ಕೋಲ್ಕತಾ[ನ.04]: ಹಗಲು-ರಾತ್ರಿ ಟೆಸ್ಟ್‌ ಪಂದ್ಯವನ್ನಾಡಲು ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಕೇವಲ 3 ಸೆಕೆಂಡುಗಳಲ್ಲಿ ಒಪ್ಪಿಕೊಂಡರು ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್‌ ಗಂಗೂಲಿ ಬಹಿ​ರಂಗಪಡಿ​ಸಿ​ದ್ದಾರೆ.

ಡೇ ಅಂಡ್ ನೈಟ್ ಟೆಸ್ಟ್ ಮ್ಯಾಚ್: ಏನು? ಎತ್ತ..? ಇಲ್ಲಿದೆ ಕಂಪ್ಲೀಟ್ ಡೀಟೈಲ್ಸ್

‘ಕಳೆದ ವರ್ಷ ಆಸ್ಪ್ರೇ​ಲಿಯಾ ಪ್ರವಾ​ಸದ ವೇಳೆ ಭಾರತ ತಂಡ ಅಡಿಲೇಡ್‌ನಲ್ಲಿ ಹಗಲು-ರಾತ್ರಿ ಟೆಸ್ಟ್‌ ಯಾಕೆ ಆಡಲಿ​ಲ್ಲ ಎಂಬುದು ನನಗೆ ಗೊತ್ತಿಲ್ಲ. ಆದರೆ ಕೊಹ್ಲಿಯನ್ನು ಭೇಟಿ ಮಾಡಿದಾಗ ಹಗಲು-ರಾತ್ರಿ ಟೆಸ್ಟ್‌ ಕುರಿತಾಗಿ ಪ್ರಶ್ನಿ​ಸಿದೆ. ಕೇವಲ 3 ಸೆಕೆಂಡುಗ​ಳಲ್ಲಿ ಅವರು ಒಪ್ಪಿದರು. ಟೆಸ್ಟ್‌ ಕ್ರಿಕೆಟ್‌ ಜನ​ಪ್ರಿ​ಯ​ಗೊ​ಳಿ​ಸಲು ಬದ​ಲಾ​ವಣೆ ಅಗತ್ಯ ಎನ್ನು​ವುದು ಆಟ​ಗಾ​ರ​ರಿಗೆ ಮನ​ವ​ರಿಕೆಯಾಗಿದೆ’ ಎಂದು ಗಂಗೂಲಿ ಹೇಳಿ​ದರು.

ರಾಜಧಾನಿಯಲ್ಲಿ ನಡೆಯಲಿಲ್ಲ ಆಟ; ಬಾಂಗ್ಲಾದೇಶ ವಿರುದ್ದ ಸೋಲು ಕಂಡ ಭಾರತ!

ನ.22ರಂದು ಇಲ್ಲಿನ ಈಡನ್‌ ಗಾರ್ಡನ್ಸ್‌ನಲ್ಲಿ ಭಾರತ ಹಾಗೂ ಬಾಂಗ್ಲಾದೇಶ ನಡುವೆ ಹಗಲು-ರಾತ್ರಿ ಟೆಸ್ಟ್‌ ನಡೆಯಲಿದೆ. ಇದೇ ಮೊದಲ ಬಾರಿಗೆ ಭಾರತ ಹಾಗೂ ಬಾಂಗ್ಲಾದೇಶ ತಂಡಗಳು ಟೆಸ್ಟ್ ಡೇ ಅಂಡ್ ನೈಟ್ ಪಂದ್ಯವನ್ನಾಡುತ್ತಿವೆ. ಮಧ್ಯಾಹ್ನ 2 ಗಂಟೆ ಪಂದ್ಯ ಆರಂಭವಾಗಿ 9 ಗಂಟೆಗೆ ದಿನದಾಟ ಮುಕ್ತಾಯಗೊಳ್ಳಲಿದೆ.

ಮೊದಲ ಅಹರ್ನಿಶಿ ಟೆಸ್ಟ್ ಪಂದ್ಯವು ನವೆಂಬರ್ 2015ರಲ್ಲಿ ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ತಂಡಗಳ ನಡುವೆ ನಡೆದಿತ್ತು. ಅಡಿಲೇಡ್ ಓವಲ್’ನಲ್ಲಿ ನಡೆದ ಡೇ ಅಂಡ್ ನೈಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ 3 ವಿಕೆಟ್’ಗಳ ಜಯ ಸಾಧಿಸಿತ್ತು. ಇದಾದ ಬಳಿಕ ಇದುವರೆಗೂ ಒಟ್ಟು 11 ಪಂದ್ಯಗಳು ನಡೆದಿದ್ದು, ಎಲ್ಲಾ ಪಂದ್ಯಗಳಲ್ಲೂ ಫಲಿತಾಂಶ ಹೊರಬಂದಿದೆ.