ಕೇಟರಿಂಗ್ ಉದ್ಯಮಿಯ ಸಿನಿಮಾ ಸಹಾಸಗಳು

First Published 8, Sep 2018, 8:12 AM IST
Catering business man Chandrashekar acts and directs Sandalwood film
Highlights

ಅವನೊಬ್ಬನೇ ಚಿತ್ರ ರೆಡಿಯಾಗಿದೆ. ಇದು ಹೋಟೆಲ್ ಉದ್ಯಮಿ ಚಂದ್ರಶೇಖರ್ ನಿರ್ಮಾಣದಲ್ಲಿ ವಿವೇಕ್ ಚಕಾರಿ ನಿರ್ದೇಶಿಸಿರುವ ಚಿತ್ರ. ನಿರ್ಮಾಪಕ ಚಂದ್ರಶೇಖರ್ ಅವರೇ ಚಿತ್ರದ ನಾಯಕ ನಟ ಕೂಡ.

ಅಕ್ಷರಾ ಈ ಚಿತ್ರದ ನಾಯಕಿ. ಮೈಸೂರು ರಮಾನಂದ, ಶಿವಕುಮಾರ್ ಆರಾಧ್ಯ, ಜ್ಯೋತಿ ಮರೂರು, ಕುಷನ್ ಗೌಡ, ವಿಜಯಲಕ್ಷ್ಮಿ ಪಾತ್ರಧಾರಿಗಳು. ಚಿತ್ರತಂಡ ಇದೀಗ ಆಡಿಯೋ ಸೀಡಿ ಬಿಡುಗಡೆ ಮಾಡಿದೆ. ‘ಅವನೊಬ್ಬನೇ..’ಎನ್ನುವ ಈ ಚಿತ್ರದ ಟೈಟಲ್‌ಗೆ ‘ಮರೆಯಾದರು ನೀನು, ಮರೆಯಲಾರೆ ನಾನು’ ಎನ್ನುವ ಟ್ಯಾಗ್ ಲೈನ್ ಮೂಲಕ ದೇವನೊಬ್ಬನೇ ಎನ್ನುವುದನ್ನು ಹೇಳಹೊರಟಿದ್ದಾರಂತೆ ನಿರ್ದೇಶಕರು. ಅವರ ಪ್ರಕಾರ ಈ ಕತೆ ಹುಟ್ಟಿದ್ದೇ ವಿಶೇಷ. ‘ಅದು ರಾಜ್‌ಕುಮಾರ್ ಸ್ಮಾರಕದಲ್ಲಿ ಅವರ ಹುಟ್ಟು ಹಬ್ಬದ ಕಾರ್ಯಕ್ರಮ ನಡೆಯುತ್ತಿದ್ದ ಸಂದರ್ಭ. ಅಲ್ಲಿಗೆ ದೂರದ ಊರಿನಿಂದ ಬಂದಿದ್ದ ಅಣ್ಣಾವ್ರ ಅಭಿಮಾನಿಯೊಬ್ಬ ಒಂದು ಕತೆ ಹೇಳಿದ. ಆ ಕತೆಯೇ ಚಿತ್ರಕ್ಕೆ ಸ್ಫೂರ್ತಿ ಆಯಿತು. ಅಮಾಯಕ ಹುಡುಗನೊಬ್ಬ ಗೊತ್ತಿಲ್ಲದೇ ಒಂದು ಸಂಚಿನ ಸುಳಿಯಲ್ಲಿ ಸಿಲುಕುತ್ತಾನೆ. ಆ ಮೂಲಕ ಆತ ಹೇಗೆಲ್ಲ ಸಂಕಷ್ಟ ಎದುರಿಸಿದ, ಅಲ್ಲಿಂದ ಹೇಗೆ ಹೊರಬಂದ ಎನ್ನುವುದು ಆ ಕತೆಯ ಒಂದು ಎಳೆ. ಅದನ್ನೇ ಚಿತ್ರಕತೆ ರೂಪಕ್ಕೆ ತಂದು ಸಿನಿಮಾ ಮಾಡಿದ್ದೇವೆ’ ಎನ್ನುತ್ತಾರೆ ನಿರ್ದೇಶಕ ವಿವೇಕ್ ಚಕಾರಿ.

loader