Buddha Amritwani: ಗೆಲ್ಲಬೇಕಂದ್ರೆ ಪರಿಶ್ರಮ ಬೇಕೇ ಬೇಕು, ಸಂತೋಷ ಬೇಕಂದ್ರೆ ಸರಿಯಾದ ಯೋಚನೆ ಬೇಕು!
ಒಬ್ಬ ವ್ಯಕ್ತಿಯು ಯಶಸ್ವಿಯಾಗಲು ಉತ್ತಮ ಆಲೋಚನೆಗಳನ್ನು ಅಳವಡಿಸಿಕೊಳ್ಳುವುದು ಅವಶ್ಯಕ. ಗೌತಮ ಬುದ್ಧನು ಯಶಸ್ವಿಯಾಗಲು ಇರಬೇಕಾದ 5 ಜೀವನ ಸೂತ್ರಗಳನ್ನು ತಿಳಿಸಿದ್ದಾನೆ. ಅವುಗಳನ್ನು ಅಳವಡಿಸಿಕೊಂಡ ಯಾರೂ ಜೀವನದಲ್ಲಿ ಸೋಲುವುದು ಸಾಧ್ಯವಿಲ್ಲ.
ಗೌತಮ ಬುದ್ಧ ತನ್ನೆಲ್ಲ ಲೌಕಿಕ ಸುಖಗಳನ್ನು ತ್ಯಜಿಸಿ ಜ್ಞಾನೋದಯ ಹೊಂದಿದ ಕತೆ ಎಲ್ಲರಿಗೂ ಗೊತ್ತೇ ಇದೆ. ಜ್ಞಾನೋದಯದ ನಂತರದ ಬುದ್ಧನ ಒಂದೊಂದು ಆಲೋಚನೆಯೂ ಒಂದೊಂದು ಮುತ್ತು. ಮಹಾತ್ಮ ಬುದ್ಧನ ಆಲೋಚನೆಗಳನ್ನು ಸಂತೋಷ ಮತ್ತು ಯಶಸ್ವಿ ಜೀವನದ ಸೂತ್ರಗಳು ಎಂದು ಕರೆಯಲಾಗುತ್ತದೆ. ಏಕೆಂದರೆ, ಬುದ್ಧನ ಬೋಧನೆಗಳಿಗೆ ಯಾರ ಜೀವನ ಬೇಕಾದರೂ ಬದಲಿಸುವ ಶಕ್ತಿ ಇದೆ. ಗೌತಮ ಬುದ್ಧನ ಈ ಚಿಂತನೆಗಳಲ್ಲಿ ಬದುಕಿನ ಹಲವು ರಹಸ್ಯ ಅಡಗಿವೆ.
ಬುದ್ಧನು ಯಶಸ್ವಿ ಬದುಕಿಗೆ ನೀಡಿದ ಹಲವಾರು ಸೂತ್ರಗಳಲ್ಲಿ 5 ಸೂತ್ರಗಳನ್ನು ಇಲ್ಲಿ ಹಂಚಿಕೊಂಡಿದ್ದೇವೆ. ಅವನ್ನು ಅಳವಡಿಸಿಕೊಂಡರೆ ಖಂಡಿತಾ ಯಶಸ್ಸು ನಿಮ್ಮ ಹಾದಿಯಲ್ಲಿ ಬರುವುದರಲ್ಲಿ ಅನುಮಾನವಿಲ್ಲ.
ನಿರ್ಭೀತಿಯಿಂದ ಮುನ್ನಡೆಯಿರಿ: ಸುಮ್ಮನೇ ಕುಳಿತಲ್ಲೇ ಕನಸು ಕಂಡರೆ ಒಬ್ಬ ವ್ಯಕ್ತಿ ಯಶಸ್ವಿಯಾಗಲು ಸಾಧ್ಯವಾಗುವುದಿಲ್ಲ. ಅದೇ ರೀತಿ ಕಷ್ಟಗಳಿಗೆ ಹೆದರಿ ಅನೇಕರು ಕೆಲಸವನ್ನು ಅಪೂರ್ಣವಾಗಿ ಬಿಡುತ್ತಾರೆ. ಆದ್ದರಿಂದ ನೀವು ಜೀವನದಲ್ಲಿ ಯಶಸ್ವಿಯಾಗಲು ಬಯಸಿದರೆ, ನಿಮ್ಮಲ್ಲಿ ಸಕಾರಾತ್ಮಕತೆಯನ್ನು ಇಟ್ಟುಕೊಳ್ಳಿ ಮತ್ತು ನಿರ್ಭಯವಾಗಿ ಕೆಲಸ ಮಾಡಿ. ಸೋಲೋ, ಗೆಲುವು ಅಂದುಕೊಂಡಿದ್ದು ಆಗಲು ಸಾಕಷ್ಟು ಪ್ರಯತ್ನ ಹಾಕಿ ಮುಂದುವರಿಯಿರಿ. ಮುನ್ನಡೆಯದೆ ಮುಂದೇನಿದೆ ಎಂದು ತಿಳಿಯುವುದಿಲ್ಲ.
Pregnancy Myths: ಗರ್ಭಿಣಿ ಸೌಂದರ್ಯ ಕಡಿಮೆಯಾದ್ರೆ ಹೆಣ್ಣು ಮಗು ಹುಟ್ಟುತ್ತಾ?
ಕಠಿಣ ಪರಿಶ್ರಮವಿಲ್ಲದೆ ಏನನ್ನೂ ಸಾಧಿಸಲಾಗುವುದಿಲ್ಲ: ಸೋಮಾರಿತನ ಮತ್ತು ಆಲಸ್ಯದಿಂದ ಜೀವನವು ಹಾಳಾಗುತ್ತದೆ. ಸಂತೋಷ ಮತ್ತು ಸಮೃದ್ಧ ಜೀವನವನ್ನು ನಡೆಸಲು ಏಕೈಕ ಮಾರ್ಗವೆಂದರೆ ಕಠಿಣ ಪರಿಶ್ರಮ. ಅದಕ್ಕಾಗಿಯೇ ಮೂರ್ಖರನ್ನು ನಿಷ್ಪ್ರಯೋಜಕ ಎಂದು ಕರೆಯಲಾಗುತ್ತದೆ ಮತ್ತು ಬುದ್ಧಿವಂತರು ಶ್ರಮಜೀವಿಗಳು. ಅದಕ್ಕಾಗಿಯೇ ಜೀವನದಲ್ಲಿ ಯಶಸ್ವಿಯಾಗಲು ಅಥವಾ ಏನನ್ನಾದರೂ ಸಾಧಿಸಲು ಕಠಿಣ ಪರಿಶ್ರಮ ಅಗತ್ಯ. ಕಷ್ಟಪಟ್ಟು ದುಡಿಯಿರಿ. ಏಕೆಂದರೆ ಕಠಿಣ ಪರಿಶ್ರಮವಿಲ್ಲದೆ ಏನನ್ನೂ ಸಾಧಿಸಲಾಗುವುದಿಲ್ಲ.
ನೀವು ಸಂತೋಷವಾಗಿರಲು ಬಯಸಿದರೆ, ಉತ್ತಮವಾದುದನ್ನೇ ಯೋಚಿಸಿ: ಬುದ್ಧನು ಹೇಳಿದ್ದಾನೆ, ನಾವು ಏನು ಯೋಚಿಸುತ್ತೇವೆಯೋ ಅದೇ ಆಗುತ್ತೇವೆ. ಆದ್ದರಿಂದ ಮನಸ್ಸು ಶುದ್ಧವಾದಾಗ ಸಂತೋಷವು ನೆರಳಿನಂತೆ ನಮ್ಮನ್ನು ಹಿಂಬಾಲಿಸುತ್ತದೆ. ಅದಕ್ಕಾಗಿಯೇ ಯಾವಾಗಲೂ ಧನಾತ್ಮಕವಾಗಿರಿ ಮತ್ತು ಧನಾತ್ಮಕವಾಗಿ ಯೋಚಿಸಿ. ಎಷ್ಟೇ ಕಠಿಣ ಪರಿಸ್ಥಿತಿಯಿದ್ದರೂ, ಸಂತೋಷದಿಂದ ಮತ್ತು ಸಕಾರಾತ್ಮಕವಾಗಿ ಯೋಚಿಸುವುದರಿಂದ, ನಿಮ್ಮ ಜೀವನದಲ್ಲಿ ಸಂತೋಷ ಉಳಿಯುತ್ತದೆ. ವ್ಯಕ್ತಿಯ ಆಲೋಚನೆಯು ಜೀವನವನ್ನು ಬದಲಾಯಿಸಬಹುದು ಮತ್ತು ಅದನ್ನು ಹಾಳು ಮಾಡಬಹುದು. ನಿಮ್ಮ ಆಲೋಚನೆಯು ಕಣ್ಣು, ಕಿವಿ, ಮೂಗು, ನಾಲಿಗೆ ಮತ್ತು ಚರ್ಮ ಎಂಬ 5 ಇಂದ್ರಿಯಗಳಿಂದ ರೂಪುಗೊಂಡಿದೆ ಎಂದು ಹೇಳಲಾಗುತ್ತದೆ. ಅದಕ್ಕಾಗಿಯೇ ಸಂತೋಷವಾಗಿರಿ ಮತ್ತು ಚೆನ್ನಾಗಿ ಯೋಚಿಸಿ.
Indications For Bad Time: ಕೆಟ್ಟ ಸಮಯ ಬರೋಕೂ ಮುಂಚೆ ನೀಡುತ್ತೆ ಈ ಸೂಚನೆ!
ಒಳ್ಳೆಯ ಸಹವಾಸದಲ್ಲಿರಿ: ಗೌತಮ ಬುದ್ಧ ಹೇಳುವಂತೆ, ಕಪಟ ಮತ್ತು ದುಷ್ಟ ಸ್ನೇಹಿತ ಕಾಡು ಪ್ರಾಣಿಗಿಂತ ಅಪಾಯಕಾರಿ. ಏಕೆಂದರೆ ಕಾಡು ಪ್ರಾಣಿಯೊಂದು ದಾಳಿ ಮಾಡಿದಾಗ ಅದು ನಿಮ್ಮ ದೇಹವನ್ನು ಘಾಸಿಗೊಳಿಸುತ್ತದೆ. ಆದರೆ ಕೆಟ್ಟ ಸ್ನೇಹಿತ ನೇರವಾಗಿ ನಿಮ್ಮ ಹೃದಯವನ್ನು ಗಾಯಗೊಳಿಸುತ್ತಾನೆ. ಅದಕ್ಕೇ ಹೇಳೋದು ನಿಮ್ಮ ಸಹವಾಸ ಹೇಗಿದೆಯೋ ಹಾಗೆ ಆಗುತ್ತೀರಿ ಅಂತ. ಸದಾ ಒಳ್ಳೆಯ ಸಹವಾಸದಲ್ಲಿರಬೇಕೆಂದು ಬುದ್ಧ ಹೇಳುತ್ತಾನೆ.
ವರ್ತಮಾನದಲ್ಲಿ ಬದುಕು: ಗೌತಮ ಬುದ್ಧನು ಹೇಳುತ್ತಾನೆ, ಇಂದು ಬದುಕಿ ಮತ್ತು ಭವಿಷ್ಯದ ಬಗ್ಗೆ ಚಿಂತಿಸಬೇಡಿ. ಒಬ್ಬ ವ್ಯಕ್ತಿಯು ತನ್ನ ಪ್ರಸ್ತುತ ಕ್ಷಣದ ಬಗ್ಗೆ ಗಮನ ಕೇಂದ್ರೀಕರಿಸಬೇಕು. ಏಕೆಂದರೆ ಇದು ದುಃಖ ಮತ್ತು ಚಿಂತೆಗಳನ್ನು ತೊಡೆದುಹಾಕಲು ಮುಖ್ಯ ಮಾರ್ಗವಾಗಿದೆ ಮತ್ತು ಅದು ನಿಮ್ಮನ್ನು ಶಾಂತಿಯತ್ತ ಕೊಂಡೊಯ್ಯುತ್ತದೆ. ಭವಿಷ್ಯದ ಬಗ್ಗೆ ಚಿಂತಿಸುವುದು ಯಾವಾಗಲೂ ನಿಮ್ಮನ್ನು ಕಾಡುತ್ತದೆ ಮತ್ತು ಚಿಂತೆಗೆ ದೂಡುತ್ತದೆ. ಆದರೆ ನೀವು ವರ್ತಮಾನದಲ್ಲಿ ಜೀವಿಸಿದರೆ, ನಿಮ್ಮ ಇಂದನ್ನು ನೀವು ಸುಧಾರಿಸುತ್ತೀರಿ.
