Pocso case: 13 ವರ್ಷದ ಬಾಲೆ ಗರ್ಭಿಣಿ, ಸ್ವತಃ ತಂದೆಯಿಂದಲೇ ನಡೆದಿದೆ ಪಾಪ ಕೃತ್ಯ!
13 ವರ್ಷದ ಬಾಲಕಿ ಗರ್ಭಿಣಿಯಾಗಿದ್ದು, ಇದಕ್ಕೆ ಆಕೆಯ ಜನ್ಮದಾತನೇ ಕಾರಣ ಎನ್ನುವ ಅಘಾತಕಾರಿ ಸುದ್ದಿ ಕಲಬುರಗಿ ಜಿಲ್ಲೆಯಿಂದ ಬಂದಿದೆ. ಹೌದು ! ತನ್ನ ಅಪ್ರಾಪ್ತ ಮಗಳ ಮೇಲೆ ಸ್ವತಃ ತಂದೆಯೇ ಅತ್ಯಾಚಾರ ನಡೆಸಿರುವ ವಿಚಾರ, ಬಾಲಕಿ ಗರ್ಭ ಧರಿಸುವುದರೊಂದಿಗೆ ಬೆಳಕಿಗೆ ಬಂದಿದೆ.
ಕಲಬುರಗಿ ಫೆ.1:- 13 ವರ್ಷದ ಬಾಲಕಿ ಗರ್ಭಿಣಿಯಾಗಿದ್ದು, ಇದಕ್ಕೆ ಆಕೆಯ ಜನ್ಮದಾತನೇ ಕಾರಣ ಎನ್ನುವ ಅಘಾತಕಾರಿ ಸುದ್ದಿ ಕಲಬುರಗಿ ಜಿಲ್ಲೆಯಿಂದ ಬಂದಿದೆ. ಹೌದು ! ತನ್ನ ಅಪ್ರಾಪ್ತ ಮಗಳ ಮೇಲೆ ಸ್ವತಃ ತಂದೆಯೇ ಅತ್ಯಾಚಾರ ನಡೆಸಿರುವ ವಿಚಾರ, ಬಾಲಕಿ ಗರ್ಭ ಧರಿಸುವುದರೊಂದಿಗೆ ಬೆಳಕಿಗೆ ಬಂದಿದೆ.
ಹೊಟ್ಟೆ ನೋವಿಗಾಗಿ ಆಸ್ಪತ್ರೆಗೆ ಬಂದಾಗ ಬೆಳಕಿಗೆ ಬಂತು ನೀಚ ಕೃತ್ಯ!
ಕಲಬುರಗಿ(Kalaburagi) ಜಿಲ್ಲೆ ಜೇವರ್ಗಿಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ನೀಚ ಕೃತ್ಯ ಸಂಭವಿಸಿದೆ. ಜೇವರ್ಗಿ ಪೊಲೀಸ್ ಠಾಣಾ ವ್ಯಾಪ್ತಿಯ ಗ್ರಾಮವೊಂದರ 13 ವರ್ಷದ ಬಾಲಕಿ ನಿನ್ನೆ ಜೇವರ್ಗಿಯ ಸರಕಾರಿ ಆಸ್ಪತ್ರೆಗೆ ಬಂದಿದ್ದಳು. ಆ ಬಾಲಕಿಗೆ ತೀವ್ರ ಹೊಟ್ಟೆ ನೋವಿನ ಸಮಸ್ಯೆಯಿತ್ತು. ಜೊತೆಗೆ ವಾಂತಿಯಾಗುತ್ತಿತ್ತು. ಹೊಟ್ಟೆ ನೋವಿನ ಲಕ್ಷಣಗಳನ್ನು ಗಮನಿಸಿ ವೈದ್ಯರು ಸಮಗ್ರ ತಪಾಸಣೆ ನಡೆಸಿದ್ದಾರೆ. ಆಗ ಬಾಲಕಿ ಎರಡು ತಿಂಗಳ ಗರ್ಭಿಣಿ ಎನ್ನುವ ಸತ್ಯ ಬಯಲಾಗಿದೆ.
ಜನ್ಮದಾತನೇ ಮಗಳ ಗರ್ಭಕ್ಕೆ ಕಾರಣ !
13 ವರ್ಷದ ಅಪ್ರಾಪ್ತ ಮತ್ತು ಅವಿವಾಹಿತ ಬಾಲಕಿ ಎರಡು ತಿಂಗಳ ಗರ್ಭಿಣಿ ಎನ್ನುವ ವಿಚಾರ ತಪಾಸಣೆಯಲ್ಲಿ ಗೊತ್ತಾಗುತ್ತಿದ್ದಂತೆಯೇ ಸ್ವತಃ ವೈದ್ಯರೂ ದಂಗಾಗಿದ್ದಾರೆ. ಬಾಲಕಿಗೆ ಈ ಬಗ್ಗೆ ಸಮಾಧಾನದಿಂದ ವಿಚಾರಿಸಿದಾಗ, ಅಮ್ಮ ಹೊಲಕ್ಕೆ ಹೋದಾಗ ಒಂದಿನ ಮಧ್ಯಾಹ್ನ ತನ್ನ ಅಪ್ಪನೇ ಅತ್ಯಾಚಾರ ನಡೆಸಿದ್ದಾನೆ ಎನ್ನುವ ವಿಚಾರ ಬಹಿರಂಗಪಡಿಸಿದ್ದಾಳೆ.
ಖಾಕಿ ಮೊರೆ ಹೋದ ವೈದ್ಯರು
ಪ್ರಕರಣದ ಗಂಭೀರತೆ ಅರಿತ ಜೇವರ್ಗಿ ತಾಲೂಕು ಆಸ್ಪತ್ರೆಯ ವೈದ್ಯರು, ಈ ವಿಚಾರ ಪೊಲೀಸ್ ರಿಗೆ ಮಾಹಿತಿ ನೀಡುತ್ತಾರೆ. ಬಾಲಕಿ ನೀಡಿರುವ ಹೇಳಿಕೆ ಮತ್ತು ವೈದ್ಯರ ವರದಿ ಆಧರಿಸಿ ಜೇವರ್ಗಿ ಪೊಲೀಸರು ಬಾಲಕಿಯ ತಂದೆಯ ವಿರುದ್ದ ಫೋಕ್ಸೋ (Pocso act)ಅಡಿ ದೂರು ದಾಖಲಿಸಿಕೊಂಡಿದ್ದಾರೆ. ಬಾಲಕಿಯನ್ನು ಮಕ್ಕಳ ಕಲ್ಯಾಣ ಸಮಿತಿ ಸುಪರ್ದಿಯಲ್ಲಿ ರಕ್ಷಣೆ ನೀಡಲಾಗಿದೆ.
ತೀರ್ಥಹಳ್ಳಿ; ಬಾಲಕಿ ಕಾಡಿದ ಕಾಮುಕ ಸಾಕುತಂದೆ, ಶಿಕ್ಷಕಿಯಿಂದ ಬೆಳಕಿಗೆ ಬಂದ ಘೋರ ಪ್ರಕರಣ
ಕಾಮುಕ - ಪಾಪಿ ತಂದೆ ನಾಪತ್ತೆ
ತನ್ನ ಅಪ್ರಾಪ್ತ ಮಗಳ ಮೇಲೆ ಅತ್ಯಾಚಾರ ಎಸಗಿರುವ ಕಾಮುಕ ತಂದೆ ಸದ್ಯ ನಾಪತ್ತೆಯಾಗಿದ್ದಾನೆ. ಈತನ ಬಂಧನಕ್ಕೆ ಜೇವರ್ಗಿ ಪೊಲೀಸರು ಜಾಲ ಬೀಸಿದ್ದಾರೆ.
