1000ನೇ ಐಪಿಎಲ್‌ ಪಂದ್ಯ: ಭರ್ಜರಿ ಆಚ​ರ​ಣೆಗೆ ಬಿಸಿಸಿಐ ಸಿದ್ಧ​ತೆ

1000ನೇ ಐಪಿಎಲ್‌ ಪಂದ್ಯಕ್ಕೆ ದಿನಗಣನೆ ಆರಂಭಐಪಿಎಲ್‌ನ 1000ನೇ ಪಂದ್ಯದಲ್ಲಿ ಮುಂಬೈ-ರಾಜಸ್ಥಾನ ಮುಖಾಮುಖಿಐಪಿಎಲ್‌ನ ಮೊ​ದಲ ಪಂದ್ಯ 2008ರ ಏಪ್ರಿಲ್‌ 18ರಂದು ನಡೆದಿತ್ತು

ಮುಂಬೈ(ಏ.20): 2008ರಲ್ಲಿ ಪ್ರಾರಂಭ​ಗೊಂಡಿದ್ದ ಐಪಿ​ಎ​ಲ್‌ ಈ ಬಾರಿ 1000ನೇ ಪಂದ್ಯದ ಹೊಸ್ತಿ​ಲ​ಲ್ಲಿದ್ದು, ಈ ಪಂದ್ಯ​ವ​ನ್ನು ಭರ್ಜ​ರಿ​ಯಾಗಿ ಆಚ​ರಿ​ಸಲು ಬಿಸಿ​ಸಿಐ ಸಿದ್ಧತೆ ಆರಂಭಿ​ಸಿದೆ. ಏಪ್ರಿಲ್‌ 30ರ ಮುಂಬೈ ಇಂಡಿ​ಯನ್ಸ್‌ ಹಾಗೂ ರಾಜಸ್ಥಾನ ನಡುವಿನ ಪಂದ್ಯ ಐಪಿಎಲ್‌ನ 1000ನೇ ಪಂದ್ಯ. ಹೀಗಾಗಿ ಪಂದ್ಯ​ವನ್ನು ಸ್ಮರ​ಣೀ​ಯ​ವಾ​ಗಿ​ಸಲು ಮಂಡ​ಳಿಯು ಚಿಂತ​ನೆ ನಡೆ​ಸು​ತ್ತಿದ್ದು, ಮುಂಬೈನ ವಾಂಖೇಡೆ ಕ್ರೀಡಾಂಗ​ಣ​ದಲ್ಲಿ ಐಪಿ​ಎ​ಲ್‌ನ ಉದ್ಘಾ​ಟನಾ ಸಮಾ​ರಂಭದ ರೀತಿ ಕಾರ್ಯ​ಕ್ರಮ ಆಯೋ​ಜಿ​ಸುವ ಸಾಧ್ಯತೆ ಇದೆ. 

ಐಪಿ​ಎ​ಲ್‌ನ ಮೊತ್ತ​ಮೊ​ದಲ ಪಂದ್ಯ 2008ರ ಏಪ್ರಿಲ್‌ 18ರಂದು ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು-ಕೋಲ್ಕತಾ ನೈಟ್ ರೈಡರ್ಸ್‌ ನಡುವೆ ಬೆಂಗ​ಳೂ​ರಿ​ನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆ​ದಿತ್ತು.

ಆಸೀಸ್‌ ಸರಣಿ ವೇಳೆ ಸಿರಾ​ಜ್‌​ರ​ನ್ನು ಸಂಪ​ರ್ಕ ಮಾಡಿದ್ದ ಬುಕ್ಕಿ ಬಂಧನ!

ನವ​ದೆ​ಹ​ಲಿ: ಇತ್ತೀ​ಚೆಗೆ ಆಸ್ಪ್ರೇಲಿಯಾ ವಿರುದ್ಧದ ಸರಣಿಗೂ ಮುನ್ನ ಭಾರ​ತದ ವೇಗಿ ಮೊಹಮದ್‌ ಸಿರಾಜ್‌ರನ್ನು ಬುಕ್ಕಿ​ಯೋರ್ವ ಸಂಪ​ರ್ಕಿಸಿ, ತಂಡ​ದೊ​ಳ​ಗಿನ ಮಾಹಿತಿ ನೀಡಲು ಕೇಳಿ​ಕೊಂಡಿದ್ದ ಎಂಬುದು ತಡವಾಗಿ ಬಹಿ​ರಂಗ​ಗೊಂಡಿ​ದೆ. ಆದರೆ ಈ ಬಗ್ಗೆ ತಕ್ಷಣ ಸಿರಾಜ್‌ ಬಿಸಿ​ಸಿ​ಐನ ಭ್ರಷ್ಟಾ​ಚಾರ ನಿಗ್ರ​ಹ ಘಟ​ಕಕ್ಕೆ ಮಾಹಿತಿ ನೀಡಿದ್ದು, ವ್ಯಕ್ತಿ​ಯನ್ನು ಬಂಧಿ​ಸ​ಲಾ​ಗಿ​ದೆ. 

ಫೆಬ್ರ​ವ​ರಿ​ಯಲ್ಲಿ ಭಾರ​ತ​ದಲ್ಲೇ ನಡೆ​ದಿದ್ದ ಸರಣಿಗೂ ಮುನ್ನ ಸಿರಾ​ಜ್‌ಗೆ ಹೈದ​ರಾ​ಬಾದ್‌ನ ವ್ಯಕ್ತಿ​ಯೋರ್ವ ವಾಟ್ಸ್‌ಆ್ಯಪ್‌ ಮೂಲಕ ಸಂದೇಶ ಕಳು​ಹಿ​ಸಿದ್ದ. ಬೆಟ್ಟಿಂಗ್‌ನಿಂದ ಹಣ ಕಳೆದುಕೊಂಡು ಹತಾಶೆಗೊಂಡಿದ್ದ ವ್ಯಕ್ತಿಯು ಸಿರಾ​ಜ್‌​ರನ್ನು ಸಂಪ​ರ್ಕಿ​ಸಿ ತಂಡದ ಮಾಹಿತಿ ಕೇಳಿ​ದ್ದ. ಈ ಬಗ್ಗೆ ಸಿರಾಜ್‌ ಅಧಿ​ಕಾ​ರಿ​ಗ​ಳಿಗೆ ದೂರಿದ್ದು, ವಿಷಯ ತಿಳಿದ ಬಳಿಕ ಆಂಧ್ರಪ್ರದೇಶ ಪೊಲೀ​ಸರು ವ್ಯಕ್ತಿ​ಯನ್ನು ಹೈದ್ರಾ​ಬಾ​ದ್‌​ನಲ್ಲಿ ಬಂಧಿ​ಸಿ​ದ್ದಾರೆ ಎಂದು ಬಿಸಿ​ಸಿಐ ಮೂಲ​ಗಳು ತಿಳಿ​ಸಿವೆ.

ಡೆಲ್ಲಿ ತಂಡದ 16 ಬ್ಯಾಟ್‌, ಹಲವು ವಸ್ತು​ಗ​ಳ ಕಳವು!

ಬೆಂಗ​ಳೂ​ರು: ಆರ್‌​ಸಿಬಿ ವಿರುದ್ಧದ ಪಂದ್ಯದ ಬಳಿಕ ಡೆಲ್ಲಿಗೆ ವಾಪ​ಸಾ​ಗುವಾಗ ಡೆಲ್ಲಿ ಕ್ಯಾಪಿ​ಟಲ್ಸ್‌ ಆಟ​ಗಾ​ರರ ಬ್ಯಾಟ್‌ ಸೇರಿ ಇತರ ಪರಿ​ಕ​ರ​ಗಳು ಕಳ​ವಾ​ಗಿದ್ದು, ಪೊಲೀ​ಸರು ತನಿಖೆ ಆರಂಭಿ​ಸಿ​ದ್ದಾರೆ. ವರ​ದಿ​ಗಳ ಪ್ರಕಾರ ಡೇವಿಡ್‌ ವಾರ್ನರ್‌ಗೆ ಸೇರಿದ 3 ಬ್ಯಾಟ್‌, ಮಿಚೆಲ್‌ ಮಾಷ್‌ರ್‍ರ 2, ಫಿಲ್‌ ಸಾಲ್ಟ್‌ರ 3 ಹಾಗೂ ಯಶ್‌ ಧುಳ್‌ರ 5 ಬ್ಯಾಟ್‌ಗಳು ಕಳವಾಗಿವೆ. ಜೊತೆಗೆ ಹಲವು ಆಟಗಾರರ ಶೂ, ಪ್ಯಾಡ್‌, ಥೈ ಪ್ಯಾಡ್‌್ಸ, ಗ್ಲೌಸ್‌ಗಳು ಕೂಡಾ ನಾಪತ್ತೆಯಾ​ಗಿವೆ. ಆಟ​ಗಾ​ರರು ನವ​ದೆ​ಹಲಿ ತೆರ​ಳಿದ ಮೇಲೆ ಬ್ಯಾಗ್‌ಗಳು ಹೋಟೆಲ್‌ ತಲು​ಪಿದ್ದು, ಈ ವೇಳೆ ಪರಿ​ಶೀ​ಲಿ​ಸಿ​ದಾಗ ಲಕ್ಷಾಂತರ ರು. ಮೌಲ್ಯದ ವಸ್ತು​ಗಳು ಕಳ​ವಾ​ಗಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಪೊಲೀ​ಸ​ರಿಗೆ ಡೆಲ್ಲಿ ಫ್ರಾಂಚೈಸಿ ದೂರು ನೀಡಿದ್ದಾರೆ.

ಫಾಫ್‌ ಡು ಪ್ಲೆ​ಸಿ ಆತ್ಮ​ಚ​ರಿ​ತ್ರೆ ಮುಂದಿನ ತಿಂಗಳು ಬಿಡು​ಗ​ಡೆ

ನವ​ದೆ​ಹ​ಲಿ: ದ.ಆ​ಫ್ರಿಕಾ ಕ್ರಿಕೆ​ಟಿಗ, ಆರ್‌​ಸಿಬಿ ನಾಯಕ ಫಾಫ್‌ ಡು ಪ್ಲೆಸಿ ಅವರು ಆತ್ಮ​ಚ​ರಿತ್ರೆ ‘ಫಾಫ್‌ ಥ್ರೂ ಫೈರ್‌’ ಮುಂದಿನ ತಿಂಗಳು ಬಿಡು​ಗ​ಡೆ​ಗೊ​ಳ್ಳ​ಲಿದೆ. ಪುಸ್ತಕವನ್ನು ಭಾರ​ತ​ದಲ್ಲೇ ಬಿಡು​ಗಡೆ ಮಾಡು​ತ್ತೇನೆ ಎಂದು ಸ್ವತಃ ಫಾಫ್‌ ತಿಳಿ​ಸಿ​ದ್ದಾರೆ. 

ಪುಸ್ತ​ಕ​ದಲ್ಲಿ ಅವರ ಕ್ರಿಕೆಟ್‌ ಪಯಣ, ಕಷ್ಟದ ದಿನ​ಗಳು ಹಾಗೂ ಧೋನಿ, ಗ್ರೇಮ್‌ ಸ್ಮಿತ್‌, ಫ್ಲೆಮಿಂಗ್‌, ಎಬಿ ಡಿ ವಿಲಿ​ಯ​ರ್ಸ್‌ ಸೇರಿ​ದಂತೆ ಪ್ರಮು​ಖರ ಜೊತೆ​ಗಿನ ಒಡ​ನಾ​ಟ​ಗಳ ಬಗ್ಗೆ ಉಲ್ಲೇಖಿ​ಸಿ​ದ್ದಾರೆ. 38 ವರ್ಷದ ಫಾಪ್‌ ದಕ್ಷಿಣ ಆ​ಫ್ರಿ​ಕಾದ ಪರ 69 ಟೆಸ್ಟ್‌, 143 ಏಕ​ದಿನ, 50 ಟಿ20 ಪಂದ್ಯ​ಗ​ಳ​ನ್ನಾ​ಡಿ​ದ್ದಾರೆ. ಕಳೆದ ಆವೃ​ತ್ತಿ​ ಐಪಿ​ಎ​ಲ್‌​ನಲ್ಲಿ ಅವರು ಆರ್‌​ಸಿಬಿ ನಾಯ​ಕ​ನಾಗಿ ನೇಮ​ಕ​ಗೊಂಡಿ​ದ್ದರು.

ಮೇ 4ರ ಬದಲು 3ರಂದೇ ಲಖ​ನೌ-ಚೆನ್ನೈ ಪಂದ್ಯ!

ಲಖ​ನೌ: ನಗ​ರ​ಸಭೆ ಚುನಾ​ವಣೆ ಹಿನ್ನೆ​ಲೆ​ಯಲ್ಲಿ ಮೇ 4ರಂದು ಲಖ​ನೌ​ದಲ್ಲಿ ನಡೆ​ಯ​ಬೇ​ಕಿದ್ದ ಲಖ​ನೌ-ಚೆನ್ನೈ ನಡು​ವಿನ ಪಂದ್ಯ ಒಂದು ದಿನ ಮೊದಲೇ ನಡೆ​ಯುವ ಸಾಧ್ಯತೆ ಇದೆ ತಿಳಿ​ದು​ಬಂದಿದೆ. ಈ ಬಗ್ಗೆ ಇನ್ನೂ ಅಧಿ​ಕೃತ ಮಾಹಿತಿ ಲಭ್ಯ​ವಾ​ಗ​ದಿ​ದ್ದರೂ, ಒಂದು ದಿನ ಮೊದಲೇ ಪಂದ್ಯಕ್ಕೆ ಸಿದ್ಧ​ವಾ​ಗು​ವಂತೆ ಎರಡೂ ತಂಡ​ಗ​ಳಿಗೆ ಬಿಸಿ​ಸಿಐ ಸೂಚಿ​ಸಿದೆ ಎಂದು ಮಾಧ್ಯ​ಮ​ಗ​ಳಲ್ಲಿ ವರ​ದಿ​ಯಾ​ಗಿ​ದೆ. 

ಪಂದ್ಯ ಮೇ 4 ಗುರು​ವಾರ ಮಧ್ಯಾಹ್ನ 3.30ಕ್ಕೆ ನಿಗ​ದಿ​ಯಾ​ಗಿತ್ತು. ಆದರೆ ಅದೇ ದಿನ ಲಖನೌ ನಗ​ರ​ಸಭೆ ಚುನಾ​ವಣೆ ನಡೆ​ಯ​ಲಿದೆ. ಹೀಗಾಗಿ ಭದ್ರತೆ ಸಮಸ್ಯೆ ಉಂಟಾ​ಗ​ಲಿ​ರುವ ಕಾರಣ ಪಂದ್ಯ ಮೇ 3ರಂದು ಮಧ್ಯಾಹ್ನ 3.30ಕ್ಕೆ ನಡೆಯ​ಬ​ಹುದು ಎಂದು ತಿಳಿ​ದು​ಬಂದಿ​ದೆ.