ಯಾವ ಕಾರು ಖರೀದಿಸಲಿ? ಬೇರೇನು ಯೋಚನೆ ಇರಲಿಲ್ಲ, ಮೊದಲ ಹರಾಜು ಹಣದ ಗುಟ್ಟು ಬಿಟ್ಟಿಟ್ಟ ರೋಹಿತ್!

2008ರಲ್ಲಿ ಮೊದಲ ಹರಾಜು ನಡೆದಾಗ ನನಗೆ ಎಷ್ಟು ಮೊತ್ತ ಬರಲಿದೆ ಅನ್ನೋ ಮಾಹಿತಿಯೂ ಇರಲಿಲ್ಲ. ಆದರೆ ಸೋಲ್ಡ್ ಎಂದು ಕೂಗಿದ ಬೆನ್ನಲ್ಲೇ ನನ್ನ ತಲೆಯಲ್ಲಿ ಯಾವ ಕಾರು ಖರೀದಿಸಲಿ ಅನ್ನೋ ಯೋಚನೆ ಮಾತ್ರ ಓಡುತ್ತಿತ್ತು. ರೋಹಿತ್ ಶರ್ಮಾ ತಮ್ಮ ಮೊದಲ ಹರಾಜಿನ ರೋಚಕ ಮಾಹಿತಿ ಬಿಚ್ಚಿಟ್ಟಿದ್ದಾರೆ.

ಮುಂಬೈ(ಮಾ.19): ಐಪಿಎಲ್ ಟೂರ್ನಿಗೆ ತಂಡಗಳು ಸಜ್ಜಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ 2023ರ ಐಪಿಎಲ್ ಟೂರ್ನಿ ಆರಂಭಗೊಳ್ಳುತ್ತಿದೆ.ಇದರ ಬೆನ್ನಲ್ಲೇ ಮುಂಬೈ ಇಂಡಿಯನ್ಸ್ ನಾಯಕ ಐಪಿಎಲ್‌ನ ಹಳೇ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ. 2008ರಲ್ಲಿ ಐಪಿಎಲ್ ಆರಂಭಗೊಂಡಿತು. ಇದಕ್ಕಾಗಿ ಮೊದಲ ಬಾರಿಗ ಭಾರತದ್ಲಿ ಕ್ರಿಕೆಟಿಗರ ಹರಾಜು ಪ್ರಕ್ರಿಯೆ ನಡೆದಿತ್ತು. ಈ ವೇಳೆ ರೋಹಿತ್ ಶರ್ಮಾ ಹೆಸರು ತಡವಾಗಿ ಬಂದರೂ, ಡೆಕ್ಕನ್ ಚಾರ್ಜಸ್ ತಂಡ 4.8 ಕೋಟಿಗೆ ಖರೀದಿ ಮಾಡಿತು. ಆದರೆ ರೋಹಿತ್ ಶರ್ಮಾ ಸೋಲ್ಡ್ ಔಟ್ ಎಂದು ಕೂಗುತ್ತಿದ್ದಂತೆ ಯಾವ ಕಾರು ಖರೀದಿಸಲಿ ಅನ್ನೋ ಯೋಚನೆ ಬಿಟ್ಟು ಬೇರೇನು ತಲೆಯಲ್ಲಿ ಇರಲಿಲ್ಲ ಎಂದು ಸ್ವತಃ ರೋಹಿತ್ ಶರ್ಮಾ ಹೇಳಿದ್ದಾರೆ.

ಐಪಿಎಲ್ ಟೂರ್ನಿ (IPL 2023) ಆರಂಭಕ್ಕೂ ಕೆಲ ದಿನಗಳಿರುವಾಗಲೇ ರೋಹಿತ್ ಶರ್ಮಾ ರೋಚಕ ಸಂಗತಿಗಳನ್ನು ಬಿಚ್ಚಿಟ್ಟಿದ್ದಾರೆ. ಅಂದು ನನಗೆ 20 ವರ್ಷ. ಭಾರತದಲ್ಲಿ ಹರಾಜಿನ ಕುರಿತು ಬಹುತೇಕ ಕ್ರಿಕೆಟಿಗರಿಗೆ ತಿಳಿದಿಲ್ಲ. ನನಗೂ ಹೆಚ್ಚೂ ಗೊತ್ತಿಲ್ಲ. ಹರಾಜು ಆರಂಭಗೊಂಡಿತು. ನನ್ನ ಹೆಸರು ಕೊಂಚ ತಡವಾಗಿ ಬಂದಿತ್ತು. ಒಂದೂವರೆ ಗಂಟೆ ಬಳಿಕ ನನ್ನ ಹರಾಜು ನಡೆದಿತ್ತು. ತಂಡಗಳು ಖರೀದಿಗೆ ಹರಾಜು ನಡೆಸಿತ್ತು. ಹಣ ಹೆಚ್ಚಾಗುತ್ತಿದ್ದಂತೆ ನನ್ನ ತಲೆಯಲ್ಲಿ ಯಾವ ಕಾರು ಖರೀದಿಸಲಿ ಅನ್ನೋ ಯೋಚನೆ ಬಿಟ್ಟು ಬೇರೆ ಯಾವುದೇ ಯೋಚನೆ ತಲೆಯಲ್ಲಿ ಇರಲಿಲ್ಲ ಎಂದು ರೋಹಿತ್ ಶರ್ಮಾ ಹೇಳಿದ್ದಾರೆ.

ಹರಾಜು ಅಂತಿಮವಾಗಿ ಡೆಕ್ಕನ್ ಚಾರ್ಜಸ್ ತಂಡ 75,000 ಅಮೆರಿಕನ್ ಡಾಲರ್‌ಗೆ ಖರೀದಿ ಮಾಡಿತು. ನನಗೆ 75,000 ಅಮೆರಿಕನ್ ಡಾಲರ್ ಭಾರತೀಯ ರೂಪಾಯಿಯಲ್ಲಿ ಎಷ್ಟಾಗಲಿದೆ ಅನ್ನೋದೇ ಗೊತ್ತಾಗಲಿಲ್ಲ. ಎಲ್ಲಾ ಕಳೆದು 3 ರಿಂದ 3.5 ಕೋಟಿ ರೂಪಾಯಿ ಸಿಗಲಿದೆ ಎಂದು ಕೆಲವರು ಹೇಳಿದರು. ನಾನು ಸಂಪೂರ್ಣ ಖುಷಿಯಾಗಿದ್ದೆ. ಕಾರಣ ಯಾವ ಕಾರು ಖರೀದಿಸಲಿ ಅನ್ನೋ ಯೋಚನೆಯಿಂದ ಉತ್ತಮ ಕಾರು ಖರೀದಿಸಬಹುದು ಅನ್ನೋ ಯೋಚನೆ ಬಂದಿತ್ತು ಎಂದಿದ್ದಾರೆ.

3 ವರ್ಷ ಡೆಕ್ಕನ್ ಚಾರ್ಜಸ್ ತಂಡಕ್ಕೆ ಆಡಿದ ರೋಹಿತ್ ಶರ್ಮಾ, 2011ರಲ್ಲಿ ಮುಂಬೈಇಂಡಿಯನ್ಸ್ ತಂಡ 13 ಕೋಟಿ ರೂಪಾಯಿಗೆ ಖರೀದಿ ಮಾಡಿತು. ಬಳಿಕ ನಡೆದಿದ್ದೆಲ್ಲಾ ಇತಿಹಾಸ. ಐಪಿಎಲ್ ಟೂರ್ನಿಯಲ್ಲಿ ರೋಹಿತ್ ಶರ್ಮಾ ಅತ್ಯಂತ ಯಶಸ್ವಿ ನಾಯಕನಾಗಿ ಗುರುತಿಸಿಕೊಂಡಿದ್ದಾರೆ. ಅಂದು ಮೊದಲ ಕಾರು ಖರೀದಿಸಲು ಚಿಂತಿಸಿದ್ದ ರೋಹಿತ್ ಬಳಿ ಇದೀಗ ಹಲವು ಬಳಿ ಐಷಾರಾಮಿ ಕಾರುಗಳಿವೆ. 

ಮಾರ್ಚ್ 31 ರಿಂದ 2023ರ ಐಪಿಎಲ್ ಟೂರ್ನಿ ಆರಂಭಗೊಳ್ಳುತ್ತಿದೆ. 2013, 2015, 2017, 2019 ಹಾಗೂ 2020ರಲ್ಲಿ ಮುಂಬೈ ಇಂಡಿಯನ್ಸ್ ಐಪಿಎಲ್ ಟ್ರೋಫಿ ಗೆದ್ದುಕೊಂಡಿದೆ. ಈ ಎಲ್ಲಾ ಟ್ರೋಫಿ ರೋಹಿತ್ ಶರ್ಮಾ ನಾಯಕತ್ವದಲ್ಲೇ ಮುಂಬೈ ಇಂಡಿಯನ್ಸ್ ಗೆದ್ದುಕೊಂಡಿದೆ. ಕಳೆದೆರಡು ವರ್ಷದಿಂದ ಟ್ರೋಫಿ ಗೆಲ್ಲದ ಮುಂಬೈ ಇಂಡಿಯನ್ಸ್ ಈ ಬಾರಿ ಮತ್ತೆ ಟ್ರೋಫಿ ಮೇಲೆ ಕಣ್ಣಿಟ್ಟಿದೆ.