ರಾಮ ಸೀತೆ ವಾಸಿಸಿದ್ದ ಕನಕ ಮಹಲ್‌ನಲ್ಲಿ ಡಾ ಬ್ರೋ! ಇನ್ನೂ ಇದೆ ದೇವರ ಕಾಲಿನ ಧೂಳಿನ ಘಮ
'ದೇವ್ರು ನಮ್ಮೆಲ್ಲರ ತಂದೆ ತಾಯಿ ರಾಮ ಸೀತೆ ವಾಸಿಸುತ್ತಿದ್ದ ಅಯೋಧ್ಯೆಯ ಕನಕ ಮಹಲ್‌ನಲ್ಲಿದೀನಿ' ಅಂತಾ ಡಾ ಬ್ರೋ ವಿಡಿಯೋ ತೋರಿಸ್ತಿದ್ರೆ, ನಿಜವಾಗಿ ಇದು ಆ ಮಹನೀಯರು ಓಡಾಡಿದ ಸ್ಥಳವೇ ಎಂದು ರೋಮಾಂಚನವಾಗುತ್ತದೆ.
'ದೇವ್ರು ನಮ್ಮೆಲ್ಲರ ತಂದೆ ತಾಯಿ ರಾಮ ಸೀತೆ ವಾಸಿಸುತ್ತಿದ್ದ ಅಯೋಧ್ಯೆಯ ಕನಕ ಮಹಲ್‌ನಲ್ಲಿದೀನಿ' ಅಂತಾ ಡಾ ಬ್ರೋ ವಿಡಿಯೋ ತೋರಿಸ್ತಿದ್ರೆ, ನಿಜವಾಗಿ ಇದು ಆ ಮಹನೀಯರು ಓಡಾಡಿದ ಸ್ಥಳವೇ ಎಂದು ರೋಮಾಂಚನವಾಗುತ್ತದೆ. ದಶರಥ ಕೈಕೇಯಿಗೆ ನೀಡಿದ, ಕೈಕೇಯಿ ಸೀತೆಗೆ ಉಡುಗೊರೆಯಾಗಿ ಕೊಟ್ಟ ಈ ಕನಕ ಮಹಲ್ ಬಗ್ಗೆ ಮತ್ತಷ್ಟು ತಿಳಿದುಕೊಳ್ಳೋ ಕುತೂಹಲ ಗರಿಗೆದರುತ್ತದೆ.
ಮರ್ಯಾದಾ ಪುರುಷೋತ್ತಮ ಭಗವಾನ್ ಶ್ರೀರಾಮನ ನಗರ ಅಯೋಧ್ಯೆಯಲ್ಲಿ ಅನೇಕ ಪುರಾತನ ದೇವಾಲಯಗಳು ಮತ್ತು ಐತಿಹಾಸಿಕ ಸ್ಥಳಗಳಿವೆ. ರಾಮ ಸೀತೆಗೆ ಸಂಬಂಧಿಸಿದ ಹಲವು ತಾಣಗಳಿವೆ. ಕೆಲವು ದೇವಾಲಯಗಳು ಮತ್ತು ಅರಮನೆಗಳು ಅಂದು ಅಯೋಧ್ಯೆಯನ್ನಾಳಿದ ಶ್ರೀ ರಾಮನಿಗೆ ನೇರವಾಗಿ ಸಂಬಂಧಿಸಿವೆ. ಅಂಥದರಲ್ಲೊಂದು ಕನಕ ಭವನ ದೇವಾಲಯ.
ಕನಕ ಮಹಲ್
ಅದ್ಭುತವಾದ ವಾಸ್ತುಶಿಲ್ಪ, ದೊಡ್ಡ ಪ್ರಾಂಗಣವನ್ನು ಹೊಂದಿರುವ ಈ ಭವನವನ್ನು ತಾಯಿ ಕೈಕೇಯಿ ಹೊಸತಾಗಿ ವಿವಾಹವಾಗಿ ಬಂದ ಸೀತೆಗೆ ಉಡುಗೊರೆಯಾಗಿ ನೀಡಿದರು ಎಂಬ ಕತೆಯಿದೆ. ಆ ಸಮಯದಲ್ಲಿ, ಇದು ಅಯೋಧ್ಯೆಯ ಅತ್ಯಂತ ದೈವಿಕ ಮತ್ತು ಶ್ರೀಮಂತ ಅರಮನೆಯಾಗಿತ್ತು. ವಿವಾಹದ ಬಳಿಕ ಭಗವಾನ್ ರಾಮ ಮತ್ತು ತಾಯಿ ಸೀತೆ ಕನಕ ಭವನದಲ್ಲಿ ವಾಸಿಸುತ್ತಿದ್ದರು.
ಅಮೆರಿಕಾ ನ್ಯೂಯಾರ್ಕ್‌ನ ಟೈಮ್ಸ್‌ ಸ್ಕ್ವೇರ್‌ನಲ್ಲೂ ರಾಮ ಮಂದಿರ ಉದ್ಘಾಟನೆ ನೇರಪ್ರಸಾರ
ಅಯೋಧ್ಯೆಯ ರಾಜ ದಶರಥನು ವಿಶ್ವಕರ್ಮ ನಿರ್ದೇಶನದಲ್ಲಿ ಪ್ರಮುಖ ಕುಶಲಕರ್ಮಿಗಳ ಸಹಾಯದಿಂದ ರಾಣಿ ಕೈಕೇಯಿಗಾಗಿ ಕನಕ ಭವನವನ್ನು ನಿರ್ಮಿಸಲು ನಿಯೋಜಿಸಿದನು. ಸ್ಥಳೀಯ ದಂತಕಥೆಯ ಪ್ರಕಾರ, ಕನಕ ಭವನದ ಯಾವುದೇ ಅನುಬಂಧಗಳಲ್ಲಿ ಪುರುಷರಿಗೆ ಪ್ರವೇಶವಿರಲಿಲ್ಲ. ಭಗವಂತನ ಅತ್ಯಂತ ನಿಷ್ಠಾವಂತ ಅನುಯಾಯಿ ಹನುಮಾನ್ ಕೂಡಾ ಇಲ್ಲಿ ಅಂಗಳದಲ್ಲಿ ನಿಲ್ಲಬೇಕಿತ್ತು. ಹಾಗಾಗಿ, ಈಗ ಇಲ್ಲಿರುವ ಕನಕ ಭವನದ ಗರ್ಭಗುಡಿಯಲ್ಲಿ ರಾಮ ಸೀತೆಯ ಹೊರತಾಗಿ ಬೇರೆ ಯಾರೂ ಇಲ್ಲ.
ರಾಮ ಸೀತೆಯ ಪುತ್ರ ಕುಶನು ತನ್ನ ಹೆತ್ತವರ ಪ್ರತಿಮೆಗಳನ್ನು ಇಲ್ಲಿನ ಗರ್ಭಗುಡಿಯಲ್ಲಿ ಸ್ಥಾಪಿಸಿದನೆಂಬ ಐತಿಹ್ಯವಿದೆ. ರಾಮನ ಮಗ ಕುಶ ಕನಕ ಭವನದಲ್ಲಿ ರಾಮಸೀತೆಯ ವಿಗ್ರಹಗಳನ್ನು ಸ್ಥಾಪಿಸುವ ಮೊದಲು ಕನಕ ಭವನವನ್ನು ಹಲವಾರು ಬಾರಿ ದುರಸ್ತಿ ಮಾಡಲಾಗಿದೆ.
ಶಾಸನದಲ್ಲಿ ಉಲ್ಲೇಖ
ಇಲ್ಲಿ ಪತ್ತೆಯಾದ ವಿಕ್ರಮಾದಿತ್ಯ ಕಾಲದ ಶಾಸನವು ದ್ವಾಪರ ಯುಗದ ;ದ್ವಾಪರ ಯುಗದ ವರ್ಣ' ಎಂಬ ಶಾಸನವನ್ನು ಹೊಂದಿದೆ. ಜರಾಸಂಧನನ್ನು ಕೊಂದ ನಂತರ, ಕೃಷ್ಣನು ಅಯೋಧ್ಯೆಗೆ ಹೋಗಿ, ಅಲ್ಲಿ ಕನಕ ಭವನದ ದಿಬ್ಬದ ಮೇಲೆ ತಪಸ್ಸು ಮಾಡುತ್ತಿದ್ದ ಪದ್ಮಾಸನ ದೇವಿಯನ್ನು ಭೇಟಿಯಾದನು ಎಂಬ ಉಲ್ಲೇಖವಿದೆ.
ಸಮುದ್ರಗುಪ್ತನು ಈ ಕಟ್ಟಡವನ್ನು ಸಂವತ್ 2431ರಲ್ಲಿ ದುರಸ್ತಿ ಮಾಡಿದ್ದಾನೆ. ಅಂದರೆ ಅದು ಸರಿಸುಮಾರು 2070 ವರ್ಷಗಳ ಹಿಂದೆ ಕನಕ ಭವನದ ಅಷ್ಟಕುಂಜ್ ಅನ್ನು 1761ರಲ್ಲಿ ಭಕ್ತ ಕವಿ ರಾಸಿಕ್ ಅಲಿ ಪುನರ್ನಿರ್ಮಿಸಿದ್ದಾನೆ.
ಮಾಲ್ಡೀವ್ಸ್‌ ಪ್ರವಾಸದಲ್ಲಿ ಭಾರತೀಯರದ್ದೇ ಮೇಲುಗೈ: 2023ರಲ್ಲಿ ಮಾಲ್ಡೀವ್ಸ್‌ಗೆ ಭೇಟಿ ನೀಡಿದ್ದು 17 ಲಕ್ಷ ಜನ!
ಪುನರ್ನಿರ್ಮಾಣ
ಕನಕ ಭವನ ಅರಮನೆಯು ಕಾಲಾನಂತರದಲ್ಲಿ ಕೆಡವಲ್ಪಟ್ಟಿತು, ಆದರೂ ಗ್ರಂಥಗಳು ಮತ್ತು ಹಳೆಯ ಧಾರ್ಮಿಕ ಇತಿಹಾಸದ ಆಧಾರದ ಮೇಲೆ ಈ ಸ್ಥಳದಲ್ಲಿ ಕನಕ ಭವನದ ಮರು ನಿರ್ಮಾಣವಾಗಿದೆ. ಓರ್ಚಾ ಸಾಮ್ರಾಜ್ಯದ ದೊರೆ ಸವಾಯಿ ಮಹೇಂದ್ರ ಪ್ರತಾಪ್ ಸಿಂಗ್ ಅವರ ಪತ್ನಿ ಮಹಾರಾಣಿ ವೃಷಭಾನು ಕುನ್ವಾರಿ ಅವರು ಪ್ರಸ್ತುತ ಕನಕ ಭವನದ ನಿರ್ಮಾಣವನ್ನು ನೋಡಿಕೊಳ್ಳುತ್ತಿದ್ದರು.
ಯಾತ್ರಿಕರು ಪ್ರವೇಶಿಸಬಹುದಾದ ದೇವಾಲಯದ ಬಲಿಪೀಠದ ಬಳಿ ಮಲಗುವ ಸ್ಥಳದಲ್ಲಿ ರಾಮ ವಿಶ್ರಾಂತಿ ಪಡೆಯುತ್ತಿದ್ದನು ಎನ್ನಲಾಗುತ್ತದೆ.
ಕನಕ ಭವನದಲ್ಲಿ ಇಂದಿಗೂ ದೇವರನ್ನು ಅನುಭವಿಸಬಹುದು. ಈ ನಂಬಿಕೆಯನ್ನು ಗಟ್ಟಿಯಾಗಿ ಹಿಡಿದಿರುವ ಸಂತರು ಮತ್ತು ಭಕ್ತರು ಈ ಸಂಕೀರ್ಣಕ್ಕೆ ಭೇಟಿ ನೀಡಿ ರಾಮನೊಂದಿಗೆ ಬಲವಾದ ಸಂಪರ್ಕವನ್ನು ಅನುಭವಿಸುತ್ತಾರೆ.
