8 ಪಂದ್ಯಗಳಲ್ಲಿ 7ನೇ ಬಾರಿ ಟಾಸ್ ಸೋತ ಚೆನ್ನೈಯನ್ನು, ಲಖನೌ ನಾಯಕ ರಾಹುಲ್ ಬ್ಯಾಟಿಂಗ್ಗೆ ಆಹ್ವಾನಿಸಿದರು. ಋತುರಾಜ್ ಸ್ಫೋಟಕ ಶತಕ, ಶಿವಂ ದುಬೆ ಮಿಂಚಿನ ಆಟದಿಂದಾಗಿ ಚೆನ್ನೈ 4 ವಿಕೆಟ್ಗೆ 210 ರನ್ ಸೇರಿಸಿತು. ಗುರಿ ದೊಡ್ಡದಿದ್ದರೂ ಸ್ಟೋಯ್ನಿಸ್ ಆಟದ ಮುಂದೆ ಚೆನ್ನೈ ಬೌಲರ್ಗಳು ಸಪ್ಪೆಯಾದರು. ತಂಡ 19.3 ಓವರಲ್ಲಿ ಗೆದ್ದಿತು.
ಚೆನ್ನೈ: ಚೆಪಾಕ್ ಕ್ರೀಡಾಂಗಣ ಚೆನ್ನೈ ಸೂಪರ್ ಕಿಂಗ್ಸ್ ಪಾಲಿಗೆ ಯಾವತ್ತೂ ಭದ್ರಕೋಟೆ. ಅದನ್ನು ಭೇದಿಸಲು ಪ್ರಯತ್ನಿಸಿ ವಿಫಲವಾದ ತಂಡಗಳೇ ಹೆಚ್ಚು. ಆದರೆ ಹಾಲಿ ಚಾಂಪಿಯನ್ ಚೆನ್ನೈನ ಕೋಟೆಯಲ್ಲಿ ಲಖನೌ ಅಬ್ಬರಿಸಿ ಬೊಬ್ಬಿರಿದು ವಿಜಯಪತಾಕೆಯನ್ನು ಹಾರಿಸಲು ಯಶಸ್ವಿಯಾಯಿತು.
ಚೆನ್ನೈನ ಸ್ಫೋಟಕ ಬ್ಯಾಟಿಂಗ್ಗೆ ಎದುರಾಗಿ ಮಾರ್ಕಸ್ ಸ್ಟೋಯ್ನಿಸ್ ಸ್ಫೋಟಕ ಶತಕದ ಮೂಲಕ ಲಖನೌಗೆ 6 ವಿಕೆಟ್ ಗೆಲುವು ತಂದುಕೊಟ್ಟರು. ಟೂರ್ನಿಯಲ್ಲಿ ತವರಿನಲ್ಲಿ ಮೊದಲ ಸೋಲು ಅನುಭವಿಸಿದ ಚೆನ್ನೈ, ಒಟ್ಟಾರೆ 4ನೇ ಸೋಲು ಕಂಡರೆ, ಲಖನೌ ತಂಡ 8ರಲ್ಲಿ 5ನೇ ಜಯದೊಂದಿಗೆ ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿತು. ಚೆನ್ನೈ ವಿರುದ್ಧ ಲಖನೌಗಿದು ಸತತ 2ನೇ ಜಯ.
8 ಪಂದ್ಯಗಳಲ್ಲಿ 7ನೇ ಬಾರಿ ಟಾಸ್ ಸೋತ ಚೆನ್ನೈಯನ್ನು, ಲಖನೌ ನಾಯಕ ರಾಹುಲ್ ಬ್ಯಾಟಿಂಗ್ಗೆ ಆಹ್ವಾನಿಸಿದರು. ಋತುರಾಜ್ ಸ್ಫೋಟಕ ಶತಕ, ಶಿವಂ ದುಬೆ ಮಿಂಚಿನ ಆಟದಿಂದಾಗಿ ಚೆನ್ನೈ 4 ವಿಕೆಟ್ಗೆ 210 ರನ್ ಸೇರಿಸಿತು. ಗುರಿ ದೊಡ್ಡದಿದ್ದರೂ ಸ್ಟೋಯ್ನಿಸ್ ಆಟದ ಮುಂದೆ ಚೆನ್ನೈ ಬೌಲರ್ಗಳು ಸಪ್ಪೆಯಾದರು. ತಂಡ 19.3 ಓವರಲ್ಲಿ ಗೆದ್ದಿತು.
IPL 2024: ರುತುರಾಜ್ ಗಾಯಕ್ವಾಡ್ ಸೂಪರ್ ಸೆಂಚುರಿ, ಲಕ್ನೋಗೆ ಸವಾಲಿನ ಗುರಿ
ಡಿ ಕಾಕ್ ಗೋಲ್ಡನ್ ಡಕ್ಗೆ ಬಲಿಯಾದ ಬಳಿಕ ನಾಯಕ ಕೆ.ಎಲ್.ರಾಹುಲ್ 16 ರನ್ಗೆ ವಿಕೆಟ್ ಒಪ್ಪಿಸಿದರು. ಸತತ ವೈಫಲ್ಯದ ಬಳಿಕವೂ ತಂಡದಲ್ಲಿ ಅವಕಾಶ ಪಡೆದ ದೇವದತ್ ಪಡಿಕ್ಕಲ್ ಇನ್ನಿಂಗ್ಸ್ 13ಕ್ಕೆ ಕೊನೆಗೊಂಡಿತು. ಈ ಹಂತದಲ್ಲಿ ಸ್ಟೋಯ್ನಿಸ್ಗೆ ಜೊತೆಯಾದ ನಿಕೋಲಸ್ ಪೂರನ್(15 ಎಸೆತದಲ್ಲಿ 34) ತಂಡದ ಗೆಲುವಿನ ಆಸೆ ಚಿಗುರಿಸಿದರು. 56 ಎಸೆತದಲ್ಲಿ ಶತಕ ಪೂರ್ಣಗೊಳಿಸಿದ ಸ್ಟೋಯ್ನಿಸ್, ಕೊನೆವರೆಗೆ ಕ್ರೀಸ್ನಲ್ಲಿ ನಿಂತು ತಂಡವನ್ನು ಗೆಲ್ಲಿಸಿದರು. ಸ್ಟೋಯ್ನಿಸ್ 63 ಎಸೆತದಲ್ಲಿ 13 ಬೌಂಡರಿ, 6 ಸಿಕ್ಸರ್ನೊಂದಿಗೆ 124 ರನ್ ಸಿಡಿಸಿದರು. ಕೊನೆ ಓವರಲ್ಲಿ 17 ರನ್ ಬೇಕಿದ್ದಾ ಸ್ಟೋಯ್ನಿಸ್ 4 ಬೌಂಡರಿ ಬಾರಿಸಿದರು.
\Bಸ್ಫೋಟಕ ಬ್ಯಾಟಿಂಗ್: \Bಆರಂಭಿಕ ಅಜಿಂಕ್ಯಾ ರಹಾನೆ 01, ಡ್ಯಾರಿಲ್ ಮಿಚೆಲ್ 11 ಹಾಗೂ ರವೀಂದ್ರ ಜಡೇಜಾ 16 ರನ್ಗೆ ಔಟಾದರೂ ನಾಯಕ ಋತುರಾಜ್ ಹಾಗೂ ಶಿವಂ ದುಬೆ ತಂಡದ ಕೈ ಬಿಡಲಿಲ್ಲ. ಲಖನೌ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದ ಈ ಜೋಡಿ 4ನೇ ವಿಕೆಟ್ಗೆ 104 ರನ್ ಸೇರಿಸಿತು. ದುಬೆ 27 ಎಸೆತದಲ್ಲಿ 3 ಬೌಂಡರಿ, 7 ಸಿಕ್ಸರ್ನೊಂದಿಗೆ 66 ರನ್ ಚಚ್ಚಿದರೆ, ಋತುರಾಜ್ 60 ಎಸೆತದಲ್ಲಿ 12 ಬೌಂಡರಿ, 3 ಸಿಕ್ಸರ್ನೊಂದಿಗೆ 108 ರನ್ ಸಿಡಿಸಿದರು.
T20 World Cup 2024: ಟೀಂ ಇಂಡಿಯಾದಲ್ಲಿ ಒಂದು ಸ್ಥಾನಕ್ಕಾಗಿ 6 ವಿಕೆಟ್ ಕೀಪರ್ ನಡುವೆ ಫೈಟ್..!
ಸ್ಕೋರ್: ಚೆನ್ನೈ 20 ಓವರಲ್ಲಿ 210/4 (ಋತುರಾಜ್ 108*, ದುಬೆ 66, ಹೆನ್ರಿ 1-28), ಲಖನೌ 19.3 ಓವರಲ್ಲಿ 213/4 (ಸ್ಟೋಯ್ನಿಸ್ 124*, ಪೂರನ್ 34, ಪತಿರನ 2-35)
ಅಂಕಿ-ಅಂಶ
13ನೇ ಬ್ಯಾಟರ್: ಶಿವಂ ದುಬೆ ಚೆನ್ನೈ ಸೂಪರ್ ಕಿಂಗ್ಸ್ ಪರ 1000 ರನ್ ಕಲೆಹಾಕಿದ 13ನೇ ಆಟಗಾರ.
02ನೇ ಶತಕ: ಋತುರಾಜ್ ಐಪಿಎಲ್ನಲ್ಲಿ 2ನೇ ಶತಕ ಬಾರಿಸಿದರು. ಚೆನ್ನೈ ಪರ ಈ ಸಾಧನೆ ಮಾಡಿದ 3ನೇ ಬ್ಯಾಟರ್.
01ನೇ ನಾಯಕ: ಐಪಿಎಲ್ನಲ್ಲಿ ಶತಕ ಬಾರಿಸಿದ ಚೆನ್ನೈ ತಂಡದ ಮೊದಲ ನಾಯಕ ಋತುರಾಜ್ ಗಾಯಕ್ವಾಡ್.
