ಇದು ಪ್ರಜ್ವಲ್ ರೇವಣ್ಣ ಆಸ್ತಿ ವಿವರ, ಅಪ್ಪನ ಬಳಿಯೇ 1 ಕೋಟಿ ಸಾಲ..!
ಸಚಿವ ಎಚ್.ಡಿ.ರೇವಣ್ಣ ಅವರ ಪುತ್ರ ಪ್ರಜ್ವಲ್ ರೇವಣ್ಣ ಅವರು ಇಂದು [ಶುಕ್ರವಾರ] ಹಾಸನ ಲೋಕಸಭಾ ಕ್ಷೇತ್ರಕ್ಕೆ ಕಾಂಗ್ರೆಸ್ ಹಾಗು ಜೆಡಿಎಸ್ ಮೈತ್ರಿ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದರು. ಈ ವೇಳೆ ಪ್ರಜ್ವಲ್ ಘೋಷಿಸಿಕೊಂಡ ಆಸ್ತಿ ಮೌಲ್ಯ ಎಷ್ಟು..? ಸಂಪೂರ್ಣ ಆಸ್ತಿ ವಿವರ ಇಲ್ಲಿದೆ.
ಹಾಸನ, [ಮಾ.22]: ಹಾಸನ ಲೋಕಸಭಾ ಕ್ಷೇತ್ರದ ಮೈತ್ರಿ ಅಭ್ಯರ್ಥಿ ದೇವೇಗೌಡ ಅವರ ಮೊಮ್ಮಗ ಪ್ರಜ್ವಲ್ ರೇವಣ್ಣ ಕೋಟಿ ಒಡೆಯ.
ಹೌದು... ಹಾಸನ ಲೋಕಸಭಾ ಮೈತ್ರಿ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದ ಮಾಜಿ ಪ್ರಧಾನಿ ಹೆಚ್.ಡಿ ದೇವೇಗೌಡರ ಮೊಮ್ಮಗ ಪ್ರಜ್ವಲ್ ರೇವಣ್ಣ ಆಸ್ತಿ ಒಟ್ಟು ಆಸ್ತಿ 7 ಕೋಟಿ 39 ಲಕ್ಷದ 21 ಸಾವಿರದ 662 ರೂಪಾಯಿ ಇದೆ.
ಉಡುಪಿ-ಚಿಕ್ಕಮಗಳೂರು ಅಭ್ಯರ್ಥಿ ಶೋಭಾ ಆಸ್ತಿ ವಿವರ, ಸಾಲವೂ ಇದೆ
ಈ ಪೈಕಿ 3,72,53,210 ರೂಪಾಯಿ ಸಾಲಗಾರ. 1,100 ಗ್ರಾಂ ಚಿನ್ನ, 23 ಕೆಜಿ ಬೆಳ್ಳಿ ಸೇರಿದಂತೆ 37,31,350 ಮೌಲ್ಯದ ಚಿನ್ನಾಭರಣ ಹೊಂದಿದ್ದಾರೆ. ಜತೆಗೆ ಪ್ರಜ್ವಲ್ 4,45, 000 ಬೆಲೆಯ ಜಾನುವಾರು ಹೊಂದಿದ್ದಾರೆ. ಎರಡು ಎತ್ತು, 18 ಹಸು ಸಾಕಿದ್ದಾರೆ.
ಮೈಸೂರಿನಲ್ಲಿ 1 ಕೋಟಿ 90 ಲಕ್ಷ ಮೌಲ್ಯದ ಕಮರ್ಷಿಯಲ್ ಕಾಂಪ್ಲೆಕ್ಸ್ ಇದೆ. ಇನ್ನು ಹಾಸನ, ದುದ್ದ, ಕಸಬಾ, ಹೊಳೆನರಸೀಪುರದಲ್ಲಿ 4 ಕೋಟಿ 89 ಲಕ್ಷದ 15 ಸಾವಿರದ 29 ರೂಪಾಯಿ ಮೌಲ್ಯದ ಜಮೀನು ಹೊಂದಿದ್ದಾರೆ.
ಮಂಡ್ಯ ಸ್ವತಂತ್ರ ಅಭ್ಯರ್ಥಿ ಸುಮಲತಾ ಅಂಬರೀಶ್ ಒಟ್ಟು ಆಸ್ತಿ ವಿವರ..!
ಕೈತುಂಬ ಸಾಲ ಮಾಡಿಕೊಂಡಿರೋ ಪ್ರಜ್ವಲ್ ..!
7 ಕೋಟಿ ಒಡೆಯನಾಗಿರುವ ಪ್ರಜ್ವಲ್ ಕೈ ತುಂಬ ಸಾಲ ಮಾಡಿಕೊಂಡಿದ್ದಾರೆ. ತಾಯಿ ಭವಾನಿ ಬಳಿ 43,75,000, ತಂದೆ ರೇವಣ್ಣ ಬಳಿ 1,26,36,000, ತಾತ ದೇವೇಗೌಡರಿಂದ 5 ಲಕ್ಷ ರೂ, ಅತ್ತೆ ಅನುಸೂಯ ಮಂಜುನಾಥ್ ಬಳಿ 22 ಲಕ್ಷ ರೂ. ಹಾಗೂ ಅತ್ತೆ ಶೈಲಾರಿಂದ 10,50,000 ರೂ.ಸಾಲ ಪಡೆದಿದ್ದಾರೆ.
ಅಷ್ಟೇ ಅಲ್ಲದೇ ಪ್ರಜ್ವಲ್, ಅಜ್ಜಿ ಚನ್ನಮ್ಮಗೆ 23 ಲಕ್ಷ, ಸೋದರ ಸೂರಜ್ 37,29,000 ರೂ. ಹಾಗೂ ಸನ್ ಡ್ರೈ ಕಂಪನಿಗೆ 25 ಲಕ್ಷ ಸಾಲ ಕೊಟ್ಟಿದ್ದಾರೆ. ಸದ್ಯ ಪ್ರಜ್ವಲ್ ಬಳಿ 26,99,848 ಹಣವಿದೆ.
