Asianet Suvarna News Asianet Suvarna News

ಸಾರಿಗೆ ಇಲಾಖೆಯ ಆನ್‌ಲೈನ್ ವಾಹನ ಸೇವೆಗೆ ಅಧಿಕಾರಿಗಳ ವಿರೋಧ: 1.7 ಲಕ್ಷ ಅರ್ಜಿಗಳ ವಿಲೇವಾರಿ ಬಾಕಿ

 ರಾಜ್ಯದ ಸಾರಿಗೆ ಇಲಾಖೆ ಅಧಿಕಾರಿಗಳು ಆನ್‌ಲೈನ್ ಸೇವೆಗೆ ವಿರೋಧ ವ್ಯಕ್ತಪಡಿಸುತ್ತಿದ್ದು ಪರಿಣಾಮ  ಆನ್‌ಲೈನ್ ಸೇವೆ ನೀಡುತ್ತಿದ್ದ ವಾಹನ್ ಪೋರ್ಟಲ್‌ನಲ್ಲಿ 1.7 ಲಕ್ಷ ಅರ್ಜಿಗಳು ವಿಲೇವಾರಿಗೆ ಬಾಕಿ ಉಳಿದಿವೆ. ವಾಹನ್‌ ಪೋರ್ಟಲ್‌ ಯಾವುದೇ ನೇರ ಸಂಪರ್ಕವಿಲ್ಲದೆಯೇ  15 ವಾಹನ ಸಂಬಂಧಿತ ಸೇವೆಗಳನ್ನು ನೀಡುತ್ತದೆ. 

1.7 lakh pending  applications on Vahan portal after karnataka transport department officials stopped online services akb
Author
Bangalore, First Published Jun 14, 2022, 10:31 AM IST

ಬೆಂಗಳೂರು: ರಾಜ್ಯದ ಸಾರಿಗೆ ಇಲಾಖೆ ಅಧಿಕಾರಿಗಳು ಆನ್‌ಲೈನ್ ಸೇವೆಗೆ ವಿರೋಧ ವ್ಯಕ್ತಪಡಿಸುತ್ತಿದ್ದು ಪರಿಣಾಮ  ಆನ್‌ಲೈನ್ ಸೇವೆ ನೀಡುತ್ತಿದ್ದ ವಾಹನ್ ಪೋರ್ಟಲ್‌ನಲ್ಲಿ 1.7 ಲಕ್ಷ ಅರ್ಜಿಗಳು ವಿಲೇವಾರಿಗೆ ಬಾಕಿ ಉಳಿದಿವೆ. ವಾಹನ್‌ ಪೋರ್ಟಲ್‌ ಯಾವುದೇ ನೇರ ಸಂಪರ್ಕವಿಲ್ಲದೆಯೇ  15 ವಾಹನ ಸಂಬಂಧಿತ ಸೇವೆಗಳನ್ನು ನೀಡುತ್ತದೆ. ಅರ್ಜಿಗಳಲ್ಲಿ ಮೋಟಾರು ವಾಹನ ತೆರಿಗೆ ಪಾವತಿ, ನೋಂದಣಿ ಪ್ರಮಾಣಪತ್ರ (ಆರ್‌ಸಿ) ಸರೆಂಡರ್ ಅಥವಾ ಅಮಾನತು, ಫಿಟ್‌ನೆಸ್ ತಪಾಸಣೆ ಅಥವಾ ಪ್ರಮಾಣಪತ್ರ, ನಕಲಿ ಆರ್‌ಸಿ ನೀಡಿಕೆ, ಆರ್‌ಸಿಯಲ್ಲಿ ವಿಳಾಸ ಬದಲಾವಣೆ, ಮಾಲೀಕತ್ವದ ವರ್ಗಾವಣೆ, ಹೈಪೋಥೆಕೇಶನ್ ಸೇರ್ಪಡೆ, ಹೈಪೋಥೆಕೇಶನ್ ಮುಕ್ತಾಯ, ಎನ್‌ಒಸಿ ನೀಡಿಕೆ, ನಾಮಿನಿಗಳ ಸೇರ್ಪಡೆ ಅಥವಾ ಮಾರ್ಪಾಡು, ಆರ್‌ಸಿ ವಿವರಗಳು, ನಕಲಿ ಎಫ್‌ಸಿ, ನೋಂದಣಿ ನವೀಕರಣ, ಮೋಟಾರು ವಾಹನದ ಬದಲಾವಣೆ ಮತ್ತು ವಾಹನ ಪರವಾನಗಿಯ ಮರು ಹಂಚಿಕೆ ಮುಂತಾದ ಸೇವೆಗಳನ್ನು ಆರ್‌ಟಿಒ ಕಚೇರಿಗೆ ತೆರಳದೇ ನೇರವಾಗಿ ಆನ್‌ಲೈನ್ ಮೂಲಕ ವಾಹನ್ ಪೋರ್ಟಲ್‌ನಲ್ಲಿ ಪಡೆಯಬಹುದಿತ್ತು. 


7,323 ಅರ್ಜಿಗಳೊಂದಿಗೆ ಕಸ್ತೂರಿನಗರದ (Kasturinagar ) ಬೆಂಗಳೂರು ಪೂರ್ವ ಆರ್‌ಟಿಒ (ಹಿಂದೆ ಇಂದಿರಾನಗರ) ಅಗ್ರಸ್ಥಾನದಲ್ಲಿದೆ. ಇದಾದ ಬಳಿಕ ಎಲೆಕ್ಟ್ರಾನಿಕ್ಸ್ ಸಿಟಿ (Electronics City )ಆರ್‌ಟಿಒ (7,212), ಕಲಬುರಗಿ(Kalaburagi) (6,780), ರಾಯಚೂರು (6,262), ಮಂಗಳೂರು (6,062), ಬೆಂಗಳೂರು ಸೆಂಟ್ರಲ್ ಕೋರಮಂಗಲದಲ್ಲಿ (5,683) ), ದಾವಣಗೆರೆ (5,650) ಮತ್ತು ಕೊಪ್ಪಳ (5,416) ಅರ್ಜಿಗಳು ವಿಲೇವಾರಿಗೆ ಬಾಕಿ ಉಳಿದಿವೆ.

ಬೆಂಗಳೂರಿನಲ್ಲಿಯೇ ಇತರ ಪ್ರಮುಖ ಆರ್‌ಟಿಒಗಳಲ್ಲಿನ ಅರ್ಜಿಗಳ ಬಾಕಿ ಸ್ಥಿತಿ ಹೀಗಿದೆ.

ಬೆಂಗಳೂರು ಪಶ್ಚಿಮ ರಾಜಾಜಿನಗರ (4,544), ಬೆಂಗಳೂರು ದಕ್ಷಿಣ ಜಯನಗರ (4,772) ಮತ್ತು ಬೆಂಗಳೂರು ಉತ್ತರದಲ್ಲಿ ಯಶವಂತಪುರ (4,809) ಅರ್ಜಿಗಳು ಬಾಕಿ ಇವೆ. ಒಟ್ಟಾರೆಯಾಗಿ, ರಾಜ್ಯದಾದ್ಯಂತ 71 RTO (ಪ್ರಾದೇಶಿಕ ಸಾರಿಗೆ ಕಚೇರಿಗಳು) ಮತ್ತು ARTO (ಸಹಾಯಕ ಪ್ರಾದೇಶಿಕ ಸಾರಿಗೆ ಕಚೇರಿಗಳು) ಇವೆ. ವಾಹನ್ ಪೋರ್ಟಲ್‌ನಲ್ಲಿ ಅರ್ಜಿಗಳ ಭಾರೀ ಬಾಕಿಯನ್ನು ಉಲ್ಲೇಖಿಸಿ ಸಾರಿಗೆ ಸಚಿವ ಬಿ ಶ್ರೀರಾಮುಲು ಅವರು ಫಸ್ಟ್-ಇನ್-ಫಸ್ಟ್-ಔಟ್ (FIFO) ಕ್ರಮವನ್ನು  ಅಮಾನತುಗೊಳಿಸಲು ಇತ್ತೀಚೆಗೆ ಆದೇಶ ಹೊರಡಿಸಿದ್ದಾರೆ.

Number Plate 70 ಸಾವಿರ ರೂ ಆ್ಯಕ್ಟಿವಾ ಸ್ಕೂಟರ್ ಫ್ಯಾನ್ಸಿ ನಂಬರ್‌ಗಾಗಿ ಮಾಲೀಕನಿಂದ 15.14 ಲಕ್ಷ ರೂ ಖರ್ಚು!

ಸಂಪರ್ಕರಹಿತ ಸೇವೆಗಳು ಮತ್ತು FIFO (ಫಸ್ಟ್ ಇನ್, ಫಸ್ಟ್ ಔಟ್) ವಿರುದ್ಧ ಸಾರಿಗೆ ಇಲಾಖೆಯ ಅಧಿಕಾರಿಗಳ ವಿಭಾಗದಿಂದ ವಿರೋಧವಿದೆ ಎಂದು ಮೂಲಗಳು ತಿಳಿಸಿವೆ. ಈ ಸೇವೆಯ ಪರಿಚಯದ ನೇತೃತ್ವ ವಹಿಸಿದ್ದ ಹಿರಿಯ ಐಎಎಸ್ ಅಧಿಕಾರಿ ರಾಜೇಂದರ್ ಕುಮಾರ್ ಕಟಾರಿಯಾ ಅವರನ್ನು ಏಪ್ರಿಲ್ 18, 2022 ರಂದು ಇಲಾಖೆಯಿಂದ ವರ್ಗಾಯಿಸಲಾಗಿತ್ತು. ಇದು ಈ ವಾಹನ್‌ ಸೇವೆಯ ಸಮರ್ಪಕ ಅನುಷ್ಠಾನಕ್ಕೆ ಅಡ್ಡಿಯಾಗಿದೆ ಎಂದು ಮೂಲಗಳು ತಿಳಿಸಿವೆ. ಅರ್ಜಿದಾರರು ಆನ್‌ಲೈನ್‌ನಲ್ಲಿ ಪಾವತಿಗಳನ್ನು ಪೂರ್ಣಗೊಳಿಸಲು ಸಾಧ್ಯವಾಗುತ್ತಿಲ್ಲ ಎಂದು ಹಲವಾರು ದೂರುಗಳಿವೆ, ಅವರು ಆರ್‌ಟಿಒಗಳನ್ನು ಭೇಟಿ ಮಾಡಲೇಬೇಕಾಗುತ್ತದೆ. 

ರಾಜ್ಯಾದ್ಯಂತ ಆರ್‌ಟಿಒಗಳಲ್ಲಿ ಭ್ರಷ್ಟಾಚಾರ ಮಿತಿ ಮೀರಿದೆ ಬಗ್ಗೆ ಅನೇಕ ದೂರುಗಳಿವೆ. ಅಲ್ಲದೇ ಆರ್‌ಟಿಒ ಕಚೇರಿಯಲ್ಲಿ ಜನರ ಕೊರತೆಯ ಬಗ್ಗೆ ಹಲವಾರು ದೂರುಗಳಿವೆ.FIFO ಅಡಿಯಲ್ಲಿ, ಅಧಿಕಾರಿಗಳು ಮೊದಲ ಅರ್ಜಿದಾರರ ಅರ್ಜಿಯನ್ನು ತೆರವುಗೊಳಿಸಬೇಕು ಮತ್ತು ನಂತರ ಅರ್ಜಿಗಳ ದಿನಾಂಕದ ಆಧಾರದ ಮೇಲೆ ಮುಂದಿನ ಪ್ರಕ್ರಿಯೆ ಪೂರ್ಣಗೊಳಿಸಬೇಕು. ಮೊದಲು, ಕೆಲವು ಅಧಿಕಾರಿಗಳು ಕೆಲವು ಅರ್ಜಿಗಳನ್ನು ಬಾಕಿ ಇರಿಸುತ್ತಿದ್ದರು ಮತ್ತು ಅವರಿಗೆ ತಿಳಿದಿದ್ದಾರೆ ಎಂಬ ಕಾರಣಗಳಿಗಾಗಿ ಇತರರಿಗೆ ಆದ್ಯತೆ ನೀಡುತ್ತಿದ್ದರು. ವಾಸ್ತವವಾಗಿ, ಅಲ್ಲಿ ಕೆಲವು ಅರ್ಜಿಗಳು 10 ವರ್ಷಗಳಿಗೂ ಹೆಚ್ಚು ಕಾಲ ಬಾಕಿ ಉಳಿದಿವೆ. ಒಂದು ತಿಂಗಳಲ್ಲಿ 1 ಲಕ್ಷ ಅರ್ಜಿಗಳನ್ನು (applications) ವಿಲೇವಾರಿಗೊಳಿಸಲು ಇತ್ತೀಚೆಗೆ ನಮಗೆ ಕೇಳಲಾಗಿದೆ. ಆದರೆ ಅದು  ಸಾಧ್ಯವಾಗದ ಮಾತು ಎಂದು ಇಲಾಖೆಯ ಮೂಲಗಳು ತಿಳಿಸಿವೆ.

Driving Licence ಲೈಸೆನ್ಸ್ ಪಡೆಯಲು RTO ಮುಂದೆ ಡ್ರೈವಿಂಗ್ ಟೆಸ್ಟ್ ಬೇಕಿಲ್ಲ, ಹೊಸ ನಿಯಮ ಜು.1ರಿಂದ ಜಾರಿ!


ಬಾಕಿ ಇರುವ ಅರ್ಜಿಗಳನ್ನು ತೆರವುಗೊಳಿಸುವವರೆಗೆ ಹೊಸ ಅರ್ಜಿಗಳನ್ನು ಪಡೆಯಲು ಸಾಧ್ಯವಾಗುತ್ತಿಲ್ಲ, ಆದ್ದರಿಂದ ರಾಜ್ಯಾದ್ಯಂತ ಹೊಸ ವಾಹನಗಳ ನೋಂದಣಿ ವಿಳಂಬವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ವಾಹನ್ ಪ್ರಕ್ರಿಯೆಯು ಪೂರ್ಣಗೊಂಡ ನಂತರ ಸಾರಥಿ (DL-ಸಂಬಂಧಿತ ಸೇವೆಗಳು) ಗಾಗಿ FIFO ಅನ್ನು ಸಹ ಅಳವಡಿಸಬೇಕಾಗಿತ್ತು. ಸಂಪರ್ಕರಹಿತ ಸೇವೆಗಳ ಕಲ್ಪನೆಯು RTO ಕಚೇರಿಗೆ ಭೇಟಿಗಳನ್ನು ತಪ್ಪಿಸುವುದು ಮತ್ತು FIFO ವಿಳಂಬವನ್ನು ಕಡಿಮೆ ಮಾಡುವುದು. ಆದರೆ ಅಧಿಕಾರಿಗಳ ವಿಭಾಗದಿಂದ ಇದನ್ನು ಹಳಿತಪ್ಪಿಸುವ ಪ್ರಯತ್ನಗಳು ನಡೆದಿವೆ ಎಂದು ಹೆಬ್ಬಾಳ ನಿವಾಸಿ ಎಸ್. ಮಂಜುನಾಥ್ (Manjunath) ಆರೋಪಿಸಿದರು. ಆದರೆ ಈ ಬಗ್ಗೆ ಪ್ರತಿಕ್ರಿಯಿಸಲು ಸಾರಿಗೆ ಹೆಚ್ಚುವರಿ ಆಯುಕ್ತ (ಇ-ಆಡಳಿತ) ಜೆ. ಪುರುಷೋತ್ತಮ್ (J. Purushotham) ಪ್ರತಿಕ್ರಿಯೆಗೆ ಲಭ್ಯವಾಗಿಲ್ಲ ಎಂದು ತಿಳಿದು ಬಂದಿದೆ. 

Follow Us:
Download App:
  • android
  • ios