ಮನೆಯಲ್ಲಿರುವ ನಾಯಿ, ಬಾತ್ರೂಂ ಕಮೋಡ್ ಯಾರು? ಇದೆಂಥಾ ಹೋಲಿಕೆ!
ಬಿಗ್ ಬಾಸ್ ಮನೆ 78 ದಿನಗಳನ್ನು ಕಳೆದಿದೆ. ಇಷ್ಟು ದಿನ ಕಳೆದರೂ ಸ್ಪರ್ಧಿಗಳ ನಡುವೆ ಹೊಗೆಯಾಡುತ್ತಿರುವ ವೈಮನಸ್ಸು ಮಾತ್ರ ಕಡಿಮೆ ಆಗಿಲ್ಲ.
ಬಿಗ್ ಬಾಸ್ ಮನೆ ಮಂದಿಗೆ ವಿಶೇಷ ಟಾಸ್ಕ್ ನೀಡಿದ್ದರು. ಕಾಮಿಡಿ ಶೋ ನಡೆಸಿಕೊಡಲು ಬಂದ ಆಂಡಿ ಮನೆ ಮಂದಿಯನ್ನು ತನ್ನದೇ ಭಾಷೆಯಲ್ಲಿ ವರ್ಣಿಸಲು ಆರಂಭಿಸಿದರು. ಮನೆ ಮಂದಿ ಯಾವ ವಸ್ತುವಿನ ತರಹ ಆಡುತ್ತಾರೆ ಎಂದು ಒಂದಾದ ಮೇಲೊಂದು ವಿವರಣೆ ನೀಡುತ್ತ ಸಾಗಿದರು.
ಶಶಿಯನ್ನು ಮನೆಯ ಗೋಡೆ ಕಾಂಟ್ರಾಕ್ಟರ್ ಎಂದ ಆಂಡಿ ಮನೆಯ ಎಲ್ಲೆಲ್ಲಿ ಗೋಡೆ ಸರಿಯಾಗಿಲ್ಲ ಎಂದು ಪರಿಶೀಲನೆ ನಡೆಸುತ್ತಿರುತ್ತಾರೆ. ಧನರಾಜ್ ಮನೆಯ ಸ್ಪೀಕರ್, ಅನೌಂಸರ್, ನವೀನ್ ಸಜ್ಜು ಮನೆಯ ಕ್ಯಾಮರಾ, ರಾಕೇಶ್ ಮನೆಯ ದೊಡ್ಡ ಖಾಲಿ ಡಬ್ಬ, ರಶ್ಮಿ ಕಿಚನ್ ನಲ್ಲಿರುವ ಮಸಾಲೆ ಪೌಡರ್..ಮನೆಗೆ ಬಂದಾಗ ಕಾರದಪುಡಿಯಾಗಿದ್ದವರು ಈಗ ಮೈದಾ ಹಿಟ್ಟು ಆಗಿದ್ದಾರೆ. ಕವಿತಾ ಬಿಗ್ ಬಾಸ್ ಮನೆಯ ಕಣ್ಣು.. ಅವರು ಓಡಾಡುತ್ತಿದ್ದರೆ ಎಲ್ಲರಿಗೂ ಸಂತಸ.. ಇನ್ನು ಅಕ್ಷತಾ ಬಿಗ್ ಬಾಸ್ ಮನೆಯ ಟಿವಿ.. ವಾರಾಂತ್ಯಕ್ಕೆ ಅವಳದ್ದೆ ಆಟ ಆಡುತ್ತಾಳೆ ಎಂದು ಹೇಳುತ್ತಾ ಹೋದರು.
ಬಿಗ್ ಬಾಸ್ ಮನೆಯಲ್ಲಿ ಮೇಘಶ್ರೀಗೆ ಇವರ ಮೇಲೆ ಲವ್ ಆಗಿತ್ತಂತೆ!
ಇದಕ್ಕೆ ಉತ್ತರಿಸಿದ ಮನೆ ಮಂದಿ ನೀನು ಏನು ಎಂದು ಪ್ರಶ್ನೆ ಮಾಡಿದರು. ನನ್ನನ್ನು ನಾನು ಹೊಲಿಸಿಕೊಳ್ಳಲ್ಲ ಎಂದಾಗ ಮನೆ ಮಂದಿ ಆಂಡಿ ಮೇಲೆ ಎಗರಿ ಬಿದ್ದರು. ಮೊದಲು ಮಾತನಾಡಿದ ಧನರಾಜ್ ಆಂಡಿಯನ್ನು ನಾಯಿಗೆ ಹೋಲಿಸಿದರು. ನೀನು ಪಮೇರಿಯನ್ ನಾಯಿ ತರ ಕೊನೆಗೆ ಮಾಲೀಕನಿಗೆ ಕಚ್ಚಿ ಬಿಡುತ್ತೆ. ಇದಕ್ಕೆ ದನಿ ಗೂಡಿಸಿದ ರಾಕೇಶ್ ನೀನು ಮನೆಯ ಬಾತ್ ರೂಂ ನಲ್ಲಿ ಇರವ ಕಮೋಡ್.. ಅದಕ್ಕೆ ಶೇಪ್ ಇಲ್ಲ.. ಅದನ್ನು ಕ್ಲೀನ್ ಮಾಡಲು ಬೇರೆಯವರು ಬಂದು ಫ್ಲಶ್ ಮಾಡಬೇಕು ಇದೇ ಕಮೋಡ್ ಆಂಡಿ ಎಂದು ಹೇಳಿದರು.