ಭಾರತ-ಕಿವೀಸ್‌ ಟೆಸ್ಟ್: ಒಂದು ಟಿಕೆಟ್ 2 ಲಕ್ಷ ರುಪಾಯಿಗೆ ಸೇಲ್‌!
* ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್‌ನಲ್ಲಿ ಭಾರತ ಹಾಗೂ ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿ
* ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್‌ ಜೂನ್‌ 18ರಿಂದ ಆರಂಭ
* ಸುಮಾರು 2 ಲಕ್ಷ ರುಪಾಯಿ ಕೊಟ್ಟು ಟಿಕೆಟ್ ಖರೀದಿಸಿದ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು.
ನವದೆಹಲಿ(ಮೇ.28): ಭಾರತ-ನ್ಯೂಜಿಲೆಂಡ್ ನಡುವೆ ಜೂ.18ರಿಂದ ಸೌಥಾಂಪ್ಟನ್‌ನಲ್ಲಿ ನಡೆಯಲಿರುವ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್‌ ಪಂದ್ಯದ ಟಿಕೆಟ್‌ಗೆ ಭಾರೀ ಬೇಡಿಕೆ ಏರ್ಪಟ್ಟಿತ್ತು ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ಅಭಿಮಾನಿಗಳು 2 ಲಕ್ಷ ರುಪಾಯಿವರೆಗೂ ಹಣ ನೀಡಿ ಟಿಕೆಟ್ ಖರೀದಿಸಿದ್ದಾರೆ ಎನ್ನುವ ಅಚ್ಚರಿಯ ವಿಚಾರ ಬೆಳಕಿಗೆ ಬಂದಿದೆ. ಮಾರಾಟಕ್ಕೆಂದು ಮೀಸಲಿಟ್ಟ ಟಿಕೆಟ್‌ಗಳ ಪೈಕಿ ಅರ್ಧದಷ್ಟನ್ನು ಆತಿಥೇಯ ಕ್ರಿಕೆಟ್ ಸಂಸ್ಥೆ ಲಾಟರಿ ಮೂಲಕ ಮಾರಾಟ ನಡೆಸಿದೆ. ಇನ್ನರ್ಧ ಭಾಗವನ್ನು ಐಸಿಸಿಯ ಟ್ರಾವೆಲ್‌ ಏಜೆಂಟ್‌ಗಳು ಮಾರಾಟ ಮಾಡಿದ್ದಾರೆ. ಟ್ರಾವೆಲ್‌ ಏಜೆಂಟ್‌ಗಳು ನಡೆಸಿರುವ ಪ್ರಕ್ರಿಯೆಯಲ್ಲಿ ದುಬಾರಿ ಮೊತ್ತಕ್ಕೆ ಟಿಕೆಟ್ ಮಾರಾಟವಾಗಿದೆ ಎಂದು ತಿಳಿದುಬಂದಿದೆ.
ಟೆಸ್ಟ್ ವಿಶ್ವಕಪ್‌ ಎಂದೇ ಕರೆಯಲಾಗುತ್ತಿರುವ ಭಾರತ ಹಾಗೂ ನ್ಯೂಜಿಲೆಂಡ್ ತಂಡಗಳ ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್‌ಗೆ ಮೈದಾನದಲ್ಲಿ ಪಂದ್ಯ ವೀಕ್ಷಿಸಲು 4,000 ಮಂದಿಗೆ ಪ್ರವೇಶ ನೀಡಲಿದ್ದೇವೆ ಎಂದು ಹ್ಯಾಂಪ್ಶೈರ್ ಕೌಂಟಿ ಕ್ಲಬ್‌ ಮುಖ್ಯಸ್ಥ ರಾಡ್ ಬ್ರ್ಯಾನ್ಸ್‌ಗ್ರೋವ್‌ ತಿಳಿಸಿದ್ದಾರೆ. ಚೊಚ್ಚಲ ಟೆಸ್ಟ್ ವಿಶ್ವಕಪ್‌ ಯಾರು ಗೆಲ್ಲಲಿದ್ದಾರೆ ಎನ್ನುವ ಕುತೂಹಲ ಜೋರಾಗಿದೆ.
ಟೆಸ್ಟ್ ವಿಶ್ವಕಪ್‌ ಫೈನಲ್‌: 4,000 ಪ್ರೇಕ್ಷಕರಿಗೆ ಸ್ಟೇಡಿಯಂ ಪ್ರವೇಶಿಸಲು ಅವಕಾಶ
ವಿರಾಟ್ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಹಾಗೂ ಕೇನ್ ವಿಲಿಯಮ್ಸನ್‌ ನೇತೃತ್ವದ ನ್ಯೂಜಿಲೆಂಡ್ ತಂಡಗಳು ಇದುವರೆಗೂ ಐಸಿಸಿ ಟ್ರೋಫಿ ಜಯಿಸಿಲ್ಲ. ಹೀಗಾಗಿ ಈ ಬಾರಿಯ ಇಬ್ಬರಲ್ಲಿ ಒಬ್ಬರು ಐಸಿಸಿ ಟ್ರೋಫಿ ಗೆಲ್ಲಲಿದ್ದಾರೆ.
