ಸ್ಯಾಂಡಲ್‌ವುಡ್‌ನಲ್ಲಿ ಮೋಡಿ ಮಾಡಲಿದ್ದಾರೆ ತಮನ್ನಾ ಭಾಟಿಯಾ?

ಕನ್ನಡಕ್ಕೆ ಬರಲಿದ್ದಾರೆ ತಮನ್ನಾ ಭಾಟಿಯಾ | ಪುನೀತ್ ರಾಜ್ ಕುಮಾರ್‌ಗೆ ನಾಯಕಿಯಾಗಲಿದ್ದಾರೆ ತಮನ್ನಾ  

ಬೆಂಗಳೂರು (ನ. 07): ಮಿಲ್ಕ್ ಬ್ಯೂಟಿ ತಮನ್ನಾ ಭಾಟಿಯಾ ಸ್ಯಾಂಡಲ್ ವುಡ್ ಗೆ ನಾಯಕಿಯಾಗಿ ಬರಲಿದ್ದಾರೆ ಎನ್ನುವ ಸುದ್ದಿಯೊಂದು ಗಾಂಧಿ ನಗರದಲ್ಲಿ ಗಿರಗಿಟ್ಲೆ ಹೊಡೆಯುತ್ತಿದೆ. 

ಪವರ್ ಸ್ಟಾರ್ ಪುನೀತ್ ಜೊತೆ ತಮನ್ನಾ ತೆರೆ ಹಂಚಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಸಂತೋಷ್ ಆನಂದರಾಮ್ ಹಾಗೂ ಹೊಂಬಾಳೆ ಫಿಲ್ಮ್ಸ್ ಮಾಡುತ್ತಿರುವ ಪುನೀತ್ ಮುಂಬರುವ ಚಿತ್ರ ’ಯುವರತ್ನ’ ದಲ್ಲಿ ತಮನ್ನಾ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. 

ತಮನ್ನಾ ಈಗಾಗಲೇ ಜಾಗ್ವಾರ್ ಹಾಗೂ ಕೆಜಿಎಫ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. "ಪವರ್ ಸ್ಟಾರ್ ಪುನೀತ್ ಜೊತೆ ಕೆಲಸ ಮಾಡಲು ನನಗಿಷ್ಟ" ಎಂದು ತಮನ್ನಾ ಹೇಳಿದ್ದಾರೆ.