Ramanujacharya Jayanti 2023: ವೈಷ್ಣವ ಸಂಪ್ರದಾಯ ಬೆಳೆಸಿದ ಮಹನೀಯ
ಇಂದು ದಕ್ಷಿಣ ಭಾರತದ ತತ್ವಜ್ಞಾನಿ ಮತ್ತು ಚಿಂತಕ ರಾಮಾನುಜಾಚಾರ್ಯರ ಜಯಂತಿ. ಈ ಮಹನೀಯರ ಬಗ್ಗೆ ನಿಮಗೆಷ್ಟು ಗೊತ್ತು?
 )
Followವೈಶಾಖ ಮಾಸದ ಶುಕ್ಲ ಪಕ್ಷದ ಪಂಚಮಿ ತಿಥಿಯಂದು ದಕ್ಷಿಣ ಭಾರತದ ತತ್ವಜ್ಞಾನಿ ಮತ್ತು ಶ್ರೇಷ್ಠ ಚಿಂತಕ ರಾಮಾನುಜಾಚಾರ್ಯರ ಜನ್ಮದಿನ. ಈ ದಿನವನ್ನು ಪ್ರತಿ ವರ್ಷ ಶ್ರೀ ರಾಮಾನುಜಾಚಾರ್ಯ ಜಯಂತಿ ಎಂದು ಆಚರಿಸಲಾಗುತ್ತದೆ. ರಾಮಾನುಜಾಚಾರ್ಯರನ್ನು ವೈಷ್ಣವ ಧರ್ಮದ ತತ್ವಶಾಸ್ತ್ರ ಮತ್ತು ನೀತಿಗಳನ್ನು ಪ್ರತಿಪಾದಿಸಿದ ಅತ್ಯಂತ ಜ್ಞಾನವುಳ್ಳ ಆಚಾರ್ಯ ಎಂದು ಗೌರವಿಸಲಾಗುತ್ತದೆ.
ರಾಮಾನುಜಾಚಾರ್ಯ ಜಯಂತಿ ತಿಥಿ
ದೃಕ್ ಪಂಚಾಂಗದ ಪ್ರಕಾರ, ರಾಮಾನುಜಾಚಾರ್ಯರ ಜಯಂತಿಯನ್ನು ಆಚರಿಸುವ ಮಂಗಳಕರ ಸಮಯವು ಏಪ್ರಿಲ್ 25 ರಂದು ಬೆಳಿಗ್ಗೆ 2:07 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಏಪ್ರಿಲ್ 26 ರಂದು ಬೆಳಿಗ್ಗೆ 4:21 ಕ್ಕೆ ಕೊನೆಗೊಳ್ಳುತ್ತದೆ. ಈ ಸಮಯವನ್ನು ತಿರುವತಿರೈ ನಕ್ಷತ್ರಂ ಎಂದೂ ಕರೆಯಲಾಗುತ್ತದೆ. ಈ ವರ್ಷ ರಾಮಾನುಜ ಎಂದೂ ಕರೆಯಲ್ಪಡುವ ಶ್ರೀ ರಾಮಾನುಜಾಚಾರ್ಯರ 1006 ನೇ ಜನ್ಮದಿನವನ್ನು ಆಚರಿಸಲಾಗುತ್ತಿದೆ.
ರಾಮಾನುಜಾಚಾರ್ಯರ ಕುರಿತು
1017 CEನಲ್ಲಿ ತಮಿಳುನಾಡಿನ ಕಾಂಚೀಪುರಂ ಜಿಲ್ಲೆಯ ಶ್ರೀ ಪೆರಂಬದೂರಿನಲ್ಲಿ ರಾಮಾನುಜರು ಕಾಂತಿಮತಿ ಮತ್ತು ಅಸುರಿ ಕೇಶವ ಸೋಮಯಾಜಿಯವರಿಗೆ ಜನಿಸಿದರು. ಬಾಲಕನ ಬಾಲ್ಯದ ಹೆಸರು ಲಕ್ಷ್ಮಣ. ಇವರನ್ನು ರಾಮನ ಸಹೋದರ ಲಕ್ಷ್ಮಣನ ಪುನರ್ಜನ್ಮ ಎಂದೇ ಬಾವಿಸಲಾಗುತ್ತದೆ. ವೈಷ್ಣವರ ಶಿಷ್ಯರಾಗಿದ್ದ ಅವರು ಭಗವಾನ್ ವಿಷ್ಣುವಿನ ಮಹಾನ್ ಭಕ್ತರಾಗಿದ್ದರು ಮತ್ತು ಅವರ ಇಡೀ ಜೀವನವನ್ನು ಆತನನ್ನು ಪೂಜಿಸಲು ಮೀಸಲಿಟ್ಟರು. ಭಕ್ತಿಮಾರ್ಗವನ್ನು ಹಿಡಿದು ಸನ್ಯಾಸಿಯಾದರು. 1137 CE ನಲ್ಲಿ ಶ್ರೀರಂಗಂನಲ್ಲಿ ತಮ್ಮ ಭೌತಿಕ ದೇಹವನ್ನು ತೊರೆದು ಪರಮಾತ್ಮನೊಂದಿಗೆ ಐಕ್ಯವಾದರು.
ಇಂದು ಶಂಕರಾಚಾರ್ಯ ಜಯಂತಿ; ಅಲ್ಪಾಯುಷ್ಯದಲ್ಲಿ ಅಗಾಧ ಸಾಧನೆ ಮಾಡಿದ ಭಗವದ್ಪಾದರು
ಬಾಲ್ಯದಿಂದಲೂ ವಿಭಿನ್ನ ಮಗು
ರಾಮಾನುಜರು ಅದ್ವೈತ ವೇದಾಂತದ ಜ್ಞಾನವನ್ನು ಕಾಂಚೀಪುರದಲ್ಲಿ ಪಡೆದರು. ಆದಾಗ್ಯೂ, ರಾಮಾನುಜರ ಆಲೋಚನೆಗಳು ಅವರ ಗುರುಗಳಾದ ಯಾದವ ಪ್ರಕಾಶರ ಆಲೋಚನೆಗಳಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿತ್ತು, ಅದು ಅವರನ್ನು ಬೇರೆ ದಾರಿಯಲ್ಲಿ ನಡೆಸಲು ಕಾರಣವಾಯಿತು. ಅವರು ತನ್ನ ಶಿಕ್ಷಕರಿಂದ ಬೇರ್ಪಟ್ಟರು ಮತ್ತು ಸ್ವಂತ ಶಿಕ್ಷಣವನ್ನು ಪೂರ್ಣಗೊಳಿಸಿದನು. ಸ್ವತಃ ಜ್ಞಾನೋದಯವಾದ ನಂತರ, ರಾಮಾನುಜರು ವಿಷ್ಣುವಿಗೆ ಸಮರ್ಪಿತವಾದ ವರ್ಧರಾಜ ಪೆರುಮಾಳ್ ದೇವಸ್ಥಾನದಲ್ಲಿ ಅರ್ಚಕರಾಗಲು ಆಯ್ಕೆ ಮಾಡಿಕೊಂಡರು. ನಂತರ, ಅವರು ವಿಷ್ಣುವಿನ ಬಗ್ಗೆ ಜ್ಞಾನವನ್ನು ಹರಡಲು ಪ್ರಾರಂಭಿಸಿದರು ಮತ್ತು ಭಕ್ತಿ ಮಾರ್ಗವನ್ನು ಅನುಸರಿಸಲು ಜನರನ್ನು ಪ್ರೇರೇಪಿಸಿದರು.
ರಾಮಾನುಜಾಚಾರ್ಯರು ಬರೆದ ಪುಸ್ತಕಗಳು
ದೇಶಾದ್ಯಂತ ಸುದೀರ್ಘ ಪ್ರಯಾಣದ ನಂತರ, ರಾಮಾನುಜರು ಶ್ರೀರಂಗಂನಲ್ಲಿ ತಮ್ಮ ಶಾಶ್ವತ ನಿವಾಸವನ್ನು ಕಂಡುಕೊಂಡರು. ಅಲ್ಲಿ ಅವರು ದೇವಾಲಯದ ಪೂಜೆಯನ್ನು ಮಾಡುತ್ತಾ ಭಗವಾನ್ ವಿಷ್ಣು ಮತ್ತು ಶ್ರೀ ಲಕ್ಷ್ಮಿಯ ಭಕ್ತಿಯ ಸಿದ್ಧಾಂತವನ್ನು ಹರಡಲು ಕೇಂದ್ರಗಳನ್ನು ರಚಿಸಿದರು. ರಾಮಾನುಜರು ಭಕ್ತಿಯನ್ನು ಉತ್ತೇಜಿಸಲು ತಮ್ಮದೇ ಆದ ಬೋಧನಾ ಶೈಲಿಯನ್ನು ರಚಿಸಿದರು ಮತ್ತು ಮೂರು ಪ್ರಮುಖ ಪುಸ್ತಕಗಳನ್ನು ಬರೆದರು: ಶ್ರೀ ಭಾಷ್ಯ, ವೇದಾರ್ಥ ಸಂಗ್ರಹ ಮತ್ತು ಭಗವತ್ ಗೀತಾ ಭಾಷ್ಯ. ಭಕ್ತಿ ಚಳುವಳಿಯನ್ನು ಉತ್ತೇಜಿಸುವಲ್ಲಿ ಮತ್ತು ವೈಷ್ಣವ ಸಂಪ್ರದಾಯದ ಬೆಳವಣಿಗೆಯಲ್ಲಿ ರಾಮಾನುಜರು ನಿರ್ಣಾಯಕ ಪಾತ್ರವನ್ನು ವಹಿಸಿದರು. ಅವರು ಎಲ್ಲರಿಗೂ ವಿಶಿಷ್ಟಾದ್ವೈತ ವೇದಾಂತದ ತತ್ವಗಳ ಬೋಧನೆಗಳನ್ನು ನೀಡಿದರು. 'ನವರತ್ನಗಳು' ರಾಮಾನುಜ ಆಚಾರ್ಯರ ಒಂಬತ್ತು ಅತ್ಯಂತ ಗುರುತಿಸಲ್ಪಟ್ಟ ಮತ್ತು ಮಹತ್ವದ ಕೃತಿಗಳು ಮತ್ತು ಕಾರ್ಯಗಳಿಗೆ ಒದಗಿಸಿದ ಹೆಸರು.
ಮೇಷದಿಂದ ಕುಂಭದವರೆಗೆ; 6 ರಾಶಿಗಳಿಗೆ ಗುರು ಉದಯದಿಂದ ಭಾಗ್ಯೋದಯ
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
