ಹೂವಿನಹಡಗಲಿ: ಕೊಡಲಿಯಿಂದ ಪತ್ನಿಯ ರುಂಡವನ್ನೇ ಕಡಿದ ಪತಿ
ಪತಿಯು ಏಕಾಏಕಿ ಮನೆ ಮುಂದೆಯೇ ಹೆಂಡತಿಯ ರುಂಡವನ್ನು ಕೊಡಲಿಯಿಂದ ಕೊಚ್ಚಿ ಕೊಲೆ ಮಾಡಿದ್ದಾನೆಂದು ಮೃತಳ ತಾಯಿ ಕುರಿ ಹನುಮಕ್ಕ ಪಟ್ಟಣದ ಠಾಣೆಗೆ ದೂರು ನೀಡಿದ್ದಾರೆ.
 )
Followಹೂವಿನಹಡಗಲಿ(ಮೇ.11): ಕೊಡಲಿಯಿಂದ ಪತ್ನಿಯ ರುಂಡ ಕಡಿದು ಕೊಲೆಗೈದ ಘಟನೆ ತಾಲೂಕಿನ ಕೆ.ಅಯ್ಯನ ಹಳ್ಳಿಯಲ್ಲಿ ಶುಕ್ರವಾರ ಬೆಳಗ್ಗೆ ನಡೆದಿದೆ. ಗ್ರಾಮದ ಅರುಣಾ ಪ್ರದೀಪ (28) ಕೊಲೆಯಾದವಳು.
ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ಮೈಗೂರು ಗ್ರಾಮದ ಪ್ರದೀಪ ಅಲಗೂರು ಕೊಲೆ ಆರೋಪಿ ಎಂದು ತಿಳಿದುಬಂದಿದೆ.
ಬೆಂಗಳೂರು: ಹಾಡಹಗಲೇ ಮನೆಗೆ ನುಗ್ಗಿ ಮಹಿಳೆ ಕೊಂದು ಚಿನ್ನದ ಸರ ಕಸಿದು ಪರಾರಿ
ಪ್ರದೀಪ ಹಾಗೂ ಅರುಣಾ ಕೆಲ ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ಪತಿ-ಪತ್ನಿಯ ನಡುವೆ ಆಗಾಗ ಜಗಳವಾಗುತ್ತಿತ್ತು. ಶುಕ್ರವಾರ ಕೂಡ ಬೆಳಿಗ್ಗೆ ಜಗಳ ಆರಂಭವಾಗಿದೆ. ಪತಿಯು ಏಕಾಏಕಿ ಮನೆ ಮುಂದೆಯೇ ಹೆಂಡತಿಯ ರುಂಡವನ್ನು ಕೊಡಲಿಯಿಂದ ಕೊಚ್ಚಿ ಕೊಲೆ ಮಾಡಿದ್ದಾನೆಂದು ಮೃತಳ ತಾಯಿ ಕುರಿ ಹನುಮಕ್ಕ ಪಟ್ಟಣದ ಠಾಣೆಗೆ ದೂರು ನೀಡಿದ್ದಾರೆ. ಈ ಕೊಲೆಗೆ ಕಾರಣ ತಿಳಿದುಬಂದಿಲ್ಲ.
ಸ್ಥಳಕ್ಕೆ ಸಿಪಿಐ ದೀಪಕ್ ಬೂಸರೆಡ್ಡಿ, ಎಎಸ್‌ಐ ರಾಜೇಂದ್ರ ನಾಯ್ಕ ಭೇಟಿ ನೀಡಿ ತನಿಖೆ ನಡೆಸಿದ್ದಾರೆ. ಈ ಕುರಿತು ಪಟ್ಟಣದ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
