಿದೆ. ಇದೀಗ 2023ರಲ್ಲಿ ನಡೆವ ಸಂಭಾವ್ಯ ಘಟನೆಗಳ ಮುನ್ಸೂಚನೆಯ ಬಗ್ಗೆ ಬಾಬಾ ಹೇಳಿದ್ದು, ಅವುಗಳಲ್ಲೊಂದು ಈಗಾಗಲೇ ನಿಜವಾಗುವ ಹಂತದಲ್ಲಿರುವುದು ನಿಜಕ್ಕೂ ಭಯಾನಕವಾಗಿದೆ.
ಸೌರ ಚಂಡಮಾರುತ(solar storm)
ಹೌದು, 2023ರಲ್ಲಿ ಸೌರ ಚಂಡಮಾರುತ ಸಂಭವಿಸುತ್ತದೆ ಎಂದು ವಾಂಗಾ ಹೇಳಿದ್ದರು. ಇದೀಗ ವಿಜ್ಞಾನಿಗಳು ಸುಮಾರು ಒಂದು ದಶಕದ ಕಾಲ ಸಾಪೇಕ್ಷ ನೆಮ್ಮದಿಯ ಅವಧಿಯಿಂದ ಸೂರ್ಯನು ಹೊರ ಹೊಮ್ಮಬಹುದೆಂದು ಸೂಚಿಸಿದ್ದಾರೆ. ಇದು ಭೂಮಿಯ ಮೇಲೆ ಸಮಸ್ಯೆಗಳಿಗೆ ಕಾರಣವಾಗಬಹುದು. ಸೂರ್ಯನ ಈ ಸಕ್ರಿಯ ಹಂತದಲ್ಲಿ ಹೊರಹೊಮ್ಮುವ ಸೌರ ಜ್ವಾಲೆಗಳು ವಿದ್ಯುತ್ ಗ್ರಿಡ್ ಮತ್ತು ಜಿಪಿಎಸ್ ಸಿಗ್ನಲ್‌ಗಳನ್ನು ಒಳಗೊಂಡಂತೆ ವಿವಿಧ ವ್ಯವಸ್ಥೆಗಳನ್ನು ಅಡ್ಡಿಪಡಿಸುವ ವಿದ್ಯುತ್ಕಾಂತೀಯ ಶಕ್ತಿಯ ಉಲ್ಬಣಗಳನ್ನು ಬಿಡುಗಡೆ ಮಾಡುತ್ತವೆ. ಸೌರ ಚಂಡಮಾರುತವು ಭೂಮಿಯ ತಾಂತ್ರಿಕ ಮೂಲಸೌಕರ್ಯದ ಮೇಲೆ ಹಾನಿಕಾರಕ ಪರಿಣಾಮಗಳನ್ನು ಉಂಟು ಮಾಡಬಹುದು.
2023ರಲ್ಲಿ ಸೌರ ಚಂಡಮಾರುತವು ಭೂಮಿಗೆ ಅಪ್ಪಳಿಸಿದರೆ, ಅದು ಭಾರಿ ವಿದ್ಯುತ್ ಕಡಿತವನ್ನು ಉಂಟುಮಾಡಬಹುದು, ನಮ್ಮ ಸಂವಹನ ಮತ್ತು ಸಾರಿಗೆ ವ್ಯವಸ್ಥೆಗಳನ್ನು ದುರ್ಬಲಗೊಳಿಸಬಹುದು. ಪ್ರತಿಯಾಗಿ, ಇದು ಸಾಮಾಜಿಕ ಅವ್ಯವಸ್ಥೆ ಮತ್ತು ಆರ್ಥಿಕ ಬಿಕ್ಕಟ್ಟುಗಳಿಗೆ ಕಾರಣವಾಗಬಹುದು. ಅಂತಹ ಚಂಡಮಾರುತದ ಪರಿಣಾಮಗಳು ವರ್ಷಗಳವರೆಗೆ ಅನುಭವಿಸಬಹುದು, ಇದು ನಮ್ಮ ದೈನಂದಿನ ಜೀವನಕ್ಕೆ ವ್ಯಾಪಕವಾದ ಅಡ್ಡಿ ಉಂಟು ಮಾಡುತ್ತದೆ.
ಈ ಟೈಂ ಟ್ರಾವೆಲರ್ ಪ್ರಕಾರ ಇಂದು ಭೂಮಿಗೆ ಬರುವ ಏಲಿಯನ್ 8000 ಜನರನ್ನು ಅಪಹರಿಸಲಿದ್ದಾನೆ!
ಶೀಘ್ರದಲ್ಲೇ ಭೂಮಿಗೆ ಅಪ್ಪಳಿಸಲಿದೆ ಸೌರ ಚಂಡಮಾರುತ?
ಡಾ. ಎರಿಕಾ ಪಾಲ್ಮೆರಿಯೊ ಮಾಡಿದ ಅವಲೋಕನಗಳ ಆಧಾರದ ಮೇಲೆ, ಸೂರ್ಯನ ಸಮಭಾಜಕದ ಬಳಿ ಒಂದು ಕಾಂತೀಯ ತಂತು ಇದೆ, ಅದು ಬೃಹತ್ ಪ್ರಮಾಣದ ಕಾಂತಕ್ಷೇತ್ರದ ರೇಖೆಗಳೊಂದಿಗೆ ಗದ್ದಲದಲ್ಲಿದೆ. ಇದರರ್ಥ ಅದು ಶೀಘ್ರದಲ್ಲೇ ಸ್ಫೋಟಿಸಬಹುದು ಮತ್ತು ಸೌರ ಚಂಡಮಾರುತದ ಮತ್ತೊಂದು ಅಲೆಯನ್ನು ನಮ್ಮ ಗ್ರಹದ ಕಡೆಗೆ ಕಳುಹಿಸಬಹುದು. ಈ ಸ್ಟ್ರೀಮರ್ ಹೊರಗೆ ಹೋದರೆ, ಇದು ಭೂಮಿಯ ಮೇಲೆ ಅಪಾಯಕಾರಿ ಸೌರ ಚಂಡಮಾರುತವನ್ನು ಉಂಟು ಮಾಡುತ್ತದೆ. ಆದಾಗ್ಯೂ, ಅದು ಸ್ಫೋಟಗೊಳ್ಳುತ್ತದೆಯೇ ಅಥವಾ ಇಲ್ಲವೇ ಎಂಬುದು ಖಚಿತವಾಗಿಲ್ಲ.
ಬಾಬಾ ವಾಂಗಾ ಯಾರು?
ಬಾಬಾ ವಂಗಾ ಅವರು 1911 ಮತ್ತು 1996 ರ ನಡುವೆ ವಾಸಿಸುತ್ತಿದ್ದ ಬಲ್ಗೇರಿಯನ್ ಮಹಿಳೆ. ಈಕೆ ಪ್ರಕೃತಿ ವೈಪರೀತ್ಯದಲ್ಲಿ ತನ್ನ ಕಣ್ಣುಗಳನ್ನು ಕಳೆದುಕೊಂಡ ಬಳಿಕ ಅತೀಂದ್ರಿಯ ಶಕ್ತಿ ಹೊಂದಿದ್ದಾಗಿ ನಂಬಲಾಗಿದೆ. 11ನೇ ವಯಸ್ಸಿನಿಂದಲೂ ಅವರು ಅಸಾಧಾರಣ ಮಾನಸಿಕ ಸಾಮರ್ಥ್ಯಗಳನ್ನು ಗಳಿಸಿದರು. ಪ್ರಪಂಚದ ಬಹುತೇಕ ಆಗುಹೋಗುಗಳನ್ನು ಬಾಬಾ ವಾಂಗಾ ನಿಖರವಾಗಿ ಊಹಿಸಿದ್ದಾರೆ. ಅವರ ಪ್ರಕಾರ, 5079ರಲ್ಲಿ ಪ್ರಪಂಚ ಅಂತ್ಯ ಕಾಣುತ್ತದೆ.
2023ಕ್ಕೆ ಬಾಬಾ ವಾಂಗಾ ಅವರ ಇತರ ಭವಿಷ್ಯವಾಣಿಗಳು
1. ಭೂಮಿಯ ಕಕ್ಷೆಯಲ್ಲಿ ಶಿಫ್ಟ್: ಭೂಮಿಯ ಕಕ್ಷೆಯು 2023ರಲ್ಲಿ ಬದಲಾಗಬಹುದು, ಗುರುತ್ವಾಕರ್ಷಣೆಯ ಬಲಗಳನ್ನು ಬದಲಾಯಿಸುವುದರಿಂದ ತೀವ್ರವಾದ ಪರಿಸರ ಪರಿಣಾಮಗಳನ್ನು ಉಂಟುಮಾಡುತ್ತದೆ. ಕ್ಷುದ್ರಗ್ರಹದ ಪ್ರಭಾವವು ಆಮೂಲಾಗ್ರ ಬದಲಾವಣೆಯ ಪರಿಣಾಮಗಳನ್ನು ಹದಗೆಡಿಸಬಹುದು.
2. ಬಯೋವೆಪನ್ ದುಷ್ಕೃತ್ಯ: ಒಂದು ದೊಡ್ಡ ದೇಶವು 2023ರಲ್ಲಿ ಜೈವಿಕ ಶಸ್ತ್ರಾಸ್ತ್ರ ಪರೀಕ್ಷೆಗಳನ್ನು ನಡೆಸುತ್ತದೆ ಎಂದು ವಾಂಗಾ ಹೇಳಿದ್ದಾರೆ. ಸಂಭಾವ್ಯ ಲ್ಯಾಬ್ ಸೋರಿಕೆ ಮತ್ತು ಜೈವಿಕ ಶಸ್ತ್ರಾಸ್ತ್ರಗಳ ಬಿಡುಗಡೆಯಿಂದ ಇದು ಜಾಗತಿಕವಾಗಿ ಸಮಸ್ಯೆಯಾಗಲಿದೆ.
ಇಷ್ಟಾರ್ಥ ಈಡೇರಿಕೆಗಾಗಿ ಕೆಂಪು ದಾರದ ಈ ಸರಳ ಪರಿಹಾರ ಕಾರ್ಯ ಕೈಗೊಳ್ಳಿ..
3. ಪರಮಾಣು ಸ್ಥಾವರದಲ್ಲಿ ಸ್ಫೋಟ: ಪರಮಾಣು ವಿದ್ಯುತ್ ಸ್ಥಾವರದಲ್ಲಿನ ಸ್ಫೋಟವನ್ನು ವಾಂಗಾ ಈ ವರ್ಷಕ್ಕೆ ಊಹಿಸಿದ್ದಾರೆ. ವಿಷಕಾರಿ ಮೋಡಗಳು ಏಷ್ಯಾವನ್ನು ಆವರಿಸುತ್ತದೆ ಮತ್ತು ಇತರ ದೇಶಗಳಿಗೆ ಹರಡುತ್ತದೆ, ಇದು ತೀವ್ರ ಅನಾರೋಗ್ಯಕ್ಕೆ ಕಾರಣವಾಗುತ್ತದೆ ಎಂದವರು ಹೇಳಿದ್ದಾರೆ.
4. ಪ್ರಯೋಗಾಲಯಗಳಲ್ಲಿ ಮಾನವ ಜನನ: 2023ರಿಂದ, ಮಾನವ ಶಿಶುಗಳು ಲ್ಯಾಬ್‌ಗಳಲ್ಲಿ ಜನಿಸುತ್ತವೆ. ಅಲ್ಲಿ ಅವರ ದೈಹಿಕ ರೂಪ ಮತ್ತು ಪಾತ್ರವನ್ನು ನಿಯಂತ್ರಿಸಬಹುದು, ಜನನ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಬದಲಾಯಿಸಬಹುದು ಎಂದು ಅತೀಂದ್ರಿಯ ಮಹಿಳೆ ಭವಿಷ್ಯ ನುಡಿದಿದ್ದಾರೆ.
5. ಏಲಿಯನ್ ದಾಳಿ: ಬಾಬಾ ವಂಗಾ ಅವರು 2023 ರಲ್ಲಿ ಅನ್ಯಲೋಕದ ಆಕ್ರಮಣವಾಗಲಿದೆ ಮತ್ತು ಇದು ಲಕ್ಷಾಂತರ ಜನರ ಸಾವಿಗೆ ಕಾರಣವಾಗಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ. ಸ್ವಯಂ ಘೋಷಿತ ಟೈಮ್ ಟ್ರಾವೆಲರ್ ಎಂದು ಹೇಳಿಕೊಂಡ ವ್ಯಕ್ತಿಯೂ ಏಲಿಯನ್‌ಗಳು ಈ ವರ್ಷ ಭೂಮಿಗೆ ಬರುವುದನ್ನು ಹೇಳಿರುವುದನ್ನು ಇಲ್ಲಿ ಸ್ಮರಿಸಬಹುದು.
