Event Management: ಉದ್ಯೋಗ ನೀಡುವ ಆಗರ, ಕೋರ್ಸ್ ಮಾಡಿ - ಜಾಬ್ ಹುಡುಕಿ
*ಅಚ್ಚುಕಟ್ಟಾಗಿ ಕಾರ್ಯಕ್ರಮಗಳನ್ನು ರೂಪಿಸುವುದು ಕೂಡ ಸೃಜನಾತ್ಮಕ ಕೆಲಸ, ಅಗತ್ಯ ಕೌಶಲ್ಯಗಳು ಬೇಕು
*ಆಸಕ್ತರಿಗೆ ಇವೆಂಟ್ ಮ್ಯಾನೇಜ್ಮೆಂಟ್ ವಲಯುವ ಅನೇಕ ಉದ್ಯೋಗದ ಅವಕಾಶಗಳನ್ನು ಒದಗಿಸುತ್ತದೆ
*ಡಿಪ್ಲೋಮಾದಿಂದ ಹಿಡಿದು ಸ್ನಾತಕೋತ್ತರವರೆಗೂ ಇವೆಂಟ್ ಮ್ಯಾನೇಜ್‌ಮೆಂಟ್‌ನಲ್ಲಿ ಪದವಿ ಪಡೆಯಬಹುದು.
ಯಾವುದೇ ಒಂದು ಫ್ಯಾಮಿಲಿ ಅಥವಾ ಸಾರ್ವಜನಿಕ ಕಾರ್ಯಕ್ರಮವಿರಲಿ. ಅದನ್ನು ಅಚ್ಚುಕಟ್ಟಾಗಿ ನಡೆಸಿಕೊಡುವುದು ದೊಡ್ಡ ಸವಾಲು. ಬಂದ ಅತಿಥಿಗಳೆಲ್ಲರೂ ವಾಹ್ ತುಂಬ ಚೆನ್ನಾಗಿತ್ತು ಕಾರ್ಯಕ್ರಮ ಎನ್ನುವಂತಾಗಬೇಕು. ಈ ರೀತಿಯ ಕಾರ್ಯಕ್ರಮಗಳನ್ನು ಆಯೋಜಿಸುವುದಕ್ಕೆ ಸಾಕಷ್ಟು ಇವೆಂಟ್ ಕಂಪನಿಗಳು ತಲೆ ಎತ್ತಿವೆ. ತೀರಾ ಚಿಕ್ಕ ಪ್ರೋಗ್ರಾಮ್‌ನಿಂದ ಹಿಡಿದು ಬೃಹತ್ ಪ್ರೋಗ್ರಾಮ್‌ಗವರೆಗೂ ಈ ಇವೆಂಟ್ ಮ್ಯಾನೇಜ್ಮೆಂಟ್ ಕಂಪನಿ (Event Management)ಗಳು ತಮ್ಮ ಕಾರ್ಯವನ್ನು ಮಾಡುತ್ತಿವೆ. ಹಾಗಾಗಿ, ಈ ವಲಯದಲ್ಲಿ ಸಾಕಷ್ಟು ಉದ್ಯೋಗಾವಕಾಶಗಳು ಹೆಚ್ಚು ತೊಡಿಗಿವೆ. ದಿನದಿಂದ ದಿನಕ್ಕೆ ಹೆಚ್ಚು ಜನಪ್ರಿಯ ಕೂಡ ಆಗುತ್ತಿವೆ. ವಿವಾಹಗಳು, ಸಂಗೀತ ಗಾಲಾ ಪ್ರದರ್ಶನವನ್ನು ಪರಿಕಲ್ಪನೆ ಮಾಡಲು, ಯೋಜಿಸಲು ಮತ್ತು ಹೋಸ್ಟ್ ಮಾಡಲು ಇಷ್ಟಪಡುವ ಕ್ರಿಯಾತ್ಮಕ ವ್ಯಕ್ತಿಯಾಗಿದ್ದೀರಾ? ಅದಕ್ಕಾಗಿ ಈವೆಂಟ್ ಮ್ಯಾನೇಜ್ಮೆಂಟ್ ಕೋರ್ಸ್ (Event Management Course) ಮಾಡಿಕೊಳ್ಳಿ. ಇದು ನಿಮ್ಮ ಪ್ರೊಫೆಷನಲ್ ಕರಿಯರ್ ಗೆ ಬಹಳ ಸಹಕಾರಿಯಾಗುತ್ತದೆ. ಈ ಕೋರ್ಸ್ ನಿಮ್ಮ ಕೌಶಲ್ಯಗಳನ್ನು ಚುರುಕುಗೊಳಿಸಲು ಮತ್ತು ನಿಮ್ಮ ಶಕ್ತಿ ಮತ್ತು ಸೃಜನಶೀಲತೆ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಸಹಾಯ ಮಾಡುತ್ತದೆ. ಈ ಕೋರ್ಸ್‌ಗಳು ನಿಮಗೆ ಉದ್ಯೋಗ (Jobs)ವನ್ನು ಹುಡುಕಲು ಅಥವಾ ನಿಮ್ಮ ಸ್ವಂತ ವ್ಯವಹಾರ (Business) ಪ್ರಾರಂಭಿಸಲು ಬಹಳ ಅನುಕೂಲವಾಗುತ್ತದೆ. ಈವೆಂಟ್ ಮ್ಯಾನೇಜ್ಮೆಂಟ್ ಕೋರ್ಸ್, ವ್ಯಕ್ತಿಗಳು ಮತ್ತು ಗುಂಪುಗಳಿಗೆ ಕಾರ್ಯಕ್ರಮಗಳ ಆಯೋಜನೆ, ಸಮನ್ವಯ ಮತ್ತು ಸಂಘಟನೆಯ ಮೇಲೆ ಕೇಂದ್ರೀಕರಿಸುತ್ತದೆ. ಸಣ್ಣ ಕೂಟಗಳಿಂದ ಹಿಡಿದು ಬೃಹತ್ ಜನಸಮೂಹವನ್ನು ಸೆಳೆಯುವ ಕಾರ್ಯಕ್ರಮಗಳವರೆಗೆ ಈವೆಂಟ್‌ಗಳನ್ನು ಹೇಗೆ ಯೋಜಿಸುವುದು, ಪ್ರಚಾರ ಮಾಡುವುದು ಮತ್ತು ನಡೆಸುವುದು ಎಂಬುದರ ಕುರಿತು ಈ ಕೋರ್ಸ್ ಸಮಗ್ರ ಕಲಿಕೆ ನೀಡುತ್ತದೆ. ದೇಶದ ಪ್ರಮುಖ ವಿಶ್ವವಿದ್ಯಾನಿಲಯಗಳಲ್ಲಿ ಸಮೂಹ ಸಂವಹನ ಕಾರ್ಯಕ್ರಮದ ಭಾಗವಾಗಿ ಮತ್ತು ಪ್ರತ್ಯೇಕ ವಿಶೇಷತೆಯಾಗಿ ಕಲಿಸಲಾಗುತ್ತದೆ.
ಈ ಹುಡುಗನಿಗೆ ಸ್ಕಾಲರ್‌ಶಿಪ್‌ ಜತೆಗೆ 27 ವಿವಿ, ಕಾಲೇಜ್‌ಗಳಿಂದ ಆಫರ್!
ಈವೆಂಟ್ ಮ್ಯಾನೇಜ್ಮೆಂಟ್ ಕೋರ್ಸ್‌ಗಳು ಬಜೆಟ್ ನಿರ್ವಹಣೆ (Budget Management), ಮಾರುಕಟ್ಟೆ ಪ್ರಚಾರ ನಿರ್ವಹಣೆ ಮತ್ತು ಜನರು ಮತ್ತು ಲಾಜಿಸ್ಟಿಕ್ಸ್ ಮ್ಯಾನೇಜ್ಮೆಂಟ್ (Logistics Management)ನಂತಹ ವಿವಿಧ ವರ್ಗಾವಣೆ ಕೌಶಲ್ಯಗಳಿಗಾಗಿ ನಿಮ್ಮನ್ನು ಸಿದ್ಧಪಡಿಸುತ್ತವೆ. ಇದಲ್ಲದೆ, ಕೋರ್ಸ್‌ಗಳು ನಿಮಗೆ ಸಾಮಾಜಿಕ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುತ್ತದೆ. ಯಾವುದೇ ಸ್ಟ್ರೀಮ್‌ನಲ್ಲಿ ನಿಮ್ಮ XII ತರಗತಿಯ ಬೋರ್ಡ್ ಪರೀಕ್ಷೆಗಳನ್ನು ತೆರವುಗೊಳಿಸಲು ನಿಮಗೆ ಕನಿಷ್ಠ 50% ಒಟ್ಟು ಅಗತ್ಯವಿದೆ. ನಂತರ ನೀವು ಈವೆಂಟ್ ಮ್ಯಾನೇಜ್‌ಮೆಂಟ್‌ನಲ್ಲಿ ಬ್ಯಾಚುಲರ್ ಕೋರ್ಸ್ (Bachelor Course) ಅಥವಾ ಡಿಪ್ಲೊಮಾ ಕೋರ್ಸ್ (Diploma Course) ಮಾಡಬಹುದು. ಈ ಕ್ಷೇತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಮುಂದುವರಿಸಬಹುದು.
ಡಿಪ್ಲೋಮಾ ಇನ್ ಇವೆಂಟ್ ಮ್ಯಾನೇಜ್ಮೆಂಟ್ (Diploma in Event Management), ಡಿಜಿಟಲ್ ಮಾರ್ಕೆಟಿಂಗ್ & ಎಂಟರ್ಟೈನ್ಮೆಂಟ್ ಶಿಪ್ (Digital Marketing & Entrepreneurship), ಡಿಪ್ಲೊಮಾ ಇನ್ ಇವೆಂಟ್ ಮ್ಯಾನೇಜ್ಮೆಂಟ್ & ವೆಡ್ಡಿಂಗ್ ಪ್ಲಾನಿಂಗ್( Diploma in Event Management & Wedding Planning) ಸೇರಿದಂತೆ ಪದವಿ ಹಾಗೂ ಸ್ನಾತಕೋತ್ತರ ಪದವಿಗಳಲ್ಲಿ ಸಾಕಷ್ಟು ಕೋರ್ಸ್‌ಗಳನ್ನು ಮಾಡಬಹುದು.
ವೆಡ್ಡಿಂಗ್ ಪ್ಲಾನರ್ ಸಂಪೂರ್ಣ ವಿವಾಹಗಳು ಅಥವಾ ನಿರ್ದಿಷ್ಟ ವಿವಾಹ ಚಟುವಟಿಕೆಗಳನ್ನು ಯೋಜಿಸಲು ಗ್ರಾಹಕರಿಗೆ ಸಹಾಯ ಮಾಡುತ್ತಾರೆ. ಮದುವೆಯ ಲಾಜಿಸ್ಟಿಕ್ಸ್ ಮತ್ತು ಮಾರಾಟಗಾರರ ಒಪ್ಪಂದಗಳನ್ನು ನೋಡಿಕೊಳ್ಳುವುದು ಅವರ ಕೆಲಸ. ಮದುವೆ-ದಿನದ ಚಟುವಟಿಕೆಗಳು ಸುಗಮವಾಗಿ ನಡೆಯುವುದನ್ನು ಖಚಿತಪಡಿಸುತ್ತಾರೆ.
ಉತ್ತರ ಪ್ರದೇಶದಲ್ಲಿ ಕೇವಲ 1 ರೂ.ನಲ್ಲಿ SC ST ಹೆಣ್ಮಕ್ಕಳಿಗೆ ತಾಂತ್ರಿಕ ಶಿಕ್ಷಣ?
ಈವೆಂಟ್‌ನ ವೇದಿಕೆಯನ್ನು ರೂಪಿಸುವುದು ಸ್ಟೇಜ್ ಡೆಕೋರೇಟರ್ (Stage Decorator) ಕೆಲಸ. ಇವ್ರ ಕೆಲಸ ಈವೆಂಟ್ ಪ್ಲಾನ್ ಗೆ ತಕ್ಕಂತೆ ವೇದಿಕೆಯನ್ನು ಸಿದ್ಧಪಡಿಸುತ್ತಾರೆ. ಟೇಬ.ವುದು, ವೇದಿಕೆಯ ಮೇಲೆ ವಸ್ತುಗಳನ್ನು ಜೋಡಿಸುವುದು, ಅಲಂಕಾರಿಕ ವೈಶಿಷ್ಟ್ಯಗಳ ನಡುವೆ ವೇದಿಕೆ ಎದ್ದು ಕಾಣುವಂತೆ ಮಾಡುವುದು ಇವರ ಕೆಲಸ. ಲಾಜಿಸ್ಟಿಕ್ಸ್ ಮ್ಯಾನೇಜರ್ (Logistics Manager). ಇವರು ಸಲಕರಣೆಗಳ ಚಲನೆಯನ್ನು ಮೇಲ್ವಿಚಾರಣೆ ಮಾಡುವ ಉಸ್ತುವಾರಿ ವಹಿಸುತ್ತಾರೆ. ಐಟಂಗಳು ಮತ್ತು ಸಂಪನ್ಮೂಲಗಳನ್ನು ಸರಿಯಾದ ಸ್ಥಳಗಳಿಗೆ ತಲುಪಿಸುವುದು, ಸರಕುಗಳ ವಿತರಣೆಯನ್ನು ಯೋಜಿಸುವುದು, ಜೊತೆಗೆ ವಸ್ತುಗಳನ್ನು ಟ್ರ್ಯಾಕ್ ಮಾಡುವ ಹೊಣೆ ಇವರದ್ದು.
