ಮುಂಬೈ (ಸೆ.27): ಬಾಲಿವುಡ್ನಲ್ಲಿ ಖಾನ್ ತ್ರಯರನ್ನು ಹಿಂದಿಕ್ಕಿ ಮುಂಚೂಣಿಯಲ್ಲಿರುವ ನಟ ಅಕ್ಷಯ್ ಕುಮಾರ್. ಇವರು ಮಾಡಿದ ಸಾಲು ಸಾಲು ಸಿನಿಮಾಗಳು ಬಾಕ್ಸಾಫಿಸ್ ನಲ್ಲಿ ಸದ್ದು ಮಾಡಿದೆ.
ಇದೀಗ ಅಂತದ್ದೇ ಸೂಪರ್ ಹಿಟ್ ಸಿನಿಮಾ ಮಾಡಬೇಕಂತ ಪ್ಲಾನ್ ಮಾಡ್ತಾ ಇದ್ದಾರಂತೆ ಅಕ್ಕಿ. ಯಾವಾಗಲೂ ಹೊಸ ಹೊಸ ಕಥಾ ಹಂದರ ಇಟ್ಟುಕೊಂಡು ಸಿನಿಮಾ ಮಾಡುವ ಇವರು ಇದೀಗ ಯಾವ ವಿಷಯ ಇಟ್ಟುಕೊಂಡು ಮಾಡುತ್ತಿದ್ದಾರೆ ಗೊತ್ತಾ?
ಅಕ್ಕಿಗೆ ಕ್ರೀಡೆಯೆಂದರೆ ಪಂಚಪ್ರಾಣ. ಖುದ್ದು ಮಾರ್ಷಿಯಲ್ ಆರ್ಟ್ ಪ್ರವೀಣರಾಗಿರುವ ಅವರು, ಕಬಡ್ಡಿ ಕುರಿತಂತೆ ಸಿನಿಮಾವೊಂದನ್ನು ಮಾಡುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ. ಇದಕ್ಕಾಗಿ ಸೂಕ್ತ ಕಥೆಯೊಂದರ ಹುಡುಕಾಟ ನಡೆಸಿರುವುದಾಗಿ ಹೇಳಿರುವ ಅವರು, ಉತ್ತಮ ಕಥೆ ಸಿಕ್ಕ ಕೂಡಲೇ ಸಂಬಂಧಪಟ್ಟಎಲ್ಲಾ ಪೂರ್ವ ತಯಾರಿಗಳೊಂದಿಗೆ ಸಿನಿಮಾ ಶುರು ಮಾಡುವುದಾಗಿ ಅವರು ಹೇಳಿದ್ದಾರೆ. ಆ ಸಿನಿಮಾ ಬಾಕ್ಸಾಫಿಸ್ ನಲ್ಲಿ ಕಬಡ್ಡಿ...ಕಬಡ್ಡಿ ಅನ್ನುತ್ತಾ ಅನ್ನೋದು ಅಭಿಮಾನಿಗಳ ಕಾತರ.
